ԵՐԵՎԱՆ, 9 օգոստոսի – Sputnik. Բելառուսի նախագահ Ալեքսանդր Լուկաշենկոն հերքել է ենթադրություններն այն մասին, որ Մինսկում ավելի քան 30 ռուսաստանցիների ձերբակալման պատճառով Մինսկի և Մոսկվայի հարաբերությունները լարվել են՝ ընդգծելով, որ «ոչ մի «Վագներ»» այդ հարաբերությունների վրա չի կարող ազդել։
«Մենք Ռուսաստանի նախագահի հետ որոշում կկայացնենք և այլևս ոչ ոք, ո՛չ մի ԶԼՄ, ո՛չ մի «Վագներ» և այլն ի զորու չէ ազդել ռուս-բելառուսական հարաբերությունների վրա։ Սա է ՌԴ նախագահի հետ մեր զրույցի էությունը, կվինտէսենցիան»,– քվեարկությունից հետո Sputnik Բելառուսի լրագրողի հարցին ի պատասխան ասել է Բելառուսի նախագահը։
Լուկաշենկոն հայտնել է, որ ՌԴ գործընկեր Վլադիմիր Պուտինից 5 էջանոց նամակ է ստացել, որում շարադրված են` հատուկ ծառայությունների կողմից Բելառուսում ձերբակալած 33 ռուսաստանցիներին առնչվող բոլոր փաստերը։
«Ես նամակ եմ ստացել ՌԴ նախագահից, և քննչական կոմիտեն զբաղվում է»,–նշել է Լուկաշենկոն։
Հուլիսի 29-ին Բելառուսի իշխանությունը հայտնեց ՌԴ 33 քաղաքացու ձերբակալման մասին։ Ձերբակալվածները, ըստ նրանց տեղեկությունների, «Վագներ» մասնավոր ռազմական ընկերության «զինյալներ են»։ Բելառուսի ՔԿ–ն նշել է, որ ձերբակալվածները կասկածվում են հանրապետությունում զանգվածային անկարգություններ նախապատրաստելու մեջ։ Ընդ որում, հատուկ ծառայությունների տվյալների համաձայն, ավելի վաղ տեղեկություն էր ստացվել, որ Բելառուս է ժամանել ավելի քան 200 գրոհային՝ ընտրարշավի շրջանում իրավիճակն ապակայունացնելու համար։
Պուտինն ԱԽ անդամների հետ քննարկել է հետխորհրդային տարածքում առկա իրավիճակը
Մոսկվայում պնդում են, որ ՌԴ քաղաքացիներն անհիմն են ձերբակալվել, և որ բելառուսական կողմը նրանց ապօրինի գործունեության ապացույցներ չունի։ ՌԴ ԱԳՆ–ն ընդգծել է, որ ռուսաստանցիներին ձերբակալելու վերաբերյալ անցանկալի մեկնաբանությունը որևէ քննադատության չի դիմանում, և հորդորել դադարեցնել անհարկի բացասական հույզերի հրահրումը։
Լուկաշենկոն ասել է, որ Պուտինի հետ հարաբերություններում լարվածություն կա
ՌԴ նախագահ Վլադիմիր Պուտինի մամուլի քարտուղար Դմիտրի Պեսկովն ավելի վաղ հայտարարել էր, որ մեծ վստահությամբ կարելի է ասել, որ Բելառուսում ձերբակալված ռուսաստանցիները մասնավոր անվտանգության ընկերության աշխատակիցներ են, որոնք տարանցմամբ են հայտնվել Բելառուսում և ուշացել են չվերթից։ ՌԴ նախագահ Վլադիմիր Պուտինն ու ԱԽ անդամները հույս ունեն, որ ռուսաստանցիների ձերբակալման բոլոր հանգամանքները շուտով կպարզվեն և նրանց ազատ կարձակեն։
