Ամերիկյան զինվորականներ. արխիվային լուսանկար

«Արդեն շտաբներ են տեղակայում»․ ի՞նչ է ԱՄՆ-ի բանակը պատրաստում Եվրոպայի արևելքում

135
ԱՄՆ նախագահն ակամա բացահայտել է, թե ինչ անհեթեթ է ավելացնել ԱՄՆ ռազմական ներկայությունը ՆԱՏՕ-ի արևելյան սահմաններում «Կրեմլի ագրեսիան զսպելու համար»:

ԵՐԵՎԱՆ, 24 օգոստոսի – Sputnik, Անդրեյ Կոց․ Ամերիկացիները շարունակում են ավելացնել իրենց ռազմական ներկայությունը Ռուսաստանի սահմանների մոտ։ ԱՄՆ պետքարտուղար Մայք Պոմպեոն ու Լեհաստանի ազգային պաշտպանության նախարար Մարիուշ Բլաշչակը պայմանագիր են կնքել, ըստ որի` Պենտագոնը պարտավորվում է լրացուցիչ հազար զինվոր տրամադրել Լեհաստանին, նաև տեղակայելու է այնտեղ Ցամաքային զորքերի հինգերորդ կորպուսի հրամանատարությունը։ Վաշինգտոնում չեն թաքցնում, որ միակ նպատակը եվրոպական ուղղությամբ Ռուսաստանի հնարավորությունները սահմանափակելն է։ Տարածաշրջանում ուժերի հավասարակշռության փոփոխությունների մասին ընթերցեք ՌԻԱ Նովոստիի նյութում։

Դիմակայել Ռուսաստանին

Առաջին անգամը չէ, որ Վարշավան Վաշինգտոնից ռազմական օգնություն է խնդրում։ Դեռ 2018 թվականի վերջին Լեհաստանն առաջարկել էր ԱՄՆ-ին իրենց երկրում ամերիկյան զրահատանկային բրիգադ տեղակայել ու պատրաստակամություն էր հայտնել իր վրա վերցնել ծախսերի մեկուկեսից երկու միլիարդ դոլարը։ Նախագահ Անջեյ Դուդան նույնիսկ նոր բազայի անուն էր հորինել` «Ֆորտ Թրամփ»։ Հավանաբար, որպեսզի ԱՄՆ-առաջնորդը Վարշավայի հավատարմության վերաբերյալ կասկածներ չունենա։ Իսկ ազգային անվտանգության նախարար Մարիուշ Բլոշչակը հայտնել էր, որ բազայի բացումը լուծված հարց է։

Հիշեցնենք՝ Լեհաստանում առանց այդ էլ ռոտացիոն հիմունքներով ամերիկյան զորակազմ կա` մոտ չորսուկես հազար մարդ։ Սակայն պաշտոնական Վարշավայի համար դա քիչ է։ Ամբողջ անցած տարին լեհ քաղաքական գործիչներն ու ԶԼՄ-ները պնդում էին, որ հենց իրենց երկիրը, որ թե ԳԴՀ-ն կարող է դառնալ Եվրոպայում ԱՄՆ զորքերի գլխավոր բազան։ Խոսվում էր նույնիսկ մարտավարական միջուկային զենքն արևելք տեղափոխելու մասին։ Իբր` դա հարկավոր է «ագրեսիվ Ռուսաստանին» դիմակայելու համար։

Արդյունքում շուտով 12 հազար ամերիկյան զինվոր ու սպա կլքեն Գերմանիան։ Մոտ կեսը ԱՄՆ կվերադառնան, մնացածը կհաստատվեն եվրոպական այլ երկրների ամերիկյան բազաներում, այդ թվում հազարը՝ Լեհաստանում։

Թրամփը զորքը դուրս է բերում Գերմանիայից` ի բարօրություն ԱՄՆ–ի ու ամբողջ աշխարհի

Պենտագոնում կարծեցին, որ այնտեղ զրահատանկային բրիգադ ուղարկելը չափազանց է, ու Ֆորտ Թրամփն այդպես էլ թղթի վրա մնաց։ Այնունամենայնիվ, այդ ուժեղացումն է զգալի։

