Մեգան Մարքլն ու Քեյթ Միդլթոնը

«Թշնամանքի» պատճառը զուգագուլպանե՞րն են. ինչ է կատարվում Մեգան Մարքլի և Քեյթ Միդլթոնի միջև

178
(Թարմացված է 19:47 26.07.2020)
Մարքլը հույս ուներ՝ Միդլթոնն իրեն ընդառաջ քայլ կանի, ինչպես նաև կաջակցի, երբ ինքը ԶԼՄ-ների կողմից հալածանքների էր ենթարկվում։ Սակայն այդպես չեղավ։

ԵՐԵՎԱՆ, 26 հուլիսի - Sputnik. Քեմբրիջի դքսուհի Քեյթ Միդլթոնի և Սասեքսի դքսուհի Մեգան Մարքլի միջև թշնամության մասին լուրերը չեն համապատասխանում իրականությանը։ Թագավորական ընտանիքի մասին գրքի հեղինակներ Օմիդ Սքոուբին և Կարոլին Դյուրանը պնդում են, որ արքայազն Հարրիի՝ թագավորական ընտանիքի հետ անհաշտության պատճառներից մեկը եղբոր՝ արքայազն Ուիլյամի հետ ունեցած խնդիրներն են։

«Փնտրելով ազատություն» գրքում հեղինակները նշում են, որ Մեգան Մարքլի և Քեյթ Միդլթոնի հարաբերությունները դեր չեն ունեցել այս հարցում։

The Mirror-ը գրում է, որ գրքում հեղինակները դքսուհիների հարաբերություններն անվանել են «հանգիստ»։ Դյուրանը և Սքոուբին կարծում են, որ կանայք չեն վիճել և հաստատ չեն թշնամացել, պարզապես նրանք քիչ ընդհանրություններ ունեն։

«Իրականությունն այն է, որ Միդլթոնը և Մարքլը պարզապես վատ են ճանաչել միմյանց», — գրում են հեղինակները:

Նրանք պնդում են, որ Մարքլը հույս ուներ, թե Միդլթոնն իրեն ընդառաջ քայլ կանի, ինչպես նաև կաջակցի, երբ ինքը ԶԼՄ-ների կողմից «հալածանքների» էր ենթարկվում: Սակայն դա տեղի չունեցավ։

Մեգան Մարքլը մեղադրել է թագուհի Եղիսաբեթին

Դքսուհիների միջև տարաձայնությունների մասին լուրերը բազմիցս հայտնվել են մամուլում։ Վարկածներից մեկի համաձայն ՝ հակամարտությունը սկսվել է արքայազն Հարրիի հարսանիքին նախապատրաստվելիս, երբ Մեգանը որոշել էր շեղվել արարողակարգից և թույլ տալ հարսնաքույրերին չկրել զուգագուլպաներ, ինչին Միդլթոնը դեմ էր։

Մեկ այլ վարկածի համաձայն ՝ արքայազն Հարրիի կինը սկանդալ է սարքել, երբ Քեյթի ենթական հրաժարվել է կատարել իր հանձնարարությունները:

Հիշեցնենք` ապրիլի 1-ից արքայազն Հարրին ու Մեգան Մարքլը դադարեցին կատարել բրիտանական թագավորական ընտանիքի անդամների պարտականությունները և սկսեցին ինքնուրույն ապրել: Նրանք որոշեցին տեղափոխվել ԱՄՆ, աշխատել և զբաղվել ձեռնարկատիրական գործունեությամբ, հանուն դրա հրաժարվեցին թագավորական տիտղոսից, պետական ֆինանսավորումից և Sussex Royal ապրանքանիշից։

«Ազատություն փնտրելիս». Մեգան Մարքլը շտապում է բացահայտել թագավորական ընտանիքի գաղտնիքները

Սակայն առաջին 12 ամիսները նրանց համար փորձաշրջան կհամարվի։

2021 թվականին զույգը կկարողանա վերադարձնել իր թագավորական կարգավիճակը և վերականգնել նախկին կենսակերպը՝ կատարելով թագավորական ընտանիքի անդամների պարտականությունները:

Արքայազն Հարրին և Մեգանը սպառնացել են սկանդալային հարցազրույց տալ, եթե իրենց բաց չթողնեն

178
թեգերը:
ընտանիք, թագավոր, Մեծ Բրիտանիա, Քեյթ Միդլթոն, Մեգան Մարքլ
Ըստ թեմայի
«Վերադարձրեք Մեգանի ոճաբանին». դքսուհին վերագտել է իր ժպիտը Կանադայում
Մեգան Մարքլն աշխատանք է գտել. սովորեցնելու է կանանց երկրորդ անգամ ամուսնանալ
Արքայազն Հարրին և Մեգան Մարքլը հեռացել են Կանադայից
Մեգանը և Հարրին հրավիրված չէին. արքայադուստր Բեատրիսը գաղտնի ամուսնացել է. լուսանկարներ
Մևլութ Չավուշօղլուն

Հայաստանի նոր ղեկավարությունը պետք է դասեր քաղի անցյալից. Թուրքիայի արտգործնախարար

229
(Թարմացված է 14:21 20.06.2021)
Թուրքիայի արտաքին գործերի նախարարն ընդգծել է, որ Անկարան արտահերթ ընտրությունները Հայաստանի ներքին գործն է համարում։

ԵՐԵՎԱՆ, 20 հունիսի -Sputnik. Թուրքիան հույս ունի, որ Հայաստանի նոր ղեկավարությունը դասեր կքաղի անցյալից։ ՌԻԱ Նովոստիի փոխանցմամբ՝ Թուրքիայի արտգործնախարար Մևլութ Չավուշօղլուն նման կարծիք է հայտնել՝ մեկնաբանելով Հայաստանում ընթացող խորհրդարանական ընտրությունները։

«Մենք Հայաստանում ընտրությունները համարում ենք այդ երկրի ներքին գործը։ Հայաստանի նոր ղեկավարությունը պետք է դասեր քաղի անցյալից», - ասել է Չավուշօղլուն՝ ելույթ ունենալով Անթալիայում կայացած դիվանագիտական համաժողովում, որը հեռարձակել է նրա Twitter-ում։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

229
թեգերը:
Ազգային ժողովի ընտրություններ, Թուրքիա, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Ամենայն հայոց կաթողիկոսը կատարեց իր ընտրությունը
Կանադայում հայերն ու հույները բողոքի ակցիա են արել

Կանադայում հայերն ու հույները բողոքի ակցիա են արել` պահանջելով վերադարձնել հայ գերիներին

29
(Թարմացված է 12:16 20.06.2021)
Ցուցարարները Տորոնտոյի կենտրոնական փողոցներ են դուրս եկել «Ադրբեջան, դուրս բեր զորքերը» պաստառներով։

ԵՐԵՎԱՆ, 20 հունիսի - Sputnik․ Ադրբեջանում պահվող հայ գերիները պետք է անհապաղ ազատ արձակվեն, իսկ ադրբեջանական զորքերը՝ դուրս բերվեն Հայաստանի տարածքից։ Նման պահանջներով ցույց են անցկացրել Տորոնտոյի հայ և հույն համայնքների ներկայացուցիչները, հայտնում է Free Armenian POWs Global network-ը Facebook-ի իր էջում։

Ցուցարարները կոչ են անում Կանադայի վարչապետ Ջասթին Թրյուդոյին և արտգործնախարար Մարկ Գարնոյին ճնշում գործադրել Ադրբեջանի վրա ՝ գերիներին ազատ արձակելու համար:

«Ադրբեջան, դուրս բերիր զորքերը», «Հարգեք միջազգային իրավունքը!» և նման այլ ցուցապաստառներով ցուցարարները դուրս են եկել քաղաքի կենտրոնում գտնվող փողոցներ։

Հիշեցնենք, որ Ադրբեջանը շարունակում է 200-ից ավելի հայ ռազմագերիների և քաղաքացիական անձանց պահել՝ խախտելով 2020-ի նոյեմբերի 9-ի եռակողմ հայտարարությունը։

