Նավթի արդյունահանում

Անձնական ոչինչ․ ԱՄՆ-ն Ռուսաստանից ռեկորդային քանակի նավթ է գնել

89
(Թարմացված է 18:02 14.08.2020)
Կես տարվա ընթացքում ԱՄՆ-ն Ռուսաստանից ավելի քան ինը միլիոն տոննա նավթամթերք է ստացել․ 2004թ-ից ի վեր սա բացարձակ ռեկորդ է։

Միաժամանակ Վաշինգտոնն ամեն կերպ փորձում է կանգնեցնել «Հյուսիսային հոսք-2»-ը, որպեսզի թույլ չտա Եվրոպայի կախվածության ավելացումը ռուսական էներգառեսուրսներից։ Ինչո՞ւ են ամերիկացիներն այդքան շատ օգտվում ռուսական էներգառեսուրսներից՝ պարզել է ՌԻԱ Նովոստիի թղթակից Նատալյա Դեմբինսկայան։

Ռեկորդային արտահանում

ԱՄՆ-ում վաճառված նավթամթերքի շնորհիվ Ռուսաստանը հունվարից մինչև հուլիս ընկած ժամանակահատվածում վաստակել է 2,2 միլիարդ դոլար․ այսպիսին են Դաշնային մաքսային ծառայության տվյալները։ Օվկիանոսից այն կողմ է ուղարկվել ավելի քան 7,46 տոննա նավթամթերք. սա ընդհանուր արտահանման 12 տոկոսն է։ Ամենաշատը գնել է Նիդեռլանդները՝ 12,19 միլիոն տոննա, ամերիկացիները երկրորդ տեղում են, երրորդում Մալթան է՝ 4,4 միլիոն տոննայով։

Ընդ որում՝ Նիդեռլանդներն ու Մալթան տարանցիկ պահեստարաններ են, որտեղից նավթամթերքն ուղարկվում է այլ երկրներ։ Այսինքն՝ փաստացի արտահանումը ԱՄՆ կարող է է՛լ ավելի շատ լինել, քանի որ Դաշնային մաքսային ծառայությունն այդ մատակարարումները չի հաշվարկում։

Ռուսաստան, թե Արևմուտք. Փաշինյանը պատասխանել է BBC-ի սադրիչ հարցին

Իսկապես, ԱՄՆ էներգետիկ տեղեկատվության վարչության (EIA) տվյալներով, տարվա առաջին հինգ ամիսների ընթացքում ռուսական նավթի ամերիկյան ներմուծումը հասել է գրեթե 68 միլիոն բարելի կամ 9,3 միլիոն տոննայի: Սա ավելին է, քան ԴՄԾ-ի վեց ամսվա տվյալները, քանի որ EIA-ն արձանագրում է ոչ թե առաքման երկիրը, այլ արտադրողին:

Բացի այդ, ամերիկացիներն ավելացրել են ռուսական մազութի գնումը՝ հունիսի համեմատ 16 տոկոսով։

Ինչո՞վ փոխարինել

Բանն այն է, որ ԱՄՆ-ն ինքն իրեն զրկել է վենեսուելական ծանր նավթից, իսկ մի շարք նավթավերամշակող ձեռնարկությունների տեխնոլոգիան թույլ չի տալիս օգտագործել միայն Պերմի ավազանից ու Արևմտյան Տեխասից ստացվող թեթև նավթը։ Այն պետք է խառնել ծանր նավթի հետ, որը գնում էին Հարավային Ամերիկայում։ Սակայն Թրամփը պատժամիջոցներ սահմանեց Վենեսուելայի PVSDA պետական ընկերության դեմ, և նավթավերամշակման գործարանները հումքի հետ կապված լուրջ խնդիրների բախվեցին։

Առավել բարդ իրավիճակում են հայտնվել Մեքսիկական ծոցի ու Արևելյան ափի գործարանները, այդ թվում՝ «Citgo Petroleum»-ը, «Valero Energy»-ն, «Chevron»-ը։

