ԵՐԵՎԱՆ, 21 հուլիսի – Sputnik. Լոս Անջելեսում մահացել է կովկասյան շանսոնի լեգենդ Բոկան (Բորիս Դավիդյան)։ Լուրը Facebook-ում հայտնել է լրագրող Վահե Ղազարյանը։ «Հանգչիր խաղաղությամբ, Բոկա․․․ շատ ափսոս․․․»,-գրել է նա։
Sputnik Արմենիայի հետ զրույցում նա տեղեկացրեց, որ լուրն իմացել է ԱՄՆ-ում բնակվող ընկերներից։ Երգչի մահվան պատճառ է դարձել թոքերի տևական և քրոնիկ հիվանդությունը։ Բորիս Դավիդյանը 71 տարեկան էր։
Բոկայի մահվան մասին Instagram–ի իր էջում գրել է նաև երգիչ Արա Մարտիրոսյանը։ «Աստված հոգիդ լուսավորի, Բոկա ջան»,–նկարին կից գրել է նա։
View this post on InstagramԱստված հոգիդ լուսավորի Բոկա ջան: 🙏🙏🙏 Скончался Дядя Бока Светлая память дедо джан🙏
Բոկան տասնյակ երգերի հեղինակ-կատարող է, որոնց թվում են «Доля воровская», «Ցավդ տանեմ», «Ջանա» և այլ հիթեր։ Իր առաջին երաժշտական ալբոմը ձայնագրել է 1972թ․-ին։ Որոշ աղբյուրներ նրան անվանում են «շանսոնի դասական»։ 1995թ․-ի Բոկան ընտանիքի հետ միասին տեղափոխվել է Լոս Անջելես։ Նա ունի կին, որդի, երկու դուստր և չորս թոռնիկ։ Նրանցից մեկը երգիչ Ժոկան է, որը հաճախ կատարում է պապի երգերը։