Զորքեր ու ենթակառուցվածք

Վարշավայի ու Վաշինգտոնի միջև կնքված պայմանագիրը ենթադրում է ոչ միայն զորքերի տեղափոխում, այլև ԱՄՆ զինված ուժերի առաջնագծային հրամանատարա-շտաբային ենթակառուցվածքի ու մարտական պատրաստության կենտրոնների զարգացում։ Ըստ պայմանագրի՝ պետք է ստեղծվեն նաև պայմաններ բանակային ու տրանսպորտային ավիացիայի ստորաբաժանումների, ԱԹՍ-ների, հատուկ գործողությունների ուժերի տեղաբաշխման համար, նաև աջակցության ու թիկունքի ապահովման տարրեր։ Ռուս դիվանագետներն արդեն մտահոգություն են հայտնել այդ կապակցությամբ։

«Նորից ուշադրություն ենք հրավիրում այն հանգամանքին, որ ամերիկյան ռազմական ներկայության ավելացումն անվտանգության խնդիր չի լուծում, - ասել է ՌԴ ԱԳՆ պաշտոնական ներկայացուցիչ Մարիա Զախարովան։ Հակառակը, այն միայն սրում է առանց այդ էլ բարդ իրավիճակը մեր արևմտյան սահմանների մոտ, նպաստում է լարվածության աճին ու ավելացնում չկանխամտածված միջադեպերի ռիսկերը։ ՆԱՏՕ-ում մեզ վստահեցնում են, որ այդ ավելացումը զգալի չէ ու ռոտացիոն բնույթ է կրում։ Սակայն դա իրականությունը խեղաթյուրելու փորձ է։ Նոր համաձայնագրի իրականացումը թույլ կտա որակապես ամրացնել Լեհաստանում ԱՄՆ ուժերի հարձակողական ներուժը»։ 

Սենատոր Ալեքսեյ Պուշկովն ասել է, որ Լեհաստան զորքեր ուղարկելու հետ կապված ԱՄՆ ծրագրերը Ռուսաստան – ՆԱՏՕ հիմնարար ակտի խախտում է։ Այդ փաստաթուղթն արգելում է Հյուսիսատլանտյան դաշինքին ավելացնել զորքի քանակն այն արևելաեվրոպական երկրների տարածքում, որոնք 1997 թվականից հետո են միացել ՆԱՏՕ-ին։

Անձնական ոչինչ․ ԱՄՆ-ն Ռուսաստանից ռեկորդային քանակի նավթ է գնել

Ինչպես հայտնի է՝ Լեհաստանը 1999 թվականին է դա արել։ Թեև 2014 թվականից ամերիկացիները մեծ մասամբ անտեսում են հիմնարար ակտն ու զորքեր ու ռազմական ենթակառուցվածքներ են բերում Ռուսաստանի սահմանների մոտ։

Չեխերը դեմ են

Ամերիկացիներն այլ տարբերակներ էլ են դիտարկել։ Սակայն բոլոր դաշնակիցները չէ, որ ուզում են օվկիանոսի այդ կողմից եկած հյուրերին ընդունել։ Այսպես, օգոստոսի կեսին Չեխիայի վարչապետ Անդրեյ Բաբիշը ԱՄՆ պետքարտուղար Մայք Պոմպեոյի հետ հանդիպման նախօրեին ընդգծել էր, որ Պրահան պատճառներ չի տեսնում իր երկրի տարածքում ամերիկյան զինվորականների տեղակայման համար։

«Ինձ դա չզարմացրեց, - Sputnik ռադիոկայանի եթերում ասաց Ռուսական պետական հումանիտար համալսարանի դոցենտ, պատմական գիտությունների թեկնածու Վադիմ Տրուխաչովը, - Դեռ 2000-ականների սկզբին քննարկվում էր Չեխիայում ամերիկյան ՀՕՊ համակարգերի տեղակայումը, ու բնակչության գրեթե երեք չորրորդը կտրականապես դեմ էր։ Հիշելով այդ իրադարձությունների մասին, Բաբիշը, որը ձգտում է չկորցնել հասարակության աջակցությունը, նման հայտարարություն արեց։ Կարող եմ ենթադրել, որ երկրի խորհրդարանում ներկայացված ինը կուսակցությունից հինգը դեմ կլինեն»։

