Արմեն Սարգսյան

Թուրքիան աջակցում է Ադրբեջանին էլեկտրոնային դրոնների, F-16 կործանիչների միջոցով. Սարգսյան

223
(Թարմացված է 17:16 28.09.2020)
ՀՀ Նախագահը հայտարարել է, որ աա Օսմանյան կայսրության ուրվականն է, որը 105 տարի առաջ ծրագրեց և իրականացրեց Հայոց ցեղասպանությունը: Ոչ մի դեպքում մենք չենք կարող թույլ տալ, որ այդ ցեղասպանությունը կրկնվի:

ԵՐԵՎԱՆ, 28 սեպտեմբերի – Sputnik. Հանրապետության նախագահ Արմեն Սարգսյանն այսօր ՆԱՏՕ-ի հետ գործընկերությամբ անցկացվող կիբերանվտանգության միջազգային խոշոր CYBERSEC2020 համաժողովի բացման խոսքում ասել է, որ մարդկային երկխոսությունն ամենակարևորն է։ Ինչպես տեղեկացնում են ՀՀ նախագահի մամուլի ծառայությունից, Հայաստանի նախագահն անդրադարձել է Ադրբեջանի հրահրած ռազմական վերջին գործողություններին։

«Հայաստանի նման երկիրն ամեն օր դիմակայում է կիբերսպառնալիքներին, որոնք գալիս են ոչ միայն մեր հարևան Ադրբեջանից, այլև Թուրքիայից, որը ՆԱՏՕ-ի անդամ է: Ցավոք սրտի, այս վիրտուալ սպառնալիքն ավելի և ավելի նյութական է դառնում: Երկխոսությունը կարևոր է: Երկխոսությունն է լուծումը, ոչ թե տեխնոլոգիաները: Յուրաքանչյուր տեխնոլոգիայի դեմ կհայտնվի մի նոր տեխնոլոգիա, և եթե փորձես ինքդ քեզ պաշտպանել միայն տեխնոլոգիաներ օգտագործելով, ապա շատ հավանական է՝ ձախողվես»,-ասել է նախագահ Սարգսյանը:

Նա հայտարարել է, որ ՆԱՏՕ-ի անդամ Թուրքիան լիակատար կերպով աջակցում է Ադրբեջանին իր էլեկտրոնային դրոնների՝ կիբերհարձակումների, ինչպես նաև անձնակազմի՝ խորհրդատուների, վարձկանների և անգամ F-16 կործանիչների միջոցով:

«Սա ողջ աշխարհում բնակվող ցանկացած հայի համար ինչ-որ առումով ուրվականի վերադարձ է: Եվ եթե այդ ուրվականը ի սկզբանե վիրտուալ էր, ապա այն այժմ դարձել է նյութական: Ինչու եմ ասում ուրվական. դա Օսմանյան կայսրության ուրվականն է, որը 105 տարի առաջ ծրագրեց և իրականացրեց Հայոց ցեղասպանությունը: Ոչ մի դեպքում մենք չենք կարող թույլ տալ, որ այդ ցեղասպանությունը կրկնվի»,–ասել է նա:

Զինծառայողներից մեկը չի զոհվել. ՊՆ–ն ներողություն է հայցում սխալի համար

Սարգսյանը ընդգծել է, որ Լեռնային Ղարաբաղի հակամարտության պարագայում լուծումը նույնպես երկխոսությունն է, երկխոսությունը կողմերի միջև: Գոյություն ունի հարթակ՝ ԵԱՀԿ Մինսկի խումբը, որն ունի երեք համանախագահ երկրներ՝ Ռուսաստանը, Ֆրանսիան և Միացյալ Նահանգները: «Մենք պետք է վերադառնանք երկխոսության: Թե՛ նյութական, թե՛ կիբերհակամարտությունների պարագայում կա լուծման միայն մեկ ճանապարհ՝ երկխոսություն»,–ասել է ՀՀ նախագահը:

