Խորոված սմբուկ

Ի՞նչ է կատարվում օրգանիզմում, երբ սմբուկ ենք ուտում

723
(Թարմացված է 00:49 03.08.2020)
Վերջին տարիներին սմբուկը  շատ սիրված է դարձել, ընդ որում՝ ոչ միայն համային հատկությունների, այլև միներալներով հարուստ լինելու շնորհիվ։ Սակայն ամեն դեպքում այն պետք է չափավոր ուտել։ Օրգանիզմի վրա սմբուկի ունեցած ազդեցության մասին՝ ընթերցեք Sputnik Արմենիայի հոդվածում։

Վերջին տարիներին  սմբուկը  շատ «նորաձև» է դարձել ։ Տարբեր երկրների շեֆ խոհարարները նոր բացահայտումներ են անում ու տարատեսակ ուտեստներ պատրաստում այս բանջարեղենով։

Զարմանալի չէ, քանի որ այն տարբեր միկրոտարրերի գանձարան է, սակայն ունի մի շարք լուրջ հակացուցումներ։ Ամեն ինչի մասին՝ հերթով։

Ինչ է կատարվում օրգանիզմում, երբ թուզ եք ուտում

Ընդհանուր առմամբ սմբուկի կիրառումը սննդի մեջ դրական ազդեցություն է ունենում ամբողջ օրգանիզմի վրա ու օգնում է շատ հիվանդությունների կանխարգելման հարցում։ Միաժամանակ չի կարելի ասել, որ պտուղը հարուստ է վիտամիններով․ այն ասկորբինաթթու ու В խմբի վիտամիններ է պարունակում, սակայն քիչ քանակությամբ։

Фестиваль еды Yerevan Food Fest прошел на площади Республики (10 июня 2018). Еревaн
© Sputnik / Asatur Yesayants
Սմբուկով աղցան

Օգտակար է գեղեցիկ կազմվածք ունենալու համար

Սննդաբանների կարծիքով՝ սմբուկը դասվում է գեղեցիկ կազմվածք ապահովող լավագույն մթերքների շարքում։ Այս պտղի հարյուր գրամը ընդամենը 30 կկալ է պարունակում, միաժամանակ այն հարուստ է բջջանյութով, որը կարող է օրգանիզմից դուրս բերել ավելորդ հեղուկը։ Իսկ պեկտինի բարձր քանակությունը նպաստում է աղիների լիարժեք աշխատանքին։

Ի՞նչ է կատարվում օրգանիզմում, երբ «շպանկա» ենք ուտում

Սակայն պետք է հաշվի առնել, որ տապակելիս սմբուկը շատ հեշտ է ձեթը ներծծում, այդ պատճառով վերջնական ուտեստը կարող է չափազանց յուղոտ լինել։ Պետք է նկատի ունենալ, որ այս բանջարեղենի կտորները 10 րոպե ջրի մեջ պահելուց հետո դրանք ավելի քիչ ձեթ կներծծեն։

Баклажаны
Կտրտած սմբուկ

Կարգավորում է սրտի աշխատանքը

Սմբուկը նպաստում է  օրգանիզմից խոլեստերինի վնասակար ավելցուկը հեռացմանը, հենց այդ պատճառով սննդաբանները խորհուրդ են տալիս սմբուկ շատ օգտագործել հատկապես  սրտանոթային հիվանդությունների հակում ունեցող մարդկանց։

Միաժամանակ սմբուկի միջուկում եղած կալիումը նպաստում է նյութափոխանակությանն ու խթանում  սրտի աշխատանքը։

Շատ օգտակար է շաքարային դիաբետ ունեցողների համար, քանի որ դրա կիրառումը նվազեցնում է արյան մեջ գլյուկոզայի խտությունը։

Баклажан в теплице
© Sputnik / Александр Кондратюк
Սմբուկ

Օգտակար է վահանաձև գեղձի ճիշտ աշխատանքի համար

Հայտնի է, որ վահանաձև գեղձը կենսական կարևորություն ունեցող օրգան է, որն ազդում է ամբողջ օրգանիզմի՝  նյարդային համակարգի, նյութափոխանակության, բջիջների ու հյուսվածքների աճի վրա։ Յոդն իր հերթին մարդու օրգանիզմի ամենապահանջված միկրոտարրերից է, քանի որ այն անհրաժեշտ է վահանաձև գեղձի հորմոնների սինթեզի համար։

