Հենրիխ Մխիթարյան

Սպասում ենք Մխիթարյանի 10-րդ գոլին․ «Ռոման» մոտենում է «ֆինիշին»

153
(Թարմացված է 16:45 26.07.2020)
Մինչ առաջնության ավարտը երեք խաղ է մնում, հետո Եվրոպայի Լիգայի 1/8 եզրափակիչն է «Սևիլյայի» դեմ։

ԵՐԵՎԱՆ, 26 հուլիսի – Sputnik․ «Ռոման» տրամադրված է առաջնության վերջին երեք խաղերին ու Եվրոպայի լիգայի և «Սևիլյայի» 1/8 եզրափակիչին։ Տեղեկությունը հայտնել է «Ռոմայի» մարզիչ Պաուլո Ֆոնսեկան «Ֆիորենտինայի» հետ խաղից առաջ տեղի ունեցած ասուլիսի ժամանակ։

Առաջին շրջանում հռոմեացիները հաղթել են «Ֆիորենտինային» 4:1 հաշվով, սակայն Ֆոնսեկայի խոսքով, այժմ լրիվ այլ խաղ է սպասվում։ Վերջին վեց խաղերի ընթացքում «Ֆիորենտինան» ոչ մի պարտություն չի կրել, ու թիմը լավ մարզավիճակում է։ Հանդիպումը կայանալու է այսօր երեկոյան։

Նախորդ խաղում «Ռոման» հաղթել է SPAL թիմին 6:1 հաշվով։ Աուտսայդերի հետ այդ համեմատաբար հեշտ խաղում «Ռոման» Ջեկոյին ու Մխիթարյանին հանգստանալու հանրավորություն էր տվել։

«Ինձ համար ամենակարևորն այսօրվա խաղն է», - ավելացրել է մարզիչը։

Այս անգամ ուշադրության կենտրոնում Նիկոլո Ձանիոլոն է։ Այս տաղանդավոր երիտասարդ խաղացողը վնասվածքի պատճառով մի շարք խաղեր է բաց թողել ու միշտ չէ, որ ընդհանուր լեզու է գտել մարզչի հետ։

Ձանիոլոն վերջին խաղում իրեն լավ է դրսևորել։ Ֆոնսեկան ավելացրել է, որ պետք է հասնանալ՝ ինչպես նրան վեց ամիս ապաքինվելուց հետո դաշտ հանել։

«Ցանկացած թիմում էլ նման խնդիրներ լինում են։ Մենք խոսեցինք, ամեն ինչ նորմալ է, այլևս խնդիր չկա», - ամփոփել է Ֆոնսեկան։

Մխիթարյանը խոսել է «Ռոմա» - «Ինտեր» խաղի և իր զգացողությունների մասին

Նա հաստատել է, որ առաջիկա խաղում կարող են խաղալ պաշտպաններ Ալեքսանդար Կոլարովն ու Բրունո Պերեսը, մյուսների մասին չի խոսել։

Ֆոնսեկան չի անդրադարձել նաև «Սևիլյայի» հետ խաղին ու հարցին՝ ինչպես փորախրինել հենակետային կիսապաշտպան Ժորդան Վերետային, որը Եվրոպայի Լիգայի առաջիկա խաղի համար որակազրկվել է։

Իտալացի մարզական լրագրողների կարծիքով՝ նրա փոխարեն պետք է հետ բերել Մխիթարյանին կամ Լորենցո Պելեգրինիին։

«Դեռ դրա մասին չեմ հասցրել մտածել, այսօրվա խաղի մասին եմ մտածում», - նշել է Ֆոնսեկան։

Il Messagero իտալական թերթի կարծիքով՝ Ֆոնսեկան 3-4-2-1 ֆորմացիա է կառուցելու (Լոպես – Մանչինի, Սմոլին, Կոլարով – Բրունո Պերես, Կրիստանտե, Վերետու, Սպինացոլա –Պելեգրինի, Մխիթարյան – Ջեկո)։

 «Ֆիորենտինայի» կազմում ամենայն հավանականությամբ դաշտ դուրս կգա Ֆրանկ Ռիբերին։ Հիմա նա այդքան աչքի չի ընկնում ինչպես նախորդ տարիներին, բայց կարող է վտանգավոր պահեր ստեղծել հարձակման մեջ։ «Ֆիորենտինայի» այլ վտանգավոր խաղացողներն են երիտասարդ հարձակվողներ Ֆեդերիկո Կյեզան ու սերբ Դուշան Վլախովիչը։

Նշենք՝ Հենրիխ Մխիթարյանն այս խաղաշրջանում «Ռոմայի» կազմում ինը գոլ է խել․ երկրպագուներն ու մամուլը տասերորդ հարվածին են սպասում։

«Ռոման» Մխիթարյանի փոխանցումը «հավերժացրել» է գրաֆիկայով

Մխիթարյանն իր խաղով գրավել է նաև հայ դիվանագետներին․ Corriere dello Sport պարբերականին վերջերս տված հարցազրույցում Իտալիայում Հայաստանի դեսպան Ծովինար Համբարձումյանը խոստովանել է, որ նախկինում իտալական այլ թիմի էր երկրպագում (նա չի ասել՝ որ), սակայն այժմ «Ռոմայի» երկրպագուն է դարձել։

153
թեգերը:
գոլ, Հենրիխ Մխիթարյան, Իտալիա, «Ռոմա» ֆուտբոլային ակումբ
թեմա:
Հենրիխ Մխիթարյան (338)
Մհեր Գրիգորյան

Կհանդիպեն Հայաստանի, Ադրբեջանի և Ռուսաստանի փոխվարչապետները

175
(Թարմացված է 10:58 26.01.2021)
Հայկական կողմից բանակցություններին մասնակցելու է Մհեր Գրիգորյանը, ռուսական կողմից՝ Օլեքսեյ Օվելչուկը, ադրբեջանական կողմից՝ Շահին Մուստաֆաևը։

ԵՐԵՎԱՆ, 26 հունվարի – Sputnik. Մոսկվայում վաղը`հունվարի 27–ին, նախատեսված է Հայաստանի, Ադրբեջանի և Ռուսաստանի փոխվարչապետների հանդիպում։ Տեղեկությունը հայտնում է РБК-ն։

РБК-ի աղբյուրները փոխանցում են, որ քննարկվելու է Հայաստանի տարածքով Ադրբեջանն ու Նախիջևանը միացնող երկաթգծի կառուցման հարցը։

Հայկական կողմից բանակցություններին մասնակցելու է Մհեր Գրիգորյանը, ռուսական կողմից՝ Օլեքսեյ Օվելչուկը, ադրբեջանական կողմից՝ Շահին Մուստաֆաևը։

Փոխվարչապետները պետք է քննարկեն միանգամից մի քանի հնարավոր նախագծեր, մասնավորապես, Հայաստանի տարածքով երկաթուղու կառուցումը, որը կկապի Ադրբեջանը և Նախիջևանը, ինչպես նաև Հայաստանն ու Ռուսաստանը: Այժմ Նախիջևանի հետ Ադրբեջանը ցամաքային ճանապարհ չունի ունի։ Փոխարենը Հայաստանը պետք է երկաթուղային կապ ստանա Ռուսաստանի հետ։ Հիմա երկրների ցամաքային կապն իրականացվել է Վրաստանի տարածքով։ Բացի այդ, փոխվարչապետները կքննարկեն Հայաստանը և Իրանը Նախիջևանով երկաթուղով կապելու առաջարկը:

Վարդենիս–Մարտակերտ ճանապարհը կբացվի՞. ՀՀ փոխվարչապետի գրասենյակի մեկնաբանությունը

Հիշեցնենք, որ փոխվարչապետների մակարդակով այս հարցի քննարկման շուրջ Հայաստանի, Ռուսաստանի և Ադրբեջանի ղեկավարները համաձայնության էին եկել հունվարի 11-ի մոսկովյան եռակողմ հանդիպման ժամանակ, երբ Փաշինյանը հայտարարեց, որ գերիների հարցով առաջընթաց չի գրանցել, բայց ստորագրել է տնտեսական համագործակցության հուշագիր:

175
թեգերը:
Եռակողմ հայտարարություն, Նախիջևան, Ռուսաստան, Ադրբեջան, Հայաստան, Մհեր Գրիգորյան, Մոսկվա
Ըստ թեմայի
Հայաստանը պատրաստ է ապահովել կապը Ադրբեջանի և Նախիջևանի միջև. վարչապետի խոսնակ
Ինչ գին ենք վճարելու Ադրբեջանը Թուրքիային կապող Նախիջևանի միջանցքի դիմաց
Եռակողմ հայտարարության 9-րդ կետը. ձեռնտո՞ւ է Իրանին Նախիջևանի միջանցքի բացումը
Օլգա Բուզովա

Դիզայներ Արտաշես Օհանյանը 4 զգեստ է ստեղծել Օլգա Բուզովայի համար

33
(Թարմացված է 10:23 26.01.2021)
Երգչուհին Instagram-ի իր էջում հայտնել է, որ այժմ նա «նոր Բուզովա» է Արտաշես Օհանյանի զգեստներով։

ԵՐԵՎԱՆ, 26 հունվարի - Sputnik. Հայտնի ռուս երգչուհի ու հաղորդավարուհի Օլգա Բուզովան Instagram-ի իր էջում տեղեկացրել է, որ այցելել է դիզայներ ու միջազգային կարգի պարող Արտաշես Օհանյանին` նոր զգեստներ շոր փորձելու և ընտրելու համար։

Փոփ-երգչուհին դիզայների հետ լուսանկար է հրապարակել։

Instagram story Ольги Бузовой
Օլգա Բուզովայի սթորին

Արտաշեսն իր հերթին բաժանորդներին հայտնել է, որ ռուսական փոփ արքայադստեր համար չորս զգեստ է պատրաստել ու տեսանյութ է հրապարակել։

«Այսօր գեղեցկագույն տոն է լինելու», - գրել է նա ու խորհուրդ է տվել բաժանորդներին հետևել իր «սթորիներին»։ Դիզայները դեռ չի ցուցադրել զգեստներն ու պահում է ինտրիգը։ Սակայն Բուզովան լուսանկար է հրապարակել նոր զգեստով ու գրել է․ «Ահա՝ սա նոր Բուզովան է»։

Արտաշես Օհանյանը, լինելով պարող ու պարուսույց, զգեստներ է ստեղծում սպորտային-բալային պարերի համար։ Հայտնի բազմաթիվ պարողներ, նաև ռուսական շոու բիզնեսի ներկայացուցիչներ բեմ դուրս գալու համար ընտրում են նրա ստեղծած հագուստը։

33
թեգերը:
զգեստ, հայ, դիզայներ, Օլգա Բուզովա
Ըստ թեմայի
«Օգնեք ինձ ապրել». Օլգա Բուզովան բաժանվել է հայ բլոգերից
Օլգա Բուզովան ցույց է տվել Դավիթ Մանուկյանի հետ հարաբերությունների «կեղտոտ» կողմը
Բուզովայի արդեն նախկին ամուսին Դավիթ Մանուկյանին տեղափոխել են հիվանդանոց
Վահե Հակոբյան

Նախկին մարզպետին ՔԿ են կանչել որպես վկա. փաստաբանը դա քաղաքական հետապնդում է համարում

0
(Թարմացված է 12:47 26.01.2021)
Քրեական գործի հիմքում դրված փաստերը հայտնի են եղել 2017-18թթ–ին, բայց դրանց մասին բարձրաձայնվում է միայն այն բանից հետ, երբ Վահե Հակոբյանն ակտիվություն է դրսևորում քաղաքականության մեջ։

