Генеральный директор Tesla и SpaceX Илон Маск на конференции и выставке SATELLITE (9 марта 2020). Вашингтон

Իլոն Մասկն ուղեղի իմպլանտով խոզ է ցուցադրել. տեսանյութ

224
(Թարմացված է 11:02 29.08.2020)
Հանրահայտ Իլոն Մասկը հուսով է, որ այս տարի կկարողանա մարդու մեջ առաջին իմպլանտը տեղադրելու թույլտվություն ստանալ։

ԵՐԵՎԱՆ, 29 օգոստոսի – Sputnik․ Միլիարդատեր Իլոն Մասկը երեկ YouTube-յան հեռարձակման ընթացքում ուղեղի իմպլանտով խոզ է ցուցադրել, որի գլխուղեղի մեջ մետաղադրամի չափսի իմպլանտ է տեղադրված (8 միլիմետր տրամագծով)։ Մասկի հիմնադրած «Neuralink» ընկերությունում կարծում են, որ իմպլանտը թույլ կտա մի քանի հիվանդություն բուժել։

«Սա առողջ ու երջանիկ խոզ է, որի ուղեղում երկու ամիս է` իմպլանտ է տեղադրված և հիանալի աշխատում է»,- ասել է Մասկը:

Նա պարզաբանել է, որ ամեն անգամ, երբ խոզն ինչ-որ բան է հոտոտում ու շոշափում քթով, ուղեղի սարքն ազդակներ է գրանցում:

Մասկի խոսքով` նման իմպլանտներն ապագայում կօգնեն բուժել կաթվածը, Ալցհայմերի հիվանդությունն ու դեմենցիան: Նա նաև կարծում է, որ իմպլանտները մարդուն կօգնեն միավորվել արհեստական ինտելեկտի հետ, որի անվերահսկելի զարգացման մասին Մասկը բազմաթիվ անգամ է զգուշացրել:

Իլոն Մասկն առաջին անգամ հայտնվել է մոլորակի 5 ամենահարուստ մարդկանց շարքում

Մասկն ասել է նաև, որ հույս ունի մարդու մեջ առաջին իմպլանտը տեղադրելու թույլտվություն ստանալ այս տարի: Նախկինում եղել են գլխուղեղի իմպլանտների փորձեր, որոնք մարդկանց թույլ են տվել պարզ գործողություններ կատարել մտքի ուժով` իմպլանտին միացված ռոբոտի օգնությամբ:

Իլոն Մասկը ստիպված է եղել փոխել երեխայի անունը. նորը պակաս տարօրինակ չէ

Մասկը «Neuralink»-ի համահիմնադիր է դարձել 2016 թվականին ու տրամադրել ընկերության ֆինանսավորման համար անհրաժեշտ 150 միլիոն դոլարի երկու երրորդը։

Իլոն Մասկը հրապարակայնորեն վիճել է ընկերուհու հետ տրանսգենդերների պատճառով

224
թեգերը:
տեսանյութ, խոզ, Իլոն Մասկ
Ըստ թեմայի
Ձախողո՞ւմ, թե՞ շոուի մաս. Իլոն Մասկը ներկայացրել է իր նոր Cybertruck պիկապը. տեսանյութ
Տեխասում պայթել է Իլոն Մասկի տիեզերանավի նախատիպը. տեսանյութ
«Ուզո՞ւմ ես զարմացնել, տիեզերք ուղարկիր սա». Twitter–ում ծաղրում են Իլոն Մասկին
Սիրիա

Սիրիայում ականապատված ավտոմեքենա է պայթել. զոհերի թվում երեխաներ կան

21
(Թարմացված է 23:20 26.09.2020)
Դեպքը տեղի է ունեցել մի տարածքում, որը վերահսկում են Թուրքիայի հետ կապված ահաբեկչական խմբավորումները։

ԵՐԵՎԱՆ, 26 սեպտեմբերի – Sputnik. Սիրիայի Ալ-Հասաքա նահանգում ականապատ մեքենա է պայթել։ Տեղեկությունը հայտնում է «SANA» գործակալությունը:

Նշվում է, որ պայթյունի հետևանքով մահացել է 7 խաղաղ բնակիչ, այդ թվում՝ 2 երեխա, ևս 11 մարդ վիրավորվել է:

Ականապատված ավտոմեքենան կայանված է եղել մետաղի ջարդոնի մոտ։

Սիրիայի հակամարտությունը․ ԱՄՆ-ն հայտարարել է, որ Ռուսաստանի «ձեռքերն արյունոտ են»

Գործակալությունը հիշեցնում է, որ Ալ-Հասաքա նահանգի այդ հատվածը գտնվում է Թուրքիայի հետ կապված ահաբեկչական խմբավորումների վերահսկողության տակ։

Նման դեպքեր Սիրիայում շատ հաճախ են տեղի ունենում, և ականապատված մեքենաների պայթյունների հետևանքով խաղաղ բնակիչներ են մահանում։

Երկար են մնալու․ ինչից ինչ է դարձել Սիրիայում ռուսական բազան

21
թեգերը:
երեխա, Զոհ, ավտոմեքենա, պայթյուն, Սիրիա
Ըստ թեմայի
Սիրիայում իրավիճակի սրացումը կարող է ազդել Հարավային Կովկասի վրա. ԳՇ պետ
Թուրք պատգամավորները Սիրիայի պատճառով ծեծել են իրար. տեսանյութ
«Ամերիկացիները կարծում են` իրենց հողն է»․ փախած գրոհայինը` Սիրիայի Աթ Թանֆ բազայի մասին
Ինքնաթիռի կործանման վայրը