Արձագանքելով նախագահ Սարգսյանի խոսքին՝ գագաթնաժողովի մոդերատորը մասնավորապես ասել է. «ՆԱՏՕ-ն խորապես մտահոգված է Լեռնային Ղարաբաղի հակամարտության գոտու շփման գծի ողջ երկայնքով լայնածավալ ռազմական գործողությունների մասին տեղեկություններով: Կողմերը պետք է անհապաղ դադարեցնեն ռազմական գործողությունները, որոնք արդեն հանգեցրել են զոհերի քաղաքացիական բնակչության շրջանում: Այս հակամարտությունը ռազմական լուծում չունի: Կողմերը պետք է վերսկսեն բանակցությունները՝ հասնելու խաղաղ կարգավորման: ՆԱՏՕ-ն աջակցում է ԵԱՀԿ Մինսկի խմբի ջանքերին»:

Նշենք, որ համաժողովի մասնակիցների թվում են նաև Էստոնիայի նախագահ Կերստի Կալյուլայդը, Եվրոպական հանձնաժողովի գործադիր փոխնախագահ Մարգրետ Վեստագերը, ՆԱՏՕ-ի գլխավոր քարտուղարի տեղակալ Միրչեա Ջոանան, Եվրոպական խորհրդարանի փոխնախագահ Դիտա Չարանզովան, տարբեր երկրների պաշտպանական գերատեսչությունների, գլոբալ ընկերությունների ղեկավարներ:

Ադրբեջանը ևս 10 տանկ է կորցրել. տեսանյութ

CYBERSEC-ը համարվում է կիբերանվտանգության խնդիրներին նվիրված եվրոպական ամենախոշոր համաժողովներից մեկը, որի նպատակն է քննարկել նոր տեխնոլոգիաների հետևանքով առաջացած մարտահրավերներն ու վտանգներն, ինչպես նաև թվային լուծումներն ու տեխնոլոգիաներն ի շահ հանրությունների օգտագործելու հնարավորությունները:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով, որը շարունակվում է նաև այսօր։

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 43 տանկ և ՀՄՄ, 2 ինժեներական զրահատեխնիկա։

Հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել, զոհվել են նաև 58 զինծառայող։ Հայկական կողմը շուրջ 200 վիրավոր ունի։

Հակառակորդի կորուստներն անհամեմատ մեծ են։ Մարտերը շարունակվում են։ Արցախում և Հայաստանում ռազմական դրություն և համատարած զորահավաք է հայտարարվել։

223
թեգերը:
Ադրբեջան, Թուրքիա, ԵԱՀԿ Մինսկի Խումբ, Արցախ, Ղարաբաղյան հակամարտություն, Լեռնային Ղարաբաղ, Հայաստան, Արմեն Սարգսյան
թեմա:
Ադրբեջանական ագրեսիան Արցախում - 2020 (1365)
Ըստ թեմայի
Հայաստանը ՄԻԵԴ-ին նոր փաստեր է ներկայացրել Ադրբեջանի գործողությունների վերաբերյալ
Մեկ քայլ ենք հեռու մեծ պատերազմից. Սամվել Կարապետյանն իր մտահոգությունն է հայտնել
Ադրբեջանի գործողությունների առնչությամբ Հայաստանի ՔԿ–ն քրգործ է հարուցել
Վասիլի Նեբենզյան

Քննարկվում են հրադադարի պահպանման վերահսկողության մեխանիզմները. ՄԱԿ-ում ՌԴ ներկայացուցիչ

237
(Թարմացված է 08:44 20.10.2020)
ՄԱԿ-ի Անվտանգության խորհուրդը բավականին միասնական դիրքորոշում է հայտնել հրադադարի ռեժիմի վերահսկողության վերաբերյալ։

