Սխտոր

Սխտորի օգուտն ու վնասը. ինչ է տեղի ունենում օրգանիզմում, երբ սխտոր ենք ուտում

337
(Թարմացված է 23:40 18.09.2020)
Շատրերին է հայտնի, թե որքան օգտակար է սխտորը տարվա ցուրտ եղանակին և վիրուսային վարակների համաճարակի դեպքում։ Բայց քչերը գիտեն, որ սխտորը նաև այլ օգուտներ կարող է տալ՝ բացի գրիպի և մրսածության բուժումից։ Սխտորի գաղտնիքների մասին՝ Sputnik Արմենիայի հոդվածում։

Սխտորն անկրկների հոտով և կծու համով բազմամյա բույս է Միջին Ասիայից։ Իր հակաբակտերիալ և հակաբորբոքային հատկությունների շնորհիվ հնուց ի վեր բուժական բույս է համարվում։ Գիտականորեն ապացուցված է, որ այն մարդիկ, որոնց սննդակարգում մշտապես սխտոր կա, ավելի հազվադեպ են հիվանդանում, քան նրանք, ովքեր բավարար ուշադրություն չեն դարձնում սխտորին։ Ի դեպ, Հին Հունաստանում Օլիմպիական խաղերի մասնակիցներին հենց սխտորով էին կերակրում՝ ժամանակակից դոպինգների փոխարեն։

Ընդ որում՝ սխտորը հսկայական քանակությամբ օգտակար նյութեր է պարունակում․ կալցիում, կալիում, ֆոսֆոր, В և С խմբերի վիտամիններ, ինչպես նաև սելեն, յոդ և յուղեր։

Բացի այդ, այն պարունակում է եթերային նյութեր՝ ֆիտոնցիդներ, որոնք բույսը պաշտպանում են զանազան մանրէներից։ Եվ հենց այդ նյութն է ապահովում այս օգտակար մթերքի հակասնկային և հակաբակտերիալ ազդեցությունը։ Սխտորը նաև դրական ազդեցություն ունի տղամարդկանց առողջության վրա և նպաստում է տեստոստերոնի արտադրությանը։

Իջեցնում է ճնշումը

Եթե տառապում եք արյան բարձր ճնշումից, ձեր սննդակարգում սխտոր ավելացրեք։ Այն լայնացնում է անոթները և իջեցնում զարկերակային ճնշումը։ Ճնշման հետ միասին անհետանում են գլխացավերը և նվազում է սրտի ծանրաբեռնվածությունը։ Բացի այդ, սխտորը 10-15 տոկոսով նվազեցնում է արյան մեջ «վատ խոլեստերինի» մակարդակը։ Այդպիսով սրտի հիվանդությունների կամ կաթված ստանալու հավանականությունը գրեթե երկու անգամ նվազում է։

Ո՞վ է ասում, որ կանայք այս գործում չկան, կամ խաշի չգրված օրենքները

Կանխում է քաղցկեղային հիվանդությունները

Սխտորը նվազեցնում է քաղցկեղային հիվանդությունների առաջացման հավանականությունը, քանի որ պարունակում է ալիցին հակաօքսիդանտը, որը ոչնչացնում է քաղցկեղային բջիջները և նվազեցնում է շնչառական օրգանների վարակման հավանականությունը։

Դանդաղեցնում է ծերացումը

Այս սուր համով բանջարեղենը հարուստ է հակաօքսիդանտներով, որոնք պայքարում են ազատ ռադիկալների դեմ և օգնում են պահպանել երիտասարդությունը։ Տարեց մարդիկ, պարբերաբար սխտոր օգտագործելու դեպքում, կարող են խուսափել Ալցհեյմերի հիվանդությից, իսկ ավելի երիտասարդները` բարելավել հիշողությունն ու ուղեղի աշխատանքի արդյունավետությունը։

Սխտորի վնասները

Հետազոտությունները ցույց են տվել, որ սխտորի չարաշահումը կարող է սրտխառնոց, փսխոց, մաշկային ալերգիաներ առաջացենել։ Կողմնակի ազդեցություններից խուսափելու համար ավելի լավ է այն օգտագործել փոքր չափաբաժիններով։

Քչերը գիտեն, որ սխտորը բավական մեծ կալորիականություն ունի. 100 գրամը պարունակում է մոտ 150 կկալ։ Քաշին հետևող մարդկանց խորհուրդ չի տրվում այն օգտագործել, քանի որ համեմունքը գրգռում է ախորժակը։

Ինչ է կատարվում օրգանիզմում, երբ թուրինջ ենք ուտում

Այս սննդամթերքը խորհուրդ չի տրվում ուտել դատարկ ստամոքսին. այն կարող է հանգեցնել թունավորման, այրոցքի և կծկումների։ Դա հատկապես վերաբերում է աղեստամոքսային հիվանդություններ ունեցող մարդկանց։ Սխտորից պետք է հեռու մնան նաև էպիլեպսիայով տառապող մարդիկ, քանի որ այն կարող է հերթական նոպայի պատճառ դառնալ։

