Վլադիրմիր Պուտին, Ալեքսանդր Լուկաշենկո. արխիվային լուսանկար

«Բելառուսի իրադարձությունները լուրջ դաս են». Պուտինը Սոչիում հանդիպել է Լուկաշենկոյի հետ

71
Լուկաշենկոյի հետ հանդիպման ընթացքում Պուտինը հայտարարել է, որ բելառուսներն անձամբ, առանց դրսից հուշելու, պետք է գլուխ հանեն երկրում ստեղծված իրավիճակից։

ԵՐԵՎԱՆ, 14 սեպտեմբերի – Sputnik. ՌԴ նախագահ Վլադիմիր Պուտինը Սոչիում Բելառուսի նախագահ Ալեքսանդր Լուկաշենկոյի հետ հանդիպման ժամանակ տրամաբանական և ժամանակին որակեց հանրապետության Սահմանադրության վրա աշխատանքները սկսելու առաջարկը։

«Մենք գիտենք Սահմանադրության վրա աշխատանքները սկսելու ձեր առաջարկի մասին։ Կարծում եմ, որ դա տրամաբանական է, ժամանակին և նպատակահարմար», – ասել է Պուտինը։

Լուկաշենկոյի հետ հանդիպման ընթացքում Պուտինը հայտարարել է, որ բելառուսներն անձամբ, առանց դրսից հուշելու, պետք է գլուխ հանեն երկրում ստեղծված իրավիճակից։

«Ռուսաստանը հավատարիմ է մնում Բելառուսի հետ բոլոր պայմանավորվածություններին, այդ թվում ՀԱՊԿ–ի և Միասնական պետության վերաբերյալ», – ընդգծել է Պուտինը։

Ըստ նրա` պայմանավորվածություն է ձեռք բերվել Մինսկին 1,5 մլրդ դոլար վարկ տրամադրելու մասին, հարցով զբաղվում են երկու երկրների ֆինանսների նախարարությունները։

Բացի այդ, Պուտինն ընդգծել է, որ Բելառուսն առաջին երկիրը կլինի, որը կստանա COVID-19–ի դեմ ռուսական պատվաստանյութը։

Լուկաշենկոն շնորհակալություն է հայտնել Պուտինին հանրապետությունում տեղի ունեցած ընտրություններից հետո աջակցելու համար և նշել. «Բելառուսի իրադարձությունները շատ լուրջ դաս են, որը և՛ Մոսկվան, և՛ Մինսկը հաղթահարեցին»։

Կարելի է ասել` խոստովանական էր. Սիմոնյանն ու Բաբայանը` Լուկաշենկոյի հետ հարցազրույցի մասին

Ավելի վաղ ՌԴ նախագահ Վլադիմիր Պուտինը մի շարք հեռախոսազրույցներ էր ունեցել եվրոպական քաղաքական գործիչների հետ Բելառուսում տիրող իրադարձությունների հետ կապված։ ՌԴ առաջնորդին զանգահարել էին Գերմանիայի կանցլեր Անգելա Մերկելն ու Ֆրանսիայի նախագահ Էմանուել Մակրոնը, ինչպես նաև Եվրախորհրդի նախագահ Շառլ Միշելը։

Մինսկում բողոքի տրամադրությունները չեն հանդարտվում։ Ընդդիմության զանգվածային բողոքի ակցիաներն ամբողջ Բելառուսում սկսվել են օգոստոսի 9-ին՝ նախագահական ընտրություններից հետո, որոնցում հաղթել է Բելառուսի գործող նախագահ Ալեքսանդր Լուկաշենկոն․ԿԸՀ-ի տվյալներով` նա հավաքել է ձայների 80,1 տոկոսը:

«Գուցեև մի քիչ երկար մնացի»․ Լուկաշենկոն պատմել է, թե ինչ է կատարվում Բելառուսում

Օգոստոսի 16-ին Բելառուսում անցկացվեցին երկրի ժամանակակից պատմության մեջ ամենալայնածավալ բողոքի ակցիաները։

Պաշտոնական տվյալներով` առաջին օրերի ընթացքում ավելի քան 6.7 հազար մարդ էր ձերբակալվել։ Բելառուսի ՆԳՆ–ի հաղորդմամբ` անկարգությունների ընթացքում հարյուրավոր մարդիկ են տուժել, այդ թվում ավելի քան 120 իրավապահ մարմինների աշխատակից։ Բելառուսի իշխանությունների տվյալներով` մահացել է ակցիայի 3 մասնակից։

