Հարսանիք

Ալիևի աշխատակազմի նախկին ղեկավարի փեսան կալանավորվել է հարսանիքի պատճառով. տեսանյութ

50
(Թարմացված է 18:25 24.08.2020)
Ալիևը Ադրբեջանի նախագահի աշխատակազմի նախկին ղեկավար, Ադրբեջանի Գիտությունների ազգային ակադեմիայի նախագահ Ռամիզ Մեհտիևի փեսան է։

ԵՐԵՎԱՆ, 24 օգոստոսի - Sputnik. Ադրբեջանում կալանավորվել է նախկին պատգամավոր Իլհամ Ալիևը, որը կարանտինի ժամանակ ամուսնացրել է դստերը։ Տեղեկությունը հայտնում է Sputnik Ադրբեջանը։

Ալիևի դստեր հարսանիքը տեղի է ունեցել օգոստոսի 18-ին Նովխանի ավանում գտնվող ամառանոցում։ Հաշվի առնելով, որ Ադրբեջանում մինչև օգոստոսի 31-ը գործող կարանտինային ռեժիմն արգելում է զանգվածային միջոցառումների անցկացումը, հարսանիք կազմակերպելը մեկնաբանվել է որպես օրենքի ուղղակի խախտում: Դատարանը հարսնացուի հորը՝ նախկին պատգամավոր Իլհամ Ալիևին, և փեսացուի հորը՝ Ռովշան Մուստաֆաևին, մեղավոր է ճանաչել վարչական իրավախախտումների մասին օրենսգրքի 211.1-րդ հոդվածով: Երկու տղամարդիկ կձերբակալվեն 15 օրով։

Նախկին պատգամավոր Իլհամ Ալիևը Ադրբեջանի նախագահի աշխատակազմի նախկին ղեկավար Ռամիզ Մեհտիևի (այժմ գլխավորում է Գիտությունների ակադեմիան) փեսան է:

Բորիս Նեմցովի դուստրը հայի հետ է ամուսնացել. լուսանկար

Ադրբեջանի կառավարության որոշման համաձայն` մինչև օգոստոսի 31-ի 00:00-ն հանրապետությունում գործում է հատուկ կարանտինային ռեժիմ, սահմանափակված է առևտրի և ծառայությունների գործունեությունը: Խիստ կարանտինի գոտում կարելի է միջոցառում անցկացնել առավելագույնը 5 հոգով, իսկ մնացած շրջաններում և քաղաքներում՝ տասը հոգով:

Հարսանի՞ք, թե՞ բաժանում. ինչպես է համավարակը ազդել ամուսնությունների վրա

50
թեգերը:
տեսանյութ, հարսանիք, Ադրբեջան
Ըստ թեմայի
«Լավագույնը գտավ լավագույնին». «Կարմելիտա» հեռուստասերիալի աստղն ամուսնացել է
«Իսկ նա ո՞վ է»․ Լեգկոստուպովայի ընկերը նրա մահվան մեջ մեղադրել է «անհասկանալի» ամուսնուն
«Քանյեն ինձ հունից հանեց»․ Քարդաշյանի ամուսնու նոր կոշիկները զայրացրել են մուսուլմաններին
Գարեգին Բ

Գարեգին Բ–ն ընդհատում է իր այցն ու Իտալիայից վերադառնում հայրենիք. նա կոչով դիմել է ազգին

83
(Թարմացված է 10:53 27.09.2020)
Վեհափառը կոչ է արել մեր ժողովրդին միասնության և քաղաքական բոլոր ուժերին՝ ստորադասելու հակասությունները հանուն հայրենիքի պաշտպանության կարիքների

ԵՐԵՎԱՆ, 27 սեպտեմբերի – Sputnik. Ն.Ս. Օ. Տ. Տ. ամենայն հայոց կաթողիկոս Գարեգին Բ–ն ուղերձով դիմել է հայ ժողովրդին։ Նա նշել է, որ այսօր վաղ առավոտյան ադրբեջանական զինված ուժերը` վերստին խախտելով զինադադարը, ուխտադրուժ կերպով նախահարձակ են եղել շփման գծի ողջ երկայնքով՝ ռմբակոծելով Արցախի խաղաղ բնակավայրեր, այդ թվում և մայրաքաղաք Ստեփանակերտը։

«Արցախ հայրենի մեր երկիրը վերստին կանչում է մեզ ամենքիս՝ պաշտպանելու մեր ազգի իրավունքները, մեր սրբազան հողը, մեր ապագան ու ազգային արժանապատվությունը։

Կոչ ենք անում մեր ժողովրդին միասնության և քաղաքական բոլոր ուժերին՝ ստորադասելու հակասությունները հանուն հայրենիքի պաշտպանության կարիքների»,–գրել է Վեհափառ հայրը։

Նա տեղեկացրել է, որ թեպետ այս պահին, այցով գտնվում է Իտալիայում, որի ընթացքում պետք է հանդիպում ունենար Հռոմի Սրբազան Քահանայապետ Ֆրանցիսկոս Պապի հետ, ընդհատում ենք այն և անհապաղ վերադառնում Հայրենիք։

«Աստված պահապան Արցախ աշխարհին, զորավիգ ու ապավեն՝ մեր քաջազուն զինվորներին ու հրամանատարներին»,–գրել է նա։

«Պատերազմ են ուզում, պատերազմ էլ կստանան». Արցախի նախագահ

83
թեգերը:
Արցախ, Ամենայն Հայոց կաթողիկոս Գարեգին Բ
թեմա:
Ղարաբաղյան հակամարտություն
Ըստ թեմայի
Արցախում խաղաղ բնակչության շրջանում զոհեր կան. Արցախի ՄԻՊ
Մի տարածեք ոչ պաշտոնական տեղեկություններ. ՊՆ–ն դիմել է ԶԼՄ–ներին և քաղաքացիներին
Ուղղաթիռի կորուստն ընդունեցին, ուրեմն ավելի շատ են կորուստները. Արծրուն Հովհաննիսյան
Սիրիա

Սիրիայում ականապատված ավտոմեքենա է պայթել. զոհերի թվում երեխաներ կան

22
(Թարմացված է 23:20 26.09.2020)
Դեպքը տեղի է ունեցել մի տարածքում, որը վերահսկում են Թուրքիայի հետ կապված ահաբեկչական խմբավորումները։

ԵՐԵՎԱՆ, 26 սեպտեմբերի – Sputnik. Սիրիայի Ալ-Հասաքա նահանգում ականապատ մեքենա է պայթել։ Տեղեկությունը հայտնում է «SANA» գործակալությունը:

Նշվում է, որ պայթյունի հետևանքով մահացել է 7 խաղաղ բնակիչ, այդ թվում՝ 2 երեխա, ևս 11 մարդ վիրավորվել է:

Ականապատված ավտոմեքենան կայանված է եղել մետաղի ջարդոնի մոտ։

Սիրիայի հակամարտությունը․ ԱՄՆ-ն հայտարարել է, որ Ռուսաստանի «ձեռքերն արյունոտ են»

Գործակալությունը հիշեցնում է, որ Ալ-Հասաքա նահանգի այդ հատվածը գտնվում է Թուրքիայի հետ կապված ահաբեկչական խմբավորումների վերահսկողության տակ։

Նման դեպքեր Սիրիայում շատ հաճախ են տեղի ունենում, և ականապատված մեքենաների պայթյունների հետևանքով խաղաղ բնակիչներ են մահանում։

Երկար են մնալու․ ինչից ինչ է դարձել Սիրիայում ռուսական բազան

22
թեգերը:
երեխա, Զոհ, ավտոմեքենա, պայթյուն, Սիրիա
Ըստ թեմայի
Սիրիայում իրավիճակի սրացումը կարող է ազդել Հարավային Կովկասի վրա. ԳՇ պետ
Թուրք պատգամավորները Սիրիայի պատճառով ծեծել են իրար. տեսանյութ
«Ամերիկացիները կարծում են` իրենց հողն է»․ փախած գրոհայինը` Սիրիայի Աթ Թանֆ բազայի մասին
Հիվանդանոց, արխիվային լուսանկար

Հայաստանում կորոնավիրուսից 2 կին և 1 տղամարդ են մահացել

0
Մահացածներն ունեցել են ուղեկցող խրոնիկական հիվանդություններ:

ԵՐԵՎԱՆ, 27 սեպտեմբերի – Sputnik. Կորոնավիրուսը Հայաստանում ևս 3 մարդու կյանք է խլել։ Տեղեկությունը հայտնում է ՀՀ առողջապահության նախարարությունը։

«Պացիենտները եղել են 90 (կին), 82 (տղամարդ) և 81 (կին) տարեկան։ Բոլորն ունեցել են ուղեկցող խրոնիկական հիվանդություններ»,- նշված է հաղորդագրության մեջ։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 328-ով ու հասել 49 400-ի:

Սեպտեմբերի 27-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 49400 դեպք, որոնցից 43613-ն` առողջացած, 951-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 4541 պացիենտ: Ընդհանուր առմամբ կատարվել է 284226 թեստավորում:

Այսպիսով` երեկ կատարվել է 3860 թեստավորում, որից հաստատվել է կորոնավիրուսային հիվանդության 328 նոր դեպք: Ունենք 37 առողջացած:

0
թեգերը:
տղամարդ, Կին, Մահ, թեստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում