Թուրքական հետախուզական նավերը

Նոր լարում. թուրքական հորատանավը սեյսմիկ հետազոտություններ է անելու Կիպրոսի ծանծաղուտում

98
(Թարմացված է 20:52 16.08.2020)
Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը կշարունակի միջերկրածովյան սեյսմահետախուզությունն ու անպատասխան չի թողնի թուրքական նավերի վրա Հունաստանի ցանկացած հարձակում:

ԵՐԵՎԱՆ, 16 օգոստոսի - Sputnik. Թուրքիան նոր միջազգային Navtex ծանուցում է հրապարակել Արևելյան միջերկրածովյան տարածաշրջանում օգոստոսի 18-ից սեպտեմբերի 15-ը սեյսմիկ հետազոտությունների անցկացման մասին։ ՌԻԱ Նովոստիի հաղորդմամբ` թուրքական Yavuz հորատանավը, երեք այլ նավերի ուղեկցությամբ, սեյսմիկ հետազոտություններ է իրականացնելու Կիպրոսի մայրցամաքային ափամերձ ծանծաղուտում (շելֆում)։ Մնացած բոլոր նավերին խորհուրդ է տրվում չմտնել նշված տարածք։

Նշենք, որ վերջին օրերին թուրք-հունական հարաբերությունների հերթական սրացումն է տեղի ունեցել։ Թուրքիան երկուշաբթի օրը հաղորդել է, որ իր Oruç Reis նավը Արևելյան միջերկրածովյան շրջանում սեյսմիկ հետազոտություններ է սկսել այն շրջանում, որը Հունաստանը համարում է իր բացառիկ տնտեսական գոտին: Սեյսմիկ հետախուզման մասին Navtex-ի ծանուցման հրապարակումից կարճ ժամանակ անց հայտարարվել է Հունաստանի ազգային անվտանգության խորհրդի նիստի գումարման մասին: Հունաստանի զինված ուժերը բերվել են բարձր մարտական պատրաստության։ Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը կշարունակի միջերկրածովյան սեյսմահետախուզությունն ու անպատասխան չի թողնի թուրքական նավերի վրա Հունաստանի ցանկացած հարձակում:

Կիպրոսի Հանրապետության կառավարությունն էլ իր հերթին հայտարարում է Թուրքիայի կողմից Կիպրոսի ինքնիշխան Հանրապետության իրավունքների մշտական խախտման մասին։ Մասնավորապես, Անկարան հորատման աշխատանքներ է իրականացնում Կիպրոսի ծովային գոտում և սեյսմիկ հետախուզում է իրականացնում Կիպրոսի բացառիկ տնտեսական գոտում և ափամերձ ծանծաղուտում (շելֆում)` խախտելով երկրի ինքնիշխան իրավունքները: ԵՄ-ն բազմիցս հանդես է եկել այդ գործողությունների դատապարտմամբ։ Թուրքիան հայտարարում է, որ չի դադարեցնի Կիպրոսի շելֆի հետախուզությունն ու հորատման աշխատանքները՝ պատճառաբանելով, թե կիպրոսցի թուրքերը նույնպես իրավունք ունեն տնօրինելու կղզու բնական հարստությունները։

ՀՀ–ն վերահաստատում է իր աջակցությունն ու համերաշխությունը Հունաստանին և Կիպրոսին. ԱԳՆ

98
թեգերը:
նավ, Կիպրոս, Թուրքիա, Հունաստան
Ըստ թեմայի
Հունաստանը կարող է Հաագայի դատարան դիմել Թուրքիայի հետ տարածքային վեճի պատճառով
Թուրքիայի պատճառով. Հունաստանի վարչապետն ազգային անվտանգության խորհրդի նիստ է հրավիրել
Զոհրաբ Մնացականյանը հեռախոսազրույցներ է ունեցել Հունաստանի և Կիպրոսի գործընկերների հետ
Ռդ ԱԳՆ

Ռուսաստանին մտահոգում է հայ-ադրբեջանական սահմանին ստեղծված իրավիճակը

65
(Թարմացված է 13:34 30.07.2021)
Ռուսաստանի ԱԳՆ -ն կոչ է անում կողմերին ձեռնպահ մնալ գործողություններից, որոնք կարող են հանգեցնել իրավիճակի հետագա վատթարացմանը:

ԵՐԵՎԱՆ, 30 հուլիսի - Sputnik. Ռուսաստանի ԱԳՆ–ն  հայտարարում է, որ լրջորեն անհանգստացած են հայ-ադրբեջանական սահմանի առանձին հատվածներում վերջերս տեղի ունեցած զինված միջադեպերից, որոնք հանգեցրել են մարդկային զոհերի։

Ռուսաստանի ԱԳՆ Տեղեկատվության և մամուլի դեպարտամենտի փոխտնօրեն Ալեքսանդր Բիկանտովի հայտարարությունում ասվում է, որ իրավիճակը սահմանին շարունակում է լարված մնալ, սակայն Ռուսաստանը պատրաստ է հետագայում ևս անհրաժեշտ աջակցություն ցուցաբերել իրավիճակի կարգավորման համար, մասնավորապես մասնակցել սահմանազատման և սահմանագծման աշխատանքներին։

Մոսկվայում մտադիր են ակտիվորեն աշխատել Անդրկովկասը կայունության, անվտանգության և բարգավաճման գոտի դարձնելու ուղղությամբ ։

Ռուսաստանի ԱԳՆ - ն կոչ է անում կողմերին ձեռնպահ մնալ գործողություններից, որոնք կարող են հանգեցնել իրավիճակի հետագա վատթարացմանը:

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Այսօր` հուլիսի 30–ին, Խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

65
թեգերը:
Սահման, Ռուսաստան, հայ-ադրբեջանական, Ադրբեջան, Հայաստան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Սահմանի վրա ճնշումներով Անկարան ու Բաքուն փորձում են զիջումներ կորզել Հայաստանից․ փորձագետ
Սահմանին տեսալուսանկարահանում անելու համար 100 հազար դրամ տուգանք կսահմանվի
Համայնքների ղեկավարները ԶԼՄ–ներին տեղեկություն չտան սահմանի մասին. առաջարկ կառավարությանը
Թուրքիա

Թուրքիայում հրդեհների արդյունքում կա 4 զոհ և 183 տուժած

112
(Թարմացված է 11:25 30.07.2021)
Հրդեհ է բռնկվել հայտնի Բոդրում և Մարմարիս հանգստավայրերում։ Հյուրանոցների հյուրերն ու անձնակազմը տարհանվել են:

ԵՐԵՎԱՆ, 30 հուլիսի – Sputnik. Թուրքական վեց նահանգներում 20 անտառային հրդեհները դեռ չի հաջողվել մեկուսացնել։ Այս մասին հայտարարել է Թուրքիայի գյուղատնտեսության և անտառային տնտեսության նախարար Բեքիր Փաքդեմիրլին, հաղորդում է ՌԻԱ Նովոստին։

«Վերջին երկու օրվա ընթացքում մեկուսացվել է 63 անտառային հրդեհներից 43-ը։ 20 հրդեհ է շարունակվում Ադանա, Անթալիա, Մուղլա, Մերսին, Կայսերի, Օսմանիե նահանգներում», - հայտնել է նախարարը Twitter-ում։

Առավել ծանր իրավիճակ է Ադանայում, որտեղ մոլեգնում են 6 անտառային հրդեհներ, Անթալիայում և Մերսինում կա 4–ական հրդեհ:

Նախօրեին Փաքդեմիրլին հայտնել էր, որ անտառային հրդեհների մարումը շարունակվում է Թուրքիայի 7 նահանգներում։ Կա չորս զոհ և 183 տուժած։

Հրդեհ է սկսվել նաև հայտնի Բոդրում և Մարմարիս հանգստավայրերում։ Այստեղից իրականացվել է հյուրանոցների հյուրերի և անձնակազմի տարհանում:

Թուրքիայի անտառներում բռնկված հրդեհը մոտեցել է բնակելի տներին ու հյուրանոցներին. տեսանյութ

112
թեգերը:
Զոհ, Տուժածներ, հրդեհ, Թուրքիա
Ըստ թեմայի
Թուրքիայում հրդեհից մի ամբող գյուղ է այրվել, այդ թվում՝ մզկիթը. տեսանյութ
Կալիֆոռնիան հայտնվել է հրդեհի ճիրաններում. լուսանկարներ
Զբոսաշրջիկներին տարհանում են թուրքական հանգստավայրից. պատճառն անտառային հրդեհներն են
Արմեն Քթոյան

Վիրտուալ խաղատների դեպքում ևս սահմանափակումներ են անհրաժեշտ. Քթոյան

0
Տնտեսագետ Արմեն Քթոյանը Sputnik Արմենիայի եթերում նշել է, որ բարձր շահութաբերություն ապահովող խաղատնային բիզնեսում հավասարությունը վերականգնելու համար անրաժեշտ են արմատական փոփոխություններ ու կոշտ սահմանափակումներ։
«Վիտուալ խաղատների դեպքում ևս սահմանափակումներ են անհրաժեշտ». Քթոյան

Որքան էլ երկիրը ներդրումների կարիք ունենա, կառավարությունը պետք է երկար մտածի` արդյո՞ք նպատակահարմար է լոյալություն ցուցաբերել խաղատնային բիզնես գործունեությանը։ Sputnik Արմենիայի հետ զրույցում նման կարծիք հայտնեց տնտեսագետ
Արմեն Քթոյանը` անդրադառնալով նախօրեին կառավարության նիստում վարչապետի պաշտոնակատար Նիկոլ Փաշինյանի այն հայտարարությանը, թե 2 ներդրողներ ուզում են Երևանում և Արագածոտնում խաղատուն կառուցել։

«Դա նաև սոցիալական, մշակութային խնդիր է դառնում, այստեղ շատ հարցեր կան, և հանրությունը ևս պետք է իր դիրքորոշումն արտահայտի»,- ասաց նա։

Քթոյանը ողջունում է տարիներ առաջվա իշխանությունների` խաղատները Երևանից դուրս բերելու որոշումը։

Այն ինչ-որ չափով կարգավորեց ոլորտը։ Բայց հիմա տեղեկատվական տեխնոլոգիաներն այնքան են զարգացել, որ ցանկացած անձ կարող է իր հեռախոսի մեջ ներբեռնել համապատասխան ծրագիրը և գտնվել վիրտուալ խաղատանը։

«Այս առումով վիրտուալ խաղատների հասանելիությունը շատ մեծ է, այստեղ ևս արմատական լուծումներ են պետք։ Նրանք, ովքեր բիզնեսը հանեցին քաղաքից դուրս, անհավասար մրցակցության մեջ են գտնվում վիրտուալ խաղատների հետ»,- նշեց նա։

Հավասարությունը վերականգնելու համար անհրաժեշտ է սահմանափակումներ կիրառել նաև վիրտուալ խաղատնային բիզնեսի նկատմամբ, ինչպես եվրոպական մի շարք երկրներում։

«Այն կայքերը, որոնք մեզ մոտ ազատորեն հասանելի են, և ամեն քայլափոխի դրանց մասին ագրեսիվ գովազդային արշավ է իրականացվում, ԵՄ անդամ երկրների մեծ մասում ամեն մեկին հասանելի չեն»,- ընդգծեց Քթոյանը։

Հիշեցնենք, որ Երևանում 2 ներդրող հավակնություն ունի 80 ու ավելի միլիոն դոլար ներդրում անելուց հետո խաղատան թույլտվություն ունենալ, ինչը նախատեսվում է օրենքով։

Փաշինյանի խոսքով`Երևանում` բավականին բանուկ հատվածներում, խաղատները պիտի լինեն վերնահարկում ու փողոցից մուտք չունենան։

Սա պետք է ամրագրվի կանոններով։

0
թեգերը:
Նիկոլ Փաշինյան, Ներդրում, Հայաստան, Արմեն Քթոյան, խաղատուն
Ըստ թեմայի
Ավազի գնաճն անխուսափելիորեն կհանգեցնի շինարարության թանկացման. տնտեսագետ
Տնտեսական աճ կարող է գրանցվել զբոսաշրջության ու շինարարության ոլորտների հաշվին. Մարգարյան
Անկախ Հայաստանի պատմության մեջ աշխատանքի շուկան մայիսին ռեկորդ է խփել. Քերոբյան
Գերակատարելը չի նշանակում, որ կունենանք արտառոց եկամուտներ. տնտեսագետ