Ինչպես տարբերել որակյալ լուծվող սուրճը անորակից
(Թարմացված է 09:58 04.09.2020)
Մասնագետը նաև բացատրել է սուրճը ճիշտ պահելու ձևերը, որոնք կօգնեն պահպանել դրա համային որակները: ԵՐԵՎԱՆ, 4 սեպտեմբերի — Sputnik. Լուծվող սուրճի որակը կարելի է ստուգել սառը ջրի օգնությամբ։ Այս մասին «Մոսկվա» քաղաքային նորությունների գործակալությանը ասել է արտադրանքի որակի տեսչության մասնագետ Նինա Զայցևան:
Նրա խոսքով ՝ եթե սառը ջրում սուրճը լուծում եք և հատակին նստվածք է առաջանում, ապա դա խոսում է սուրճի տեխնոլոգիայի խախտման կամ աղացած հավելումների ավելացման մասին, ասենք՝ բոված հացահատիկային կուլտուրաների։ Այս ամենը դրա ցածրորակ լինելու մասին է խոսում։
«Որակյալ լուծվող սուրճը պետք է ամբողջությամբ լուծվի ինչպես տաք, այնպես էլ սառը ջրում»", - նշել է Զայցևան:
Մասնագետը խորհուրդ է տալիս սուրճը պահել հերմետիկ փակվող կափարիչով, քանի որ բարձր խոնավության դեպքում այն կորցնում է իր համային որակները։ Իսկ քանի որ սուրճը կլանում է հոտերը, ապա այն պետք է հեռու պահել հոտավետ մթերքներից։
Գիտնականները պարզել են` ինչն է իջեցնում զարկերակային ճնշումը
Հայտնի է` ինչի հետևանքով է կործանվել թուրքական ռազմական ուղղաթիռը
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։