ԵՐԵՎԱՆ, 6 օգոստոսի – Sputnik. Ամերիկահայ հեռուստաաստղ Քիմ Քարդաշյանի ամուսինը` հայտնի ռեփեր Քանյե Ուեսթը, օգնության է դիմել մասնագետներին, որոնք նախկինում աշխատել են Հանրապետական կուսակցության հետ։ Տեղեկությունը հայտնում է Mirror պարբերականը։
Նշվում է, որ նախկինում երաժիշտն ասում էր` առաջադրվելու է սեփական Birthday Party կուսակցության կողմից։
Պարբերականի աղբյուրը կարծիք է հայտնել, որ Քանյե Ուեսթը կարող էր դիմել այդ քայլին՝ դեմոկրատներից Ջո Բայդենի մրցակիցը դառնալու համար։
Քանյեի թիմը ստացել է Մարկ Ջեյքոբիի ղեկավարած Let The Voters Decide ընկերության աջակցությունը։ Mirror-ը գրում է, որ Ջեյքոբին կալանավորվել էր 2008 թվականի ընտրությունների ժամանակ խարդախություն անելու մեղադրանքով․ այն ժամանակ նա աշխատել է Հանրապետական կուսակցության համար։ Ջեյքոբին խոստովանել էր, որ իրավախախտում է թույլ տվել։
«Գիտեմ, որ ցավեցրել եմ քեզ». Քանյեն հրապարակայնորեն ներողություն է խնդրել Քիմից
Ուեսթի օգնականների շարքում էր նաև Ամերիկյան պահպանողական միության տնօրեն Գրեգ Կելերը։ 2015 թվականին նա դիտարկվել է որպես Թրամփի նախընտրական քարոզարշավի ղեկավար։
Քանյե Ուեսթի թիմը համագործակցում է նաև Չակ Ուիլթոնի հետ, որի կնոջը Դոնալդ Թրամփը Գյուղնախարարությունում աշխատանքի է նշանակել, նաև Լեյն Ռուլանդ անունով փաստաբանի հետ, որը նույնպես ժամանակին կապ ուներ Թրամփի նախընտրական քարոզարշավի հետ։
Ժամանակն է, որ իրականություն դարձնենք ԱՄՆ–ի հույսերը. Քիմի ամուսինը ձեռնոց կնետի Թրամփին
