Հենրիխ Մխիթարյան

Մխիթարյանը խոսել է «Ռոմա» - «Ինտեր» խաղի և իր զգացողությունների մասին

327
(Թարմացված է 18:10 20.07.2020)
Հանդիպման 57-րդ րոպեին Մխիթարյանի դիպուկ հարվածը առաջ մղեց իր թիմին։ Բայց հայ կիսապաշտպանի գոլը հաղթանակ չբերեց «Ռոմային»։

ԵՐԵՎԱՆ, 20 հուլիսի — Sputnik. Հայաստանի հավաքականի ավագ և իտալական «Ռոմայի» կիսապաշտպան Հենրիխ Մխիթարյանն իտալական A Սերիայի 34–րդ տուրի «Ռոմա»–«Ինտեր» խաղից հետո Facebook-ի իր էջում գրել է իր զգացողությունների մասին: Նշենք, որ «Ռոման» չկարողացավ հաղթանակ տանել Միլանի «Ինտերի» հետ խաղում:

«Մեծ խաղ էր, նախորդ գիշեր մեր թիմը մեծ ջանքեր գործադրեց։ Իհարկե, մենք ավելիին էինք արժանի, բայց կենտրոնացած էինք առաջիկա խաղերի վրա», - գրել է Մխիթարյանը։

Նշենք, որ իտալական Ա սերիայի 34-րդ տուրում «Ռոման» Միլանի «Ինտերի» հետ խաղն ավարտեց 2:2 հաշվով:

15-րդ րոպեին գոլ խփեց «Ինտերի» խաղացող Ստեֆան դե Վրին, հետո «Ռոմայի» ֆուտբոլիստ Սպինազոլան հավասարեցրեց հաշիվը։ 57-րդ րոպեին երկրորդ գոլի հեղինակ դարձավ Հայաստանիհավաքականի ավագ Հենրիխ Մխիթարյանը, բայց «Ռոման» չկարողացավ հաղթել, որովհետև հիմնական ժամանակի ավարտից 3 րոպե առաջ Լուկակուն հավասարեցրեց հաշիվը:

Մխիթարյանը «Ռոմայի» մեկնարկային կազմում էր և փոխարինվեց 83-րդ րոպեին:

Հիշեցնենք, որ Հենրիխ Մխիթարյանը, որը Լոնդոնի «Արսենալի» ֆուտբոլիստ է, վարձավճարով հանդես է գալիս իտալական «Ռոմայում»: Իտալական ակումբը երկարաձգել է պայմանագիրը մինչև ընթացիկ մրցաշրջանի փաստացի ավարտը, ինչպես նաև նախնական պայմանավորվածություն է ձեռք բերել Լոնդոնի «Արսենալի» հետ ՝ 2020/21 մրցաշրջանի համար:

327
թեգերը:
գոլ, «Ռոմա» ֆուտբոլային ակումբ, ֆուտբոլ, Հենրիխ Մխիթարյան
թեմա:
Հենրիխ Մխիթարյան (338)
Ըստ թեմայի
Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ
«Ռոման» Մխիթարյանի փոխանցումը «հավերժացրել» է գրաֆիկայով
«Ձեզ հետ եմ»․ Հենրիխ Մխիթարյանն անդրադարձել է Տավուշում սրված իրավիճակին
Նիկոլայ Պատրուշև

Նավալնին պետք է Արևմուտքին՝ Ռուսաստանում իրավիճակն ապակայունացնելու համար․ Պատրուշև

1
«Արգումենտի ի ֆակտի» թերթին տված հարցազրույցում ՌԴ Անվտանգության խորհրդի քարտուղարը մեկնաբանել է Ուկրաինայի ներկայիս իշխանությունների կոչը՝ դադարեցնել Ռուսաստանի հետ բոլոր հարաբերությունները՝ մինչև Մոսկվան չազատի Նավալնուն։

ԵՐԵՎԱՆ, 26 հունվարի — Sputnik. Ալեքսեյ Նավալնին պետք է Արևմուտքին՝ Ռուսաստանում իրավիճակն ապակայունացնելու համար։ Նման կարծիք է հայտնել Ռուսաստանի Անվտանգության խորհրդի քարտուղար Նիկոլայ Պատրուշևը։

«Անձինք, որոնք ներկայումս ղեկավարում են Ուկրաինան, արել են այդ հայտարարությունն ի վնաս սեփական ժողովրդի ու արտասահմանում մշակված վարքագծի համապատասխան։ Դրանում զարմանալի ոչինչ չկա։ Արևմուտքին այդ «գործիչը» հարկավոր է Ռուսաստանում իրավիճակն ապակայունացնելու, սոցիալական ցնցումների ու նոր «մայդանների» համար», - ասել է Պատրուշևը «Արգումենտի ի ֆակտի» թերթին տված հարցազրույցում։

«Նա, այդ «գործիչը», բազմիցս կոպտորեն խախտել է ռուսական օրենսդրությունն ու խոշոր չափերի խարդախությամբ է զբաղվել։ Նա, որպես Ռուսաստանի քաղաքացի, պետք է իր հակաիրավական գործունեության համար պատասխանատվություն կրի», - ավելացրել է Անվտանգության խորհրդի քարտուղարը։

Հիշեցնենք՝ հունվարի 17-ին ռուսաստանցի քաղաքական գործիչ և բլոգեր Ալեքսեյ Նավալնին Գերմանիայից Ռուսաստան է վերադարձել։ Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից։ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

1
Մհեր Գրիգորյան

Կհանդիպեն Հայաստանի, Ադրբեջանի և Ռուսաստանի փոխվարչապետները

181
(Թարմացված է 10:58 26.01.2021)
Հայկական կողմից բանակցություններին մասնակցելու է Մհեր Գրիգորյանը, ռուսական կողմից՝ Օլեքսեյ Օվելչուկը, ադրբեջանական կողմից՝ Շահին Մուստաֆաևը։

ԵՐԵՎԱՆ, 26 հունվարի – Sputnik. Մոսկվայում վաղը`հունվարի 27–ին, նախատեսված է Հայաստանի, Ադրբեջանի և Ռուսաստանի փոխվարչապետների հանդիպում։ Տեղեկությունը հայտնում է РБК-ն։

РБК-ի աղբյուրները փոխանցում են, որ քննարկվելու է Հայաստանի տարածքով Ադրբեջանն ու Նախիջևանը միացնող երկաթգծի կառուցման հարցը։

Հայկական կողմից բանակցություններին մասնակցելու է Մհեր Գրիգորյանը, ռուսական կողմից՝ Օլեքսեյ Օվելչուկը, ադրբեջանական կողմից՝ Շահին Մուստաֆաևը։

Փոխվարչապետները պետք է քննարկեն միանգամից մի քանի հնարավոր նախագծեր, մասնավորապես, Հայաստանի տարածքով երկաթուղու կառուցումը, որը կկապի Ադրբեջանը և Նախիջևանը, ինչպես նաև Հայաստանն ու Ռուսաստանը: Այժմ Նախիջևանի հետ Ադրբեջանը ցամաքային ճանապարհ չունի ունի։ Փոխարենը Հայաստանը պետք է երկաթուղային կապ ստանա Ռուսաստանի հետ։ Հիմա երկրների ցամաքային կապն իրականացվել է Վրաստանի տարածքով։ Բացի այդ, փոխվարչապետները կքննարկեն Հայաստանը և Իրանը Նախիջևանով երկաթուղով կապելու առաջարկը:

Վարդենիս–Մարտակերտ ճանապարհը կբացվի՞. ՀՀ փոխվարչապետի գրասենյակի մեկնաբանությունը

Հիշեցնենք, որ փոխվարչապետների մակարդակով այս հարցի քննարկման շուրջ Հայաստանի, Ռուսաստանի և Ադրբեջանի ղեկավարները համաձայնության էին եկել հունվարի 11-ի մոսկովյան եռակողմ հանդիպման ժամանակ, երբ Փաշինյանը հայտարարեց, որ գերիների հարցով առաջընթաց չի գրանցել, բայց ստորագրել է տնտեսական համագործակցության հուշագիր:

181
թեգերը:
Եռակողմ հայտարարություն, Նախիջևան, Ռուսաստան, Ադրբեջան, Հայաստան, Մհեր Գրիգորյան, Մոսկվա
Ըստ թեմայի
Հայաստանը պատրաստ է ապահովել կապը Ադրբեջանի և Նախիջևանի միջև. վարչապետի խոսնակ
Ինչ գին ենք վճարելու Ադրբեջանը Թուրքիային կապող Նախիջևանի միջանցքի դիմաց
Եռակողմ հայտարարության 9-րդ կետը. ձեռնտո՞ւ է Իրանին Նախիջևանի միջանցքի բացումը