Այլընտրանք կարող էր ծառայել Սաուդյան Արաբիայի նավթը, որը մոտ է քիմիական բաղադրությամբ, բայց սաուդցիները հրաժարվեցին ավելացնել արդյունահանումը։ Արդյունքում տնտեսությունը մի կողմ մղեց քաղաքականությանը, և ստիպված եղան դիմել Ռուսաստանին։

«Վաշինգտոնն ամեն բան անում է, որ «Գազպրոմն» ավարտին չհասցնի «Հյուսիսային հոսք–2-ի շինարարությունը։ Սակայն դա չի խանգարում համագործակցել, եթե տնտեսական շահերը համընկնում են», - ասում է «Ալպարի» տեղեկատվական վերլուծական կենտրոնի ղեկավար Ալեքսանդր Ռազուվաևը։

Ինչպես Ռուսաստանը երկուսուկես դար առաջ նպաստեց ամերիկացիների անկախացմանը

«Աշխարհում տեղի ունեցած վերջին աշխարհաքաղաքական իրադարձությունները շուկան վերաբաշխեցին հօգուտ Ռուսաստանի, քանի որ ԱՄՆ-ն հրաժարվեց երկու այլ երկրների մատակարարումներից ու պատժամիջոցներ սահմանեց։ Այսպիսով «Urals»-ը դարձավ միակ հասանելի ծանր տեսակը», - հաստատում է «A3F Group» ընկերությունների խմբի համահիմնադիր Ալեքսանդր Դուժնիկովը։

Հարմար բնութագրերից բացի, ռուսական հումքը գրավիչ է նաև գնի առումով։ Ֆինանսների նախարարության տվյալների համաձայն՝ «Urals» ապրանքանիշը հունվար-հուլիս ամիսներին միջինը գնահատվում էր 40,34 դոլար մեկ բարելի դիմաց, մինչդեռ նախորդ տարվա հունվար-հուլիսին 65,27 դոլար էր։

Միաժամանակ զգալիորեն նվազել է փոխադրման գինը։ Կարանտինից դուրս գալուն պես վառելիքի սպառումն ավելացել է․ մարդիկ սկսել են ավելի շատ օգտվել ինքնաթիռներից։

Ոլորտի ճգնաժամը

Նավթի գների անկման պատճառով ԱՄՆ-ում հորատման սարքերի թիվը կրճատվել է՝ հասնելով բազմամյա նվազագույն ցուցանիշի։ «Dakota Access» նավթատարը փակել են բնապահպանական օրենսդրության խախտումների պատճառով։

Արդյունահանումը օրական 13,1 միլիոն բարելից հասել է 11,1 միլիոն բարելի։ Ընդ որում՝ դա անդրադարձել է ԱՄՆ-ի առավել արդյունավետ թերթաքարային ավազաններին։ EIA-ի` օգոստոսի 11-ին հրապարակած կանխատեսման համաձայն` ոլորտի արտադրության միջին հզորությունն այս տարի կկազմի օրական 11,26 միլիոն բարել, իսկ 2021-ին՝ 11,14 միլիոն։ EIA-ն կանխատեսում է, որ մինչև դեկտեմբեր հենց ամերիկացիներն են ամենամեծ ներդրումն ունենալու նավթի համաշխարհային մատակարարումների կրճատումների գործում։

«Haynes & Boone»-ի տվյալների համաձայն՝ հունվարից ի վեր 36 նավթային ընկերություն է սնանկության գործընթաց սկսել․ նրանց ընդհանուր պարտքը մոտ 25,2 միլիարդ դոլար է կազմում։ Դրանց շարքում է նաև թերթաքարի խոշորագույն ընկերություններից «Whiting Petroleum»-ը, ինչպես նաև «California Resources»-ն ու ոլորտի պիոներ «Chesapeake Enеrgy»-ն։ Հունիսին ևս մեկ խոշոր արտադրող` «Extraction Oil & Gas»-ը, չի կարողացել ժամանակին վճարել պարտքի տոկոսներն ու սնանկության հարցով դատարան է դիմել։

«Rystad Energy»-ի գնահատմամբ՝ մինչև տարեվերջ գրեթե հարյուր հիսուն ամերիկյան նավթագազային ընկերություններ սնանկ կհայտարարվեն։ Թերթաքարի արդյունահանումը կնվազի մինչև օրական հինգ միլիոն բարել ու ավելի քիչ։ «ShaleProfile Analytics»-ը կանխատեսում է, որ ոլորտը կզրկվի արտադրական հզորության մեկ երրորդից։

Պատերազմ սկսել Իրաքում և տանուլ տալ Ամերիկան․ ինչպե՞ս դա պատահեց

89
թեգերը:
նավթ, Ռուսաստան, ԱՄՆ
Ըստ թեմայի
Մի՛ ստիպեք գործի գցել Իսկանդերները. թող դրանց եզակի ուժը բացառապես զորավարժարաններում երևա
«Կասպից հրեշի» վերածնունդը․ լինե՞լ, թե՞ չլինել
ՌԴ ռազմատիեզերական ուժերը 2021-ին մեծ հեռահարության հարվածային դրոններ կթողարկեն
Автомобиль скорой помощи в Лионе

Լիոնի հունական եկեղեցու մոտ կրակոցներ են հնչել. ուղղափառ եկեղեցու քահանան վիրավոր է

117
(Թարմացված է 20:57 31.10.2020)
Ֆրանսիայի ներքին գործերի նախարարը հորդորել է խուսափել Լիոնի այն հատվածից, որտեղ տեղի է ունեցել հրաձգությունը: Կասկածյալը փախել է։

ԵՐԵՎԱՆ, 31 հոկտեմբերի - Sputnik. Ֆրանսիայի Լիոն քաղաքի յոթերորդ թաղամասում գտնվող հունական եկեղեցու հարևանությամբ կրակոցներ են հնչել։ Տեղական Progres թերթը, վկայակոչելով ականատեսներին, գրում է, որ փրկարարները մեկ վիրավորի են տարհանել։ Խոսքը ուղղափառ եկեղեցու քահանայի մասին է։

Թաղամասում անվտանգության գոտի է գծվել, տեղում ծառայություն են իրականացնում ոստիկանության ուժեղացված ստորաբաժանումները։

Տեղական հեռուստաընկերության հաղորդմամբ՝ եկեղեցու սպասավորը փակելիս է եղել տաճարի դուռը, երբ անհայտ տղամարդը կրակ է բացել նրա ուղղությամբ։

Նիկոլ Փաշինյանը ցավակցական հեռագիր է հղել Էմանուել Մակրոնին

Հիշեցնենք՝ հոկտեմբերի 29-ին ֆրանսիական Լիոնի ոստիկանությունը երկաթուղային կայարանում բերման էր ենթարկել դանակով զինված մի մարդու: Դրանից մեկ օր առաջ Նիցցայի Աստվածամոր տաճարում հարձակում էր տեղի ունեցել, որի հետևանքով երեք մարդ էր մահացել։ Մի կնոջ գլխատել էին, եկեղեցու սպասավորի կոկորդը կտրել։ Հարձակում գործած անձին իրավապահները ձերբակալել էին։

Ահաբեկչությունը սահման չունի. Արմեն Սարգսյանի ցավակցական ուղերձը՝ Էմանուել Մակրոնին

117
թեգերը:
կրակոց, քահանա, Ֆրանսիա
Ըստ թեմայի
Ֆրանսիայի Ավինյոն քաղաքում սպանել են ոստիկանների վրա դանակով հարձակված տղամարդուն
Ֆրանսիայում կանխել են հայերի ու թուրքերի բախումները
Ֆրանսիայի ներքին գործերի նախարարը խոսել է Նիցցայում տեղի ունեցածի մասին

Մահացել է լեգենդար դերասան Շոն Քոներին

134
(Թարմացված է 17:04 31.10.2020)
Նրա դերասանական կարիերան տևել է տասնամյակներ, նկարահանվել է ավելի քան 90 գեղարվեստական ֆիլմերում։

ԵՐԵՎԱՆ, 31 հոկտեմբերի - Sputnik. Այսօր կյանքից հեռացել է աշխարհահռչակ դերասան Շոն Քոներին։ Տեղեկությունը հայտնում են միջազգային առաջատար լրատվամիջոցները՝ հղում անելով նրա ընտանիքին։

