Սիրիական բանակի զինծառայող

Սիրիայում ապացույցներ ունեն, որ Թուրքիան գրոհայիններ է ուղարկել Ադրբեջան

538
(Թարմացված է 19:25 28.09.2020)
Պարզվում է՝ թուրքական հատուկ ծառայություններն իրենց կանոնավոր զորքի տեսքով գրոհայիններ են Ադրբեջան տեղափոխել զորավարժությունների պատրվակով։

ԵՐԵՎԱՆ, 28 սեպտեմբերի Sputnik. Թուրքական հատուկ ծառայությունները դեռ օգոստոսից Սիրիայի հյուսիսում սկսել են գրոհայինների պատրաստել հետագայում նրանց Ադրբեջան տեղափոխելու համար։ ՌԻԱ Նովոստիի հետ զրույցում տեղեկությունը հայտնել է մարդու իրավունքների սիրիական ցանցի ղեկավար Ահման Կազեմը։

Ավելի վաղ ՀՀ ԱԳՆ-ն հայտնել էր՝ տեղեկություններ կան, որ Թուրքիան գրոհայիններ է տեղափոխել Ադրբեջան։

Սիրիացի իրավապաշտպանն իր հերթին նշում է, որ ինքն ու գործընկերները դեռ օգոստոսի 5-ին համապատասխան կառույցներին զինված խմբերի պատրաստման մասին  տեղեկություններ էին հայտնել։

«Թուրքական հատուկ ծառայությունները սկսել են թաքուն բեռնատար ինքնաթիռներով «Սուլթան Մուրադ» խմբավորման գրոհայիններ տեղափոխել՝ քողարկելով նրանց որպես թուրք զինվորականների, որոնք իբրև զորավարժությունների են մասնակցելու», - գործակալության  հետ զրույցում ասել է Կազեմը։

Սիրիացի իրավապաշտպանը ընդգծել է, որ իր կազմակերպությունը նորից կոչ է անում միջազգային հանրությանն ու ՄԱԿ-ի Անվտանգության խորհրդին ճնշում գործադրել նախագահ Թայիփ Էրդողանի վրա՝ Ադրբեջանի ու Լիբիայի պես երկրներ սիրիական գրոհայինների փոխանցումը դադարեցնելու համար, քանի որ նման գործողությունները սպառնում են միջազգային կայունությանը։

Կազեմի ղեկավարած կազմակերպությունը ՌԻԱ Նովոստիին փոխանցել է ձայնագրություններ, որոնցում ներկայացված են Սիրիայի տարածքում, այդ թվում՝ Հալեպի հյուսիսում գտնվող Աֆրիում, գրոհայինների պատրաստման ու հետագայում նրանց Ադրբեջան ուղարկելու մանրամասները։  Նրանց թվում կան նաև քրդական համայնքի երիտասարդ ներկայացուցիչներ, որոնք  հարկադրաբար են մասնակցել այդ ամենին։

«Մեր ձեռքում գտնվող քրդերեն հաղորդագրություններից մեկում հաստատվում է, որ երեք հարյուր գրոհային Մահրաբի բնակավայրից ու վաթսունը՝ Աֆրին քաղաքից տեղափոխվել են Էլ-Բաբ քաղաքում գտնվող զորանոց՝ Ադրբեջան տեղափոխվելու նպատակով», - ասել է տղամարդը, որը ներկայացել է որպես իրավապաշտպան կազմակերպության ներկայացուցիչ։

Մեկ այլ ձայնագրության մեջ, ենթադրաբար զինված բանդիտական ձևավորումներից մեկի ղեկավարը, դիմելով գրոհայիններին, խոսում է Ադրբեջանի ու Հայաստանի սահման տեղափոխման մանրամասների մասին։

Թուրքիան չպետք է կրակին բենզին լցնի Ղարաբաղում. Կարո Փայլան

«Իրավիճակը փոխվել է։ Ով մեկնի, գտնվելու է միայն ադրբեջանցի զինվորականների հետ, թուրքեր ձեզ հետ չեն լինելու, ու նրանք բոլորը (ադրբեջանցիենր-խմբ․)շիաներ են։ Ես դրան համաձայն չեմ, ու իրավիճակը շատ բարդ է, անընդհատ կրակոցներ են հնչում։ 40 հոգանոց խմբից հինգ ժամվա մեջ 30-ը սպանվել են, մնացածը վիրավորում ստացել։ Եթե որևէ մեկն ուզում է մեկնել, դա իր գործն է, մենք դեմ չենք, մնացողներին էլ դեմ չենք, գնացողներին էլ․․․ Գնալ շիաների կողմից կռիվ անելն անընդունելի է։ Նրանք մեզ ավելի շատ թշնամի են, քան հրեաները, մենք ամեն դեպքում նրանց հետ մի շարքում չենք կարող լինել», - նշված է ձայնագրության մեջ։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով, որը շարունակվում է նաև այսօր։

Վերջին տեղեկությունների համաձայն` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 43 տանկ և ՀՄՄ, 2 ինժեներական զրահատեխնիկա։

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 58 զինծառայող։ Հայկական կողմը շուրջ 200 վիրավոր ունի։

Հակառակորդի կորուստներն անհամեմատ մեծ են։ Մարտերը շարունակվում են։

Արցախում և Հայաստանում ռազմական դրություն և համատարած զորահավաք է հայտարարվել։

Հայ բարձրաստիճան զինվորականի մահվան մասին լուրերը սուտ են. Հովհաննիսյան

538
թեգերը:
Ադրբեջան, գրոհային, Թուրքիա, Սիրիա
թեմա:
Ադրբեջանական ագրեսիան Արցախում - 2020 (1365)
Ըստ թեմայի
Ռուսաստանը Թուրքիային զսպելու համարժեք գործիքակազմ ունի. թուրքագետ
Ադրբեջանի և Թուրքիայի գործողությունները պետք է միջազգային գնահատականի արժանանան. ՀՀ ԱԺ
Թուրքիան հայտարարել է Ադրբեջանին աջակցելու մասին
Թուրքիան աջակցում է Ադրբեջանին էլեկտրոնային դրոնների, F-16 կործանիչների միջոցով. Սարգսյան
Վասիլի Նեբենզյան

Քննարկվում են հրադադարի պահպանման վերահսկողության մեխանիզմները. ՄԱԿ-ում ՌԴ ներկայացուցիչ

153
(Թարմացված է 08:44 20.10.2020)
ՄԱԿ-ի Անվտանգության խորհուրդը բավականին միասնական դիրքորոշում է հայտնել հրադադարի ռեժիմի վերահսկողության վերաբերյալ։

ԵՐԵՎԱՆ, 20 հոկտեմբերի - Sputnik. ՄԱԿ-ի Անվտանգության խորհուրդը քննարկում է, թե որ կառույցն ու ինչպես կհետևի ղարաբաղյան հակամարտության գոտում հրադադարի ռեժիմի պահպանմանը։ ՌԻԱ Նովոստիի փոխանցմամբ՝ նման հայտարարություն է արել ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան՝ խոսելով Անվտանգության խորհրդի փակ խորհրդակցությունների մասին:

Ավելի վաղ ԵԱՀԿ Մինսկի խմբի համանախագահ երկրներ Ռուսաստանը, Ֆրանսիան և ԱՄՆ-ն խնդրել էին ՄԱԿ-ի ԱԽ-ի փակ խորհրդակցություններ անցկացնել Լեռնային Ղարաբաղում ստեղծված իրադրության շուրջ:

«Կրակի դադարեցման պայմանավորվածության հասնելու պահից այն չի պահպանվել։ Գլխավոր հարցն այն է, թե ինչպես ապահովել հրադադարի ռեժիմի պահպանման վերահսկողությունը», - ասել է Նեբենզյան լրագրողների հետ զրույցում։

Նրա խոսքով՝ երկուշաբթի տեղեկություններ են հաղորդվել այն մասին, որ ՌԴ Պաշտպանության նախարարությունը բանակցություններ է վարում Հայաստանի և Ադրբեջանի գործընկերների հետ հակամարտության գոտում վերահսկողության մեխանիզմների իրականացման թեմայով։

«Այդ հարցը, իհարկե, բարձրացվել է խորհրդակցության ընթացքում, և խորհուրդը բավականին միասնական դիրքորոշում ունի այս հարցում», - նշել է ՄԱԿ-ի ԱԽ-ում նախագահող Ռուսաստանի մշտական ներկայացուցիչը:

Պատասխանելով հարցին, թե որ կազմակերպությունը` ՄԱԿ-ը կամ ԵԱՀԿ-ն ավելի հարմար կլինեին Լեռնային Ղարաբաղում կրակի պահպանման վերահսկողության համար, Նեբենզյան հայտարարել է. «ՄԱԿ-ի համար կպահանջվի Անվտանգության խորհրդի մանդատը, դա հեշտ ու արագ գործ չէ։ ԵԱՀԿ-ն գլխավոր դերակատարն է կարգավորման հարցում»։

Նա հավելել է, որ դեռ քննարկվող հարց է՝ «ով կլինի այնտեղ և ինչպես կստուգի»։ Նեբենզյան ընդգծել է, որ մեկ այլ հարց է, թե այն ինչպես կիրագործվի գործնականում։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակում էր հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