Ի՞նչ է կատարվում օրգանիզմում, երբ մոռ եք ուտում

Սմբուկը հարուստ է յոդով, այդ պատճառով էլ այն մաքրելուց հետո ձեռքերը սկսում են սևանալ։ Հետևաբար՝ այն հրաշալի միջոց է խպիպից ազատվելու համար։

Դանդաղեցնում է ծերացումը

Սմբուկի բաղադրության մեջ եղած հակաօքսիդանտները ճնշում են ժամանակից շուտ ծերություն առաջացնող ազատ ռադիկալների ազդեցությունը։ Հակաօքսիդանտների շնորհիվ նվազում է նաև ուռուցքաբանական հիվանդությունների զարգացման ռիսկը։ Իսկ պղնձի պարունակությունը բարենպաստ ազդեցություն ունի արյան բաղադրության ու դեմքի մաշկի որակի լավացման վրա։

Պետք է նշել, որ սմբուկը գրեթե չի կորցնում հակաօքսիդանտները խաշելիս կամ տապակելու ընթացքում։

Посмотреть эту публикацию в Instagram

Публикация от КЕТО 🥑 LCHF 🍓ПОХУДЕНИЕ 🍗🥓 (@nedobrie_keto_fei)

Կարգավորում է նյարդային համակարգի աշխատանքը

Սմբուկը բարերար ազդեցություն ունի նաև նյարդային համակարգի վրա, օգնում է պայքարել դեպրեսիայի դեմ, նվազեցնում է Ալցհայմերի ու Պարկինսոնի հիվանդությունների զարգացումը։

Բացի այդ, շատ օգտակար է տարեցների համար, որոնք տառապում են հոդերի տարատեսակ հիվանդություններով, քանի որ նպաստում է ոսկրային ու կռճիկային հյուսվածքների բջիջների վերականգնմանը։

Ազատում է վատ սովորությունից

Այս պտուղն օգնում է հաղթահարել կախվածությունը նիկոտինից։ Նիկոտինաթթվի բարձր պարունակության շնորհիվ սմբուկով պատրաստված ուտեստները նվազեցնում են ծխելու ցանկությունն ու օգնում հրաժարվել վատ սովորությունից։

Հակացուցումները

Սմբուկը հակացուցված է խոցերի ու գաստրիտների դեպքում։ Բացի այդ, այն խորհուրդ չի տրվում օգտագործել  մարդկանց, որոնք ունեն երիկամային հիվանդություններ։ Սմբուկի մեջ կան օսկալատներ՝ օրգանիկ թթուներ, որոնք կարող են միավորվել կալցիումի հետ ու պինդ բյուրեղային նյութեր առաջացնել։

Баклажаны
Կտրտած սմբուկ

Պետք է հաշվի առնել, որ չափից շատ հասած պտուղներում ալկալոիդ սոլանին է  գոյանում, որը բավականին թունավոր նյութ է։ Այն սրտխառնոց, փսխելու ցանկություն ու աղիների ծակծկոց է առաջացնում։ Սոլանինը առկա է հատկապես կեղևի մեջ։

Սմբուկի «տարիքը» կարելի է որոշել դրա կեղևով ու պտղակոթով։ Շագանակագույն պտղակոթը վկայում է այն մասին, որ պտուղը բավականին շուտ է պոկվել, թարմ սմբուկի վրա շագանակագույն հետքեր չկան, այն փափուկ ու սղլիկ է լինում, իսկ արտաքինից՝ հարթ տեսք է ունենում։

723
թեգերը:
օրգանիզմ, բանջարեղեն, Սննդամթերք, սմբուկ
Ըստ թեմայի
Ի՞նչ է տեղի ունենում օրգանիզմում, երբ ձմերուկ ենք ուտում
Ի՞նչ է կատարվում օրգանիզմում, երբ դդմիկ ենք ուտում
Ի՞նչ է տեղի ունենում օրգանիզմում, երբ դեղձ ենք ուտում
Ի՞նչ է կատարվում օրգանիզմում, երբ մոշ ենք ուտում
Հրետակոծությունից վնասված տուն Հադրութում

Արցախյան սրացումը և ռուսական գործոնը Կովկասում

83
ԼՂՀ–ում զինված դիմակայության սրացումը, Բաքվի և Երևանի երկար տարիների ռազմաքաղաքական հակասություններն այսօր երրորդ երկրներն օգտագործում են որպես գործիքներ` ոչ բարի նպատակների հասնելու համար։