ԵՐԵՎԱՆ, 20 հոկտեմբերի - Sputnik. ՄԱԿ-ի Անվտանգության խորհուրդը քննարկում է, թե որ կառույցն ու ինչպես կհետևի ղարաբաղյան հակամարտության գոտում հրադադարի ռեժիմի պահպանմանը։ ՌԻԱ Նովոստիի փոխանցմամբ՝ նման հայտարարություն է արել ՄԱԿ-ում Ռուսաստանի Դաշնության մշտական ներկայացուցիչ Վասիլի Նեբենզյան՝ խոսելով Անվտանգության խորհրդի փակ խորհրդակցությունների մասին:

Ավելի վաղ ԵԱՀԿ Մինսկի խմբի համանախագահ երկրներ Ռուսաստանը, Ֆրանսիան և ԱՄՆ-ն խնդրել էին ՄԱԿ-ի ԱԽ-ի փակ խորհրդակցություններ անցկացնել Լեռնային Ղարաբաղում ստեղծված իրադրության շուրջ:

«Կրակի դադարեցման պայմանավորվածության հասնելու պահից այն չի պահպանվել։ Գլխավոր հարցն այն է, թե ինչպես ապահովել հրադադարի ռեժիմի պահպանման վերահսկողությունը», - ասել է Նեբենզյան լրագրողների հետ զրույցում։

Նրա խոսքով՝ երկուշաբթի տեղեկություններ են հաղորդվել այն մասին, որ ՌԴ Պաշտպանության նախարարությունը բանակցություններ է վարում Հայաստանի և Ադրբեջանի գործընկերների հետ հակամարտության գոտում վերահսկողության մեխանիզմների իրականացման թեմայով։

«Այդ հարցը, իհարկե, բարձրացվել է խորհրդակցության ընթացքում, և խորհուրդը բավականին միասնական դիրքորոշում ունի այս հարցում», - նշել է ՄԱԿ-ի ԱԽ-ում նախագահող Ռուսաստանի մշտական ներկայացուցիչը:

Պատասխանելով հարցին, թե որ կազմակերպությունը` ՄԱԿ-ը կամ ԵԱՀԿ-ն ավելի հարմար կլինեին Լեռնային Ղարաբաղում կրակի պահպանման վերահսկողության համար, Նեբենզյան հայտարարել է. «ՄԱԿ-ի համար կպահանջվի Անվտանգության խորհրդի մանդատը, դա հեշտ ու արագ գործ չէ։ ԵԱՀԿ-ն գլխավոր դերակատարն է կարգավորման հարցում»։

Նա հավելել է, որ դեռ քննարկվող հարց է՝ «ով կլինի այնտեղ և ինչպես կստուգի»։ Նեբենզյան ընդգծել է, որ մեկ այլ հարց է, թե այն ինչպես կիրագործվի գործնականում։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակում էր հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

237
թեգերը:
զինադադար, հրադադար, Արցախ, Ղարաբաղյան հակամարտություն, Լեռնային Ղարաբաղ, Միավորված ազգերի կազմակերպություն (ՄԱԿ)
թեմա:
Հրադադար Արցախում
Ըստ թեմայի
«Իսկական գազաններ են»․ վարձկանների չստացված «արձակուրդը» Ղարաբաղում 
Ֆրանսիայի Վիեն քաղաքը ճանաչեց Արցախի անկախությունը
Պատերազմի սարսափները. ինչպես են հոգեբաններն աշխատում վիրավոր զինծառայողների հետ
Ստեփանակերտ

Ֆրանսիայի Վիեն քաղաքը ճանաչեց Արցախի անկախությունը

110
(Թարմացված է 08:18 20.10.2020)
Քաղաքային խորհուրդը դիմել է նաև Ֆրանսիայի կառավարությանը՝ Արցախի Հանրապետությունը ճանաչելու միջնորդությամբ։

ԵՐԵՎԱՆ, 20 հոկտեմբերի - Sputnik. Ֆրանսիայի Վիեն քաղաքի համայնքային խորհուրդը միաձայն ընդունել է Արցախի Հանրապետության ճանաչման բանաձևը: Տեղեկությունը Facebook-ի իր էջում հայտնում է Վիենի հայազգի փոխքաղաքապետ Լևոն Սաքունցը։

