Լիոնել Մեսսի

Մեսսին փոշմանե՞լ է. նա ուզում է ևս մեկ խաղաշրջան անցկացնել «Բարսելոնայում». ԶԼՄ

32
(Թարմացված է 12:32 04.09.2020)
Արգենտինացին չի ձգտում կռվով հեռանալ ակումբից, որտեղ անցկացրել է իր ամբողջ կարիերան, ուստի հիմա մտածում է թիմ վերադառնալու մասին։

ԵՐԵՎԱՆ, 4 սեպտեմբերի – Sputnik. «Բարսելոնայի» հարձակվող Լիոնել Մեսսին հակված է առայժմ չխզել պայմանագիրը և մտադիր է ևս մեկ մրցաշրջան անցկացնել կատալոնական ակումբում, հաղորդում է Marca-ն:

Ավելի վաղ լուրեր էին շրջանառվում, որ Մեսսին պատրաստ է հեռանալ «Բարսելոնայից» և խզել պայմանագիրը, որի ժամկետը լրանում է 2021 թվականին: Նա հայտարարել է անգլիական «Մանչեսթեր Սիթի» տեղափոխվելու ցանկության մասին։ Նշվում էր, որ անգլիական ակումբի սեփականատերերը հասկանում են, որ թիմի կազմում Մեսսիի ընդգրկումը բարդ գործընթաց է։ Նրանք պատրաստ են օգտագործել բոլոր անհրաժեշտ ռեսուրսները և լուրջ ծախսեր անել։ Ընդ որում, ակումբի սեփականատերերը հույս ունեն, որ «Բարսելոնան» ֆուտբոլիստի համար ընդունելի գին կպահանջի:

Սակայն «Բարսելոնայի» դիրքորոշումն այս հարցում շատ կոշտ է. ակումբը հայտարարել է, որ ֆուտբոլիստը կարող է դա անել միայն դատարանի միջոցով։ «Բարսայի» նախագահ Խոսեպ Մարիա Բարտոմեուն պահանջում է, որ Մեսսին երկարաձգի պայմանագիրն ակումբի հետ մինչև 2022 թվականը, սակայն վերապահումով, որ ֆուտբոլիստը կարող է հեռանալ «Բարսելոնայից» հաջորդ տարվա ամռանը, եթե ցանկանա: Բացի այդ, ակումբի պաշտոնական ներկայացուցիչները հայտարարել են, որ Մեսսին կարող է «Մանչեսթրի» համար 700 միլիոն եվրո արժենալ։

Արգենտինացին չի ձգտում այդ կերպ հեռանալ ակումբից, որտեղ անցկացրել է իր ամբողջ կարիերան, ուստի հիմա մտածում է թիմ վերադառնալու մասին։

Ավելի վաղ «Բարսելոնայի» ավագ Լիոնել Մեսսիի հայրը՝ Խորխե Մեսսին, հայտարարել էր, որ իր համար դժվար է պատկերացնել, որ որդին կմնա կատալոնական ակումբի կազմում: Նա ստեղծված իրավիճակը գնահատել է բավական բարդ։ ԶԼՄ-ների այն հարցին, թե ինչպես է տեսնում որդու ապագան «Բարսելոնայի» կազմում, նա ասել է. «Ծանր է, ծանր»։

Մեսսին հեռանու՞մ է «Բարսելոնայից». արգենտինացի հարձակվողի «գլխի համար» որս է սկսվել

Նա չգիտի՝ արդյո՞ք Մեսսին կլքի «Բարսան», «Մանչեսթեր Սիթիի» գլխավոր մարզիչ Խոսեպ Գվարդիոլոյի հետ այդ մասին չի զրուցել։

Այս պահի դրությամբ Մեսսին ներկա չի եղել «Բարսելոնայի» ոչ մի մարզման՝ «կապտանռնագույնների» նոր մարզիչ Ռոնալդ Կումանի ղեկավարությամբ, ինչպես նաև չի մասնակցել կորոնավիրուսի թիմային թեստին։

Մեսսիի՝ ակումբից հեռանալու մասին խոսակցությունները հայտնվել են կորոնավիրուսի համավարակի պատճառով վճարումների հետ կապված նրա դժգոհության ֆոնին։ Ֆուտբոլիստի պայմանագիրն ակումբի հետ ավարտվում է 2021թ․-ի ամռանը։

33-ամյա Լիոնել Մեսսին արգենտինացի ֆուտբոլիստ է, իսպանական «Բարսելոնայի» հարձակվողն է և թիմի ավագը, 2011 թվականից՝ Արգենտինայի ազգային հավաքականի ավագը: Ճանաչվել է «Բարսելոնայի» և Արգենտինայի հավաքականի պատմության լավագույն ռմբարկուն։