337
թեգերը:
օրգանիզմ, սխտոր
Ըստ թեմայի
Ի՞նչ է կատարվում օրգանիզմում, երբ հոն ենք ուտում
Ինչպես օգտագործել խնձորը, որ ավելի օգտակար լինի․ բժիշկների բացահայտումը
Սև, սպիտակ և կարմիր․ հաղարջի ո՞ր տեսակն է առավել օգտակար
Նիկոլ Փաշինյան, Էմանուլ Մակրոն. արխիվային լուսանկար

Նիկոլ Փաշինյանը ցավակցական հեռագիր է հղել Էմանուել Մակրոնին

221
(Թարմացված է 19:40 29.10.2020)
Հայաստանի ժողովուրդը կիսում է Ֆրանսիայի եղբայրական ժողովրդի ցավն ու ցասումը և իր անկեղծ ցավակցություններն ու սփոփանքի խոսքերը հայտնում զոհվածների հարազատներին և մտերիմներին:

ԵՐԵՎԱՆ, 29 հոկտեմբերի – Sputnik. ՀՀ վարչապետ Նիկոլ Փաշինյանը ցավակցական հեռագիր է հղել Ֆրանսիայի նախագահ Էմանուել Մակրոնին Նիցցայում տեղի ունեցած ահաբեկչական հարձակման կապակցությամբ:

«Մեծարգո պարոն նախագահ, ցնցված եմ Նիցցա քաղաքում կատարված զարհուրելի հանցագործությամբ: Հայաստանը դատապարտում է ահաբեկչությունն իր բոլոր ձևերով և դրսևորումներով: Մեզ համար ավելի քան ակնհայտ է, որ ծայրահեղականությունն ու ֆանատիզմը չունեն որևէ արդարացում և բարոյական հիմնավորում»,–ասված է վարչապետի ցավակցական ուղերձում:

Փաշինյանն ընդգծում է, որ Հայաստանի ժողովուրդը կիսում է Ֆրանսիայի եղբայրական ժողովրդի ցավն ու ցասումը և իր անկեղծ ցավակցություններն ու սփոփանքի խոսքերը հայտնում զոհվածների հարազատներին և մտերիմներին:

Ինչպես արդեն տեղեկացրել ենք, այսօր Նիցցայի Աստվածամոր տաճարի մոտ անհայտ տղամարդը դանակով հարձակվել է հավատացյալների վրա։ Նիցցայի քաղաքապետ Քրիստիան Էստրոզին հայտարարել է, որ Նիցցայի Աստվածամոր տաճարի մոտ դանակով հարձակումը նման է ահաբեկչության։ Հարձակման ընթացքում զոհվել է երկու մարդ, մի քանիսը վիրավորվել են։ 

221
թեգերը:
Ահաբեկչություն, ահաբեկիչ, Նիցցա, ցավակցություն, Էմանուել Մակրոն, Նիկոլ Փաշինյան
Здание Министерства иностранных дел Карабаха

ԵԱՀԿ-ում տարածվել է Ստեփանակերտի ԲԿ–ների հարվածների վերաբերյալ Արցախի ԱԳՆ հայտարարությունը

53
(Թարմացված է 18:23 29.10.2020)
Արցախի ԱԳՆ–ն հայտնել է նաև, որ Ադրբեջանի կողմից Արցախի ժողովրդի դեմ իրագործվող բռնության ակտերը որևէ արդարացում չունեն։

ԵՐԵՎԱՆ, 29 հոկտեմբերի - Sputnik. Արցախի արտաքին գործերի նախարարությունը տեղեկացնում է, որ ԵԱՀԿ-ում տարածվել է Արցախի ԱԳՆ հայտարարությունը՝ Ստեփանակերտի բժշկական հաստատություններին կանխամտածված հարվածների վերաբերյալ։

ԱԳՆ հայտարարության մեջ նշվում է, որ քաղաքացիական օբյեկտների, մասնավորապես՝ Մարտունիի, Մարտակերտի և Ստեփանակերտի բժշկական հաստատությունների, Շուշիի Սուրբ Ամենափրկիչ եկեղեցու վրա կանխամտածված հարձակումներ են արվել։ Ինչպես նաև հայ գերիների հանդեպ ցուցադրական դաժան սպանությունները փաստն է ներկայացվել։

«Ստեփանակերտի բժշկական համալիրի կանխամտածված հրետակոծումը, ըստ էության, դարձավ ադրբեջանական ռազմաքաղաքական ղեկավարության լկտի պատասխանը Ռուսաստանի, Ֆրանսիայի և ԱՄՆ նախագահների խաղաղարար ջանքերին՝ ուղղված ադրբեջանա-ղարաբաղյան հակամարտության գոտում ռազմական գործողությունների դադարեցմանը և լարվածության նվազեցմանը»,–նշված է եղել ԱԳՆ հայտարարության մեջ։

Արցախի ԱԳՆ–ն հայտնել է նաև, որ  Ադրբեջանի կողմից Արցախի ժողովրդի դեմ իրագործվող բռնության ակտերը որևէ արդարացում չունեն և պետք է արժանանան միջազգային խիստ դատապարտման՝ ապագայում դրանց կրկնությունը կանխարգելելու նպատակով:

Նշենք, որ Ադրբեջանը երեկ «Սմերչ» տիպի համազարկային կրակի ռեակտիվ կայանքից հրթիռակոծել է Ստեփանակերտի ծննդատունը։

«Տաշիր» ընկերությունների խմբի հիմնադիր և Ռուսաստանի հայ գործարարների ասոցիացիայի նախագահ Սամվել Կարապետյանը հայտնել էր, որ կվերակառուցի Ստեփանակերտի ծննդատունը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

53
թեգերը:
ՀՀ Արտաքին գործերի նախարարություն. ԱԳՆ, Ադրբեջան, հրթիռակոծություն, ծննդատուն, Ստեփանակերտ, Մարտակերտ, ԵԱՀԿ Մինսկի Խումբ
թեմա:
Ադրբեջանական ագրեսիան Արցախում - 2020
Ըստ թեմայի
Արցախից Հայաստան ապօրինի զենք տեղափոխելու համար մեղադրանք է առաջադրվել երեք անձի
Զոհրաբ Մնացականյանը խոսել է Արցախում խաղաղապահ գործողությունների մասին
«Նախ պետք է դադարեցնել մարտական գործողությունները». Պուտինը` Ղարաբաղի մասին
Արման Թաթոյան

Ադրբեջանի իշխանությունների պնդումը չի համապատասխանում իրականությանը. ՄԻՊ

159
Բժիշկ մասնագետների եզրակացությամբ՝ մեր հայրենակցի առկա առողջական վիճակը թույլ չի տվել իրականացել նրա տեղափոխումը։

ԵՐԵՎԱՆ, 30 հոկտեմբերի - Sputnik. Ադրբեջանի իշխանության մարմինները հայտարարել են, թե հայկական կողմը հրաժարվել է այսօր ընդունել քաղաքացիական անձ, 84-ամյա Միշա Մելքումյանին, նշված է Հայաստանի Մարդու իրավունքներին պաշտպան Արման Թաթոյանի Facebook-ի էջում։

Հայաստանի մարդու իրավունքների պաշտպանի քննության արդյունքներով հաստատվել է, որ այս պնդումը չի համապատասխանում իրականությանը:

Ադրբեջանական իշխանությունների նշված հայտարարությունը հրապարակվելուց անմիջապես հետո Հայաստանի իրավասու մարմիններին ներկայացրվել են հրատապ հարցումներ։ Պարզվել է, որ իրականում բժիշկ մասնագետների եզրակացությամբ՝ մեր հայրենակցի առկա առողջական վիճակը թույլ չի տվել իրականացել նրա տեղափոխումը։

Արման Թաթոյանի խոսքով՝ Միշա Մելքումյանի տեղափոխումը կազմակերպելու անթույլատրելիության վերաբերյալ բժշկական եզրակացության մասին տեղյակ են եղել նաև Ադրբեջանի իշխանությունները։ Հայաստանի իրավասու մարմինները Մարդու իրավունքների պաշտպանի հարցումներին ի պատասխան ներկայացրել են միանշանակ պատրաստակամություն առ այն, որ Միշա Մելքումյանի առողջական վիճակը թույլ տալու առաջին իսկ հնարավորության դեպքում կկազմակերպվի նրա վերադարձը:

Նշենք, որ այսօր հայկական կողմին է փոխանցվել 85-ամյա Եվգենիա Բաբայանը:

Հիշեցնենք, որ հոկտեմբերի 29-ին ադրբեջանական կողմը Երևանին է հանձնել նաև զոհված հայ զինվորների և սպաների մոտ 30 դի։ Դիերը փոխանցել են Տավուշի մարզի Այգեպար գյուղի մոտ։ 

Ռազմական գործողությունների ընթացքում զոհված հայ զինծառայողների մարմինները փոխանցվել են ԿԽՄԿ-ի և ԵԱՀԿ գործող նախագահի անձնական ներկայացուցչի դաշտային թիմի մասնակցությամբ։ Փոխանցումն իրականացվել է ՌԴ պաշտպանության նախարարության միջնորդական ջանքերի շնորհիվ։

Ադրբեջանական դաժանությունները` օրինակներով. ՀՀ ՄԻՊ-ը հանդիպել է Ֆրանսիայի պատվիրակներին

159
թեգերը:
Ադրբեջան, գերի, ՀՀ ՄԻՊ, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Ստեփանակերտում ամենաագրեսիվ հարձակման օրն է պատերազմի սկզբից ի վեր․ կան զոհեր․ ԱՀ ՄԻՊ
Հայ զինվորների դիերի, գերիների հետ վարվում են ԻԼԻՊ-ի մեթոդներով. ՀՀ ՄԻՊ
Ադրբեջանը թիրախավորում է փրկարարներին. նրանցից մեկը զոհվել է. Արցախի ՄԻՊ