Ալեքսանդր Խրոլենկո, ռազմական վերլուծաբան

Տպավորություն է ստեղծվում, որ ինչ–որ մեկը ձգտում է Ռուսաստանին Կովկասում ներքաշել մեծ պատերազմի մեջ Բելառուսից, Սիրիայից,  «Հյուսիսային հոսք-2»–ից և աշխարհաքաղաքական դիմակայման այլ կետերից նրա ուժերն ու միջոցները շեղելու համար։ Հակամարտության անմիջական մասնակիցները` Երևանն ու Բաքուն, գիտակցաբար կամ հարկադրաբար «քաշում են» Մոսկվային, քանդում ԱՊՀ և ՀԱՊԿ անվտանգության համակարգը։

Կան նաև աշխարհաքաղաքական ռիսկեր, կապված սեփական շահերը Կովկասում ունեցող մի շարք արևմտյան երկրների «ուժերի արտաքին պրոյեկտման» հետ։

ԼՂՀ խնդիրը ռազմական ճանապարհով չի լուծվում։  Կարգավորման այս կանխադրույթի հետ համաձայն են հակամարտության երկու կողմերը` Ադրբեջանն ու Հայաստանը (որը պաշտպանում է բանակցությունների կողմ չհանդիսացող ԼՂՀ շահերը) և ԵԱՀԿ ՄԽ–ն իր երեք համանախագահների` Ռուսաստանի, ԱՄՆ–ի և Ֆրանսիայի գլխավորությամբ։ Բանակցային գործընթացը ընթանում է դանդաղ և դժվար, սակայն օբյեկտիվ պատճառներ չկան, որպեսզի սեպտեմբերի 27-ը վերածվի ակտիվ ռազմական գործողությունների` ծանր հրետանու, տանկերի, հրթիռային համալիրների և հարվածային ավիացիայի կիրառմամբ։

Հայաստանի և Ադրբեջանի ռազմական գերատեսչությունների ծավալած «մրցակցությունը» հակառակորդի խոցված տանկերի տեսանյութերի հրապարակման առումով, երկու կողմից մտահոգիչ վիճակագրությունը Ռուսաստանում անկեղծ կարեկցանք է առաջացնում հայ և ադրբեջանցի ժողովուրդների նկատմամբ։ Օբյեկտիվորեն մարտական գործողությունները շահավետ չեն հակամարտության և ոչ մի կողմի համար, և հետագա էսկալացիայի դեպքում կարող են ամենաանսպասելի հետևանքները լինել. օտարերկրյա խաղաղապահների  մուտք (անվտանգության գոտիների ձևավորում) կամ դեպքերի ամենաբացասական զարգացումների դեպքում` ՀԱՊԿ անդամ–երկրների (նախևառաջ` Ռուսաստանի-ի) և ՆԱՏՕ–ի (ակնարկում է Թուրքիան) մասնակցությամբ լայնածավալ պատերազմ Հարավային Կովկասում։

Ռուսաստանի 20 հազար հայ կամավորագրվել են Արցախ մեկնելու համար. Արա Աբրահամյան

Հիշեցնեմ, որ ադրբեջանահայկական բնակչությամբ տարածաշրջանում հակամարտությունը սկսվել է 1988 թվականի փետրվարին, երբ ԼՂՀ ինքնավար մարզը հայտարարեց Ադրբեջանական ԽՍՀ–ի կազմից դուրս գալու մասին։ Առաջին փուլում խաղաղապահների դերը կատարում էին ԽՍՀՄ ՆԳՆ ներքին զորքերը, որոնց հաջողվում էր երեք տարի զսպել ակտիվ զինված հակամարտությունը։ Խորհրդային Միության փլուզումից  և ներքին զորքերի դուրսբերումից հետո մարտերը նոր թափ առան, և 1994 թվականին Ադրբեջանը կորցրեց վերահսկողությունը ԼՂՀ մեծ մասի և 7 հարակից շրջանների նկատմամբ։ ԵԱՀԿ ՄԽ–ի շրջանակում հակամարտության խաղաղ կարգավորմանն ուղղված բանակցություններն ընթանում են 1992 թվականից, ժամանակ առ ժամանակ զինված դիմակայությունը սրվում է։

