Եթե ուզում եք գեղեցիկ կազմվածք ունենալ, հրաժարվեք այս մթերքներից
(Թարմացված է 19:19 14.09.2020)
Եթե պարբերաբար սպորտով եք զբաղվում և հետևում եք ձեր քաշին, ապա սնունդը ևս պետք է զգուշությամբ ընտրեք։ Իսկ թե ո՞ր սննդամթերքներն են համարվում սլացիկ կազմվածքի թշնամին՝ կարդացեք ստորև։Կազմվածքի թշնամի համարվող մթերքները շատ են: Վատն այն է, որ դրանցից շատերը հենց մեր սիրելի ուտելիքներն են։ Բայց շատ բան կախված է այդպիսի կերակուրների օգտագործման հաճախականությունից և քանակից։
Ներկայացնում ենք հինգ մթերք, որոնք, ըստ Հարվարդի համալսարանի հետազոտությունների, նպաստում են քաշի զգալի ավելացմանը։
Կարտոֆիլի ֆրի
©
Sputnik / Александр Вильф
Ֆրի
Ֆրիտյուրում տապակած կարտոֆիլը ֆաստֆուդի սիրահարների ամենասիրելի կերակուրն է համարվում ամբողջ աշխարհում։ Բայց պարբերաբար այն օգտագործելու դեպքում մարդու քաշը կարող է տարեկան ավելանալ 1,5 կգ-ով։ Եթե դեռ պատրաստ չեք լիովին հրաժարվել կարտոֆիլի ֆրիից, ավելի լավ է փորձեք այն պատրաստել տանը։
Չիպսեր
Չիպսերը հիանալի աղանդեր են ընկերների հետ հանդիպումների ժամանակ խրթխրթացնելու համար, բայց արժե դրանց օգտագործումը հասցնել նվազագույնի, եթե չի ստացվում բոլորովին հրաժարվել։ Դրանք հսկայական քանակությամբ աղ, սննդային հավելումներ են պարունակում և գրեթե ոչինչ բնական կարտոֆիլից։
Այդ «խրթխրթիկները» նպաստում են քաշի ավելացմանը, քանի որ չեն հագեցնում և մարդիկ այն օգտագործում են անսահմանափակ քանակությամբ։
Երշիկ և երշիկեղեն
Երշիկը, նրբերշիկը, զանազան մսային դելիկատեսները մեր կազմվածքի համար վտանգավոր մթերքներ են։ Դրանք պարունակում են յուղեր, նատրիում, ներկանյութեր և հսկայական քանակությամբ կալորիաներ։ Խորհուրդ է տրվում երշիկեղենը բացառել ոչ միայն երեխաների, այլ նաև մեծահասակների սննդակարգից։
Քաղցրավենիք և խմորեղեն
Ալյուրով պատրաստված քաղցրավենիքը, թխվածքաբլիթները, կրեմով թխվածքները, վաֆլիներն ու կեքսերը գերհագեցած են շաքարով և յուղերով։ Բացի այդ, դրանք հսկայական քանակությամբ տրանսյուղեր են պարունակում (չհագեցած յուղերի տարատեսակ է)։
©
Sputnik / Asatur Yesayants
Կրուասան
Սերուցքային կարագ
Սերուցքային կարագի հիմք կազմող յուղը բացասաբար է անդրադառնում է մարմնի և մաշկի վիճակի վրա։ Ապացուցված է, որ այն մարդիկ, որոնք հաճախ են կարագ և մայոնեզ օգտագործում, առավել հակված են մաշկային ցանի, ակնեի և մաշկի յուղոտության, քանի որ այդ մթերքները զգալիորեն ավելացնում են արյան մեջ խոլեստերինի մակարդակը։
Կարագը 67-82,5% յուղ է պարունակում՝ կախված տեսակից, իսկ հալած յուղի մեջ այդ տոկոսն առավել բարձր է։ Եթե դուք ոչ այնքան ակտիվ կենսակերպ եք վարում, սպորտով չեք զբաղվում և միաժամանակ ծանր սնունդ եք օգտագործում, ապա ավելորդ քաշի խնդիրը թակելու է ձեր դուռը։
Կարագն այնուամենայնիվ ունի նաև օգտակար հատկություններ, որոնք վայելելու համար՝ առանց կազմվածքին և առողջությանը վնաս հասցնելու, պետք է չգերազանցել օրական չափաբաժինը՝ 10-30 գրամը։
Հայ երիտասարդի սպանության հետքերով. Արա Աբրահամյանը Բելորեչենսկ է ուղարկել իր տեղակալին
(Թարմացված է 10:37 03.03.2021)
Ռուսաստանի հայերի միությունն ամեն ինչ անում է հայ երիտասարդի ողբերգական մահից հետո սադրանքներից խուսափելու համար:ԵՐԵՎԱՆ, 3 մարտի - Sputnik. Կրասնոդարի երկրամասի Բելորեչենսկ քաղաքում տեղի ունեցած ողբերգական դեպքից հետո Ռուսաստանի հայերի միության նախագահ Արա Աբրահամյանը Կրասնոդարի երկրամաս է ուղարկել իր առաջին տեղակալ Լուսիկ Ղուկասյանին:
©
Sputnik / Николай Хижняк
Ինչպես հաղորդում է կազմակերպությունը, Ղուկասյանը հանդիպումներ կունենա տեղական իշխանության ներկայացուցիչների, ՌՀՄ տեղական բաժանմունքների ղեկավարների և երիտասարդական կազմակերպությունների հետ, որպեսզի քայլեր ձեռնարկեն սադրանքներ թույլ չտալու ուղղությամբ։
