Զեբր

Մարդու ուղեղ է պայթում. զեբրերի լուսանկարի տեսողական խաբկանքը շփոթեցրել է օգտատերերին

302
(Թարմացված է 22:41 15.07.2020)
Տարօրինակ լուսանկարը համացանցի օգտատերերին երկու ճամբարի է բաժանել։ Սակայն ավելի ուշ լուսանկարի հեղինակն ամեն ինչ պարզաբանել է։

ԵՐԵՎԱՆ, 16 հուլիսի – Sputnik. Վայրի բնության լուսանկարիչ Սարոշ Լոդհին՝ Հնդկաստանից, Քենիայի Մասաի Մարա արգելոցում երկու զեբր է լուսանկարել։ Կադրում նրանցից մեկը թաքնված է մյուսի ստվերում, իսկ մյուսը նայում է տեսախցիկի օբյեկտիվին։ Լուսանկարն իսկական տեսողական խաբկանք է ստեղծում և դրա շնորհիվ հայտնի է դարձել համացանցում։

«Տարվա ձախողո՞ւմ», թե՞ հաջողված կատակ․ Գոհար Ավետիսյանի կեղծամը զվարճացրել է օգտատերերին

Բանն այն է, որ լուսանկարչի ընկերը՝ անտառային ոստիկանության աշխատակից Փարվին Կասվանը, բացառիկ լուսանկարը տեղադրել է Twitter-ում և օգտատերերին առաջարկել գուշակել, թե զեբրերից որ մեկին է պատկանում տեսախցիկին նայող գլուխը։

​Թվիթերի օգտատերերը երկու ճամբարի են կիսվել։

Ոմանք պնդում են, որ ձախ կողմի զեբրը ավելի մոտիկ է տեսախցիկին։ Նրանք այդպիսի եզրակացության են եկել կենդանու վզի ծալքերից։

«Աջ կողմի զեբրի վզին ծալքեր չկան, քանի որ նրա գլուխը թաքնված է ձախինի գլխի հետևում»,-գրում են նրանք։

Մյուսները եզրակացություններ են անում, վերլուծելով կենդանիների ականջների դիրքը․ «Ականջներից դատելով՝ միայն ձախ զեբրը կարող էր հետևում գտնվել, քանի որ աջ կողմինը չէր կարող ականջներն այդպես շուռ տալ։ Ճիշտ պատասխանն է՝ աջը»։

Եղել են նաև կարծիք հայտնողներ, թե լուսանկարը ֆոտոշոփի արդյունք է։ Սակայն ավելի ուշ Լոդհին լուծել է վեճը, բացահայտելով ճիշտ պատասխանը։

Փաստորեն, հենց ձախ կողմի զեբրն է տեսախցիկին ավելի մոտիկ եղել և նայել օբյեկտիվին։

Քիմ Քարդաշյանը վրացի դիզայների սեքսուալ զգեստ է հագել. օգտատերերի կարծիքները տարբեր են

302
թեգերը:
Լուսանկար, Զեբր
Ըստ թեմայի
«Ճարպոտ զեբր». Քիմ Քարդաշյանի հիպնոսացնող զգեստը դուր չի եկել երկրպագուներին. լուսանկար
Ընձուղտներ, այծեղջյուրներ և զեբրեր. Երևանի կենդանաբանական այգին սպասում է համալրման
Կապիկներ, զեբրեր ու ջայլամներ. աղջիկը հոգատարությամբ է պարուրել որբացածներին. տեսանյութ
Քիմ Քարդաշյան և Քանյե Ուեսթ

«Դու հպարտ հայուհի ես»․ հանգուցյալ Ռոբերտ Քարդաշյանը «շնորհավորել է» Քիմի տարեդարձը

39
(Թարմացված է 17:15 30.10.2020)
Ամուսնու արտասովոր նվերն անչափ հուզել է Քիմ Քարդաշյանին։ Հեռուստաաստղին ծննդյան 40-ամյակի առթիվ «շնորհավորել է» հանգուցյալ հայրը։