Քոներին իր 90-ամյակը տոնել էր օգոստոսին։

Շոտլանդացի դերասանն առավել հայտնի էր գործակալ Ջեյմս Բոնդի կերպարով։ Նա Բոնդի առաջին դերակատարն էր և նկարահանվել էր ֆիլմաշարի յոթ մասերում։

Նրա դերասանական կարիերան տևել է տասնամյակներ։ Նկարահանվել է ավելի քան 90 գեղարվեստական ֆիլմում և հեռուստատեսային սերիալներում։ Բազմաթիվ հեղինակավոր մրցանակների է արժանացել՝ «Օսկար», երկու «Բաֆտա», երեք «Ոսկե գլոբուս, Բրիտանական կինոյի և հեռուստատեսության ակադեմիայի 5 մրցանակ և այլն։

Եղիսաբեթ Երկրորդ թագուհին 2000 թվականին ասպետի կոչում էր շնորհել նրան։

134
թեգերը:
Մահ, դերասան
Արծրուն Հովհաննիսյան

Արծրուն Հովհաննիսյանը խոստանում է՝ Հիքմեթ Հաջիևին անակնկալներ են սպասում

0
(Թարմացված է 22:58 31.10.2020)
Հստակ ապացույցներ կան ոչ միայն ահաբեկիչների ներկայության, այլև նրանց՝ որպես «расходный материал» օգտագործելու վերաբերյալ։

ԵՐԵՎԱՆ, 31 հոկտեմբերի - Sputnik. Ադրբեջանի նախագահի խորհրդական Հիքմեթ Հաջիևին հետաքրքիր անակնկալներ են սպասում։ Այսօր կայացած ճեպազրույցի ժամանակ խոստացավ ՀՀ ՊՆ ներկայացուցիչ Արծրուն Հովհաննիսյանը՝ անդրադառնալով Հաջիևի այն հայտարարությանը, թե Հայաստանում ձերբակալված ահաբեկիչն իրականում է հայ, և այդ ամենն էլ թատրոն է։

«Նրան հետաքրքիր անակնկալներ են սպասում ոչ միայն այս ահաբեկչի կապակցությամբ։ Ապացույցներ թե՛ այս ահաբեկչի, թե՛ այլ ահաբեկիչների առկայության, որպես «расходный материал» նրանց օգտագործելու առնչությամբ, և մարտավարությունը, թե ինչպես են ահաբեկիչներին կիրառում, որտեղ են կիրառում, ինչ խնդիր են լուծում, ինչպես են եկել, Ադրբեջան հասել. այդ ամենի առնչությամբ բավականին հետաքրքիր անակնկալներ են սպասում պարոն Հաջիևին և ադրբեջանցիներին ընդհանրապես»,- նշեց Հովհաննիսյանը՝ հավելելով, որ այս ահաբեկիչը ձերբակալված է, քրեական գործը հարուցված է, և փաստերը բավարար են հետագա գործընթացների համար։

Հիշեցնենք` ՀՀ ՊՆ մամուլի խոսնակ Շուշան Ստեփանյանը երեկ` հոկտեմբերի 30-ին, հայտնեց, որ ՊԲ զինծառայողներն Արցախում իսլամիստ ահաբեկչի են գերեվարել։ ՀՀ դատախազությունն այսօր տեղեկացրեց, որ Թուրքիայի կողմից Ադրբեջան ուղարկված ահաբեկչական խմբավորման անդամ, սիրիացի վարձկան Մըհըրաբ Մուհամմադ Ալ Շխայիրը ձերբակալվել է։

 

0
թեգերը:
Ադրբեջան, Արծրուն Հովհաննիսյան, Արցախ, Հայաստան
Ըստ թեմայի
ՊԲ–ն ԱԹՍ է ոչնչացրել Ստեփանակերտի երկնքում
Հայկական կողմը կարողացել է հակառակորդից հետ վերցնել որոշակի դիրքեր. Արծրուն Հովհաննիսյան
Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան