Սվետլանա Տիխանովսկայան

Բողոքի ակցիաները Բելառուսում չեն դադարի և անվերջ կշարունակվեն․ Տիխանովսկայա

68
(Թարմացված է 10:10 04.09.2020)
Տիխանովսկայան կարծում է, որ սահմանադրական բարեփոխումից առաջ պետք է ևս մեկ քվեարկություն անցկացնել։ Ընդդիմադիր գործիչը վստահ է` ժողովուրդը չի ընդունի Լուկաշենկոյի առաջարկը։

ԵՐԵՎԱՆ, 4 սեպտեմբերի – Sputnik. Բելառուսի նախագահական ընտրություններում Ալեքսանդր Լուկաշենկոյի մրցակից Սվետլանա Տիխանովսկայան հայտարարել է, որ երկրում բողոքի ակցիաները չեն դադարի և անվերջ կշարունակվեն: Այդ մասին նա ասել է NHK-ին:

Նրա խոսքով՝ ցուցարարները «Լուկաշենկոյի վրա ճնշում գործադրող ուժ են»։ Ինչ վերաբերում է Սահմանադրության մեջ փոփոխություններ կատարելուց հետո կրկնակի նախագահական ընտրություններ անցկացնելու Լուկաշենկոյի առաջարկին, ապա, ըստ Տիխանովսկայայի, մինչև սահմանադրական բարեփոխումը պետք է ևս մեկ քվեարկություն անցկացնել: Ընդդիմադիրը վստահ է, որ ժողովուրդը չի ընդունի Լուկաշենկոյի առաջարկը։

Ավելի վաղ Սվետլանա Տիխանովսկայան հայտարարել էր, որ մտադիր է սեպտեմբերին ելույթ ունենալ ՄԱԿ-ի անվտանգության խորհրդի և Եվրոպայի խորհրդի խորհրդարանական վեհաժողովի նիստերին։ Նշվում էր, որ արդեն նախատեսված են նրա ելույթները ՄԱԿ-ի Անվտանգության խորհրդի նիստում՝ սեպտեմբերի 4-ին և ԵԽ խորհրդարանական վեհաժողովի նիստում՝ սեպտեմբերի 8-ին։

Տիխանովսկայան մտադիր է դիմել միջազգային հանրությանը՝ խնդրելով «հարգել Բելառուսի ինքնիշխանությունը, հանդես գալ իբրև Բելառուսի ինքնիշխանության երաշխավոր և հարգել բելառուս ժողովրդի կամքը»:

Քոչարյանը զուգահեռներ անցկացրեց «թավշյա հեղափոխության» և Բելառուսի իրադարձությունների միջև

«Իշխանության ներկայացուցիչների և ժողովրդի միջև իշխանության փոխանցման շուրջ բանակցությունների հասնելը հենց բելառուսների պատասխանատվությունն է»,-ասված է նրա մամուլի ծառայության հաղորդագրության մեջ:

Նշվում է, որ այդ բանակցությունները սկսելու համար ընդդիմությունը չի հրաժարվում նաև միջազգային աջակցությունից։

Հիշեցնենք` օգոստոսի 9-ին Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Տիխանովսկայան այժմ Լիտվայում է։

Հրապարակվել է Մինսկում ցուցարարի մահվան պահի տեսանյութը

Օգոստոսի 16-ին երկրում տեղի են ունեցել Բելառուսի ժամանակակից պատմության մեջ ամենախոշոր բողոքի ցույցերը:

Պաշտոնական տվյալներով՝ առաջին օրերին ավելի քան 6,7 հազար մարդ է ձերբակալվել։ Ինչպես հաղորդել է հանրապետության ՆԳՆ-ն, անկարգությունների ընթացքում տուժել են հարյուրավոր մարդիկ, այդ թվում՝ իրավապահ մարմինների ավելի քան 120 աշխատակից: Բելառուսի իշխանությունների տվյալներով՝ մահացել է բողոքի ակցիայի երեք մասնակից։

68
թեգերը:
Սվետլանա Տիխանովսկայա, Ալեքսանդր Լուկաշենկո, Նախագահ, Ընտրություններ, Մինսկ, Բելառուս
Ըստ թեմայի
Սլովակիայում Բելառուսի դեսպանը հրաժարական է տվել. նա ցուցարարների կողմից էր հանդես եկել
ՌԴ–ի և Բելառուսի ղեկավարները կրկին զրուցել են. Լուկաշենկոն խնդրանքով է դիմել Պուտինին
Ռուսական զորքը Բելառուս մտցնելու կարիք դեռ չկա. Պուտին
Ուսանող

Քվոտաների հատկացում` ՌԴ–ում սովորելու համար. տեղերն ավելի շատ կլինեն, համակարգը կբարեփոխվի

4
(Թարմացված է 19:23 24.09.2020)
«Ռոսսոտրուդնիչեստվոյի» ղեկավար Եվգենի Պրիմակովը կարծում է, որ ռուսական բուհերում դիմորդներին անվճար տեղեր տրամադրելու ձևաչափը բարեփոխման կարիք ունի։

ԵՐԵՎԱՆ, 24 սեպտեմբերի – Sputnik, Ալեքսեյ Ստեֆանով. ՌԴ Պետդումայի պատգամավոր Եվգենի Պրիմակովն այս տարվա հունիսի վերջին «Ռոսսոտրուդնիչեստվոյի» ղեկավար նշանակվեց և անմիջապես լուրջ փոփոխություններ խոստացավ ռուսական գործակալության գործունեության հարցում։ Նորանշանակ ղեկավարը որպես ցավոտ թեմա առանձնացրեց օտարերկրյա քաղաքացիների համար ռուսական բուհերում սովորելու քվոտաների տրամադրման համակարգը։

«Քվոտաների թիվը կավելանա, նախագահը (ՌԴ նախագահ Վլադիմիր Պուտինը. խմբ.) ասել է, որ դրանք ավելի շատ կլինեն։ 2023 թվականին պետք է կրկնակի ավելանան։ Սակայն մենք կրթության նախարարության և Պետդումայի գործընկերների հետ քննարկում ենք, որ քվոտաների պատմությունն այդքան էլ արդյունավետ չէ», – Sputnik գործակալությանն ասաց «Ռոսսոտրուդնիչեստվոյի» ղեկավար Եվգենի Պրիմակովը։

Նա բերեց Բելառուսի օրինակը, որին մեծ թվով բյուջետային տեղեր էին հատկացվել բուհերում, բայց Ռուսաստանը հազիվ թե ոտք գցի նույնիսկ Լեհաստանի հետ։

«Լեհերը ոչ միայն սովորելու հնարավորություն են ընձեռում, այլև ուսանողների համար որոշակի կրթաթոշակներ, դրամաշնորհներ են հատկացնում։ Նրանց հետ մրցելը դժվար է, եթե մենք երեխաներին առաջարկում ենք պարզապես գալ և սովորել։ Պետք է կատարելագործել համակարգը, որպեսզի որոշակի պահի գոնե այդ քվոտաների մի մասում դրամաշնորհների և կրթաթոշակների բաղադրիչ հայտնվի։ Որպեսզի ոչ միայն ասենք` եկեք և սովորեք, այլ ահա ձեզ տոմս, որ տեղ հասնեք, ահա ձեզ հնարավորություն վճարելու բնակարանի կամ հանրակացարանի համար», – նշեց Պրիմակովը։

«Ռոսսոտրուդնիչեստվոն» «թվային առաջխաղացում» է սկսել․ կազմակերպության նոր ձևաչափերը

«Ռոսսոտրուդնիչեստվոն» շահագրգռված է, որ օտարերկրյա ուսանողները, Ռուսաստան գալով, դառնան բարձրակարգ մասնագետներ, իրենց ոլորտում բարձրակարգ փորձագետներ, իսկ սովորելուց հետո վերադառնան տուն, լավ աշխատանք գտնեն։ Բայց այսօրվա համակարգի պարագայում այդ ծրագրերը կյանքի կոչելը հաճախ չի հաջողվում։

«Կան երեխաներ, որոնք Ռուսաստան են գալիս ու ծանր հանգամանքներում են հայտնվում, նրանք ստիպված սկսում են աշխատել որպես տաքսու վարորդներ, փողոց են ավլում։ Դա սխալ է նույնիսկ այդ երեխաների կրթության համար մեր բյուջետային միջոցները ծախսելու տեսանկյունից», – պարզաբանեց «Ռոսսոտրուդնիչեստվոյի» ղեկավարը։

Նրա խոսքով` քվոտաների տրամադրման համակարգի բարեփոխման հստակ ծրագրեր դեռ չկան, «ծրագիր ասվածը քիչ թե շատ հստակ բան է», իսկ խնդիրը դեռ նոր է քննարկվում։ Պրիմակովը համոզված է, որ առանց բարեփոխումների խնդիրը չի լուծվի։

Օտարերկրյա ուսանողների համար բյուջետային տեղերը 15-ից մինչև 30 հազար ավելացնելու հարցը Պետդումայում քննարկվել է 2020 թվականի սկզբին։ Այն ժամանակ ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահ Լեոնիդ Կալաշնիկովը նշեց, որ 15 հազար տեղը չի համապատասխանում Ռուսաստանի միջազգային դերին ու մարդասիրական ուժին։ Եվ նույնպես բերեց Լեհաստանի օրինակը, որը միայն Բելառուսի քաղաքացիների համար 10 հազար բյուջետային տեղ է հատկացնում, և Ռումինիայի, որը ամեն տարի անվճար ուսում է տալիս Մոլդովայի 5 հազար քաղաքացու։ Այն դեպքում, երբ Ռուսաստանում սովորելու համար օտարերկրացիներից մոտավորապես 100 հազար հայտ է ստացվում։ Արդյունքում կրթության նախարարությունը ծրագրում է օտարերկրյա ուսանողների համար քվոտաների թիվը հասցնել 30 հազարի։

Անորոշություն ցնցումներից հետո. ՀՊՏՀ–ում ժամանակը կանգ է առել

4
թեգերը:
Եվգենի Պրիմակով, դիմորդ, բուհ, Ռուսաստան
Ըստ թեմայի
«Թումո» կենտրոնում նոր ծրագրեր են իրականացվելու. ծրագրավորում կսովորեն նաև մեծահասակները
«Այդ մոնստրը ի սկզբանե մեռելածին էր». Աշոտյանը շնորհակալ է Նիկոլ Փաշինյանին
Բուհ–աշխատաշուկա կապի տեմպերը մտահոգիչ են. ինչ է ցույց տալիս ուսումնասիրությունը
Սերգեյ Ռիբինսկի

Ռոսսոտրուդնիչեստվոն «թվային առաջխաղացում» է սկսել․ կազմակերպության նոր ձևաչափերը

15
(Թարմացված է 18:28 24.09.2020)
Ռուսական դպրոցների քանակը հետխորհրդային տարածքում կրճատվում է, ու այդ ֆոնին տարատեսակ առցանց ֆորմատները գնալով ավելի հետաքրքիր են նայվում։ Sputnik Արմենիայի նյութում ընթերցեք՝ այդ կապակցությամբ ինչ ծրագրեր է իրականացնում Ռոսսոտրուդնիչեստվոն։

ԵՐԵՎԱՆ, 24 սեպտեմբերի – Sputnik. Հայաստանում Ռոսսոտրուդնիչեստվոյի իրականացրած կրթական առցանց նախագծերը մեծ հետաքրքրություն են առաջացրել ինչպես աշակերտների, այնպես էլ ուսուցիչների շրջանում, իսկ մասնակիցների թիվը գերազանցել է հազարը։ Այս մասին «Թիվը մոտ է. ինչպես են ամբողջ աշխարհի դպրոցականները, ուսանողներն ու երիտասարդ գիտնականները աջակցություն ստանում Ռուսաստանի համալսարաններից» թեմայով Մոսկվա–Երևան–Նուր Սուլթան տեսակամրջի ձևաչափով անցկացված կլոր սեղանի ընթացքում ասաց Երևանում ԳՄՌԿ տնօրեն Սերգեյ Ռիբինսկին։

Նրա խոսքով` Հայաստանի համար այս նախագծերը հատուկ նշանակություն ունեն, քանի որ երկրում շատերն են տիրապետում ռուսերենին։