ԵՐԵՎԱՆ, 26 հունվարի – Sputnik. Սյունիքի նախկին մարզպետ Վահե Հակոբյանի նկատմամբ հարուցված քրեական գործը նրա փաստաբան Ժիրայր Ղարագյոզյանը քաղաքական հետապնդում է որակում` այն կապելով Հակոբյանի քաղաքական ակտիվության հետ։

«Եթե այդ փաստերը հայտնի են եղել 2017-18թթ–ին, ինչո՞ւ է այդ մասին բարձրաձայնվում միայն այն բանից հետ, երբ պարոն Հակոբյանը ինչ–որ ակտիվություն դրսևորել քաղաքականության մեջ»,– Sputnik Արմենիայի հետ զրույցում մեկնաբանելով քրեական գործը, ասաց փաստաբանը։

Բանն այն է, որ քրեական գործը հարուցվել է 2019թ. օգոստոսին Սյունիքի մարզպետարանում և ենթակա հիմնարկներում Հաշվեքննիչ պալատի իրականացրած ստուգումների արդյունքում հայտնաբերված չարաշահումների փաստով` քրեական օրենսգրքի 179-րդ հոդվածի 2-րդ մասի 1-ին կետով(յուրացում կամ վատնում) և 314-րդ հոդվածի 1-ին մասով (պաշտոնեական կեղծիք):

Քրեական գործի նյութերի համաձայն, նախկին մարզպետ Վահե Հակոբյանը, նրա երկու օգնականներն ու վարորդը 2017-2018թթ. ընկած ժամանակահատվածում աշխատանքի չեն հաճախել, բայց աշխատավարձ են ստացել։

Հակոբյանի փաստաբանը հայտնեց, որ իր պաշտպանյալն այս պահին վկայի կարգավիճակ ունի։ Մեղադրանք չի առաջադրվել, նա ազատության մեջ է։ Վահե Հակոբյանը հունվարի 29-ին հրավրվել է քննչական մարմին` վկայի կարգավիճակով հարցաքննության։

«Սակայն քննչական գործից մենք այնպիսի ենթադրություն ենք անում, որ Վահե Հակոբյանը միայն վկայի կարգավիճակով չի անցնելու։ Մենք գրեթե վստահ ենք, որ նրա կարգավիճակը փոխվելու է»,– ասաց փաստաբանը։

Քրեական գործում հիշատակվող նախկին մարզպետի օգնականների ու վարորդի իրավական կարգավիճակի, քրեական գործում ներգրավված լինել–չլինելու մասին տեղեկություններ Ժիրայր Ղարագյոզյանը չունի։

«Մենք ներկայացնում ենք Վահե Հակոբյանի շահերը։ Վարորդի և օգնականների մասով տեղեկություններ չունեմ։ Այս պահի դրությամբ իրենք մեր վստահորդը չեն հանդիսանում»,– ասաց փաստաբանը։

Հիշեցնենք` Վահե Ալբերտի Հակոբյանը Հայաստանի Հանրապետության Սյունիքի մարզպետ էր նշանակվել 2016 թվականի հոկտեմբերի 6-ին։

2017 թվականի հունվարի 3-ին ընտրվել է ՀՀԿ Սյունիքի տարածքային կազմակերպության խորհրդի նախագահ։

2018թ–ին Հայաստանում տեղի ունեցած իշխանափոխությունից հետո Վահե Հակոբյանը հայտնել էր, որ չի պատրաստվում հրաժարական տալ` չնայած այն հանագամանքին, որ Փաշինյանը հայտարարել էր, որ բոլոր մարզպետները պետք է փոխվեն։

2018թ–ի հունիսին, ՀՀ կառավարության որոշմամբ, Վահե Հակոբյանը պաշտոնանկ արվեց մարզպետի պաշտոնից։

Նիկոլ Փաշինյանը խոստացավ` անցանկալի մարզպետը հրաժարական կտա

0
թեգերը:
փաստաբան, Քննչական կոմիտե, Մարզպետ