Բելառուսում նախագահական ընտրություններ են

Բելառուսում նախագահական ընտրություններ են

88
(Թարմացված է 08:56 10.08.2020)
Քվեաթերթիկում  նշված է 5 թեկնածուի անուն։  Ձայների հաշվարկը կմեկնարկի ընտրատեղամասերը փակելուց հետո, իսկ ընտրությունների նախնական  արդյունքները ԿԸՀ–ն կհայտարարի արդեն երկուշաբթի։

ԵՐԵՎԱՆ, 9 օգոստոսի – Sputnik.  Բելառուսում այսօր մեկնարկել են նախագահական ընտրությունները: Լուրը հայտնում է Sputnik Բելառուսը։

Այսօր՝ օգոստոսի 9-ին անցկացվում է հիմնական քվեարկությունը։ Միևնույն ժամանակ, օգոստոսի 4-ից քաղաքացիները կարող էին քվեարկել արտահերթ։

ԿԸՀ–ի վերջին տվյալներով (07.08.2020 դրությամբ)` ընտրողների մասնակցությունն արդեն 32,24% է։

Ընտրատեղամասերը բացվել են տեղի ժամանակով 08:00–ին և կաշխատեն մինչև 20:00-ն, որից հետո կմեկնարկի քվեների հաշվարկը։

Ընդհանուր առմամբ բացվել է 5767 ընտրատեղամաս, որոնցից 44–ն՝ արտերկրում, որոնք գործում են 36 երկրներում՝ Բելառուսի դեսպանատներում և գլխավոր հյուպատոսություններում։

Նախնական արդյունքները հայտնի կդառնան օգոստոսի 10-ի առավոտյան։

Համավարակը և իշխանափոխությունը․ մինչև տարեվերջ ո՞ր պետության իշխանությունները կլքեն աթոռը

Քվեացուցակում հինգ թեկնածուի անուն է նշված` Ալեքսանդր Լուկաշենկո (Բելառուսի գործող նախագահ), Սվետլանա Տիխանովսկայա, Անդրեյ Դմիտրիև, Սերգեյ Չերեչնյա և Աննա Կանոպացկայա։ Քվեաթերթիկում կա նաև «բոլորին դեմ եմ» տարբերակը։

Հայաստանից ընտրություններին դիտորդի կարգավիճակով մասնակցում են ԱԺ երկու պատգամավորներ` ռուսական համայնքն ու իշխող «Իմ քայլը» խմբակցությունը ներկայացնող Ալեքսեյ Սանդիկովը և «Լուսավոր Հայաստան» կուսակցության պատգամավոր Արմեն Եղիազարյանը։ Հայ խորհրդարանականները ներառվել են ԱՊՀ միջխորհրդարանական ասամբլեայի առաքելության կազմում։

Նշենք, որ Բելառուսի նախագահն ընտրվում է 5 տարի ժամկետով։ Այդպիսով՝ նախագահական հաջորդ ընտրությունները կանցկացվեն ոչ ուշ, քան 2025 թվականին։ Բելառուսի գործող նախագահ Ալեքսանդր Լուկաշենկոն, որը ղեկավարում է երկիրը 1994 թվականից, նախագահի ընտրությանը մասնակցում է 6-րդ անգամ։

88
թեգերը:
Բելառուս, Ընտրություններ, Ալեքսանդր Լուկաշենկո, Կենտրոնական ընտրական հանձնաժողով (ԿԸՀ), թեկնածու
Ըստ թեմայի
Երևանի կրկեսի շենքը կլուսավորվի Բելառուսի դրոշի գույներով
Ֆրանսիայից, Լիբանանից, Ուկրաինայից, Բելառուսից և ՌԴ–ից չվերթեր կիրականացվեն Հայաստան
Բելառուսը նշում է երկիրը ֆաշիզմից ազատագրելու օրը. Փաշինյանը շնորհավորել է Լուկաշենկոյին
Առաջիկա օրերին 4 չվերթ է նախատեսված Ռուսաստանից ու Բելառուսից
Թուրքիա

Թուրքական իշխանամետ թերթն անտառները հրկիզելու պատասխանատվությունը դրել է քրդերի վրա

71
Թուրքիայում վերջին օրերին 107 անտառային հրդեհ է մարվել, սակայն դեռևս վերահսկողության տակ չեն առնվել Անթալիայի և Մուղլայի առողջարանային շրջաններում բռնկված հինգ հրդեհները: Արդեն բազմիցս ասվել է, որ հրկիզումները միտումնավոր բնույթ ունեն։