32
թեգերը:
Բարսելոնա, ֆուտբոլիստ, ֆուտբոլ, Լիոնել Մեսսի
Ըստ թեմայի
Ինչպես է Մեսսիի 4 տարեկան որդին տոնել հոր հաղթանակը. տեսանյութ
Հենրիխ Մխիթարյանը մոր թասիբի համար է հրաժարվել հավաքականի հետ խաղերից. «Հրապարակ»
Ո՞վ կհագնի Հենրիխ Մխիթարյանի մարզաշապիկը. ՀՖՖ–ն ներկայացրել է հավաքականի նորեկներին

Վրաստանում ավարտվեց «Արժանի գործընկեր 2020»-ը. ի՞նչ էին անում ՆԱՏՕ-ի զինվորականներն այնտեղ

24
(Թարմացված է 13:05 22.09.2020)
«Արժանի գործընկեր» զորավարժությունը հինգերորդ անգամ է անցկացվում Վրաստանում։ ՆԱՏՕ-ն խոստանում է Վրաստանին իր շարքերն ընդունել, սակայն ժամկետների մասին չի խոսում, ու Վրաստանը շարունակում է սպասել։

Վրաստանում ավարտվեցին «Արժանի գործընկեր  2020» զորավարժությունները։ Մանևրերին մասնակցելու համար հավաքվել էին մոտ 3 հազար զինվորական ԱՄՆ-ից, Լեհաստանից, Ֆրանսիայից, Մեծ Բրիտանիայից ու բուն Վրաստանից։ ԱՄՆ դեսպանն ասել է, որ երկրներն ուզում են համատեղ ջանքերով բարելավել մարտական պատրաստականություն ու սատարել անվտանգ մթնոլորտի պահպանմանը Սև ծովի տարածաշրջանում։ Բայց ի՞նչ է իրականում թաքնված ամպագոռգոռ հայտարարությունների հետևում։ Ինչու՞ են ՆԱՏՕ-ի զինվորականները զորաշարժեր մշակելու համար ընտրել հենց Վրաստանը։ Ու ի՞նչ են Ռուսաստանում մտածում զորավարժությունների մասին։

Զիվորականները ՆԱՏՕ-ի գործընկերների հետ մշակում էին «զորքային համատեղելիության» պլանը։

Վազիանի ռազմաբազայում տեղի ունեցած զորավարժությանը մասնակցում էր գրեթե 2,8 հազար մարդ հենց Վրաստանից, նաև Լեհաստանից, Ֆրանսիայից, Մեծ Բրիտանիայից ու ԱՄՆ-ից ։

Զորավարժությունների սցենարի համաձայն՝ միացյալ զորքերը պաշտպանվում էին ու հարձակվում`կիրառելով հրաձգություն։

«Մենք ժամանել ենք արտաքին ու ներքին ներուժն ամրապնդելու համար ու արեցինք դա։ Դաշտային կոմբինացված մարզումները, որոնք դուք այսօր տեսաք, հիանալի օրինակ է, թե ինչպես հինգ երկիր կարողացան գալ այստեղ, հարձակվել, շարժվել ու փոխներգործել որպես միասնական միջազգային ուժ»,–ասել է զորավարժությունների ղեկավար Ջեյսոն Ֆրայմանը։

Կազմակերպիչներն ասում են, որ իրենց նպատակն է բարելավել Վրաստանի Զինված ուժերի,  ԱՄՆ-ի ու գործընկեր երկրների մարտական պատրաստվածությունը, նաև իբր պահպանել կայուն ու անվտանգ մթնոլորտը Սև ծովի շրջանում։ Սակայն փորձագետները վստահ են, որ իրականում զորավարժություններ այլ նպատակ են հետապնդում։

ԱՄՆ-ն նույնիսկ ինքն է «բերանբացություն» արել։ «Այդ զորավարժությունները ոչ միայն արտաքին ու ներքին ներուժի բարելավման համար են, դրանք, չնայած համավարակին, նաև կազմակերպված զորավարժություններ անցկացնելու ցուցադրական քայլ են, հստակ զգուշացնող ուղերձ բոլոր ագրեսորներին»,– ասել է Վրաստանում ԱՄՆ դեսպան Քելլի Դեգնանը։

Պատրա՞ստ է արդյոք ԱՊՀ երկրների ՀՕՊ միացյալ համակարգը դիմակայել ՆԱՏՕ–ի սադրանքներին

Ագրեսորի մասին խոսելիս՝ ԱՄՆ-ն ի նկատի ունի Ռուսաստանին ու օգտագործում է Վրաստանի տարածքը՝ Մոսկվայի վա ռազմաքաղաքական ճնշում գործադրելու համար։

Փոխարենը ՆԱՏՕ-ն խոստանում է Վրաստանին իր շարքերն ընդունել, սակայն ժամկետների մասին չի խոսում, ու Վրաստանը շարունակում է սպասել։

ՌԴ ԱԳՆ-ն բազմիցս ասել է, որ Մոսկվան համաձայն չէ Թբիլիսիի դիրքորոշման հետ ու կարծում է, որ Վրաստանի ու ՆԱՏՕ-ի համատեղ զորավարժությունները միայն սրում են իրավիճակը։

24
թեգերը:
ՆԱՏՕ, ԱՄՆ, Վրաստանի Հանրապետություն, Զորավարժություններ
Ըստ թեմայի
Rail Baltica. ինչպես է «մահանում» ՆԱՏՕ-ի և Եվրոպական միության փայփայած նախագիծը
ՆԱՏՕ-ի գլխավոր քարտուղարի հատուկ ներկայացուցիչը կոչով դիմել է ԵԱՀԿ Մինսկի խմբին
Նորվեգիան կդառնա՞ երկրորդ «Լեհաստան». ՆԱՏՕ-ի զորքերն ակտիվացել են
Նիկոլ Փաշինյան, արխիվային լուսանկար

Փաշինյանը ՄԱԿ–ի ասամբլեայում խոսել է միջազգային հարաբերություններում ուժ չկիրառելու մասին

108
(Թարմացված է 10:38 22.09.2020)
Կորոնավիրուսի համավարակի պատճառով Փաշինյանը ՄԱԿ–ի անդամներին դիմել է ավելի վաղ արված տեսագրության միջոցով։

ԵՐԵՎԱՆ, 22 սեպտեմբերի – Sputnik. ՀՀ վարչապետ Նիկոլ Փաշինյանը ՄԱԿ–ի գլխավոր ասամբլեային ուղղված իր տեսագրության մեջ նշել է կազմակերպության դերը միջազգային հարաբերություններում ուժի կիրառում թույլ չտալու հարցում։

Սեպտեմբերի 21-ին ՄԱԿ–ի  75-ամյակի առթիվ կազմակերպված հանդիպումով մեկնարկեց  մեկշաբաթյա միջոցառումների շարքը, որոնք կավարտվեն սեպտեմբերի 29-ին։ Առաջին անգամ առաջնորդների ելույթները հեռարձակվում էին տեսագրված տարբերակով՝ կորոնավիրուսի համավարակի հետ կապված իրավիճակից դրդված։

«ՄԱԿ–ի  կարևորագույն դերակատարումներից է նաև միջազգային հարաբերություններում ուժի սպառնալիքի կամ դրա կիրառման արգելքը: Սա գլոբալ խաղաղության և անվտանգության պահպանման անկյունաքարն է, որը գլխավոր նախապայման է կայուն զարգացման համար»,– ասել է ՀՀ վարչապետը։

Նա անդրադարձել է նաև ժողովուրդների ինքնորոշման իրավունքը մերժելու անթույլատրելիությանը։ Վարչապետի խոսքով`  սա արմատապես հակասում է ՄԱԿ–ի հիմնական արժեքներին և միջազգային կարգի պատմական էվոլյուցիային։

«Վերջին երկու տասնամյակների ընթացքում մի շարք նոր պետությունների ի հայտ գալը այս միտման լավագույն ապացույցն են»,– նշել է  Փաշինյանը։

ՀՀ վարչապետի կարծիքով` գլոբալ և տարածաշրջանային խնդիրները լուծելու համար անփոխարինելի է արդյունավետ բազմակողմանի մոտեցումը, որտեղ կենտրոնական դերը հատկացված է ՄԱԿ–ին։

ԱՄՆ–ն ընդդեմ ԱՄՆ-ի. Վաշինգտոնը զրկվել է Իրանի էմբարգոն երկարաձգելու իրավական լծակից

«ՄԱԿ–ը ոչ միայն 193 անդամ երկրներն են, այն ավելին է, քան ազգային շահերի ներկայացման ընդհանուր հարթակ։ Այն հիմք է, որի վրա ձևավորվում են ընդհանուր շահերը, հարթակ, որտեղ լսում են միմյանց։ Բացի այդ, ՄԱԿ–ը նաև մարդու իրավունքների և դրանց կիրառման հարցում համաչափության սկզբունքի պաշտպանն է։ Անվտանգությունն անհնար է առանց մարդու իրավունքները հարգելու»,– ընդգծել է Փաշինյանը։

Նա հավելել է, որ Հայաստանը վճռական է` միջազգային իրավունքի և ազատության ու արդարության համընդհանուր արժեքների վրա հիմնված լավագույն միջազգային կարգի հաստատմանն ուղղված ընդհանուր ուժերին աջակցելու հարցում։

108
թեգերը:
ելույթ, Նիկոլ Փաշինյան, Հայաստան
Ըստ թեմայի
Հայաստանը բարելավել է դիրքերը Էլեկտրոնային կառավարման զարգացման ՄԱԿ–ի սանդղակում
ՄԱԿ-ի գլխավոր քարտուղարը կոչով դիմել է Երևանին ու Բաքվին
ՀԱՊԿ-ի և ՄԱԿ-ի գլխավոր քարտուղարները համատեղ հայտարարություն են արել
ՄԱԿ-ի գլխավոր քարտուղարը կոչ է հղել Փաշինյանին և Ալիևին
Միքայել Մինասյան

Միքայել Մինասյանին կկալանավորեն. դատարանը բավարարել է միջնորդությունը

48
(Թարմացված է 14:47 22.09.2020)
Հետախուզման մեջ գտնվող Միքայել Մինասյանին, եթե հայտնաբերեն, կկալանավորեն։

ԵՐԵՎԱՆ, 22 սեպտեմբերի - Sputnik. Վատիկանում ՀՀ նախկին դեսպան, ՀՀ երրորդ նախագահ Սերժ Սարգսյանի փեսա Միքայել Մինասյանը կկալանավորվի։ Երևանի ընդհանուր իրավասության դատարանը՝ դատավոր Մանվել Շահվերդյանի նախագահությամբ, բավարարել է Մինասյանին կալանավորելու մասին քննիչի միջնորդությունը։ Տեղեկությունը Sputnik Արմենիայի հետ զրույցում հաստատեցին դատախազությունից։

Նշենք, որ նրա նկատմամբ հայտարարվել է հետախուզում։ Նախաքննական մարմինը նաև նախկին դեսպանին կալանավորելու միջնորդություն էր ներկայացրել դատարան։

Հիշեցնենք` հունիսի 4-ին Մինասյանի փաստաբան Միհրան Պողոսյանը հայտնել էր, որ Վերաքննիչ քրեական դատարանը՝ նախագահությամբ դատավոր Սերգեյ Մարաբյանի, վերացրել է Միքայել Մինասյանին կալանավորելու որոշումը, որը կայացրել էր Երևանի առաջին ատյանի ընդհանուր իրավասության դատարանի դատավոր Արտուշ Գաբրիելյանը։

Դրան հաջորդել էր ՊԵԿ ն նախագահ Էդվարդ Հովհաննիսյանի մեկնաբանությունը, թե նախնական տեղեկություններով` Վերաքննիչը Մինասյանի պաշտպանների` կալանքի վերաբերյալ միջնորդության քննության հարցը վերադարձրել է Առաջին ատյանի դատարան, ոչ թե բեկանել այն։

Ռոբերտ Նազարյանը միակը չէ. հանձնաժողովի նախկին անդամներ էլ են ձերբակալվել

Իսկ հուլիսի 29-ին ՀՀ վերաքննիչ քրեական դատարանը մերժել է Միքայել Մինասյանի կալանավորումը մերժելու վերաբերյալ դատախազության ներկայացրած բողոքը։

Մինասյանը որպես մեղադրյալ է ներգրավվել ՊԵԿ–ի քննչական վարչությունում քննվող քրգործի շրջանակում միանգամից 3 հոդվածով: Պետեկամուտների կոմիտեն ավելի վաղ տեղեկացրել էր, որ Մինասյանը մեղադրվում է ապօրինի հարստացման, հայտարարագրում կեղծ տվյալներ ներկայացնելու և հանցավոր ճանապարհով ձեռք բերված գույքն օրինականացնելու մեջ։

Դատախազությունը բողոքարկել է Միքայել Մինասյանի կալանավորումը մերժելու որոշումը

48
թեգերը:
միջնորդություն, Դատավոր, Դատարան, կալանավորել, Միքայել Մինասյան, Հայաստան
Ըստ թեմայի
Միքայել Մինասյանի մեղադրանքն ավելացվել է նոր բացահայտումներով. «Սպայկան» և Ռոզա Ստեփանյանը
Աննա Հակոբյանն ու եղբայրը դատի են տվել Միքայել Մինասյանին
Միքայել Մինասյանին կալանավորելու որոշումը վերացվել է
«Ես պատրաստ եմ ժառանգել Սերժ Սարգսյանի մեղքերը»․ Միքայել Մինասյան