Փորձագետն ընդգծեց, որ Չեխիայում հիշում են 1938-1939 թվականների մասին, երբ երկրի ճակատագիրը դրա մեջքի հետևում էին լուծում։ Չեխերի մեծ մասը չեն ուզում, որ իրենց տանն արտասահմանյան, այդ թվում` ամերիկյան զինվորականներ տեղակայվեն։

Վիրավորանք Գերմանիայից

Դոնալդ Թրամփը հունիսին էր հանձնարարել Պենտագոնին մշակել ամերիկյան զորակազմի մի մասը Գերմանիայից հանելու ծրագիրը։ Առանց հստակ պարզաբանումների, սակայն, փորձագետները վստահ են՝ Վաշինգտոնը վերջնականապես վիրավորվել է Բեռլինից, որ նա ամեն անգամ հրաժարվում է ՆԱՏՕ-ի շրջանակում մինչև ՀՆԱ–ի 2%–ն ավելացնել պաշտպանության ծախսերը։

Դաշնակիցների տարաձայնությունների մեջ յուրահատուկ ներդրում է ունեցել ԱՄՆ նախկին դեսպան Ռիչարդ Գրենելը, որը պատժամիջոցներով էր սպառնում գերմանական ընկերություններին «Հյուսիսային հոսք — 2» գազատարի կառուցմանը մասնակցելու համար ու քննադատում էր Գերմանիայի դիրքորոշումը իրանական միջուկային գործարքի վերաբերյալ։ Բեռլինում համարեցին, որ դիվանագետի խոսքերը միջամտություն են պետության ինքնավար քաղաքականության մեջ։

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

Հուլիսի վերջին Թրամփը թվիթերում գրել է ․ «Գերմանիան Ռուսաստանին տարեկան միլիարդավոր դոլարներ է վճարում էներգիայի դիմաց, իսկ մենք պետք է պաշտպանենք նրան Ռուսաստանի՞ց։ Սա ի՞նչ բան է»։ Այսպիսով, ԱՄՆ նախագահն ակամա բացահայտել է, թե ինչ անհեթեթ է ավելացնել ԱՄՆ ռազմական ներկայությունը ՆԱՏՕ-ի արևելյան սահմաններում «Կրեմլի ագրեսիան զսպելու համար»։ Եթե Ռուսաստանը պատերազմ հայտարարի դաշինքի անդամ երկրներին, ու՞մ է Եվրոպայում գազ վաճառելու։

135
թեգերը:
սպառազինություն, Բանակ, Ռուսաստան, ԱՄՆ
Ըստ թեմայի
«Դոկտրինը լի է ագրեսիայով»․ ԱՄՆ զինվորականները մտադիր են գրավել Երկրի ուղեծիրը
Ինչու է ԱՄՆ-ին անհանգստացնում ռուսական Սու-57-ի «բարելավումը»
Ինչ են անում ԱՄՆ-ի զինվորականները Լեհաստանում
Ռամզան Կադիրով

Ողջամիտ եղեք․ Կադիրովը դիմել է Հայաստանի և Ադրբեջանի ղեկավարությանը

185
(Թարմացված է 23:49 27.09.2020)
Չեչնիայի ղեկավար Ռամզան Կադիորովը կոչ է արել համաշխարհային հանրությանը, ՄԱԿ-ին, հարևան բոլոր երկրներին, հոգևորականությանը ներգրավվել Կովկասում խաղաղության վերականգնման գործընթացին։

ԵՐԵՎԱՆ, 27 սեպտեմբերի – Sputnik. Ռուսաստանն ուղղակի տիտանական ջանքեր է գործադրում, որպեսզի կողմերին ստիպի վերադառնալ բանակցային սեղանի շուրջ: Telegram-ի իր ալիքում այս կարծիքը հայտնել է Չեչնիայի նախագահ Ռամզան Կադիրովը՝ կոչ անելով «եղբայրական ադրբեջանցի ու հայ ժողովրդին դադարեցնել անիմաստ արյունահեղությունը»։

«Այսօր կրկին տագնապալի լուրեր են ստացվում Ղարաբաղից, Ադրբեջանից ու Հայաստանից: Այս տևական հակամարտության մեջ ներգրավված բոլոր ժողովուրդները մեղադրում են միմյանց հերթական ռազմական գործողությունները սկսելու մեջ»,-գրել է Կադիրովը:

Նա նշել է, որ Լեռնային Ղարաբաղն արնահոսող վերք է, որին որոշ ուժեր ապաքինվելու հնարավորություն չեն տալիս, իսկ այդ ցավից տառապում է ամբողջ Կովկասը, տարածաշրջանի բարեկամական բոլոր ժողովուրդները։

Կադիրովի խոսքով՝ Ռուսաստանն ուղղակի տիտանական ջանքեր է գործադրում, որպեսզի կողմերին ստիպի բանակցային սեղանի շուրջ նստել: Սակայն դրա համար անհրաժեշտ է մեկընդմիշտ դադարեցնել մարտական գործողությունները։

«Կովկասն այն տարածքն է, որտեղ ապրում են հին մշակույթ ունեցող բազում ժողովուրդներ։ Բոլորը կապված են պատմական ու մշակութային արմատներով։ Այդ պատճառով ցանկացած կովկասցու համար հարևանի դժբախտությունը խորթ չէ, այն նաև իրեն է վերաբերում», - գրել է Կադիրովը։

Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան

«Նա ընդգծել է, որ կովկասյան սովորություն է լինել «զուսպ, իմաստուն, չնայած ունեցած կորուստների ցավին»։ Նա նշել է, որ կովկասցի հայրերն ու պապերը միշտ իմաստուն լուծումներ են գտել կարծես թե անելանելի իրավիճակներից, քանի որ հիմնվել են հենց ավանդույթների վրա, որոնք նախապատվությունը տալիս են հարգանքի, հավասարության, եղբայրության, պատվի ու արիության կանոններին։

«Կոչ եմ անում եղբայրական ադրբեջանցի և հայ ժողովուրդներին դադարեցնել անիմաստ արյունահեղությունը, որը ավելի ու ավելի է հեռացնում հակամարտությունը  ողջամիտ ժամկետներում լուծելու հնարավորությունից։ Այս իրավիճակում պետք չէ մեղավորներ փնտրել հակառակ կողմում կամ փնտրել, թե ով է առաջինը կրակել», - նշել է նա։

Չեչնիայի Հանրապետության ղեկավարն ընդգծել է, որ չեչեն ժողովուրդը, որը շատ լավ գիտի պատերազմի ու խաղաղության գինը, կոչ է անում Հայաստանին ու Ադրբեջանին «զայրույթը փոխարինել ողջամտությամբ, հանդարտեցնել զայրույթն ու հայրերին ու մայրերին իրենց երեխաներին ողջ-առողջ տեսնելու հնարավորություն տալ»։

 «Ես առաջարկում են միջազգային հանրությանը ՄԱԿ-ին, բոլոր հարևան պետություններին, հոգևոր առաջնորդներին ներգրավվել Կովկասում խաղաղության վերականգնման գործընթացին», - ամփոփել է Կադիրովը։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ըստ վերջին տեղեկությունների` ադրբեջանական զինուժը կորցրել է 3 ուղղաթիռ, 27 անօդաչու թռչող սարք, 30 տանկ և ՀՄՄ։

Սիրիայից 4 000 գրոհային է մասնակցում Ադրբեջանի ռազմական գործողություններին

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրովոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

185
թեգերը:
Ադրբեջան, ԵԱՀԿ Մինսկի Խումբ, Ղարաբաղյան հակամարտություն, Լեռնային Ղարաբաղ, Արցախ, Հայաստան, Չեչնիա, Ռամզան Կադիրով
թեմա:
Ադրբեջանական ագրեսիա Արցախում. 2020
Ըստ թեմայի
ՀՀ տեղափոխված վիրավորներից 2-ի վիճակը ծայրահեղ ծանր է. նոր տվյալներ
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին
Արցախի ՊՆ–ն հրապարակեց զոհված զինծառայողների անունները. նրանցից մեկը կին է
Անտոնիո Գուտերեշ

ՄԱԿ–ի գլխավոր քարտուղարը կոչ է անում դադարեցնել մարտերը

71
(Թարմացված է 23:29 27.09.2020)
Անտոնիո Գուտերեշը կոչ է անում ԵԱՀԿ Մինսկի խմբի շրջանակներում անհապաղ վերսկսել առանց նախապայմանների երկխոսությունը։