Անհապաղ դադարեցնել կրակը

Մարտական գործողությունների յուրաքանչյուր օրը նոր զոհեր և ավերումներ է խոստանում։ Ստեղծված իրավիճակում արդեն սկզբունքային չէ, թե սեպտեմբերի 27-ին առաջինն ո՞վ է կրակ բացել ծանր հրետանուց և տանկերից, ո՞վ մարտի դաշտում օպերատիվ արվեստի ոլորտում կցուցադրի իր գերակայությունը։ Այսօր գլխավորը ԼՂՀ սահմանին էսկալացիան կասեցնելն է, բանակցությունների սեղանի շուրջ վերադառնալն ու մարդկային կյանքերը պահպանելն է։ Պետք չէ մոռանալ նաև դաշնակցային պարտավորությունների մասին։

Եթե Բաքուն և Երևանն իրենց Մոսկվայի դաշնակից են համարում, նրանք պետք է հաշվի առնեն ռուսական դիրքորոշումը, գիտակցեն փոխհարաբերությունների առկա համակարգի ու տարածաշրջանային անվտանգության համակարգի փլուզման հետևանքները։ Նույնիսկ հաշվի առնելով դժվարագույն հակասությունների փունջը, զինված հակամարտության կողմերի ծանրակշիռ փաստարկներն ու պատճառաբանությունները, Ռուսաստանին Կովկասում պատերազմ հարկավոր չէ։ ՌԴ ԱԳՆ-ում ԼՂՀ հակամարտության կողմերին կոչ են արել «անհապաղ դադարեցնել կրակը»։

Կարծում եմ, բանականությունը կհաղթանակի, և իրավիճակը տարածաշրջանում չի հասնի կոալիցիոն խմբավորումների մասնակցությամբ լայնամասշտաբ ռազմական էսկալացիայի։ Առավել ևս, որ միջազգային արձագանքը ղարաբաղյան սրացման նկատմամբ ընդհանուր առմամբ կառուցողական է։ Մտահոգություն են հայտնում և միջնորդական ծառայություններ են առաջարկում ԵՄ երկրները, ԱՄՆ-ը, Իրանը։

Ուժային սցենարի զարգացմանն աջակցում է միայն Թուքիայի նախագահ Ռեջեփ Թայիփ Էրդողանը, բայց գերազանցապես խոսքերով։ Նույնիսկ ռազմատենչ Անկարան Հարավային Կովկասում ծավալված վտանգավոր խաղում կորցնելու բան ունի։ Հայաստանի վրա հարձակումն անխուսափելիորեն կառաջացնի ՀԱՊԿ-ի պատասխանը, այսինքն պատերազմ Ռուսաստանի հետ (իսկ դա Հունաստանն ու Կիպրոսը չեն)։ Ո՞վ է թեժ իրադարձությունների հիմնական պատվիրատուն և շահառուն։

Զարմանալի պայծառատեսություն

Զգալիորեն կանխելով իրադարձություններն ու դրանց նկատմամբ Վաշինգտոնի պաշտոնական արձագանքը, ԱՄՆ–ի դիվանագիտական ներկայացուցչությունները Ադրբեջանում և Հայաստանում ուրբաթ օրը` սեպտեմբերի 25-ին, նախազգուշացրին իրենց քաղաքացիներին սրվող իրավիճակի վերաբերյալ։  Հայաստանում ԱՄՆ դեսպանատունը խորհուրդ էր տվել զերծ մնալ ԼՂՀ, Դիլիջանի ազգային պարկից հյուսիս ընկած շրջաններ (մինչև Տավուշի մարզում Վրաստանի հետ սահման) այցելությունից։ Նույն օրը Ադրբեջանում ԱՄՆ դեսպանատունը կոչ արեց իր քաղաքացիներին դուրս չգալ Ապշերոնյան  թերակղզու սահմաններից «հայ–ադրբեջանական սահմանագոտում լարվածության սրացման հետ կապված»։ Գուցե սա ոչ թե սովորական զուգադիպություն է, այլ բարդ ռազմաքաղաքական կոմբինացիայի հետևանք։

Արցախի խաղաղ բնակչության շրջանում կա 4 զոհ. ՄԻՊ

Ռուսաստանի սահմանների մոտ տնտեսական և ռազմական ոլորտներում գերակայություն հաստատելու Միացյալ Նահանգների ձգտմանը լիովին համապատասխանում են Կովկասում և այլ տարածաշրջաններում միջին ինտենսիվության մի շարք ծրագրված զինված հակամարտությունները։  ԱՊՀ երկրների բնակիչներին նրանք չեն խղճում, իսկ ռուսական ռեսուրսները երաշխավորված կուղղվեն ռազմական սպառնալիքը վերացնելուն։  Այսինքն, Մոսկվայի մոտ պակաս ուժ և միջոցներ կմնա աշխարհի այլ հատվածներում Վաշինգտոնի հետ մրցակցելու համար։ ԼՂՀ հակամարտության սրացումը ակնհայտորեն խնդիրներ է ստեղծում Ռուսաստանի համար և լիովին համապատասխանում ԱՄՆ ազգային շահերին։

 

83
թեգերը:
հայ-ադրբեջանական, ԱՄՆ, Ռուսաստան, Արցախ
Ըստ թեմայի
Ռուսաստանը մշտական շփման մեջ է նաև ԵԱՀԿ ՄԽ համանախագահների հետ
Ռուսաստանը Թուրքիային զսպելու համարժեք գործիքակազմ ունի. թուրքագետ
«Հենց նոր ուղղաթիռ ենք խոցել, հավանական է` ուղղաթիռներ». Արծրուն Հովհաննիսյան
Նիկոլ Փաշինյանն ու Վլադիմիր Պուտինը. արխիվային լուսանկար

Պուտինն ու Փաշինյանը հեռախոսազրույց են ունեցել

336
(Թարմացված է 20:57 29.09.2020)
Հեռախոսազրույցը տեղի է ունեցել ՀՀ վարչապետ Նիկոլ Փաշինյանի նախաձեռնությամբ։

ԵՐԵՎԱՆ, 29 սեպտեմբերի - Sputnik. Ռուսաստանի նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ: Տեղեկությունը հայտնում է Կրեմլի մամուլի ծառայությունը:

«Հայկական կողմի նախաձեռնությամբ Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ»,-ասված է հաղորդագրության մեջ:

Նշվում է, որ Պուտինի և Փաշինյանի հեռախոսազրույցի ընթացքում շեշտվել է հակամարտող կողմերի միջև հրադադարի անհրաժեշտությունը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

ԱԳՆ-ն հերքում է. Հայաստանն Ադրբեջանի Դաշքեսանի շրջանը չի հրթիռակոծել

Ըստ այս պահին հայտնի տեղեկությունների` Ադրբեջանը զրկվել է նաև 52 ԱԹՍ–ից, 6 ուղղաթիռից, 92 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանի ԶՈւ–ի թիրախ դարձած Մարտունին «Գրադից» հետո. լուսանկարներ, տեսանյութ

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

336
թեգերը:
հեռախոսազրույց, Նիկոլ Փաշինյան, Վլադիմիր Պուտին
Ըստ թեմայի
«Դա անհնար է». Փաշինյանն ասաց` ինչ է պետք բանակցությունների համար
Թուրքիան ու այլ երկրներ չպետք է միջամտեն Հայաստանի և Ադրբեջանի հակամարտությանը. Բայդեն
Փաշինյանը զանգել է Պուտինին
Ситуация в Мартуни после обстрелов (28 сентября 2020). Карабах

Լրագրողները ռազմական թիրախներ չեն. միջազգային կազմակերպությունը դատապարտել է Ադրբեջանին

0
(Թարմացված է 21:35 29.09.2020)
Կազմակերպությունը կոչ է անում երկու երկրների իշխանություններին երաշխավորել լրագրողների անվտանգությունը։

ԵՐԵՎԱՆ, 29 սեպտեմբերի– Sputnik. Լրագրողներ առանց սահմանների միջազգային կազմակերպությունը Twitter–ի պաշտոնական էջում դատապարտել է Ադրբեջանի կողմից հայ լրագրողների հետապնդումն անօդաչու թռչող սարքով։

«Լրագրողները ռազմական թիրախներ չեն։ ԱԹՍ–ն սպառնալի մոտեցումներ է անում tert.am–ի լրագրողների ուղղությամբ, որոնք գյուղերից մեկում լուսաբանում էին Լեռնային Ղարաբաղի հակամարտությունը»,– նշված է հաղորդագրության մեջ։

Կազմակերպությունը կոչ է անում Ադրբեջանի և Հայաստանի իշխանություններին երաշխավորել լրագրողների անվտանգությունը։

 

0
թեգերը:
Լրագրող, Արցախ, Հայաստան
թեմա:
Ադրբեջանական ագրեսիա Արցախում. 2020