Նմա՞ն է Լեյլա Ալիևային․ Ագալարովը նշանվել է Ադրբեջանի պաշտպանության փոխնախարարի դստեր հետ
(Թարմացված է 22:50 22.09.2020)
Թեև երգիչը չի խոսում նոր հարաբերությունների մասին, բայց համացանցում որոշ տեղեկություններ են հայտնվել։ Խոսուն է նաև Իլհամ Ալիևի նախկին փեսայի նոր երգը։ԵՐԵՎԱՆ, 22 սեպտեմբերի — Sputnik. Ադրբեջանում ծնված և Ռուսաստանում բնակվող երգիչ Էմին Ագալարովը նորից նշանվել է։ Նրա ընտրյալը Ադրբեջանի պաշտպանության նախարարի տեղակալ Նաջմեդին Սադիկովի դուստրն է՝ Ֆատիման։ Տեղեկությունը հայտնում է ռուսական «Սպլետնիկը»։
Նշվում է, որ նշանադրության արարողությունը կայացել է Մոսկվայում, և շքեղ տոնախմբություն է կազմակերպվել։ Թեև Էմինը չի մեկնաբանում այս լուրը, բայց նրա «Ֆատիմա» երգի պրեմիերան ստիպում է մտածել, որ նա ստեղծագործությունը հենց սիրեցյալին է նվիրել նշանադրության նախաշեմին։ Ի դեպ, Instagram-յան ուղիղ եթերում նա չէր թաքցրել, որ ուզում է երրորդ անգամ ամուսնանալ։
Посмотреть эту публикацию в Instagram
Երգչի ընտրյալի մասին քիչ բան է հայտնի. Instagram-յան էջը փակ է, նրա մասին տեղեկություններ ու լուսանկարներ գրեթե չկան։
©
Photo : ПЕРВЫЙ КАНАЛ
«Ստեպանենկոյին կյանքիցս դուրս չեմ նետել»․ Պետրոսյանը խոսել է ամուսնալուծության մասին
Սակայն երկրպագուները գտել են Ֆատիմայի լուսանկարն ու կարծում են, որ նա շատ նման է 40-ամյա Էմինի առաջին կնոջը՝ Լեյլա Ալիևային` Ադրբեջանի նախագահ Իլհամ Ալիևի դստերը։ Ի դեպ, նրանք երկվորյակ որդիներ ունեն, որոնցից մեկի անունը Ալի է, մյուսինը` Միխայիլ։ Երգիչը երկրորդ անգամ ամուսնացել է մոդել Ալյոնա Գավրիլովայի հետ։ Մեկ դուստր էլ նա այդ ամուսնությունից ունի, անունը` Աֆինա։
Ագալարովն ու Գավրիլովան ամուսնացել էին 2018 թվականին ու ամուսնալուծվել 2020–ի ապրիլին։ Հարսանեկան արարողությունը կայացել էր Մոսկվայում։
Լոլիտան պատմել է` ինչպես է նիհարել. նա երբեք չի վազում և միս ու տորթ է ուտում
Փաշինյանն ուղերձ է հղել Ռուսաստանի վարչապետին
(Թարմացված է 13:19 03.03.2021)
ՀՀ վարչապետն իր շնորհավորական ուղերձում անդրադարձել է նաև Հայաստանի և Ռուսաստանի հարաբերություններին։ԵՐԵՎԱՆ, 3 մարտի – Sputnik. ՀՀ վարչապետ Նիկոլ Փաշինյանը Ռուսաստանի Դաշնության կառավարության նախագահ Միխայիլ Միշուստինին շնորհավորական ուղերձ է հղել ծննդյան օրվա առթիվ: Տեղեկությունը հայտնում է վարչապետի մամուլի ծառայությունը։
©
Sputnik / Наталья Селиверстова
«Հարգելի Միխայիլ Վլադիմիրի, ընդունեք սրտանց շնորհավորանքներս Ձեր ծննդյան օրվա առիթով, մաղթում եմ հաջողություններ Ռուսաստանի Դաշնության կառավարության ղեկավարի պաշտոնում: Այսօր կցանկանայի առանձնահատուկ ընդգծել Ձեր անձնական ներդրումը հայ-ռուսական դաշնակցային հարաբերությունների զարգացման գործում, որոնց ամրապնդումը լիովին համապատասխանում է մեր երկրների եղբայրական ժողովուրդների հիմնարար շահերին: Վստահ եմ, որ ամուր բարեկամությունը, փոխըմբռնումը և վստահությունը հետայսու ևս կնպաստեն Հայաստանի և Ռուսաստանի միջպետական հարաբերությունների ողջ համալիրի հարստացմանը՝ նոր փոխշահավետ ծրագրերով»,– գրել է Փաշինյանը։