«Բնակչության ավելի քան 70%–ը տիրապետում են ռուսերենին, իսկ շուրջ 1460 դպրոցներում դրա դասավանդումը պարտադիր է։ Բացի այդ, երկրում 3000–ից ավել ռուսերենի մասնագետներ կան։ Դատելով այն արձագանքից և հետաքրքրությունից, որ իրենք առաջացրել են, կարելի է ասել, որ մենք չենք սխալվել», – նշեց Ռիբինսկին։

ԳՄՌԿ–ի տնօրենը նաև նշեց, որ իրականացրած ծրագրերն իսկական առաջխաղացում էին թվային տեխնոլոգիաների ոլորտում։

Sputnik Արմենիայի թղթակցի այն հարցին, թե արդյո՞ք մտադրություն կա վերանայել երիտասարդների հետ աշխատելու ստանդարտ ծրագրերը և դրանք ավելի գրավիչ դարձնել Հայաստանում աճող սերնդի համար, Ռոսսոտրուդնիչեստվոյի ղեկավար Եվգենի Պրիմակովն ասաց. «Անկասկած, այո»։

Видеомост Москва – Ереван – Нур-Султан в мультимедийном пресс-центре Sputnik Армения с участием Рипсиме Авагян, Сергея Рыбинского и Натальи Степанян (24 сентября 2020). Еревaн
© Sputnik / Aram Nersesyan
Մոսկվա–Երևան–Նուր Սուլթան տեսակամրջի ձևաչափով անցկացված կլոր սեղան

Նրա խոսքով` որոշ նախագծեր կմշակվեն բուն կազմակերպությունում, բայց միևնույն ժամանակ, Հայաստանից ցանկացած առաջարկի համար այն բաց է։

«Գիտեմ, որ հայկական կողմից մեծ հետաքրքրություն կա, Ռոսսոտրուդնիչեստվո դիմել են նաև Մոսկվայի հայ համայնքի ներկայացուցիչներ»,–նշեց Պրիմակովը։

Նա կարծում է, որ անհրաժեշտ է համատեղ ջանքերով զարգացնել Հայաստանում ռուսական կրթության տարբեր ձևաչափերը։

Կազմակերպության ղեկավարը նաև հավելեց, որ Ռոսսոտրուդնիչեստվոն միշտ ուրախ կլինի նոր գաղափարներ լսել։

Ապագան պատկանում է թվային կրթությա՞նը

Եվգենի Պրիմակովը կարծիք հայտնեց, որ առցանց նախագծերը, որոնք ծրագրած էին դեռ մինչև կարանտինը, արդեն համավարակի ժամանակ արդիական դարձան ինչպես երբևէ։

Видеомост Москва – Ереван – Нур-Султан в мультимедийном пресс-центре Sputnik Армения с участием Рипсиме Авагян, Сергея Рыбинского и Натальи Степанян (24 сентября 2020). Еревaн
© Sputnik / Aram Nersesyan
Մոսկվա–Երևան–Նուր Սուլթան տեսակամրջի ձևաչափով անցկացված կլոր սեղան

«Ռոսսոտրուդնիչեստվոն ծրագրեր է իրականացնում գործընկերների հետ։ Դրանք ուղղված են ինչպես դպրոցականներին, որոնց անհրաժեշտ է սովորել կողմնորոշվել տարատեսակ կրթական թվային հարթակներում, այնպես էլ ուսանողներին և դասախոսներին»,–ասաց Պրիմակովը։

Ընտանեկան կամ տնային ուսուցման համատեքստում առցանց ձևաչափերը Ռոսսոտրուդնիչեստվոյի ղեկավարը համարում է բավական հետաքրքիր և հեռանկարային։ Դրանք ինչպես Ռուսաստանում, այնպես էլ արտերկրում սկսում են մեծ պահանջարկ վայելել։

Ըստ նրա` արտերկրում գտնվող ռուսաստանցիներից շատերի համար սա ռուսական չափորոշիչներով կրթություն ստանալու բազմաթիվ ձևերից մեկն է։ Միևնույն ժամանակ, առցանց նախագծերը միայն մասամբ են փոխհատուցում մերձավոր արտասահմանի երկրներում ռուսալեզու դպրոցների կրճատումը։

Ինչպես էր աֆրիկացին Երևանում ռուսերենով բանաստեղծություն կարդում Մոսկվայի մասին. տեսանյութ

«Դպրոցների հետ կապված իրավիճակը մեզ միշտ շատ մտահոգում է։ Իրականացվող նախագծերը լիովին չեն փոխարինի դասական առկա կրթությունը, բայց մասամբ կփոխհատուցեն դրա փոխարեն։ Սակայն պետք չէ առցանց կրթությունը դիտարկել բացառապես դասականի համատեքստում», – ասաց նա։

Ռոսսոտրուդնիչեստվոյի ղեկավարը նշեց, որ թվային ուսուցումը նոր և շատ նորաձև ուղղություն է, որը պետք է զարգացնել անկախ նրանից, թե ինչ է տեղի ունենում ավանդական դպրոցների հետ։ Դրանց ևս անհրաժեշտ է աջակցել և զարգացնել։

15
թեգերը:
Ռոսսոտրուդնիչեստվո, «Ռոսսոտրուդնիչեստվո»
Ըստ թեմայի
Փաշինյանի ռուսերենն ու Մեդվեդևի կատակը. ինչպես շատերը կերան «կուտը» և ճանճից փիղ ծեփեցին
Օտար լեզուների շարքում ռուսերենն ունի կարևոր ու առանձնահատուկ նշանակություն. Փաշինյան
Ինչպե՞ս ճիշտ դասավանդել լեզուն. ռուսերենի հայ ուսուցիչները Մոսկվայում են
Пожар двухэтажного дома в деревне Птхунк (24 сентября 2020).

Պտղունք գյուղի տներից մեկում հրդեհ է բռնկվել. դեպքի վայրում է ԱԻ նախարարը

2
(Թարմացված է 19:46 24.09.2020)
Դեպքի վայր է մեկնել ինը մարտական հաշվարկ։ Ըստ նախնական տվյալների՝ հրդեհը բռնկվել է երկհարկանի շինության երկրորդ հարկի թվով 7-8 բնակարաններում։

ԵՐԵՎԱՆ, 24 սեպտեմբերի - Sputnik. Պտղունք գյուղի տներից մեկում հրդեհ է բռնկվել։ Այդ մասին ահազանգն Արմավիրի մարզային ճգնաժամային կառավարման կենտրոնում ստացվել է սեպտեմբերի 24-ին, ժամը 18:08-ին, տեղեկացնում են ԱԻՆ լրատվական ծառայությունից։ 

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Հրդեհի բարդության «Թիվ 2» կանչով դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ, Երևան քաղաքի փրկարարական վարչության հրշեջ-փրկարարական ջոկատներից երկու  մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Հայտարարվել է հրդեհի բարդության «Թիվ 3» կանչ․ դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից ևս մեկ մարտական հաշվարկ, Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Բժշկական ապահովման վարչության հերթապահ բժիշկը և Հոգեբանական աջակցության բաժնի հերթապահ հոգեբանը:

Հրդեհաշիջման աշխատանքներին ներգրավված է Վաղարշապատի քաղաքապետարանի 2 ջրատար։

Пожар двухэтажного дома в деревне Птхунк (24 сентября 2020).
Պտղունք գյուղի տներից մեկում հրդեհ է բռնկվել

Ըստ նախնական տվյալների՝ հրդեհը բռնկվել է երկհարկանի շինության երկրորդ հարկի թվով 7-8 բնակարաններում։ Այրվում է մոտ 500-600 քմ տարածք։ Տուժածներ չկան։

ԱԻՆ-ից հայտնում են, որ դեպքի վայրում են գտնվում ԱԻ նախարար Ֆ․ Ցոլակյանը, Փրկարար ծառայության տնօրեն փ/ծ գեներալ-մայոր Վ․ Գաբրիելյանը և տնօրենի տեղակալ փ/ծ գնդապետ Տ․ Պետրոսյանը։

2
թեգերը:
Ֆելիքս Ցոլակյան, Գյուղ, Արմավիրի մարզ, ՀՀ արտակարգ իրավիճակների նախարարություն (ԱԻՆ), հրդեհ