«Բացասական հետևանքներից խուսափելու և իրավիճակը չսրելու համար ՌՀՄ-ն համայնքի ներկայացուցիչներին խնդրում է չարձագանքել զգացմունքային, երբեմն սադրիչ կոչերին և հանգստություն պահպանել», - նշված է հաղորդագրության մեջ:
Ռուսաստանի հայերի միությունը միջոցներ է ձեռնարկում հասարակական վերահսկողություն ապահովելու ուղղությամբ, քանի դեռ օպերատիվ միջոցառումներ են իրականացվում մարդասպանին բռնելու ուղղությամբ։
Մոսկվայում խեղդամահ արված 2 երեխայի են գտել. սպանության մեջ կասկածվում է նրանց մայրը
Ռուսաստանի հայերի միությունը կարծում է, որ եթե հանցագործը հայտնվի Ադրբեջանում, ապա պետք է վերադարձվի Ռուսաստան և կանգնի դատարանի առաջ:
«Մենք հույս ունենք, որ հանցագործն առաջիկայում կհայտնաբերվի և պատիժ կկրի ռուսական օրենսդրությանը համապատասխան», - հայտարարել են ՌՀՄ-ում:
Հիշեցնենք, որ փետրվար 28-ին Բելորեչենսկում ծեծկռտուքի հետևանքով սպանվել է 22-ամյա Արթուր Սարուխանովը։ Նախնական տեղեկություններով` սպանողն ադրբեջանցի է, որի նկատմամբ հետախուզում է հայտարարվել։
Մոսկվայում ձերբակալել են քրեական հեղինակություն Զիրոյանի կնոջ սպանության կասկածյալին
Իլոն Մասկը որոշել է նոր քաղաք կառուցել Տեխասում. քաղաքապետը դոժի տիտղոս կունենա
(Թարմացված է 10:18 03.03.2021)
Ամերիկացի միլիարդատերը դեռ անցյալ տարվա վերջին Կալիֆոռնիայից տեղափոխվել էր Տեխաս, որտեղ գտնվում են «Tesla»-ի ստորաբաժանումները։ԵՐԵՎԱՆ, 3 մարտի – Sputnik. Ամերիկացի գործարար, «Tesla» և «SpaceX» ընկերությունների հիմնադիր Իլոն Մասկը Ստարբեյզ (Starbase) անվանումով քաղաք է կառուցելու Տեխասում։ Նա իր որոշման մասին գրել է Twitter-ում։
Creating the city of Starbase, Texas
— Elon Musk (@elonmusk) March 2, 2021
Գործարարը նշել է, որ քաղաքն ավելի մեծ կլինի, քան Բոկա Չիկա գյուղը, որտեղ գտնվում է «SpaceX» տիեզերակայանը:
Միլիարդատիրոջ խոսքով՝ իր ստեղծած քաղաքում լավ վերաբերմունքի կարժանանան շները, իսկ քաղաքապետը դոժի տիտղոս կունենա (իտալական տիտղոս, որը նման է անգլերեն «dog» (շուն) բառին):
Իլոն Մասկը խոստացել է ինքնակառավարվող մեքենաներ թողարկել ու ասել է դրանց գինը
Հիշեցնենք, որ անցյալ տարվա վերջին Մասկը հայտնել էր, որ Կալիֆոռնիայից տեղափոխվել է Տեխաս, որտեղ գտնվում են «Tesla»-ի և «Boring Company»-ի ստորաբաժանումները, ինչպես նաև «SpaceX» մասնավոր տիեզերակայանը։
Իլոն Մասկը չիպավորել է կապիկին. կենդանին համակարգչային խաղեր է խաղում
թեգերը:
Հանրահավաքի ժամանակ հնարավոր են սադրանքներ․ ՀՀ ոստիկանություն
(Թարմացված է 12:10 03.03.2021)
Ոստիկանությունը կոչ է անում զերծ մնալ հակաիրավական քայլերից ու չտրվել սադրանքների։
ԵՐԵՎԱՆ, 3 մարտի - Sputnik. ՀՀ ոստիկանությունում տվյալներ են ստացվել, որ մարտի 3-ի ժամը 16.00-ին նախատեսված հանրահավաքի ժամանակ հնարավոր են սադրանքներ։ Տեղեկությունը հայտնում են ոստիկանության մամուլի ծառայությունից։
«Կոչ ենք անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։ Քաղաքացիներին հորդորում ենք լինել իրավահարգ և իրենց իրավունքներն իրացնելիս պահպանել օրինականության պահանջներն ու համակեցության կանոնները»,-նշված է հաղորդագրության մեջ։
Ոստիկանությունը հավաստիացնում է, որ օրենքով իրեն վերապահված լիազորությունների շրջանակում ձեռնարկելու է բոլոր միջոցները՝ հասարակական կարգն ապահովելու և հանրային անվտանգությունը պահպանելու համար։
Ներքաղաքական իրավիճակը Հայաստանում սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Օնիկ Գասպարյանը պետք է հեռանա. ըստ Փաշինյանի` ո՞րն է ԳՇ պետի դավաճանությունը
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
Նա հայտնեց նաև, որ ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։