71
թեգերը:
Բելառուս, Ռուսաստան, Ընտրություններ, Ալեքսանդր Լուկաշենկո, Վլադիմիր Պուտին
Ըստ թեմայի
Քոչարյանը զուգահեռներ անցկացրեց «թավշյա հեղափոխության» և Բելառուսի իրադարձությունների միջև
Բելառուսում հարյուրավոր ցուցարարներ են ձերբակալվել. տեսանյութ
«Խա՞ղ է»․ ինչու են արգելափակվել Բելառուսի դեմ ԵՄ պատժամիջոցները
Ալեն Ղևոնդյան

Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից

24
(Թարմացված է 15:13 29.09.2020)
Քաղաքագետ Ալեն Ղևոնդյանը Sputnik Արմենիայի եթերում անդրադարձել է այն հարցին, թե  ինչ կարելի է ակնկալել ՄԱԿ–ի Անվտանգության խորհրդում արցախյան հակամարտությանն առնչվող քննարկումներից, որոնք տեղի կունենան սեպտեմբերի 29–ին։
Ղևոնդյան. «Մինչ այժմ Ադրբեջանը ոչ մի կերպ չի արձագանքել ՄԱԿ–ից հնչող հայտարարություններին»

ՏԱՍՍ-ի տվյալներով ՝ հանդիպումը նախաձեռնել են մի շարք եվրոպական երկրներ։ Խորհրդակցությունների ձևաչափը ենթադրում է, որ դրանց մասնակցում են միայն ԱԽ 15 երկրների դիվանագետներ ՝ առանց հակամարտության կողմերի ներկայացուցիչների։

Ալեն Ղևոնդյանի կարծիքով` ՄԱԿ–ն իր առաքելությամբ այս ոլորտում ընդհանուր առմամբ ունի կարևոր դերակատարություն։ Հասկանալի է, որ ԱԽ անդամ երկրները տեսնում են, թե ինչ է կատարվում մեր տարածաշրջանում կոնկրետ հայ–ադրբեջանական հակամարտության շուրջ, սակայն քաղաքագետը քննարկումներից մեծ ակնկալիքներ չունի այն իմաստով, որ ԱԽ մշտական և ոչ մշտական անդամները կրակի դադարեցման ու խաղաղ բանակցությունների ձևաչափի վերադառնալու մասին արդեն տարբեր կոչերով ու հայտարարություններով հանդես են եկել, մինչդեռ ագրեսոր կողմ հանդիսացող Ադրբեջանը ոչ մի կերպ չի արձագանքել դրանց։ Ավելին` շեշտակիորեն ավելացրել է ռազմական, ծավալապաշտական գործողությունները ռազմաճակատի ողջ երկայնքով։

«Ադրբեջանը կտրել է իր կապն արտաքին աշխարհի հետ` ինտերնետի հասանելիության, օտարերկրյա լրագրողների մուտքի և իրադարձությունների օբյեկտիվ լուսաբանման տեսանկյունից։ Թերևս Ադրբեջանի կապի հիմնական օղակն այս պահին Թուրքիան է, այդ երկրի կուրացիայի ներքո իրականացնում է գործողություններ, հետևաբար այս համատեքստում ՄԱԿ–ի Անվտանգության խորհրդի ցանկացած բանաձև, որն առավելապես կլինի կոչի ֆորմատի, կարծում եմ՝ իր նպատակին չի հասնի։ Թերևս հետագայում որոշակի արարողակարգի միջոցով կարող է մտնել մեծ նստաշրջանի օրակարգ, սակայն այս պահին կիրառական, թիրախային որևէ արդյունավետ գործիքակազմ չեմ տեսնում, որ կարող է գործարկել ԱԽ–ն և դա որևէ դրական հետևանք կունենա ռազմական գործողությունների դադարեցման տեսանկյունից»,– նշում է քաղաքագետը։

Թուրքիան աջակցում է Ադրբեջանին էլեկտրոնային դրոնների, F-16 կործանիչների միջոցով. Սարգսյան