«Սույն թվականի հոկտեմբերի 19-ին Վիեն քաղաքի համայնքային խորհուրդը միաձայն ընդունել է Արցախի Հանրապետության ճանաչման բանաձևը: 2014 թվականից ի վեր Հադրութ-Վիեն կապը հաստատելուց հետո համայնքային խորհուրդը ևս մեկ անգամ հայտնում է իր աջակցությունն այս հակամարտության պատճառով տուժած խաղաղ բնակչությանը և դիմում է Ֆրանսիայի կառավարությանը ճանաչել Արցախի Հանրապետությունը»,-  գրում է փոխքաղաքապետ Սաքունցը։

Եթե միակ լուծումը Լեռնային Ղարաբաղի ճանաչումն է, մենք չպետք է հապաղենք. Փարիզի քաղաքապետ

Նրա տեղեկացմամբ՝ խորհրդի որոշմամբ 5000 եվրո դրամական օգնություն կհատկացվի պատերազմի հետևանքով տարհանված բնակչության համար:

Նշենք, որ ֆրանսիական Վիենն ու հայկական Գորիսը քույր քաղաքներ են։ 2014 թվականի փետրվարին Բարեկամության հռչակագիր է ստորագրվել Վիենի և Արցախի Հադրութ քաղաքի միջև։

110
թեգերը:
անկախություն, Ֆրանսիա, Ղարաբաղյան հակամարտություն, Լեռնային Ղարաբաղ, Արցախ
Ըստ թեմայի
ՀՀ և Ֆրանսիայի արտգործնախարարները քննարկել են զինադադարի հարցը
Ֆրանկոֆոն քաղաքապետների միջազգային ասոցիացիան 50 000 եվրո օգնություն կփոխանցի Հայաստանին
Շառլ Ազնավուրի որդին Փարիզում մասնակցել է Արցախի աջակցությանն ուղղված ակցիային
Փարիզում հայերի բողոքի ակցիային մոտ 20 հազար մարդ է մասնակցում. տեսանյութ
Առաջնագիծ. արխիվային լուսանկար

Առանձին հատվածներում շարունակվել են հրետանային մենամարտերը. ինչպես է անցել գիշերը սահմանին

294
(Թարմացված է 09:38 20.10.2020)
ՊԲ ստորաբաժանումները շարունակում են վերահսկողության տակ պահել օպերատիվ իրադրությունը և իրենց գործողություններով թշնամական ուժերին պատճառում կենդանի ուժի և զինտեխնիկայի մեծաքանակ կորուստներ:

ԵՐԵՎԱՆ, 20 հոկտեմբերի – Sputnik. Գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Առանձին հատվածներում շարունակվել են հրետանային մենամարտերը: Տեղեկությունը հայտնում է Արցախի պաշտպանության բանակի մամուլի ծառայությունը։

Տեղեկացվում է, որ հատկապես ինտենսիվ մարտեր են ընթացել հարավային ուղղությամբ:

ՊԲ ստորաբաժանումները շարունակում են վերահսկողության տակ պահել օպերատիվ իրադրությունը և իրենց գործողություններով թշնամական ուժերին պատճառում կենդանի ուժի և զինտեխնիկայի մեծաքանակ կորուստներ:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 729 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6259 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 195 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 566 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները

294
թեգերը:
առաջնագիծ, Սահման, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020 (1365)
Ըստ թեմայի
Ադրբեջանն արգելված զինատեսակներ է օգտագործում. ԱԳՆ-ում հանդիպում է կայացել դեսպանների հետ
Հույներն ու հայերը բողոքի ակցիա են իրականացրել Թուրքիա տանող միջպետական ճանապարհին
«Իսկական գազաններ են»․ վարձկանների չստացված «արձակուրդը» Ղարաբաղում