ՊՆ–ն մայիսի 12-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 13-ից ադրբեջանցիների հետ բանակցություններ են անցկացվում։

Մայիսի 20-ին էլ Սյունիքի մարզի Խոզնավար գյուղի հատվածում ՀՀ և ԱՀ ԶՈւ-երի զինծառայողների միջև ծեծկռտուք է տեղի ունեցել։ 11 հայ զինծառայող տեղափոխվել է հիվանդանոց։

Նշենք, որ Հայաստանում արտահերթ խորհրդարանական ընտրությունները կկայանան հունիսի 20–ին։ Դրանց մասնակցում է 21 կուսակցություն և 4 դաշինք։

29
թեգերը:
Սահման, Հայաստան, Ադրբեջան, ռազմագերի, գերի, հույն, հայ, Կանադա
թեմա:
Հայ գերիներ, անհետ կորածներ
Ընտրատեղամաս. Երևան

Տեղամասում բռնություն գործադրելու փաստով հարուցվել է մեկ քրեական գործ. նոր տվյալներ

0
(Թարմացված է 16:58 20.06.2021)
Դատախազության ներկայացուցիչը հիշեցնում է` ՀՀ Քրեական օրենսգրքով ընտրական իրավունքի խախտումների համար նախատեսված են պատժաչափեր` մինչև 5 տարի ազատազրկման ժամկետով։

ԵՐԵՎԱՆ, 20 հունիսի – Sputnik. ՀՀ Գլխավոր դատախազությունն արտահերթ ընտրությունների քվեարկության ընթացքում արդեն ստացել է 64 հաղորդում և ահազանգ, որոնցից 11-ը ԶԼՄ–ների հրապարակումներ են, 28-ը` քաղաքացիների ահազանգեր, 2-ը` սոցցանցերում կատարված գրառումներ, 23-ը` ոստիկանության ծառայողների կողմից ստացված օպերատիվ տվյալներ։ Տեղեկությունն այսօր ԿԸՀ–ում կազմակերպված ասուլիսում հայտնեց դատախազության ներկայացուցիչ Էդգար Արսենյանը։

«Ստացված հաղորդումներից ու ահազանգերից 16–ը վերաբերում են քվեարկության գաղտնիությունը խախտելու դեպքերին, 1-ը` ընտրողների ցուցակ կազմելուն ու այն կուսակցություններին տրամադրելու կամ հրապարակելու կարգը խախտելուն, 6-ը` ընտրողներին կաշառք տալու և ստանալու դեպքերին, 16-ը` ընտրական իրավունքի իրացմանը խոչընդոտելուն, 2-ը` քարոզչությանը մասնակցելուն հարկադրելուն կամ խոչընդոտելուն, 4-ը` տեղամասային կենտրոններում կամ դրան հարող տարածքում բռնություն գործադրելուն կամ դրա սպառնալիքի դեպքերի առթիվ։ Ի դեպ, այս հոդվածով արդեն հարուցվել է 1 քրեական գործ ու  իրականացվում է նախաքննություն։ Եվս 15–ը` մեկից ավելի անգամ քվեարկելու դեպքերի առթիվ»,– ասաց Արսենյանը։

Նա նաև հիշեցրեց, որ ՀՀ Քրեական օրենսգրքով ընտրական իրավունքի խախտումների համար նախատեսված են  պատժաչափեր` մինչև 5 տարի ազատազրկման ժամկետով։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Աբովյանի ընտրատեղամասերից մեկում ընտրողը փորձել է դուրս հանել քվեաթերթիկը

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

0
թեգերը:
Քրեական գործ, քվեարկություն, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ընտրողների 26.82 տոկոսն արդեն իսկ մասնակցել է ընտրություններին
«Այո, ես վիրահատել եմ ՀՔԾ պետի հայրիկին». Արմեն Չարչյանը մանրամասներ հայտնեց
ՄԻՊ աշխատակազմն ուսումնասիրել է ընտրություններին վերաբերող 59 ահազանգ ու 570 հրապարակում