Անդրադառնալով հայ–ադրբեջանական կոնֆլիկտում Թուրքիայի միջամտության խնդրին` Ալեն Ղևոնդյանն ընդգծում է, որ եթե ուշադիր հետևենք Անկարայի վերջին մի քանի տարիների վարքագծին, նրա ռեգիոնալ ագրեսիվ ոճին ու քաղաքականությանը, նրա ազգային շահերի սպասարկման ինքնուրույն մոտեցումներին` առանց հաշվի առնելու միջազգային հանրության, անգամ իր դաշնակիցների մոտեցումները, շատ դեպքերում կոնֆլիկտի գնալով ԱՄՆ–ի ու եվրոպական գործընկերների հետ, ապա կասկածելի է, որ որևէ մեկն ԱԽ ֆորմատում կկարողանա ուղղակիորեն ազդեցություն ունենալ Թուրքիայի վրա, քանզի վերջինս հասկանում է բացառապես ուժի, ռազմական հաղթանակների լեզուն, և եթե զսպվի, ապա միայն այդ ճանապարհով։ 

Պետք է կանխվի դրսից եկող ապակայունացնող ազդեցությունը. ՌԴ դեսպան

Ըստ քաղաքագետի` Թուրքիան փորձելու է նաև գնալ առևտրի, որպեսզի դադարեցնի իր աջակցությունն Ադրբեջանին, որն իր հերթին կամովին դարձել է Թուրքիայի գործիքը ռեգիոնում այդ երկրի դիրքերն ամրապնդելու տեսանկյունից։ Ըստ այդմ` Թուրիքային ընդդիմանալու տեսանկյունից հիմնական շահառու կողմը Ռուսաստանն է, որն արդեն իսկ որոշակի քայլեր ձեռնարկում է այդ ուղղությամբ, մինչդեռ ՄԱԿ-ի ԱԽ անդամ երկրներն ունեն Թուրքիայի վրա ազդելու սահմանափակ հնարավորություններ, առավել ևս, որ Թուրքիան վաղուց կասկածի տակ է դնում ՄԱԿ–ի արդյունավետությունը և ընդհանրապես ներկա ձևաչափը ԱԽ կազմով։

24
թեգերը:
Միավորված ազգերի կազմակերպություն (ՄԱԿ), Արցախ, տարածաշրջան, Թուրքիա, Ալեն Ղևոնդյան
Ըստ թեմայի
Փաշինյանը Մերկելին կոչ է արել ամեն ջանք գործադրել Թուրքիայի կեցվածքը սանձելու համար
Ռուսաստանը մշտական շփման մեջ է նաև ԵԱՀԿ ՄԽ համանախագահների հետ
Ռուսաստանը Թուրքիային զսպելու համարժեք գործիքակազմ ունի. թուրքագետ
Բուրգ լե Վալանս

«Արցախը հայկական է, հայկական էլ կմնա». ֆրանսիական Բուրգ լե Վալանսի քաղաքապետ

46
(Թարմացված է 14:56 29.09.2020)
Ֆրանսիայի Բուրգ Լե Վալանս քաղաքում մոտ 600 ցուցարար է մասնակցել այսօրվա հանրահավաքին, ևս մեկ ցույց երեկոյան է նախատեսված։

ԵՐԵՎԱՆ, 29 սեպտեմբերի– Sputnik. Ֆրանսիական Բուրգ Լե Վալանս քաղաքում այսօր հանրահավաք է անցկացվել` ի աջակցություն Արցախի և հայ ժողովրդի։ Հայոց ցեղասպանության զոհերի հիշատակին նվիրված հուշարձանի մոտ ավելի քան 600 մարդ է հավաքվել։ Նրանք ծածանել են Հայաստանի և Արցաի հանրապետությունների դրոշները։ Ելույթ են ունեցել հայ համայնքի, նաև քաղաքային իշխանության ներկայացուցիչները։ Քաղաքապետ Մարլեն Մուրիերն իր ելույթում լիարժեք աջակցություն է հայտնել հայ ժողովրդին։

«Ես իմ լիարժեք աջակցությունն եմ հայտնում հայ ժողովրդին և նրանց կողքին եմ, ինչպես ամեն անգամ, որովհետև այս պայքարը ճշմարիտ է։ Դրա արմատներն արցախյան հողում «Մենք ենք, մեր սարերը» հուշարձանի նման խորն են։ Նրանց համար, ովքեր կասկածում են`այս հողը հայկական է և հայկական էլ կմնա»,– իր ելույթում նշել է տիկին Մուրիերը։

Նշենք, որ Բուրգ Լե Վալանսում ցույց է նախատեսված նաև այսօր երեկոյան։

2014 թվականին բարեկամության հռչակագիր է ստորագրվել Բուրգ Լե Վալանսի և Արցախի Շուշիի քաղաքների միջև։ Իսկ օրեր առաջ հրապարակել էինք, որ Բուրգ Լե Վալանս քաղաքում ծածանվող Արցախի դրոշի պատճառով մի խումբ ադրբեջանցիներ մտել էին քաղաքապետարան և սպառնալիքներ հնչեցրել քաղաքապետի հասցեին` պահաջնել հանել դրոշը։ Իսկ քաղաքապետ Մարլեն Մուրիերը հրապարակում էր արել` ադրբեջանցիներին հիշեցնելով, որ սա Ադրբեջանը չէ, և այստեղ գործում են ֆրանսիական օրենքները։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։

Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել։

46
թեգերը:
Ադրբեջան, Ղարաբաղյան հակամարտություն, Լեռնային Ղարաբաղ, Արցախ, Հայաստան, Ֆրանսիա
Ըստ թեմայի
Փորձագետը ներկայացրել է ադրբեջանական կողմի զոհերի հերթական ցանկը, որում 80 անուն կա
Պետք է կանխվի դրսից եկող ապակայունացնող ազդեցությունը. ՌԴ դեսպան
Ադրբեջանը երկու օր շարունակ գնդակոծել է Մարտունին. տեսանյութ
Акция протеста союза молодежи АРФ Дашнакцутюн возле офиса ООН в связи с эскалацией в Карабахе (29 сентября 2020). Еревaн

ՀՅԴ երիտասարդները ՄԱԿ-ից պահանջում են Հայաստանի ու Ադրբեջանի միջև հավասարության նշան չդնել

0
(Թարմացված է 15:19 29.09.2020)
ՄԱԿ-ի անվտանգության խորհրդում քննարկվելու է Լեռնային Ղարաբաղի շուրջ ստեղծված իրավիճակը։ Քննարկումը նախատեսված է այսօր երեկոյան, Երևանի ժամանակով 21։00–ին։

ԵՐԵՎԱՆ, 29 սեպտեմբերի– Sputnik. Հայաստանի երիտասարդները ՄԱԿ-ից պահանջում են հրաժարվել Հայաստանի ու Ադրբեջանի միջև հավասարության նշան դնելու քաղաքականությունից։ Այս պահանջով ՀՅԴ երիտասարդական կազմակերպությունն այսօր երթ է կազմակերպել դեպի ՄԱԿ–ի հայաստանյան գրասենյակ։

«Պահանջը մեկն է, որ միջազգային կառույցները հրաժարվեն երկակի ստանդարտներից և հստակ գնահատական տան` ով է ագրեսորը, ինչպես նաև հստակ գնահակատական տան Թուրքիայի ներգրավվածությանը կոնֆլիկտին, որը հանգեցրել է տարածաշրջանում լարվածության աճին և նոր մարդկային կորուստների»,– լրագրողների հետ զրույցում ասաց ՀՅԴ երիտասարդական կազմակերպության անդամ Քրիստինե Վարդանյանը։

Ակցիայի մասնակիցները հիշեցրին, որ ՄԱԿ–ն ունի ստանձնած պարտավորություններ անդամ երկրների նկատմամբ։

ՄԱԿ–ի հստակ գնահատականը Արցախում տեղի ունեցող պատերազմին ու դրանում ներագրավված կողմերին, ակցիայի մասնակիցների համոզմամբ` կանխելու է հետագայում նման գործողույունների հնարավորությունը։

«Ռազմական ճակատում պարտություն կրելուց հետո Ադրբեջանը պետք է նաև դիվանագիտական ճակատում հստակ արձագանքներ ստանա, և հաջորդ անգամ շատ ավելի երկար մտածի նման ոտնձգություն սկսելուց առաջ»,– ասաց Քրիստինե Վարդանյանը։

Հիշեցնենք` ՄԱԿ-ի անվտանգության խորհրդում այսօր քննարկվելու է Լեռնային Ղարաբաղի շուրջ ստեղծված իրավիճակը։ Քննարկումը նախատեսված է այսօր երեկոյան, Երևանի ժամանակով 21։00–ին։

Քննարկումը նախաձեռնել է Էստոնիան։ Հարցի քննարկման ժամանակ նախատեսվում է կապ հաստատել Հայաստանի և Ադրբեջանի արտաքին գործերի նախարարների հետ։

0