ԵՐԵՎԱՆ, 17 օգոստոսի – Sputnik. Բելառուսի կառավարությունն իր լիազորությունները վայր է դրել նորընտիր նախագահի առջև. նախարարական կաբինետի համապատասխան որոշումն օգոստոսի 15-ին հրապարակվել է ազգային իրավական պորտալում: Որոշումն ուժի մեջ է մտել ընդունման օրից: Տեղեկությունը հայտնում է Sputnik Բելառուսը։
Բելառուսի վարչապետ Ռոման Գոլովչենկոն կարգադրել է կառավարության լիազորությունները վայր դնել Սահմանադրության համապատասխան հոդվածի համաձայն:
Միաժամանակ Ալեքսանդր Լուկաշենկոն հրամանագիր է ստորագրել, որի համաձայն` կառավարությունը կշարունակի աշխատանքը մինչև կազմը նորից հաստատվի։
«Կյանքում առաջին անգամ ծնկի եմ գալիս ձեր առջև»․ Լուկաշենկոն դիմել է աջակիցներին․ տեսանյութ
Այս տարվա մայիսին Ալեքսանդր Լուկաշենկոն հայտարարել էր, որ մտադիր է կառավարությանը փոխել ընտրություններից առաջ: Այդ պահին գործող վարչապետ Սերգեյ Ռումասը մայիսի 26-ին հրաժարականի դիմում էր ներկայացրել։ Նոր վարչապետ էր դարձել Ռոման Գոլովչենկոն։
Լուկաշենկոն գործարանի աշխատողների հետ հանդիպման է մեկնել ուղղաթիռով
