Մինսկ. բողոքի ակցիաներ, աչխիվային լուսանկար

Բելառուսի կողմից նման հայտ չի ներկայացվել. Նաղդալյանը` ՀԱՊԿ–ի միջամտության մասին

43
(Թարմացված է 13:23 02.09.2020)
ՀՀ ԱԳՆ խոսնակը հայտնել է, որ ՀԱՊԿ–ի շրջանակներում իրավական պայմանագրերի հիման վրա կազմակերպվում են դաշնակցային փոխօգնության մեխանիզմները։

ԵՐԵՎԱՆ, 2 սեպտեմբերի — Sputnik. Այս պահի դրությամբ Բելառուսի կողմից հայտ չի ներկայացվել, որպեսզի ՀԱՊԿ–ը միջամտի երկրում ստեղծված իրավիճակին։ Լրագրողների հետ ճեպազրույցի ժամանակ վստահեցրեց ԱԳՆ խոսնակ Աննա Նաղդալյանը` պատասխանելով հարցին, թե ՀԱՊԿ–ում Բելառուսին օգնելու անհրաժեշտության քննարկման դեպքում ո՞րն է լինելու Հայաստանի` որպես այդ կազմակերպության անդամ երկրի դիրքորոշումը։

Օգոստոսի 16-ին հեռախոսազրույց էր տեղի ունեցել Ռուսաստանի և Բելառուսի նախագահներ Վլադիմիր Պուտինի և Ալեքսանդր Լուկաշնեկոյի միջև: Քննարկվել էր Բելառուսում տիրող իրավիճակը, որն այդ երկրում ստեղծվել է նախագահական ընտրություններից հետո։ Ռուսաստանյան կողմը վերահաստատել էր անհրաժեշտ օգնություն ցուցաբերելու պատրաստակամությունը Հավաքական անվտանգության պայմանագրի կազմակերպության մասով։

«Քանի դեռ Բելառուսը նման հայտ չի ներկայացրել, այդքան էլ կոռեկտ չէ և վաղաժամ է որևէ գնահատական տալ»,–ասաց Նաղդալյանը։

Նրա խոսքով`  ՀԱՊԿ–ի շրջանակներում կազմակերպության իրավական պայմանագրերի հիման վրա լիարժեքորեն կազմակերպվում են դաշնակցային փոխօգնության մեխանիզմները։ Կազմակերպվում են նաև այն գործընթացները, որոնց միջոցով էլ իրականացվում է փոխօգնության նախաձեռնությունը, նման հարցերը քննարկման դնելը, ինչպես նաև որոշումներ կայացնելն ու դրանք իրականացնելը։

Հիշեցնենք, որ օգոստոսի 9–ին Բելառուսում կայացան նախագահական ընտրություններ։ Շատերը համաձայն չեն արդյունքների հետ։ Վերջնական պաշտոնական տվյալներով՝Ալեքսանդր Լուկաշենկոն հավաքել է ձայների 80,1%–ը, երկրորդ տեղում է Սվետլանա Տիխանովսկայան` քվեների 10,12%–ով։ Ընդդիմությունն այս արդյունքները չի ճանաչել, իսկ Տիխանովսկայան մեկնել է Լիտվա։

Մինսկում աղջիկները գրկախառնվում են ցույցին միացած ՕՄՕՆ–ի ներկայացուցիչների հետ. տեսանյութ

Օգոստոսի 16-ին տեղի ունեցան Բելառուսի ժամանակակից պատմության մեջ ամենալայնամասշտաբ բողոքի ակցիաները։ Պաշտոնական տվյալներով ՝ առաջին օրերին ավելի քան 6,7 հազար մարդ է ձերբակալվել։ Ինչպես հաղորդել է հանրապետության ՆԳՆ-ն, անկարգությունների ընթացքում տուժել են հարյուրավոր մարդիկ, այդ թվում՝ իրավապահ մարմինների ավելի քան 120 աշխատակիցներ: Բելառուսի առողջապահության նախարարության տվյալներով՝ բողոքի ակցիաների հետևանքով մահացել են երկու մարդ։

43
թեգերը:
Ալեքսանդր Լուկաշենկո, Հայաստան, Աննա Նաղդալյան, Հավաքական անվտանգության պայմանագիր կազմակերպություն (ՀԱՊԿ), Մինսկ, Բելառուս
Ըստ թեմայի
Ի՞նչ կլինի, եթե խոշոր քաղաքները չենթարկվեն Լուկաշենկոյի կամքին. Սարգսյանը` Բելառուսի մասին
Լուկաշենկոն բելառուսցիներին խնդրել է «գլուխները տնից դուրս չհանել»
Սլովակիայում Բելառուսի դեսպանը հրաժարական է տվել. նա ցուցարարների կողմից էր հանդես եկել
Ռուսական ռազմաբազա. արխիվային լուսանկար

Ռուսական ռազմաբազան Հայաստանի անվտանգության կարևոր բաղադրիչ է․ Փաշինյան

527
(Թարմացված է 11:06 30.09.2020)
ՀՀ վարչապետ Նիկոլ Փաշինյանը կարծում է, որ կոնկրետ իրավիճակներում ռուսական ռազմական բազայի ներուժը պետք է կիրառվի։

ԵՐԵՎԱՆ, 30 սեպտեմբերի — Sputnik. Հայաստանում տեղակայված 102-րդ ռուսական ռազմաբազան հանրապետության անվտանգության կարևոր բաղադրիչ է: ՀՀ վարչապետ Նիկոլ Փաշինյանն այսպիսի հայտարարություն արեց այսօր ռուսական լրատվամիջոցների ներկայացուցիչների հետ հանդիպման ժամանակ։