153
թեգերը:
զինադադար, հրադադար, Արցախ, Ղարաբաղյան հակամարտություն, Լեռնային Ղարաբաղ, Միավորված ազգերի կազմակերպություն (ՄԱԿ)
թեմա:
Հրադադար Արցախում
Ըստ թեմայի
«Իսկական գազաններ են»․ վարձկանների չստացված «արձակուրդը» Ղարաբաղում 
Ֆրանսիայի Վիեն քաղաքը ճանաչեց Արցախի անկախությունը
Պատերազմի սարսափները. ինչպես են հոգեբաններն աշխատում վիրավոր զինծառայողների հետ
Ստեփանակերտ

Ֆրանսիայի Վիեն քաղաքը ճանաչեց Արցախի անկախությունը

97
(Թարմացված է 08:18 20.10.2020)
Քաղաքային խորհուրդը դիմել է նաև Ֆրանսիայի կառավարությանը՝ Արցախի Հանրապետությունը ճանաչելու միջնորդությամբ։

ԵՐԵՎԱՆ, 20 հոկտեմբերի - Sputnik. Ֆրանսիայի Վիեն քաղաքի համայնքային խորհուրդը միաձայն ընդունել է Արցախի Հանրապետության ճանաչման բանաձևը: Տեղեկությունը Facebook-ի իր էջում հայտնում է Վիենի հայազգի փոխքաղաքապետ Լևոն Սաքունցը։

«Սույն թվականի հոկտեմբերի 19-ին Վիեն քաղաքի համայնքային խորհուրդը միաձայն ընդունել է Արցախի Հանրապետության ճանաչման բանաձևը: 2014 թվականից ի վեր Հադրութ-Վիեն կապը հաստատելուց հետո համայնքային խորհուրդը ևս մեկ անգամ հայտնում է իր աջակցությունն այս հակամարտության պատճառով տուժած խաղաղ բնակչությանը և դիմում է Ֆրանսիայի կառավարությանը ճանաչել Արցախի Հանրապետությունը»,-  գրում է փոխքաղաքապետ Սաքունցը։

Եթե միակ լուծումը Լեռնային Ղարաբաղի ճանաչումն է, մենք չպետք է հապաղենք. Փարիզի քաղաքապետ

Նրա տեղեկացմամբ՝ խորհրդի որոշմամբ 5000 եվրո դրամական օգնություն կհատկացվի պատերազմի հետևանքով տարհանված բնակչության համար:

Նշենք, որ ֆրանսիական Վիենն ու հայկական Գորիսը քույր քաղաքներ են։ 2014 թվականի փետրվարին Բարեկամության հռչակագիր է ստորագրվել Վիենի և Արցախի Հադրութ քաղաքի միջև։

97
թեգերը:
անկախություն, Ֆրանսիա, Ղարաբաղյան հակամարտություն, Լեռնային Ղարաբաղ, Արցախ
Ըստ թեմայի
ՀՀ և Ֆրանսիայի արտգործնախարարները քննարկել են զինադադարի հարցը
Ֆրանկոֆոն քաղաքապետների միջազգային ասոցիացիան 50 000 եվրո օգնություն կփոխանցի Հայաստանին
Շառլ Ազնավուրի որդին Փարիզում մասնակցել է Արցախի աջակցությանն ուղղված ակցիային
Փարիզում հայերի բողոքի ակցիային մոտ 20 հազար մարդ է մասնակցում. տեսանյութ
Առաջնագիծ

Առանձին հատվածներում շարունակվել են հրետանային մենամարտերը. ինչպես է անցել գիշերը սահմանին

100
(Թարմացված է 09:34 20.10.2020)
ՊԲ ստորաբաժանումները շարունակում են վերահսկողության տակ պահել օպերատիվ իրադրությունը և իրենց գործողություններով թշնամական ուժերին պատճառում կենդանի ուժի և զինտեխնիկայի մեծաքանակ կորուստներ:

ԵՐԵՎԱՆ, 20 հոկտեմբերի – Sputnik. Գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Առանձին հատվածներում շարունակվել են հրետանային մենամարտերը: Տեղեկությունը հայտնում է Արցախի պաշտպանության բանակի մամուլի ծառայությունը։

Տեղեկացվում է, որ հատկապես ինտենսիվ մարտեր են ընթացել հարավային ուղղությամբ:

ՊԲ ստորաբաժանումները շարունակում են վերահսկողության տակ պահել օպերատիվ իրադրությունը և իրենց գործողություններով թշնամական ուժերին պատճառում կենդանի ուժի և զինտեխնիկայի մեծաքանակ կորուստներ:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

100
թեգերը:
առաջնագիծ, Սահման, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020 (1365)
Ըստ թեմայի
Ադրբեջանն արգելված զինատեսակներ է օգտագործում. ԱԳՆ-ում հանդիպում է կայացել դեսպանների հետ
Հույներն ու հայերը բողոքի ակցիա են իրականացրել Թուրքիա տանող միջպետական ճանապարհին
«Իսկական գազաններ են»․ վարձկանների չստացված «արձակուրդը» Ղարաբաղում