ԵՐԵՎԱՆ, 27 սեպտեմբերի– Sputnik. ՄԱԿ–ի գլխավոր քարտուղարը չափազանց մտահոգված է Լեռնային Ղարաբաղի հակամարտության գոտում շփման գծի երկայնքով ռազմական գործողությունների վերսկսմամբ: Այս մասին հայտարություն է տարածված ՄԱԿ–ի պաշտոնական կայքէջում։

Գլխավոր քարտուղարի մամուլի խոսնակի փոխանցմամբ` նա դատապարտում է ուժի գործադրումը և ցավում է մարդկային կորուստների համար։

«Գլխավոր քարտուղարը խստորեն կոչ է անում կողմերին անհապաղ դադարեցնել մարտերը, թուլացնել լարվածությունը և առանց հապաղելու վերադառնալ բանակցություններին: Նա կխոսի ինչպես Ադրբեջանի նախագահի, այնպես էլ Հայաստանի վարչապետի հետ»,– նշված է հաղորդագրության մեջ։

Գլխավոր քարտուղարը վերահաստատում է իր լիակատար աջակցությունը ԵԱՀԿ Մինսկի խմբի համանախագահների կարևոր դերակատարմանը և հորդորում կողմերին սերտորեն համագործակցել նրանց հետ `առանց նախապայմանների երկխոսության հրատապ վերսկսման համար:

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 3 ուղղաթիռ, 27 անօդաչու թռչող սարք, 30 տանկ և ՀՄՄ։

Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Զոհվել են նաև 16 զինծառայողներ։ Հայկական կողմը 100–ից ավելի վիրովոր ունի։ Արցախում և Հայաստանում ռազմական դրություն և համատարած զորահավաք է հայտարարվել։

 

71
թեգերը:
Ադրբեջան, ԵԱՀԿ Մինսկի Խումբ, Արցախ, Ղարաբաղյան հակամարտություն, Լեռնային Ղարաբաղ, Հայաստան, Միավորված ազգերի կազմակերպություն (ՄԱԿ), Անտոնիո Գուտերեշ
թեմա:
Ադրբեջանական ագրեսիա Արցախում. 2020
Ըստ թեմայի
Սիրիայից 4 000 գրոհային է մասնակցում Ադրբեջանի ռազմական գործողություններին
Արցախի դեմ ադրբեջանական ագրեսիան ոտնահարում է նաև Իրանի անվտանգային շահերը. Ոսկանյան
Զգուշացրեք Թուրքիային` դադարեցնի զենք և մարտիկներ ուղարկել Բաքու. Քարդաշյանի կոչը ԱՄՆ–ին

Ոստիկաններն էլ մեկնեցին առաջնագիծ. տեսանյութ

0
(Թարմացված է 01:14 28.09.2020)
Ոստիկաններին Արցախ տանող ավտոբուսը ճանապարհ է ընկել։ Առաջնագիծ մեկնողներին ճանապարհել են ծափերով։

ՀՀ ոստիկանության աշխատակիցները նույնպես մեկնեցին առաջնագիծ` կանգնելու զինվորների կողքին։ Համացանցում հրապարակված տեսանյութում երևում է, թե ինչպես են ճանապարհում ոստիկաններին։

Ավելի վաղ հայտնել էինք, որ Արցախ են մեկնել Երևանի պետական բժշկական համալսարանի և համալսարանական հիվանդանոցների բժիշկները։

Հիշեցնենք, որ սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով: 

11 միավոր զրահատեխնիկա, այդ թվում՝ ՀՄՄ-3. հայկական կողմն առգրավել է հակառակորդի տեխնիկան

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։ Հայտնի է, որ հակառակորդի կրակոցների հետևանքով քաղաքացիական բնակչությունից Մարտունիում մեկ կին և մեկ երեխա են զոհվել։ Ադրբեջանական ագրեսիայի զոհ դարձած զինծառայողների թիվը 16 է, վիրավորներինը` ավելի քան 100։ Արցախում և Հայաստանում ռազմական դրություն և համատարած զորահավաք է հայտարարվել։

Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել

0
թեգերը:
ոստիկան, Արցախ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Դիակներ, խոցված զրահատեխնիկա. Արցախի ՊՆ–ն նոր տեսանյութ է հրապարակել
Արցախում խափանվել է հեռախոսային ու ինտերնետային կապը
Հիվանդանոցները միայն անհետաձգելի բուժօգնություն կտրամադրեն . Թորոսյանը հրաման է ստորագրել