ՀՀ վարչապետը Միշուստինին մաղթել է քաջառողջություն, հաջողություն և բարեկեցություն:
Նշենք, որ այսօր լրանում է ՌԴ վարչապետի 55-ամյակը։
Հայ երիտասարդի սպանության հետքերով. Արա Աբրահամյանը Բելորեչենսկ է ուղարկել իր տեղակալին
(Թարմացված է 10:37 03.03.2021)
Ռուսաստանի հայերի միությունն ամեն ինչ անում է հայ երիտասարդի ողբերգական մահից հետո սադրանքներից խուսափելու համար:ԵՐԵՎԱՆ, 3 մարտի - Sputnik. Կրասնոդարի երկրամասի Բելորեչենսկ քաղաքում տեղի ունեցած ողբերգական դեպքից հետո Ռուսաստանի հայերի միության նախագահ Արա Աբրահամյանը Կրասնոդարի երկրամաս է ուղարկել իր առաջին տեղակալ Լուսիկ Ղուկասյանին:
©
Sputnik / Николай Хижняк
Ինչպես հաղորդում է կազմակերպությունը, Ղուկասյանը հանդիպումներ կունենա տեղական իշխանության ներկայացուցիչների, ՌՀՄ տեղական բաժանմունքների ղեկավարների և երիտասարդական կազմակերպությունների հետ, որպեսզի քայլեր ձեռնարկեն սադրանքներ թույլ չտալու ուղղությամբ։
«Բացասական հետևանքներից խուսափելու և իրավիճակը չսրելու համար ՌՀՄ-ն համայնքի ներկայացուցիչներին խնդրում է չարձագանքել զգացմունքային, երբեմն սադրիչ կոչերին և հանգստություն պահպանել», - նշված է հաղորդագրության մեջ:
Ռուսաստանի հայերի միությունը միջոցներ է ձեռնարկում հասարակական վերահսկողություն ապահովելու ուղղությամբ, քանի դեռ օպերատիվ միջոցառումներ են իրականացվում մարդասպանին բռնելու ուղղությամբ։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
Ռուսաստանի հայերի միությունը կարծում է, որ եթե հանցագործը հայտնվի Ադրբեջանում, ապա պետք է վերադարձվի Ռուսաստան և կանգնի դատարանի առաջ:
«Մենք հույս ունենք, որ հանցագործն առաջիկայում կհայտնաբերվի և պատիժ կկրի ռուսական օրենսդրությանը համապատասխան», - հայտարարել են ՌՀՄ-ում:
Հիշեցնենք, որ փետրվար 28-ին Բելորեչենսկում ծեծկռտուքի հետևանքով սպանվել է 22-ամյա Արթուր Սարուխանովը։ Նախնական տեղեկություններով` սպանողն ադրբեջանցի է, որի նկատմամբ հետախուզում է հայտարարվել։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Ո՞ւր են հույզերդ․ Էթերի Տուտբերիձեն նախատել է Ադելիա Պետրոսյանին
(Թարմացված է 14:39 03.03.2021)
Ռուսաստանի գեղասահքի գավաթի խաղարկության եզրափակիչում գեղասահորդուհի Ադելիա Պետրոսյանը երրորդ տեղն է գրավել:Ադելիան ազատ ծրագիր է ներկայացրել` սահելով Արա Գևորգյանի «Արցախ» ստեղծագործության տակ։ Ընդհանուր 204,22 միավորով նա երրորդ տեղն է զբաղեցրել։ Ելույթից հետո Ադելիայի մարզիչը` Էթերի Տուտբերիձեն, խոսել է թերությունների մասին։
«Վերջին մասում պետք էր հույզեր ցույց տալ։ Ո՞ւր էր այդ ծրագիրը։ Չի կարելի մի կողմ դնել այն», - ասել է Տուտբերիձեն։
Նա նշել է, որ Ադելիան սկսել է ուղղել կոշիկը, ինչը չի կարելի անել շարժման ժամանակ։ Տուտբերիձեն նախատել է նաև «ժամանակից շուտ նետած քայլերի» համար:
Հիշեցնենք` Պետրոսյանը փետրվարին Կրասնոյարսկում պատանեկան առաջնության արծաթե մեդալ էր նվաճել:
թեգերը: