Իլոն Մասկ

Իլոն Մասկը հրապարակայնորեն վիճել է ընկերուհու հետ տրանսգենդերների պատճառով

142
Երգչուհի Գրայմսը նշել է, որ չի կարող կողմ լինել ատելությանը, բայց ավելի ուշ հեռացրել է Մասկի գրառման տակ արած իր մեկնաբանությունը։

ԵՐԵՎԱՆ, 26 հուլիսի - Sputnik. Ամերիկացի գյուտարար, գործարար Tesla և Space X ընկերությունների հիմնադիր Իլոն Մասկը Twitter -ի իր էջում գրառում է կատարել, որը դուր չի եկել նրա ընկերուհուն՝ երգչուհի Գրամյսին։

«Դերանունը՝ տիղմ»,- գրել է Մասկը։ Այսպես է նա արտահայտվել այն տրանսգենդերների հասցեին, որոնք մեծ կարևորություն են տալիս այն հանգամանքին, թե մարդիկ ինչ դերանուններ են օգտագործում իրենց մասին խոսելիս։
Երգչուհի Գրայմսը չի աջակցել սիրելիին։

«Ես սիրում եմ քեզ, բայց խնդրում եմ, անջատիր հեռախոսդ կամ զանգահարիր ինձ։ Ես չեմ կարող կողմ լինել ատելությանը։ Խնդրում եմ՝ վերջ տուր այս ամենին»,- գրել է նա Մասկի գրառման մեկնաբանություններում։

Կարճ ժամանակ անց երգչուհին հեռացրել է գրառումը, ինչը զարմացրել է նրա օգտատերերին։ Շատերի կարծիքով՝ նա դա արել է Մասկի ճնշման տակ։

Ավելի վաղ Իլոն Մասկը կասկածվում էր դերասանուհի Էմբեր Հերդին ծեծելու մեջ։ Վերջինս հայտարարել էր, թե 2016 թվականին նախկին ամուսնու՝ դերասան Ջոնի Դեպի կողմից ընտանեկան բռնության է ենթարկվել։ Մինչդեռ Պենտհաուսի անվտանգության աշխատակիցներից մեկը պատմել էր, որ երբ աստղային զույգն այնտեղ էր ապրում, Հերդի դեմքին բռնության հետքեր հայտնվում էին այն ժամանակ, երբ նրան հաճախ Մասկն էր այցելում։

Տեխասում պայթել է Իլոն Մասկի տիեզերանավի նախատիպը. տեսանյութ

Նշենք, որ վերջերս Իլոն Մասկը հայտնվել է Forbes-ի՝ մոլորակի ամենահարուստ մարդկանց թոփ հնգյակում։
Այս պահին Tesla-ն ոչ միայն աշխարհի ամենաթանկարժեք ավտոարտադրողն է՝ 304,5 միլիարդ դոլար կապիտալիզացիայով, այլ նաև այն ընկերությունն է, որն ավելի թանկ արժե, քան Ford, Ferrari, General Motors և BMW ընկերությունները միասին վերցրած։

142
թեգերը:
տրանսգենդեր, Twitter, ընկերուհի, վեճ, Իլոն Մասկ
Ըստ թեմայի
Հայրիկ է դարձել 6–րդ անգամ․ միլիարդատեր Իլոն Մասկը ցույց է տվել նորածին որդուն
Իլոն Մասկն ու երգչուհի Գրայմսն իրենց որդուն սիմվոլներով են անվանակոչել
Երկրաշարժ Թուրքիայում

Թուրքիայում երկրաշարժի զոհերի թիվը հասել է 24-ի. հունական կղզում նույնպես զոհեր կան

89
(Թարմացված է 09:18 31.10.2020)
Հունական Սամոս կղզում երկրաշարժի հետևանքով 2 երեխա է մահացել, կա 20 վիրավոր։

ԵՐԵՎԱՆ, 31 հոկտեմբերի - Sputnik. Երեկ Թուրքիայի արևմուտքում տեղի ունեցած երկրաշարժի զոհերի թիվը հասել է 24-ի, վիրավորներինը՝ 804-ի։ Տեղեկությունը հայտնում է ՌԻԱ Նովոստին` հղում անելով տեղի արտակարգ իրավիճակների և տարերային աղետների հարցերով գործակալությանը։

Ավելի վաղ հայտնի էր 20 զոհի և 786 վիրավորների մասին։

Նշենք, որ 6․6 մագնիտուդով երկրաշարժի ցնցումները զգացվել են նաև մոտակա հունական կղզիներում։ Ըստ լուրերի` Սամոս կղզում 2 երեխա է մահացել, կա 20 վիրավոր։

Հիշեցնենք, որ երկրաշարժը գրանցվել է հոկտեմբերի 30–ին` տեղական ժամանակով 14։51–ին։ Էպիկենտրոնը գտնվել է Էգեյան ծովում`Իզմիրի ափամերձ հատվածում, 16,5 մետր խորության վրա։

Ցնցումները տևել են շուրջ 15 վայրկյան ու զգացվել Թուրքիայի արևմտյան շրջաններում։

Երկրաշարժ ու ցունամի Թուրքիայում. աղետի հետևանքով Իզմիրում շենքեր են ավերվել. տեսանյութեր

89
թեգերը:
Զոհ, Երկրաշարժ, Թուրքիա
Ըստ թեմայի
Երկրաշարժ Թուրքիայում. ցնցումները զգացվել են նաև Հայաստանում
Երկրաշարժ Իրանում. ցնցումները զգացվել են նաև Ստեփանակերտում
Հունաստանում 6,9 մագնիտուդով երկրաշարժ է տեղի ունեցել
Պոմիդոր

«Ռոսսելխոզնադզորը» մտահոգ է Հայաստանից Ռուսաստան վարակված լոլիկի մատակարարման փաստով

246
Գերատեսչությունում նշել են, որ ստիպված են սահմանափակումներ մտցնել՝ լոլիկի վրա կրկին վարակ հայտնաբերելու դեպքում։

ԵՐԵՎԱՆ, 30 հոկտեմբերի - Sputnik. «Ռոսսելխոզնադզորը» մտահոգված է, քանի որ Հայաստանից Ռուսաստան մատակարարված լոլիկների վրա վտանգավոր վիրուսային հիվանդություն՝ PepMV է հայտնաբերվել։ Տեղեկությունը նշված է գերատեսչության հայտարարության մեջ։

«Ռոսսելխոզնադզորը» նշում է, որ տեսակապի միջոցով բանակցություններ է անցկացրել ՀՀ կառավարությանը ենթակա սննդամթերքի անվտանգության տեսչական մարմնի ղեկավարի տեղակալ Նարեկ Հայրապետյանի հետ։

«Ծառայությունը մտահոգություն է հայտնել Հայաստանից Ռուսաստանի տարածք ներմուծված լոլիկների խմբաքանակի մեջ Pepino mosaic virus վարակի հայտնաբերելու կապակցությամբ։ Ավելի վաղ հայ գործընկերներին այդ հիվանդության հայտնաբերման վերաբերյալ ծանուցում է ուղարկվել», - նշած է հաղորդագրության մեջ։

Ծառայությունը խնդրել է հայկական կողմից խստացնել Ռուսաստան մատակարարվող բանջարեղենի վերահսկողությունը։ Հաղորդագրության մեջ նշված է, որ կարանտինի ենթակա ապրանքների վրա վիրուսի հայտնաբերման կրկնության դեպքում «Ռոսսելխոզնադզորը» ստիպված կլինի սահմանափակումներ մտցնել Հայաստանից եկող կարանտինի ենթակա մթերքների ներկրման նկատմամբ։

«Ռոսսելխոզնադզորն» արգելել է երշիկեղենի խմբաքանակը ներկրել Հայաստան

«Ռոսսելխոզնադզորն» առաջարկել է առաջիկայում երկու երկրներում գործող ֆիտոսանիտարական վերահսկողության ոլորտի տեղեկատվական համակարգերի ինտեգրման հարցերով բանակցություններ անցկացնել։ Խորհրդակցության անցկացման օրն ավելի ուշ կհամաձայնեցվի։ Հայկական կողմն իր հերթին կտեղեկացնի ռուսական գերատեսչությանը ձեռնարկած քայլերի մասին։ Հայկական կողմը պատրաստակամություն է հայտնել համագործակցել Ռուսաստան ուղարկվող բուսական արտադրանքի լաբորատոր հետազոտություններ անցկացնելու համարժեք մոտեցումների մշակման հարցում։

Այս շաբաթ Ռուսաստանը հիշատակված վիրուսի պատճառով արդեն արգելել է լոլիկ ներկրել Բելառուսի չորս շրջաններից։

 

246
թեգերը:
վարակ, Ռուսաստան, Հայաստան, պոմիդոր
Ըստ թեմայի
Հայաստանն առաջարկում է Թուրքիային զրկել ԵԱՏՄ սակագնային արտոնություններից
Ներմուծում և արտահանում. ինչ է փոխել կորոնավիրուսը
Կվերսկսվի՞ արդյոք Հայաստանից Ռուսաստան մսի արտահանումը
Защитник прав человека Карабаха Артак Бегларян

Սպանվածների մեջ առնվազն 4 ռազմագերի կա. Արցախի ՄԻՊ–ը վերլուծել է թշնամու դաժան տեսանյութը

0
(Թարմացված է 11:11 31.10.2020)
Արցախի մարդու իրավունքների պաշտպանը լուսանկարներ է հրապարակել ու գրառում կատարել` անդրադառնալով ադրբեջանցիների կողմից սոցցանցերում շրջանառող տեսանյութին։

ԵՐԵՎԱՆ, 31 հոկտեմբերի - Sputnik. Արցախի ՄԻՊ Արտակ Բեգլարյանը Twitter–ի իր էջում հայ զինծառայողների դիերի լուսանկարներ է հրապարակել` կատարելով որոշ դիտարկումներ։

«Ադրբեջանական սոցիալական ցանցերի տիրույթում նոր տեսանյութ է շրջանառվում, որտեղ երևում են 19 հայերի մարմիններ։ Նրանցից որոշները ձեռնաշղթաներով են, մյուսները՝ մերկ: Ակնհայտ է, որ ձեռնաշղթաներով առնվազն 4 զինվոր ռազմագերի է եղել նախքան սպանվելը»,- գրել է Բեգլարյանը։

​Նա հավելել է նաև, որ անպատժելիությունը և միջազգային հանրության կուրությունը նոր հանցագործություններ են ծնում Ղարաբաղի դեմ։

0
թեմա:
Ադրբեջանական ագրեսիան Արցախում - 2020