Мужик сказал, мужик сделал

Ինչ է կատարվում Օլգա Բուզովայի և Դավա Մանուկյանի միջև. մեկնաբանել է բլոգերի մայրը

1095
(Թարմացված է 15:18 23.09.2020)
Դավիթ Մանուկյանի մայրը խոսել է հայտնի երգչուհի Օլգա Բուզովայի և իր որդու հարաբերությունների մասին։

ԵՐԵՎԱՆ, 19 սեպտեմբերի — Sputnik. Ռուսաստանահայ հայտնի բլոգեր, երգիչ և պարող Դավիթ Մանուկյանի մայրը ՝ Աննա Մանուկյանը, վստահեցրել է, որ որդու և Օլգա Բուզովայի միջև ամեն ինչ կարգին է:

«Բամբասանք», - կարճ պատասխանել է նա «ԿՊ-Նովոսիբիրսկի» թղթակիցի` Դավայի և Օլգայի հնարավոր բաժանման մասին հարցին:

Նրանց բաժանման մասին խոսակցությունները սկսվել են այն բանից հետո, երբ երգչուհին իր Instagram-ի էջից հեռացրել է սիրեցյալի հետ մի քանի լուսանկար: Բաժանորդները կարծում են, որ զույգն ինչ–որ հարցերում տարաձայնություն ունի։

Զույգի մտերիմները պարբերականին հայտնել են, որ նրանց միջև անախորժություն է եղել, սակայն բաժանման մասին խոսակցություն չկա։

Օրերս Դավան Instagram-ի իր էջում տխուր գրառում է արել և խնդրել բաժանորդների աջակցությունը, քանի որ իրեն վատ է զգում:

Օլգա Բուզովան և Դավան երկու տարի է՝ հանդիպում են։ Վերջին հրապարակումների համաձայն` նրանք միասին են ապրում։ Դավան դաջել է սիրելիի անունը մարմնի վրա, ծանոթացրել նրան իր ծնողների հետ, Օլգան էլ ամեն կերպ օգնում է ընկերոջը կայանալ շոու բիզնեսում։

1095
թեգերը:
մայր, Օլգա Բուզովա, Դավիթ (Դավա) Մանուկյան
Ըստ թեմայի
Լեդի Գագայի փարաջանովյան ոճով տեսահոլովակի դիզայները հայուհի է
Արուս Տիգրանյանի հարսի պարը. բացառիկ տեսանյութ
Թագավորական ընտանիք

Սկանդալային հարցազրույց․ Մեգան Մարքլը՝ ռասիզմի և արքայական ընտանիքի հետ «պատերազմի» մասին

1
(Թարմացված է 13:06 08.03.2021)
Սասեքսի դքսուհին որոշել է բացահայտել արքայական բոլոր գաղտնիքները և ընտանեկան որոշ գաղտնիքներ է պատմել։

ԵՐԵՎԱՆ, 8 մարտի – Sputnik. Բրիտանիայի թագավորական ընտանիքին անհանգստացրել է արքայազն Հարրիի և նրա կնոջ՝ Մեգան Մարքլի ապագա երեխայի մաշկի մգությունը։ Մեգանն այդ մասին պատմել է Օփրա Ուինֆրիին տված հարցազրույցում։

Նրա խոսքով` իր առաջին հղիության ժամանակ արքայազն Հարրին իրեն պատմել է, որ ընտանիքի ներկայացուցիչներից ոմանք անհանգստացել են, թե որքան մուգ կլինի երեխայի մաշկի գույնը։ Միաժամանակ Մեգանն ակնարկել է, որ իրենց որդին հենց այդ պատճառով տիտղոս չի ստացել։ Սասեքսի դքսուհին պատմել է, որ իրենք Արչիի տիտղոսից չեն հրաժարվել, բայց երեխան ոչ միայն չի ստացել այն, այլև զրկվել է թագավորական ընտանիքի պաշտպանությունից։

Այդ ֆոնին Մեգանն ընդգծել է, որ թագուհու՝ Եղիսաբեթ 2-րդի և Քեյթ Միդլթոնի հետ ինքը լավ հարաբերություններ ունի անգամ ընտանիքից հեռանալուց հետո, իսկ Հարրին շարունակում է սիրել Ուիլյամին ու Չարլզին, սակայն չի ուզում համակարգի անդամ լինել։ Ի դեպ, Մեգանը բազմաթիվ անգամ ասել է, որ արքայական ընտանիքի անդամները շատ բարեհոգի են և շատ են տարբերվում թագավորական ինստիտուտի կառավարիչներից։

Հարցազրույցի ընթացքում դքսուհին խոստովանել է նաև, որ արքայական ընտանիքի անդամի պարտականություններն իրեն ոչ ոք չի սովորեցրել, և նա հաճախ ստիպված է եղել «գուգլել» (փնտրել համացանցում), որպեսզի չխայտառակվի։
Բացի այդ, նա ընտանեկան գաղտնիք է բացահայտել․ պարզվում է՝ Մեգն ու Հարրին ամուսնացել են հրապարակային արարողությունից երեք օր առաջ։ Արարողությանը հյուրեր չեն եղել, ներկա է եղել միայն Քենթրբերիի արքեպիսկոպոսը։ Բայց հենց այդ երդումն են ամուսինները իրական պսակադրություն համարում։

Մեգան Մարքլի վրա ճնշում է գործադրել ոչ միայն թագավորական, այլև սեփական ընտանիքը։ Պարզվում է՝ մեկ տարի առաջ Մեգանը հետապնդման պատճառով անգամ ինքնասպանության մտքեր է ունեցել։ Սակայն հղիությունը դրական է ազդել նրա ինքնազգացողության և տրամադրության վրա։ Մարքլն ակնարկել է նաև, որ իրենց երկրորդ երեխան աղջիկ է լինելու։

Հարցազրույցը բաղկացած է երկու մասից՝ Օփրայի զրույցը Մեգանի հետ և համատեղ զրույց Հարրիի հետ։ Նկարահանումները տեղի են ունեցել մոտավորապես այն օրերին, երբ զույգն առաջին անգամ աշխարհին հայտնեց, որ իրենց ընտանիքում համալրում է լինելու։ Այդ լուրից և հարցազրույցի ծանուցման հրապարակումից հետո Բուքինգհեմյան պալատը պաշտոնապես հայտարարեց, որ Հարրիին ու Մեգանին զրկում է պաշտպանությունից։

Արդեն նախկին դուքսն ու դքսուհին ի պատասխան հայտարարեցին, որ պատրաստվում են ծառայել հանրությանը՝ անկախ իրենց պաշտոնական դերից և բնակավայրից։

1
թեգերը:
Մեծ Բրիտանիա, Արքայազն Հարրի, Մեգան Մարքլ

Միլիարդատեր Ջեֆ Բեզոսի նախկին կինն ամուսնացել է

18
(Թարմացված է 12:37 08.03.2021)
Միլիարդատեր Ջեֆ Բեզոսի նախկին կինը երկրորդ անգամ է ամուսնացել։ Որքան էլ զարմանալի թվա, բայց նրա ընտրյալը ոչ թե գործարար է, այլ ուսուցիչ։

ԵՐԵՎԱՆ, 8 մարտի – Sputnik. «Amazon» կորպորացիայի նախագահ, միլիարդատեր Ջեֆ Բեզոսի նախկին կինը` Մակենզի Սքոթը, նորից է ամուսնացել։ Տեղեկությունը հայտնում է «The Wall Street Journal» ամերիկյան թերթը։

Պարբերականի տվյալով՝ Մակենզի Սքոթի նոր ընտրյալը ամերիկացի ուսուցիչ Դեն Ջուեթն է, որն աշխատում է Սիեթլի մասնավոր դպրոցներից մեկում։

Հաստատումը հայտնվել է միլիարդատիրուհու անձնական էջում՝ «Նվիրման երդում» (Giving Pledge) մարդասիրական ընկերության կայքում, որի մասնակիցները խոստանում են բարեգործության նպատակով նվիրաբերել իրենց կարողության առնվազն կեսը։

Դեն Ջուեթը նշել է, որ միացել է Սքոթի գործունեությանը և համաձայն է այդ երդմանը։

«Տարօրինակ է գրել, որ պատրաստ ես կյանքի ընթացքում սեփական կարողության մեծ մասը տրամադրել բարեգործությանը։ Ես երբեք չեմ ձգտել այնպիսի հարստություն հավաքել, որ պետք լիներ ասել` այդպիսի քայլն առանձնահատուկ նշանակություն կունենա»,-գրել է նա։

Տղամարդը նշել է` երջանիկ է, որ ամուսնանում է ամենաառատաձեռն և բարի մարդկանցից մեկի հետ։

Մասկը կրկին Բեզոսից առաջ է անցել ամենահարուստ մարդկանց ցանկում. որքան է նրա կարողությունը

Ավելի վաղ Բեզոսի նախկին կինը հայտնել էր, որ հիմա ապրում է Սիեթլում չորս երեխաների և ամուսնու՝ Դենի հետ։

Հիշեցնենք, որ «Amazon» ընկերության ղեկավար Ջեֆ Բեզոսն ու Մակենզի Սքոթն ամուսնացած են եղել ավելի քան 25 տարի։ Զույգն ամուսնալուծվել է 2019թ․-ի հուլիսին։

Գործարարը նախկին կնոջն է փոխանցել «Amazon»–ի բաժնետոմսերի փաթեթի մեկ քառորդը, այսինքն՝ 4 տոկոսը։

2020թ․-ի աշնանը «Bloomberg Billionaires Index» միլիարդատերերի վարկանիշում Սքոթը դարձել է աշխարհի ամենահարուստ կինը։ Նա կարողությունը գնահատվում էր 68 միլիարդ դոլար։ «Forbes» ամսագրի աշխարհի ամենահարուստ մարդկանց ցանկում նա 22-րդ տեղն է զբաղեցնում։

Ջեֆ Բեզոսը գրեթե 2 միլիոն դոլար է պահանջում սիրեցյալի եղբորից

18
թեգերը:
Կին, ամուսնություն, Ջեֆ Բեզոս