Պատվաստում

Հիվանդություն, որը իմունիտետ է ձևավորում կորոնավիրուսի նկատմամբ. նոր բացահայտում

131
(Թարմացված է 16:31 22.09.2020)
Ամերիկացի գիտնականը Բրազիլիայում հետազոտություն է անցկացրել ու մարդկանց կորոնավիրուսից պաշտպանելու թեմայով հետաքրքիր բացահայտում արել:

ԵՐԵՎԱՆ, 22 սեպտեմբերի — Sputnik. Դենգե տենդով հիվանդացած մարդկանց մոտ կարող է իմունիտետ ձևավորվել COVID-19-ի դեմ: Ինչպես հաղորդում է Reuters-ը, այս մասին ասված է Դյուկ ամերիկյան համալսարանի պրոֆեսոր Միգել Նիկոլելիսի դեռևս չհրապարակված հետազոտության մեջ։

Գիտնականը հետազոտություն է անցկացրել Բրազիլիայում և պարզել, որ այն տարածաշրջաններում, որտեղ վերջին տարիներին գրանցվել են դենգե տենդի բռնկումներ, կորոնավիրուսը շատ ավելի դանդաղ է տարածվում:

Նիկոլելիսը նշում է, որ եթե իր ենթադրությունը հաստատվի, ապա մարդիկ կկարողանան պաշտպանվել կորոնավիրուսից` պատվաստվելով դենգե տենդի դեմ:

Գիտնականի խոսքով՝ արդյունքները հատկապես հետաքրքիր են, քանի որ նախորդ հետազոտությունները ցույց են տվել, որ դենգե տենդի հակամարմիններ ունեցող մարդկանց մոտ COVID-19-ի հակամարմինների հետազոտությունը դրական արդյունք է տալիս, նույնիսկ, եթե նրանք երբեք չեն վարակվել այդ վիրուսով:

«Սա նշանակում է, որ իմունոլոգիական փոխազդեցություն կա երկու վիրուսների միջև։ Դժվար էր նման բան ակնկալել, քանի որ այդ երկու վիրուսները պատկանում են բոլորովին տարբեր խմբերի», - ասել է Նիկոլելիսը: Նա հավելել է, որ դեռևս հետազոտություններ են անհրաժեշտ, որպեսզի այդ կապը ապացուցվի։

Գիտնականները պարզել են շաքարային դիաբետի զարգացման հիմնական պատճառը

Համաշխարհային վիճակագրության Worldometer-ի տվյալների համաձայն՝ սեպտեմբերի 22-ի դրությամբ աշխարհում COVID-19 վարակի հաստատված դեպքերի թիվը գերազանցել է 31,4 մլն-ը: համաճարակի զոհ է դարձել արդեն ավելի քան 969 հազար մարդ:

Ինչպես ժամանակին ախտորոշել թոքերի քաղցկեղը. բժիշկները «ոչ ստանդարտ» ախտանշան են գտել

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր պետություններին կոչ է արել միանալ վարակի դեմ ակտիվ պայքարին։

131
թեգերը:
պատվաստումներ, գիտնական, աշխարհ, կորոնավիրուս
թեմա:
Կորոնավիրուսը աշխարհում (916)
Ըստ թեմայի
Դարձյալ COVID-ն է մեղավոր. երբ պատվաստանյութը հայտնվի, հիվանդությունների բռնկում կսկսվի
Ինչքան ժամանակ է Covid-19-ի դեմ պատվաստանյութը պաշտպանում մարդուն
Նուբար Աֆեյանի ընկերությունը Covid 19-ի դեմ պատվաստանյութի 20 միլիոն դեղաչափ կարտադրի
Դմիտրի Մեդվեդև. արխիվային լուսանկար

«Կա ռիսկ, որ սևը մատուցվելու է որպես սպիտակ...». Մեդվեդևը` ՄԱԿ-ի դերակատարության մասին

80
(Թարմացված է 20:23 24.10.2020)
Դմիտրի Մեդվեդևը նշել է, որ աշխարհի շատ կետերում շարունակում են մխալ զինված հակամարտությունների օջախներ, որոնց պատճառով ամեն օր մարդիկ են մահանում։ ՄԱԿ-ի Անվտանգության խորհրդի դերակատարությունն այդ համատեքստում շատ կարևոր է։

ԵՐԵՎԱՆ, 24 հոկտեմբերի — Sputnik. Հասարակության շրջանում պառակտում մտցնելն ու գործող իշխանությանը գահընկեց անելու համար ընդդիմությանն աջակցելը` ձևականորեն հղում անելով «ժողովրդավարական արժեքներին», այլ երկրների գործերին ապօրինի միջամտության տիպիկ սցենար է, որը շարունակում է կրկնվել։ Այս մասին նշված է ՌԴ Անվտանգության խորհրդի նախագահի տեղակալ Դմիտրի Մեդվեդևի «ՄԱԿ-ի 75-ամյանը․ հին խնդիրները, նոր մարտահրավերներն ու գլոբալ լուծումները» խորագրով հոդվածում, որը հրապարակվել է RT հեռուստաալիքի կայքում։

Մեդվեդևը նշել է նաև, որ 2003 թվականին ԱՄՆ գլխավորությամբ միջազգային կոալիցիան, որում ներառված էին ՆԱՏՕ-ի մի շարք երկրներ, Իրաք է ներխուժել։ Միջազգային ահաբեկչության դեմ պայքարի ու զանգվածային ոչնչացման զենքի որոնման պատրվակով գահընկեց է արվել ու ապօրինի մահապատժի ենթարկվել երկրի նախագահ Սադամ Հուսեյնը, վերացվել է «ինքնավար պետությունն» ու «իրական ժողովրդավարական» պետություն է ստեղծվել։ Մեդվեդևը նշել է, որ բոլորին հայտնի է՝ ինչ դուրս եկավ դրանից։

Նա մեկ ուրիշ օրինակ էլ է բերել․ 2012 թվականին «ԱՄՆ-ն, համագործակցելով ՆԱՏՕ-ի անդամ այլ երկրների հետ, գաղտնի ռազմական աջակցություն է ցուցաբերել Սիրիայի ապստամբներին»։

«Դա հանգեցրեց միայն մեծ արյունահեղության ու երկրում ներքին ճգնաժամի», - փաստել է ՌԴ Անվտանգության խորհրդի փոխնախագահը։

ՄԱԿ–ի Անվտանգության խորհուրդն Արցախի թեմայով փակ խորհրդակցություն կանցկացնի

Մեդվեդևն ասել է նաև, որ հետխորհրդային տարածքում կան «չկայացած պետություններ», որոնք ունակ չեն կայուն քաղաքական համակարգ կառուցել ու ապահովել իրենք քաղաքացիների վստահությունը վաղվա օրվա հանդեպ։ Նրա խոսքով՝ «Վեյմարի հանրապետության՝ Երրորդ ռեյխի վերածվելու դրամատիկ վերածննդի օրինակը հստակորեն ցուց տվեց, որ լայն ժողովրդավարական ազատության տրամադրումը, որը ապահովված չէ տնտեսական աճով, քաղաքացիների մասին հոգատարությամբ ու ծայրահեղական դրսևորումներին իսկապես հակազդելու` պետության ունակությամբ, անխուսափելիորեն տանում է քաղաքական օրակարգի մեկուսացման, հանցագործությունների աճի, ժողովրդավարական ինստիտուտների խոցելիության, որի հետևանքը լինում է պետության կազմաքանդումը կամ անցումը դիկտատուրայի»։

«Ցավոք, նախորդ դարի ընթացքում (1917 ու 1991 թվականներին) Ռուսաստանը նույնպես երկու անգամ եղել է փլուզվելու ու անարխիայի եզրին։ Երկու անգամ էլ պետության փլուզումն ուղեկցվել է համընդհանուր ազատության ու ժողովրդավարության մասին կարգախոսներով։ Այսօր էլ տեսնում ենք «չկայացած պետությունների» (failed states) օրինակներ (այդ թվում նաև հետխորհրդային տարածքում), որոնք ունակ չեն կայուն քաղաքական համակարգ կառուցել, իրենք քաղաքացիների մոտ վաղվա օրվա հանդեպ վստահություն ապահովել»,-նշել է նա։

Մեդվեդևի խոսքով՝ այդ ֆոնին ՄԱԿ-ը տապալելու ու դրա փոխարեն «ժողովրդավարական ազգերի միություն» ստեղծելու փորձերը զգուշավորություն են առաջացնում, նման գաղափարները կարող են տանել դեպի միջազգային լարվածության և ուղիղ հակամարտությունների։

Նա ընդգծել է, որ ՄԱԿ-ը ստեղծվել է մարդու իրավունքների հայեցակարգի զարգացման ու տարբեր ոլորտներում պետությունների համագործակցությանը մարդասիրական ուղղվածություն հաղորդելու ֆոնին։ Այսօր մարդու իրավունքով ուղեկցվում են գրեթե բոլոր թեմաները, որոնք գտնվում են ՄԱԿ-ի կառույցների ուշադրության կենտրոնում` սկսած բնապահպանությունից ու անձնական տվյալների պաշտպանությունից մինչև կիբեռանվտանգությունն ու կենսատեխնոլոգիաները։

Մեդվեդևը նշել է նաև, որ ոչ մի միջազգային այլ կառույց, հատկապես ռազմական դաշինքներ, չեն կարող խախտել համաշխարհային հանրության կամքն արտահայտելու հարցում ՄԱԿ-ի կանոնակարգային մարմինների մենաշնորհը։

«Գլոբալ անվտանգության համար պատասխանատվության բեռ դնելը, տարբեր կազմակերպությունների ու տերությունների փորձերը՝ ուղղված պետություններն ու կառավարությունները պիտակավորելուն ու աշխարհի ճակատագրերը վճռելուն, մեզ անխուսափելիորեն մի քանի տասնյակ տարի հետ կշպրտեն», - վստահ է Մեդվեդևը։

«Ինչպե՞ս սա հասկանանք». Արտակ Բեգլարյանը քննադատել է ՄԱԿ–ին

Նա ընդգծել է, որ միայն ՄԱԿ-ի Անվտանգության խորհրդի համաձայնեցված կարծիքն է թույլ տալիս հասկանալ՝ զինված բախումներում ով է ագրեսոր, իսկ ով՝ ագրեսիայի զոհ։ Նա նշել է նաև, որ աշխարհի շատ կետերում շարունակում են զինված հակամարտության օջախներ լինել, որոնց արդյունքում ամեն օր մարդիկ են մահանում։

«Որպես կանոն` ՄԱԿ-ի Անվտանգության խորհրդի կողմից միայն այս կամ այն իրավիճակի մասին համաձայնեցված իրավական գնահատականն է թույլ տալիս հասկանալ՝ ով է իրավացի և ով` մեղավոր, ով է ագրեսոր, իսկ ով՝ ագրեսիայի զոհ։ Հակառակ դեպքում տեղեկատվական նետումների, փաստերը կեղծելու, «հիբրիդային» պատերազմի պայմաններում կա ռիսկ, որ սևը մատուցվելու է որպես սպիտակ, անօրինականը դառնալու է օրինական, ճշմարտությունը կթաքցնեն գեղեցիկ հեռուստատեսային պատկերի կամ սոցիալական ցանցերի հրապարակումների հետևում», - նշված է հոդվածում։

Հիշեցնենք՝ ՄԱԿ-ը նշում է իր 75-ամյակը ամբողջ աշխարհի համար հսկայական ցնցումների պայմաններում, որոնք սրվում են առողջապահության ոլորտում աննախադեպ գլոբալ ճգնաժամով, որը սպառնում է լուրջ տնտեսական ու սոցիալական հետևանքներ ունենալ։

ՄԱԿ–ն արցախյան հակամարտության ֆոնին առաջարկել է թռիչքների անվտանգության միջոցներ ձեռնարկել

80
թեգերը:
Ռուսաստան, Դմիտրի Մեդվեդև, Միավորված ազգերի կազմակերպություն (ՄԱԿ)
Ըստ թեմայի
Երևանն ու Բաքուն պետք է զերծ մնան չկշռադատված գործողություններից. Մեդվեդև
Ղարաբաղյան հակամարտությունը ռազմական լուծում չունի. Դմիտրի Մեդվեդև
ՌԴ ԱԽ–ում խոսվել է գրոհայիններին Ղարաբաղ տեղափոխելու վտանգների մասին․ Պեսկով
Վլադիմիր Զելենսկի

Վլադիմիր Զելենսկին վախեցել է ուժեղ ձայնից, վեր թռել և փակել ականջները. տեսանյութ

264
(Թարմացված է 18:01 24.10.2020)
Զելենսկին կատակել է, որ ոչ մի սարսափելի բան տեղի չի ունեցել, քանի որ ներկաները մարզիկներ են և առողջ սիրտ ունեն:

ԵՐԵՎԱՆ, 24 հոկտեմբերի - Sputnik. Ուկրաինայի նախագահ Վլադիմիր Զելենսկին «Mariupol Ice Center» սառցադաշտի բացման ժամանակ վախեցել է ուժեղ ձայնից, վեր թռել և փակել ականջները։ Միջադեպի տեսանյութը հրապարակել է Страна.ua–ի Telegram ալիքը։

Միջադեպի պահին Ուկրաինայի նախագահը մամուլի կենտրոնում հանդիպում էր անցկացնում մարզիչների, մարզիկների և պաշտոնյաների հետ։

Զելենսկին առանց խոսափողի է մնացել Մյունխենի համաժողովում ու կատակել ականջների թեմայով

