Աշխարհի մյուս ծայրում հայտնված հայը. ինչն է գերել Տիգրան Տեր-Մինասյանին Էկվադորում
(Թարմացված է 00:25 16.09.2020)
Աշխարհի մյուս կողմում հայտնված հայ գործարար–երաժիշտը պատմում է, թե ինչու և ինչպես հեռացավ հայրենիքից։ԵՐԵՎԱՆ, 15 սեպտեմբերի — Sputnik. Երևանում ծնված, բայց արդեն 16 տարի Էկվադորում բնակվող Տիգրան Տեր-Մինասյանը Sputnik Mundo-ին պատմել է հայրենիքից այդքան հեռու հայտնվելու և իր անցած ճանապարհի մասին։
«Երբ 20 տարեկան դարձա և արդեն ծառայել էի բանակում, որոշեցի դուրս գալ երկրից և ճանապարհորդել, որպեսզի տեսնեմ այն ամենը, ինչ բառացիորեն աշխարհի մյուս կողմում է։ Ես բազմաթիվ առումներով գեղեցիկ մի երկիր գտա», - Sputnik Mundo-ի հետ զրույցում ասել է նա` հավելելով, որ իրեն զարմացրել է այն, որ Էկվադորի դրոշը Հայաստանի դրոշի նման է, բայց գույների հակառակ հերթականությամբ:
Աշխարհի մյուս ծայրում երաժիշտ ու գործարար դարձած հայը պատմել է իր`Հարավային Ամերիկա հասնելու և մասնագիտության ընտրության մասին։ Նա հրավեր է ստացել իր հետ աշխատած ուսուցիչներից մեկից, որը նույնպես հայ էր: Գալով Էկվադոր և սիրելով այդ երկիրը` Տեր-Մինասյանը որոշել է հաստատվել այնտեղ ու ընտանիք է կազմել:
©
Photo : provided by Camillo Biancofiore
«Սա մի գեղեցիկ երկիր է, բնությունն այնքան բազմազան է, ամեն ինչ կա՝ լեռներ, ջունգլիներ, Գալապագոսյան կղզիներ, ծովափեր», - ասել է նա` հավելելով, որ 2-3 ժամվա ընթացքում բնապատկերը կարող է այնպես փոխել, կարծես երկու-երեք ժամ ճանապարհորդել եք ինքնաթիռով:
Վերածննդի ժամանակաշրջանի երաժշտության հայ սիրահարը 15 տարի աշխատել է Էկվադորի ազգային սիմֆոնիկ նվագախմբում` նվագելով ֆրանսիական գալարափող կամ եղջյուր (trompa, French horn): Փողային այդ գործիքի մասին խոսելիս` Տեր-Մինասյանը նշել է, որ այն գեղեցիկ է, պետքական, բայց ամենաբարդ և «ամենաանշնորհակալ» գործիքներից է: Իսկ «անշնորհակալ» է, որովհետև լավ նվագելիս ոչ ոք չի նկատում, բայց եթե թեկուզ մեկ նոտա սխալվես, բոլորը զգում են:
Ինչու Ջիվան Գասպարյանին ոչ ոքի հետ չես շփոթի
«Ոչ թե ես եմ գալարափողն ընտրել, այլ այն ընտրել է ինձ: Պապս նվագում էր, իսկ հայրս Հայաստանի ֆիլհարմոնիկ նվագախմբի առաջին գալարափողն է: Նա է ինձ սովորեցրել նվագել, և նա դա ինձանից լավ էր անում», - ասել է երաժիշտը:
Տիգրան Տեր-Մինասյանը նաև ձեռներեց է։ Ընկերների հետ ղեկավարում է լիկյորներ արտադրող մի ընկերություն, որի խմիչքներն իրենց լավ որակի շնորհիվ հաջողությամբ վաճառվում են:
թեգերը:
Հայ երիտասարդի սպանության հետքերով. Արա Աբրահամյանը Բելորեչենսկ է ուղարկել իր տեղակալին
(Թարմացված է 10:37 03.03.2021)
Ռուսաստանի հայերի միությունն ամեն ինչ անում է հայ երիտասարդի ողբերգական մահից հետո սադրանքներից խուսափելու համար:ԵՐԵՎԱՆ, 3 մարտի - Sputnik. Կրասնոդարի երկրամասի Բելորեչենսկ քաղաքում տեղի ունեցած ողբերգական դեպքից հետո Ռուսաստանի հայերի միության նախագահ Արա Աբրահամյանը Կրասնոդարի երկրամաս է ուղարկել իր առաջին տեղակալ Լուսիկ Ղուկասյանին:
©
Sputnik / Николай Хижняк
Ինչպես հաղորդում է կազմակերպությունը, Ղուկասյանը հանդիպումներ կունենա տեղական իշխանության ներկայացուցիչների, ՌՀՄ տեղական բաժանմունքների ղեկավարների և երիտասարդական կազմակերպությունների հետ, որպեսզի քայլեր ձեռնարկեն սադրանքներ թույլ չտալու ուղղությամբ։