Երեկ թուրքական F-16 կործանիչը խոցել է ՀՀ ԶՈւ ռազմաօդային ուժերի ՍՈւ-25 գրոհիչը: Հայ օդաչուն հերոսաբար մահացել է։ Նշենք, որ քիչ առաջ ՀՀ ՊՆ ներկայացուցիչ Արծրուն Հովհաննիսյանն էլ հայտնել էր, որ Թուրքիան ուղիղ ագրեսիա է իրականացնում ՀՀ–ի նկատմամբ։

Մամուլի ասուլիսի ընթացքում վարչապետին հարցրին՝ արդյո՞ք Երևանը դիտարկում է բազայի օգտագործման հնարավորությունը՝ Արցախում ընթացող մարտական գործողությունների համատեքստում սպառնալիքները չեզոքացնելու համար, մասնավորապես՝ հաշվի առնելով Թուրքիայի ակտիվությունը։

Նրա խոսքով՝ ռուսական բազան Հայաստանի անվտանգության համակարգի անբաժան մասն է, ու բազայի ներուժը պետք է օգտագործվի կոնկրետ դեպքերում։

 «Արդյո՞ք ներկայիս իրավիճակն այդպիսին է։ Հասկանալի է, որ ոչ։ Բայց լրիվ հնարավոր է` ստեղծվի իրավիճակ, որ պետք լինի օգտագործել բազայի ներուժը», - ասաց Փաշինյանը։

Փաշինյանը կարծում է, որ այժմ դժվար է կանխատեսումներ անել, քանի որ իրավիճակը բավականին անկանխատեսելի է։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 74 ԱԹՍ–ից, 7 ուղղաթիռից, 137 զրահատեխնիկայից, 1 ինքնաթիռից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

527
թեգերը:
Արցախ, Նիկոլ Փաշինյան, Հայաստան, Գյումրու 102–րդ ռազմաբազա
թեմա:
Ադրբեջանական ագրեսիա Արցախում. 2020
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

424
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

424
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում
Եղիշե Կիրակոսյան

Բեռն ավելի շատ Ադրբեջանի վրա է ընկնում. Կիրակոսյանը` ՄԻԵԴ–ի կայացրած որոշման մասին

0
Առաջիկայում ՄԻԵԴ–ին կտրամադրեն Հայաստանի իրականացրած միջոցների մասին տեղեկություն և կսպասեն Ադրբեջանի նման քայլին։

Մարդու իրավունքների եվրոպական դատարանը Ադրբեջանի դեմ միջանկյալ միջոցի կիրառման վերաբերյալ որոշում է կայացրել, և սա Հայաստանի համար արդեն իսկ հաջողություն է։ Լրագրողների հետ ճեպազրույցում այս մասին ասաց Մարդու իրավունքների եվրոպական դատարանում ՀՀ ներկայացուցիչ Եղիշե Կիրակոսյանը։

«Որոշման մեջ կոչ է արվում Հայաստանին և Ադրբեջանի բնակչությանը զերծ մնալ այնպիսի միջոցների կիրառումից, որոնցով կխախտվեն մարդու իրավունքները։ Նշված է նաև, որ կողմերը հնարավորինս շուտ դատարանին ներկայացնեն ձեռնարկած միջոցների մասին։ Այս որոշումն ակնկալելի էր»,–ասաց Կիրակոսյանը։

Նրա խոսքով` այն, որ պետության դիմումի հիման վրա դատարանը կայացնում է միջանկյալ միջոց, եզակի դեպքերի թվին է դասվում. սա երրորդ նման դեպքն է։ Բոլոր դեպքերում էլ դատարանն անդրադառնում է երկու պետություններին։

Սա ամեն դեպքում, ըստ Կիրակոսյանի, Հայաստանի համար հաջողություն է, քանի որ նախ ՀՀ–ի կողմից է ներկայացվել, բացի այդ, ՄԻԵԴ–ն այդ դիմումը չի ուղարկել Ադրբեջան` հաստատում ստանալու համար։ Նրա խոսքով` ճիշտ է, ՄԻԵԴ–ը երկու պետություններին է դիմել, սակայն քանի որ ընթացք է տրվել Հայաստանի դիմումին, ապա այս դեպքում բեռն ավելի շատ Ադրբեջանի վրա է ընկնում։ Հարցն այն է, որ ՄԻԵԴ–ն իր որոշման համար հիմք էր ընդունել Հայաստանի ներկայացրած փաստերը խախտումների վերաբերյալ։

Կիրակոսյանը տեղեկացրեց, որ առաջիկայում ՄԻԵԴ–ին կտրամադրեն Հայաստանի կողմից իրականացված միջոցների մասին տեղեկություն և կսպասեն Ադրբեջանի նման քայլին։ Նա հավելեց նաև, որ դրանից հետո նոր դիմում են ներկայացրել ՄԻԵԴ` նոր փաստեր տրամադրելով։

Իսկ ինչ վերաբերում է Վարդենիսի խաղաղ բնակչության նկատմամբ հրետակոծության դեպքին, Կիրակոսյանը հայտնեց` այդ տեղեկությունները սեպտեմբերի 29-ին երկու անգամ լրացուցիչ դիմումներով ներկայացվել են Մարդու իրավունքների եվրոպական դատարան։

0