«Ամեն ինչ կարգին է, ամեն ինչ կարգին է»,– ասել է Զելենսկին այն բանից հետո, երբ նրա մոտ է շտապել անվտանգության աշխատակիցը։

Զելենսկին կատակել է, որ ոչ մի սարսափելի բան տեղի չի ունեցել, քանի որ բոլոր ներկաները մարզիկներ են և առողջ սիրտ ունեն:

Ուկրաինայի նախագահին հայտնել են, որ աղմուկի պատճառ են դարձել տեխնիկական խափանումները։ Նա առաջարկել է հանդիպումը շարունակել առանց աղմուկի։

Զելենսկին երդվել է չսափրվել մինչև ձերբակալված նավերն Ուկրաինա չվերադառնան

264
թեգերը:
զվարճալի տեսանյութ, Վլադիմիր Զելենսկի
Ըստ թեմայի
Ուկրաինան ուզում է ստեղծել սեփական առասպելը. ինչ է ակնարկել Զելենսկին Լեհաստանում
Զելենսկին Սաակաշվիլուն փոխվարչապետի պաշտոն է առաջարկել
«Բոլորդ դիտեք «Երկրաբնակները» ֆիլմը». Զելենսկին կատարել է Լուցկի հանցագործի պահանջը
Օգտատերը կեղծ տեղեկություն է կարդում

Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ը ապացույցներ ունի

227
(Թարմացված է 21:03 24.10.2020)
Հայաստանի մարդու իրավունքների պաշտպանի ձեռք բերած ապացույցները վկայում են, որ սոցիալական ցանցերի այդ էջերը կամ օգտահաշվիներն ակտիվացվում են ադրբեջանական IP (Internet Protocol) տիրույթից:

ԵՐԵՎԱՆ, 24 հոկտեմբերի - Sputnik. Հայաստանի մարդու իրավունքների պաշտպանը ձեռք է բերել և հրապարակել օբյեկտիվ բնույթի ապացույցներ այն մասին, որ ադրբեջանցիներն ապօրինաբար տիրանում են սոցիալական ցանցերի հայկական օգտահաշիվների գաղտնաբառերին ու սկսում են կառավարել այդ էջերը: ՀՀ ՄԻՊ Արման Թաթոյանը գրառում է արել Facebook-ի իր էջում։

«Այս պահին հրապարակում եմ ընդամենը մի քանի ապացույց: Այս պահի մեր ուսումնասիրությունները ցույց են տալիս, որ խոսքը գերեվարված կամ այլ կերպ Ադրբեջանում հայտնված մեր հայրենակիցների մասին է:Այս և մյուս բոլոր նյութերը փաստագրված են Հայաստանի մարդու իրավունքների պաշտպանը կողմից՝ միջազգային մարմիններին ըստ իրավասության ուղարկելու նպատակով»,–գրել է Թաթոյանը:

Նրա խոսքով`ապացույցները վկայում են, որ սոցիալական ցանցերի այդ էջերը կամ օգտահաշվիներն ակտիվացվում են ադրբեջանական IP (Internet Protocol) տիրույթից:

Նշենք, որ հայկական օգտատերերի նշված էջերից տարածվում է ատելություն: Տարածվում են նաև Հայաստանում և Արցախում հասարակական ու քաղաքական ներքին թշնամանք հրահրող, հասարակությունում լարվածություն, խուճապ ու տագնապ առաջացնող նյութեր:

Ադրբեջանն ունի բազմաթիվ զոհեր ու չի ցանկանում, որ այդ զոհերը հասնեն իրենց ընտանիքներին

Հայաստանի մարդու իրավունքների պաշտպանի ուսումնասիրությունը վեր է հանել դեպքեր, երբ այդ նյութերն արժանանում են հայկական օգտահաշիվների արձագանքի՝ ակնհայտորեն չիմանալով, որ էջը կառավարվում է Ադրբեջանից:

Թաթոյանը հորդորում է բացառիկ զգուշություն ցուցաբերել սոցիալական ցանցերով տարածվող նյութերից օգտվելիս կամ դրանք տարածելիս:

Ադրբեջանցի ռազմագերու վիրահատությունը բարեհաջող է անցել. Շուշան Ստեփանյան

227
թեգերը:
Արման Թաթոյան, գերի, Հայաստան
Ըստ թեմայի
Ռազմագերիներին ստիպողաբար խոսեցնելը թշնամու անզորության հստակ ցուցիչն է. Հովհաննիսյան
Արտակ Բեգլարյանը մի քանի խնդրանքով դիմել է հայրենակիցներին
Ադրբեջանցի ռազմագերին պատմում է` ինչպես են իրեն վիրավոր թողել ռազմի դաշտում ու փախել