ԵՐԵՎԱՆ, 1 օգոստոսի - Sputnik. Թուրքական «Yeni Safak» իշխանամետ թերթը պնդում է, որ Թուրքիայի անտառները հրկիզելու պատասխանատվությունը ստանձնել է «Կրակի զավակներ» խմբավորումը, որը կապված է Թուրքիայում արգելված Քրդստանի աշխատավորական կուսակցության (ՔԱԿ) հետ։ Տեղեկությունը հայտնում է ՌԻԱ Նովոստին։

Ըստ թերթի` այդ տեղեկության աղբյուրը սոցիալական ցանցերն են, որոնք իբր կապված են ՔԱԿ-ի հետ։

Ինչպես ավելի վաղ հայտարարել էր երկրի գյուղատնտեսության և անտառային տնտեսության նախարար Բեքիր Փաքդեմիրլին, Թուրքիայում վերջին օրերին 107 անտառային հրդեհներ են մարվել, բայց դեռ վերահսկողության տակ չեն վերցվել Անթալիայի և Մուղլայի առողջարանային գոտիների հինգ հրդեհները: Առողջապահության նախարար Ֆահրեթին Քոջան էլ հայտնել էր, որ Թուրքիայում անտառային հրդեհների հետևանքով մահացածների թիվը հասել է 8–ի, տուժածների թիվը` 864-ի:

Թուրքիայում 5.5 մագնիտուդով երկրաշարժ է գրանցվել

71
թեգերը:
Թուրքիա, հրդեհ, քուրդ
Ըստ թեմայի
Էրդողանը Թուրքիայի անտառային հրդեհներից տուժած շրջաններն աղետի գոտի է հայտարարել
Ինչո՞ւ Ալիևը գնաց զոհողությունների, կամ այլևս Ադրբեջան չկա, կա Թուրքիա-1 և Թուրքիա-2
Հունաստանի ԱԳՆ-ն պատասխանել է Թուրքիայի քաղաքացու սպանության վերաբերյալ մեղադրանքներին
Թուրք–հունական սահման

Հունաստանի ԱԳՆ-ն պատասխանել է Թուրքիայի քաղաքացու սպանության վերաբերյալ մեղադրանքներին

111
(Թարմացված է 21:50 01.08.2021)
Թուրքիայում Հունաստանի գործերի ժամանակավոր հավատարմատարը պատասխանել է մեղադրանքներին՝ գործելով ստացված հրահանգին համապատասխան։

ԵՐԵՎԱՆ, 1 օգոստոսի – Sputnik. Հունաստանի ԱԳՆ-ն պատասխանել է սահմանին Թուրքիայի քաղաքացու սպանության մեղադրանքներին։ Տեղեկությունը հայտնում է ՌԻԱ Նովոստին՝ հղում անելով Հունաստանի արտաքին քաղաքական գերատեսչության մամուլի ծառայությանը։

Ավելի վաղ հայտնել էինք, որ այսօր Էդիրնե նահանգում Հունաստանի տարածքից քաղաքացիական հագուստով անձանց արձակած կրակոցից քաղաքացի է սպանվել: ԱԳՆ էր հրավիրվել Թուրքիայում Հունաստանի գործերի ժամանակավոր հավատարմատարը, որին բողոքի նոտա էր հանձնվել։ Անկարան պահանջել էր ձերբակալել ու պատասխանատվության ենթարկել մեղավորներին, ինչպես նաև փոխհատուցում վճարել սպանվածի հարազատներին:

«Անկարայում Հունաստանի գործերի ժամանակավոր հավատարմատարը, որին այսօր կանչել էին Թուրքիայի ԱԳՆ, լիովին հերքել է Էվրոսում ենթադրյալ միջադեպի վերաբերյալ մեղադրանքները՝ թուրքական կողմին մատնանշելով սեփական սահմանները պաշտպանելու և մարդկանց առևտրով զբաղվողների գործունեություն ու անօրինական ներգաղթ թույլ չտալու պարտականությունը»,-հայտարարել է Հունաստանի ԱԳՆ-ն։

Միջադեպին անդրադարձել է նաև Հունաստանի ոստիկանությունը՝ հայտարարելով, որ հունական ուժերը առնչություն չունեն Էվրոսի դեպքի հետ։

Թուրքիայում 5.5 մագնիտուդով երկրաշարժ է գրանցվել

111
թեգերը:
Թուրքիա, Հունաստան, Սպանություն
Ըստ թեմայի
3,5 մլրդ ԵՄ-ից Թուրքիային ահաբեկիչներին հովանավորելո՞ւ, թե՞ փախստականներին զսպելու համար
Թուրքիայում ջրհեղեղի հետևանքով մարդիկ են մահացել. տարերքը տներ է քանդել
Փաշազադեն արցախյան հաղթանակը վերագրել է Իրանին և քննադատության ալիք բարձրացրել Թուրքիայում