Սիրուշո

Լեհ երկրպագուն Սիրուշոյի անունը հայերենով դաջել է ձեռքին. երգչուհին տեսանյութ է հրապարակել

91
Վարշավայում Սիրուշոն հանդիպել է իր ամենահավատարիմ լեհ երկրպագուներից մեկին, վերջինս երգչուհու համար նվեր էր պատրաստել։

ԵՐԵՎԱՆ, 2 սեպտեմբերի — Sputnik. Ճանաչված երգչուհի Սիրուշոն Instagram–ի իր էջում լեհ երկրպագուի հետ հանդիպումից տեսանյութ է հրապարակել, որում երիտասարդ տղան ցուցադրում է երգչուհուն նվիրված ձեռքի դաջվածքը։

«Բարտեկն ազգությամբ լեհ է: Նա իմ լավագույն երկրպագուներից է և արդեն երկար տարիներ հետևում է իմ գործունեությանը։ Նա անգամ ձեռքին անվանս դաջվածքը ունի հայերեն լեզվով: Այսօր վերջապես առիթ ստեղծվեց, որ հանդիպենք Վարշավայում»,–գրել է երգչուհին:

Բարտեկն իր հերթին Instagram–ի էջում հրապարակել է Սիրուշոյի հետ լուսանկարն ու շնորհակալություն հայտնել։

«Շնորհակալություն այս հանդիպման համար. չես էլ պատկերացնում, թե ինչ մեծ նշանակություն ունի այն ինձ համար։ Ընդմիշտ քո երկրպագու»,–գրել է երիտասարդը։

Արցախյան գորգեր. Սիրուշոն Վարշավայի թանգարանից լուսանկար է հրապարակել

Երգչուհու երկրպագուները շատ են հավանել տեսանյութը, նրանք բազմաթիվ մեկնաբանություններ են գրել։

View this post on Instagram

Thank you @sirushoofficial for this meeting. You don't know how much it means to me. Always your fan! 🥰 #sirusho

A post shared by Bartłomiej Wasilewski (@bartlomiej_wasilewski) on

«Արև աղջիկ»,« Սիրուշո, Լեհաստանում մենք սիրում ենք քեզ»,«Լավագույնն ես»,«Տի մարդ կա վեր քեզ սիրի վէչ,հարսիկ ջան»,–գրել են նրանք։

Նշենք, որ այս օրերին Սիրուշոն գտնվում է Լեհաստանում։

Ավելի վաղ երգչուհին հայտնել էր, որ օգոստոսի 28–ին Լեհաստանում բացառիկ երաժշտական փառատոն է կայանալու, որին մասնակցելու է նաև ինքը։

91
թեգերը:
դաջվածք, երկրպագու, Լեհաստան, Սիրուշո
Ըստ թեմայի
Սիրուշոն նոր երգ է գրել
Որտեղ և ինչպես է անցնում Սիրուշոյի հանգիստն ընտանիքի հետ. լուսանկարներ
Սիրուշոն մեկնում է Լեհաստան. երգչուհին խոսել է սպասվող դժվարությունների մասին
Սերգեյ Կոպիրկինը

Պետք է կանխվի դրսից եկող ապակայունացնող ազդեցությունը. ՌԴ դեսպան

50
(Թարմացված է 14:37 29.09.2020)
ՀՀ-ում ՌԴ դեսպանի խոսքով` Ռուսաստանն անում է ամեն ինչ, այդ թվում՝ Մինսկի խմբի մյուս համանախագահների հետ փոխգործակցությամբ, որպեսզի էսկալացիան դադարի։

ԵՐԵՎԱՆ, 29 սեպտեմբերի – Sputnik. Ռուսաստանն ակտիվորեն աշխատում է ղարաբաղյան հակամարտության գոտում էսկալացիան դադարեցնելու համար և ակտիվ կապի մեջ է բոլոր՝ հայկական, ադրբեջանական ու թուրքական կողմերի հետ։ Տեղեկությունը լրագրողների հետ զրույցում հայտարարեց Հայաստանի Հանրապետությունում Ռուսաստանի Դաշնության դեսպան Սերգեյ Կոպիրկինը:

«Ամեն ինչ արվում է, որպեսզի լարումը թուլանա։ Մեր դիրքորոշումը հստակ է։ Իրավիճակը պետք է վերադառնա խաղաղ բանակցային հուն, և կանխվի դրսից եկող ապակայունացնող ազդեցությունը։ Ալտերնատիվ տարբերակ այս հարցում չկա», - ասել է Սերգեյ Կոպիրկինը:

Նրա խոսքով՝ Ռուսաստանի իր խնդիրն է թույլ չտա էսկալացիան և որպես միջնորդ պայմաններ ստեղծել փախադարձ ընդունելի խաղաղ որոշում գտնելու համար:

«Ռուսաստանն անում է ամեն ինչ, այդ թվում՝ Մինսկի խմբի մյուս համանախագահների հետ փոխգործակցությամբ, որպեսզի էսկալացիան դադարի», - ասաց նա:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։

Արմեն Գրիգորյանը Նիկոլայ Պատրուշևին է ներկայացրել Ադրբեջանի վտանգավոր միտումները

Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

50
թեգերը:
Ադրբեջան, Ռուսաստան, Արցախ, Ղարաբաղյան հակամարտություն, Լեռնային Ղարաբաղ, Հայաստան, Սերգեյ Կոպիրկին, Դեսպան
Ըստ թեմայի
Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում
Ադրբեջանի կառավարությունը մի շարք հակահայկական կայքեր ու սոցցանցեր է ֆինանսավորում
Փորձագետը ներկայացրել է ադրբեջանական կողմի զոհերի հերթական ցանկը, որում 80 անուն կա
Արխիվային լուսանկար

Ադրբեջանի կառավարությունը մի շարք հակահայկական կայքեր ու սոցցանցեր է ֆինանսավորում

36
(Թարմացված է 14:40 29.09.2020)
«Մոնթե Մելքոնյան» կիբեռ բանակը փաստաթղթեր է հրապարակել, որոնք վկայում են, որ ադրբեջանական կիբեռպատերազմը ֆինանսավորվում է պետական մակարդակով։

ԵՐԵՎԱՆ, 29 սեպտեմբերի– Sputnik. Ադրբեջանի կառավարական էլեկտրոնային փոստերից «Մոնթե Մելքոնյան» կիբեռ բանակը հանել է մի շարք կարևոր տվյալներ և Facebook–ի պաշտոնական էջում տեղեկացնում է ուշագրավ բացահայտման մասին։

«Ձեռք բերված փաստաթղթերն ուղղակիորեն վկայում են, որ ադրբեջանական մի շարք կայքեր և սոցիալական ցանցային էջեր ֆինանսավորվում և կառավարվում են Ադրբեջանի կառավարության կողմից։ Նշված բոլոր կայքերը և էջերը կենտրոնանում են բացառապես հակահայկական տեղեկատվության տարածման վրա, ինչպես նաև առանձնանում են հատուկենտ հայատյաց կոչերով»,– նշված է հաղորդագրության մեջ։

Կիբեռ բանակը մատնանշում է`սա ադրբեջանական ագրեսիայի հերթական ապացույցն է։

Հիշեցնենք, որ Ադրբեջանում շարունակում են արգելափակված մնալ գրեթե բոլոր սոցիալական ցանցերը, այդ թվում` Facebook, WhatsApp, Telegram, Twitter և այլն։

Նոր տեսանյութ. ինչպես է հայկական կողմը խոցում Ադրբեջանի զրահատեխնիկան

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Արցախի ՊԲ ստորաբաժանումները «Իգլա» ԴԶՀՀ-ով հակառակորդի երկու ուղղաթիռ են ոչնչացրել

Հայկական կողմի գործողությունների արդյունքում հակառակորդը նաև զինտեխնիկայի մեծ կորուստներ ունի։

Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում

36
թեգերը:
Արցախ, Ադրբեջան, կիբեռանվտանգություն
թեմա:
Ադրբեջանական ագրեսիա Արցախում. 2020
Ըստ թեմայի
Նոր տեսանյութ. ինչպես է հայկական կողմը խոցում Ադրբեջանի զրահատեխնիկան
Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում
Զինվորների մասին տեղեկություն հավաքելու փորձերից պետք է զերծ մնալ. ԱԱԾ