«Բացասական հետևանքներից խուսափելու և իրավիճակը չսրելու համար ՌՀՄ-ն համայնքի ներկայացուցիչներին խնդրում է չարձագանքել զգացմունքային, երբեմն սադրիչ կոչերին և հանգստություն պահպանել», - նշված է հաղորդագրության մեջ:
Ռուսաստանի հայերի միությունը միջոցներ է ձեռնարկում հասարակական վերահսկողություն ապահովելու ուղղությամբ, քանի դեռ օպերատիվ միջոցառումներ են իրականացվում մարդասպանին բռնելու ուղղությամբ։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
Ռուսաստանի հայերի միությունը կարծում է, որ եթե հանցագործը հայտնվի Ադրբեջանում, ապա պետք է վերադարձվի Ռուսաստան և կանգնի դատարանի առաջ:
«Մենք հույս ունենք, որ հանցագործն առաջիկայում կհայտնաբերվի և պատիժ կկրի ռուսական օրենսդրությանը համապատասխան», - հայտարարել են ՌՀՄ-ում:
Հիշեցնենք, որ փետրվար 28-ին Բելորեչենսկում ծեծկռտուքի հետևանքով սպանվել է 22-ամյա Արթուր Սարուխանովը։ Նախնական տեղեկություններով` սպանողն ադրբեջանցի է, որի նկատմամբ հետախուզում է հայտարարվել։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Իլոն Մասկը որոշել է նոր քաղաք կառուցել Տեխասում. քաղաքապետը դոժի տիտղոս կունենա
(Թարմացված է 10:18 03.03.2021)
Ամերիկացի միլիարդատերը դեռ անցյալ տարվա վերջին Կալիֆոռնիայից տեղափոխվել էր Տեխաս, որտեղ գտնվում են «Tesla»-ի ստորաբաժանումները։ԵՐԵՎԱՆ, 3 մարտի – Sputnik. Ամերիկացի գործարար, «Tesla» և «SpaceX» ընկերությունների հիմնադիր Իլոն Մասկը Ստարբեյզ (Starbase) անվանումով քաղաք է կառուցելու Տեխասում։ Նա իր որոշման մասին գրել է Twitter-ում։
Creating the city of Starbase, Texas
— Elon Musk (@elonmusk) March 2, 2021
Գործարարը նշել է, որ քաղաքն ավելի մեծ կլինի, քան Բոկա Չիկա գյուղը, որտեղ գտնվում է «SpaceX» տիեզերակայանը:
Միլիարդատիրոջ խոսքով՝ իր ստեղծած քաղաքում լավ վերաբերմունքի կարժանանան շները, իսկ քաղաքապետը դոժի տիտղոս կունենա (իտալական տիտղոս, որը նման է անգլերեն «dog» (շուն) բառին):
Իլոն Մասկը խոստացել է ինքնակառավարվող մեքենաներ թողարկել ու ասել է դրանց գինը
Հիշեցնենք, որ անցյալ տարվա վերջին Մասկը հայտնել էր, որ Կալիֆոռնիայից տեղափոխվել է Տեխաս, որտեղ գտնվում են «Tesla»-ի և «Boring Company»-ի ստորաբաժանումները, ինչպես նաև «SpaceX» մասնավոր տիեզերակայանը։
Իլոն Մասկը չիպավորել է կապիկին. կենդանին համակարգչային խաղեր է խաղում
թեգերը:
Հանրահավաքի ժամանակ հնարավոր են սադրանքներ․ ՀՀ ոստիկանություն
ԵՐԵՎԱՆ, 3 մարտի - Sputnik. ՀՀ ոստիկանությունում տվյալներ են ստացվել, որ մարտի 3-ի ժամը 16.00-ին նախատեսված հանրահավաքի ժամանակ հնարավոր են սադրանքներ։ Տեղեկությունը հայտնում են ոստիկանության մամուլի ծառայությունից։
«Կոչ ենք անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։Քաղաքացիներին հորդորում ենք լինել իրավահարգ և իրենց իրավունքներն իրացնելիս պահպանել օրինականության պահանջներն ու համակեցության կանոնները»,-նշված է հաղորդագրության մեջ։
Ոստիկանությունը հավաստիացնում է, որ օրենքով իրեն վերապահված լիազորությունների շրջանակում ձեռնարկելու է բոլոր միջոցները՝ հասարակական կարգն ապահովելու և հանրային անվտանգությունը պահպանելու համար։