Արխիվային լուսանկար

COVID-19-ի դեմ պայքարի` Շվեդիայի ռազմավարությունը թող օրինակ դառնա այլ երկրների համար. ԱՀԿ

78
(Թարմացված է 10:20 01.09.2020)
Շվեդիայի իշխանությունը շեշտը դրել էր քաղաքացիների գիտակցության վրա՝ հրաժարվելով խիստ հակահամաճարակային նորմեր սահմանելուց։

ԵՐԵՎԱՆ, 1 սեպտեմբերի – Sputnik. Կորոնավիրուսի դեմ պայքարում Շվեդիայի ռազմավարությունը՝ մեղմ սահմանափակումների ներդրմամբ, երկարաժամկետ հեռանկարում պետք է օրինակ դառնա այլ երկրների համար: ՌԻԱ Նովոստիի փոխանցմամբ` Magic ռադիոկայանին տված հարցազրույցում նման հայտարարություն է արել Առողջապահության համաշխարհային կազմակերպության (ԱՀԿ) հատուկ դեսպան դոկտոր Դեվիդ Նաբարոն։

Նրա խոսքով` Շվեդիայի իշխանությունները շեշտը դրել էին երկրի քաղաքացիների գիտակցության վրա՝ հրաժարվելով խիստ հակահամաճարակային նորմեր սահմանելուց։

Նաբարոն կարծում է, որ ապագայում մյուս պետությունները ևս պետք է որդեգրեն այդ ռազմավարությունը։

Նշենք, որ Շվեդիայի իշխանությունները խիստ կարանտին չեն սահմանել՝ մարդկանց կոչ անելով պահպանել սոցիալական հեռավորությունը և հնարավորության դեպքում աշխատել հեռահար ռեժիմով։ Դպրոցները, մանկապարտեզներն ու հասարակական սննդի հաստատություններն այս ամբողջ ընթացքում գործել են, սակայն զանգվածային միջոցառումներն արգելված են եղել։

Կորոնավիրուսի թվերն աշխարհում. «հակավարկանիշի» որ հորիզոնականում է Հայաստանը

Համաշխարհային վիճակագրության Worldometer կայքի տվյաներով՝ կորոնավիրուսի տարածման ցուցանիշներով Շվեդիան այս պահին աշխարհում 39-րդ տեղում է։ Սեպտեմբերի 1-ի դրությամբ այդ երկրում COVID-19-ով վարակվել է 84,3 հազար մարդ։ Մահացել է ավելի քան 5,8 հազար վարակակիր։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ։ Կազմակերպությունը բոլոր երկրներին կոչ է արել միանալ վարակի դեմ ակտիվ պայքարին։

78
թեգերը:
Հայաստան, կորոնավիրուս, Շվեդիա
թեմա:
Կորոնավիրուսը աշխարհում (904)
Ըստ թեմայի
Ղազախստանում դատի են տվել կարանտինին
Վրաստանի իշխանությունը Սվանեթիում կարանտին է հայտարարել կորոնավիրուսի բռնկման պատճառով
Հայաստանում կարանտինային միջոցառումներ կլինեն` առանց արտակարգ դրության ռեժիմի
Նիկոս Դենդիաս

Հունաստանը պատրաստ է աջակցել ԼՂ–ում հակամարտության լարվածությունը մեղմելու ջանքերին

4
(Թարմացված է 10:19 28.09.2020)
Հունաստանի արտաքին գործերի նախարար Նիկոս Դենդիասը հիշեցրել է, որ Մնացականյանի հետ հեռախոսազրույցի ընթացքում վերահաստատվել են Հունաստանի և Հայաստանի միջև բարեկամական ամուր կապերը։

ԵՐԵՎԱՆ, 28 սեպտեմբերի – Sputnik. Հունաստանը հայտարարել է, որ պատրաստ է աջակցել Լեռնային Ղարաբաղում հակամարտության լարվածությունը մեղմելու ջանքերին։ Հունաստանի ԱԳ նախարարը նման գրառում է արել Twitter-ի իր էջում՝ Հունաստանի և Հայաստանի ԱԳ նախարարներ Նիկոս Դենդիասի և Զոհրաբ Մնացականյանի երեկ կայացած հեռախոսազրույցից հետո։

«Մնացականյանի հետ հեռախոսազրույցի ընթացքում վերահաստատվել են Հունաստանի և Հայաստանի միջև բարեկամական ամուր կապերը: Դենդիասը դատապարտել է մարդկային կորուստները և պատրաստակամություն հայտնել աջակցել Լեռնային Ղարաբաղում անհապաղ դեսկալացիային ուղղված ջանքերին»,- նշվածէ գրառման մեջ։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

«Հպարտ և շնորհակալ եմ մեր ժողովրդին». Արայիկ Հարությունյանը դիմել է բնակչությանը

Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

4
թեգերը:
Ադրբեջան, Հայաստան, Արցախ, Ղարաբաղյան հակամարտություն, Լեռնային Ղարաբաղ, Հունաստան
Ալեքսեյ Նավալնի

Մերկելը գաղտնի հանդիպել է Նավալնու հետ. Spiegel

12
(Թարմացված է 10:15 28.09.2020)
Քաղաքական գործիչ Ալեքսեյ Նավալնուն սեպտեմբրի 23-ին դուրս են գրել հիվանդանոցից։ Սինչև վերականգնողական կուրսի ավարտը նա կմնա Գերմանիայում։

ԵՐԵՎԱՆ, 28 սեպտեմբերի – Sputnik.  Գերմանիայի կանցլեր Անգելա Մերկելը գաղտնի այցելել է ռուսաստանցի քաղաքական գործիչ և բլոգեր Ալեքսեյ Նավալնուն, երբ նա Բեռլինի Charite կլինիկայում բուժում էր ստանում, հայտնել է Spiegel–ը` հղում անելով սեփական աղբյուրին։

«Spiegel–ի տեղեկության համաձայն, կանցլերը խիստ գաղտնիության պայմաններում այցելել է ռուսաստանցի ընդդիմադիր քաղաքական գործչին, երբ նա պառկած է եղել Բեռլինի Charite կլինիկայում», – ասվում է հաղորդագրության մեջ։

Հիշեցնենք, որ Նավալնուն հիվանդանոց էին տեղափոխել օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել են նյութափոխանակության խանգարումը, որն առաջացրել է արյան մեջ շաքարի մակարդակի կտրուկի անկում։ Խանգարման պատճառը դեռ պարզ չէ, բայց Նավալնու արյան և մեզի մեջ թույնի հետքեր, Օմսկի բժիշկների տվյալներով, չեն հայտնաբերվել։

Գերմանիան Նավալնուն կստիպի լռել, քանի որ նրա վերադարձը հղի է կանխատեսելի հետևանքներով

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

12
թեգերը:
Գերմանիա, Նովիչոկ, Անգելա Մերկել, Ալեքսեյ Նավալնի
Ըստ թեմայի
«Բեռլինը բլեֆ է անում». Զախարովան մեկնաբանել է Նավալնու գործը
Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը
Նավալնուն դուրս են գրել Գերմանիայի «Շարիտե» հիվանդանոցից