Ան-26-ի կործանման հետևանքով մահացել է ուկրաինացի պատգամավորի որդին

32
(Թարմացված է 21:54 26.09.2020)
Խարկովում Ան-26 ռազմական ինքնաթիռի կործանման զոհ են դարձել 19 երիտասարդ կուրսանտներ։ Մեկին հաջողվել է փրկվել. ողբերգության օրը նրան թույլ չեն տվել թռչել։ Իսկ մյուսը ողջ է մնացել աղետից հետո, նա հիմա հիվանդանոցում է։

ԵՐԵՎԱՆ, 26 սեպտեմբերի – Sputnik. Խարկովի մարզում Ան– 26-ի կործանման հետևանքով մահացել է «Ընդդիմադիր հարթակ՝ հանուն կյանքի» կուսակցությունից քաղաքային խորհրդի պատգամավոր Վադիմ Օլաբինի որդին։ Տեղեկությունը հայտնում է կուսակցության մամուլի ծառայությունը:

«Ինքնաթիռի կործանման զոհ է դարձել Նիկոլաևի մարզային խորհրդի պատգամավոր Վադիմ Օլաբինի որդի ՝ Վլադիմիր Օլաբինը, որը Խարկովի օդային ուժերի ազգային համալսարանի կուրսանտ էր և գտնվում էր օդանավում», – նշված է կուսակցության կայքում հրապարակված հաղորդագրության մեջ:

Սեպտեմբերի 25-ի երեկոյան Ան-26 ռազմատրանսպորտային ինքնաթիռն ուսումնական թռիչքի ժամանակ ընկել է Չուգուև քաղաքի մերձակայքում։ Օդանավում 27 մարդ է եղել` 20 կուրսանտ և անձնակազմի 7 անդամ։ Նրանցից 25-ը տեղում մահացել են, կուրսանտներից 2-ը կարողացել են դուրս թռչել ինքնաթիռից, բայց մեկն ավելի ուշ մահացել է հիվանդանոցում։ Կուրսանտներից մեկն էլ փրկվել է, քանի որ ողբերգության օրը նրան թույլ չեն տվել թռչել։

Հարավային Սուդանում բեռնատար ինքնաթիռ է կործանվել. տեսանյութ

Քրեական գործ է հարուցվել թռիչքների և դրանց նախապատրաստման կանոնները խախտելու մասին։ Աղետի մի քանի վարկած է դիտարկվում` անձնակազմի սխալ, տեխնիկական անսարքություն, ինքնաթիռի տեխսպասարկման հետ կապված խնդիրներ և թռիչքների կառավարման պատասխանատուների կողմից պարտականությունների ոչ պատշաճ կատարում։

Ուկրաինայում սգո օր է հայտարարվել։

Հարավային Սուդանում բեռնատար ինքնաթիռ է կործանվել. տեսանյութ

32
թեգերը:
Մահ, որդի, Պատգամավոր, կործանում, ինքնաթիռ, Ուկրաինա
Ըստ թեմայի
«Air India»-ի ինքնաթիռը դուրս է եկել թռիչքուղուց. տեսանյութ
Հնդկաստանում ինքնաթիռի վթարից 14 մարդ է զոհվել, ավելի քան 120 մարդ վիրավոր է
Սադրանք սադրանքի հետևից. ռուսական Սու-27–ն ամերիկյան հետախույզ ինքնաթիռներ է որսացել
 Арцрун Ованнисян во время брифинга по теме ситуации на армяно-азербайджанской границе (16 июля 2020). Иджеван

Ուղղաթիռի կորուստն ընդունեցին, ուրեմն ավելի շատ են կորուստները. Արծրուն Հովհաննիսյան

22
(Թարմացված է 10:28 27.09.2020)
ՀՀ ՊՆ մամուլի խոսնակ Շուշան Ստեփանյանը ավելի վաղ հայտնել էր, որ հայկական կողմը խոցել է հակառակորդի 3 տանկ, 2 ուղղաթիռ և 3 ԱԹՍ:

ԵՐԵՎԱՆ, 27 սեպտեմբերի - Sputnik. Ադրբեջանի ՊՆ-ն պաշտոնապես հաստատել է Թարթառի ուղղությամբ 1 միավոր ուղղաթիռ կորցնելու տեղեկությունը։ Նշվում է, որ անձնակազմը ողջ է մնացել։

Ռազմական փորձագետ Արծրուն Հովհաննիսյանը Facebook-ում կատարած գրառման մեջ, մեկնաբանելով Ադրբեջանի ՊՆ-ի տարածած հաղորդագրությունը, նշում է. «Մի ուղղաթիռի կորուստն ընդունեցին, ուրեմն ավելի շատ են կորուստները»:

Նշենք, որ ՀՀ ՊՆ մամուլի խոսնակ Շուշան Ստեփանյանը ավելի վաղ հայտնել էր, որ հայկական կողմը խոցել է հակառակորդի 3 տանկ, 2 ուղղաթիռ և 3 ԱԹՍ:

Մնացեք թաքստոցներում. շփման գծի երկայնքով մարտերը շարունակվում են

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Օդային և հրետանային հարվածներ են հասցվել Լեռնային Ղարաբաղի մայրաքաղաք Ստեփանակերտին:

22