ԵՐԵՎԱՆ, 30 հոկտեմբերի - Sputnik. Ամերիկյան հեռուստաաստղ Քիմ Քարդաշյանն անմոռանալի նվեր է ստացել իր ամուսնուց՝ աշխարհահռչակ ռեփեր Քանյե Ուեսթից, ծննդյան 40-ամյակի կապակցությամբ։ Քանյեն արել է ամեն ինչ, որպեսզի Քիմի հանգուցյալ հայրը՝ Ռոբերտ Քարդաշյանը, հոլոգրաֆիայի տեսքով շնորհավորի դստեր տարեդարձը։

Ռոբերտ Քարդաշյանը «շնորհավորում է» դստերն ու նշում, որ հպարտանում է իր աղջկանով։

Նա շեշտում է, որ իր համար ամենագեղեցիկ բանն ընտանիքի, երեխաների հանդեպ Քիմի հոգատարությունն է։ Ռոբերտ Քարդաշյանը չի մոռանում նաև շնորհակալություն հայտնել դստերը՝ հայկական արմատներից չկտրվելու համար։

«Ինձ համար մեծ նշանակություն ունի, թե ինչպես ես կապված քո արմատներին և ինչպես ես աջակցում Հայաստանին։ Դու հպարտ հայուհի ես, և ես հպարտ հայր եմ»,- ասվում է Քիմի հանգուցյալ հոր խոսքում։

Քիմն անչափ հուզվում է ամուսնու անակնկալից։

Քիմ Քարդաշյանը մեկ միլիոն դոլար է փոխանցել «Հայաստան» համահայկական հիմնադրամին

«Հոլոգրաֆիա՝ դրախտից․ հենց իմ ծննդյան օրը Քանյեն ամենամտածված անակնկալը մատուցեց։ Այն այնքան իրական է թվում, որ ես լցված եմ էմոցիաներով ու արցունքներով։ Մենք այն նայում ենք էլի ու էլի։ Շնորհակալ եմ, Քանյե, այս հիշողությունների համար, որն ինձ հետ կմնա մի ամբողջ կյանք»,-հրապարակմանը կից գրել է Քիմը։

Հիշեցնենք, որ Քարդաշյանն իր ծննդյան 40-ամյակը նշել է հոկտեմբերի 21-ին։

Քիմն ու Քանյեն ամուսնացել են 2014 թվականին և ունեն 4 երեխա՝ Նորթը, Սեյնթը, Չիկագոն և Փսալմը։ Երեխաներից երկուսին զույգի համար լույս աշխարհ է բերել փոխնակ մայրը։

39
թեգերը:
շնորհավորանք, Քանյե Ուեսթ, Քիմ Քարդաշյան
Ըստ թեմայի
Քիմ Քարդաշյանը «սառեցնում է» սոցցանցերի անձնական էջերը. ի՞նչը նրա սրտով չէ
Քիմ Քարդաշյանի ամուսինն ու քույրը գլխավորում են աշխարհի ամենահարուստ աստղերի ցանկը
«Շատ ավելի թույն տեսք». ռուս բորտուղեկցորդուհին «ձեռնոց է նետել» Քիմ Քարդաշյանին
Спасатели и горожане у рухнувшего здания в Измире после сильного землетрясения в Эгейском море (30 октября 2020). Турция

Երկրաշարժ ու ցունամի Թուրքիայում. աղետի հետևանքով Իզմիրում շենքեր են ավերվել. տեսանյութեր

320
(Թարմացված է 17:11 30.10.2020)
Ցնցումները զգացվել են նաև Հունաստանում։ Ավերածություն է գրանցվել հունական Սամոս կղզու Սբ. Աստվածամայր եկեղեցում։

ԵՐԵՎԱՆ, 30 հոկտեմբերի — Sputnik. Թուրքիայի Իզմիր քաղաքում հզոր երկրաշարժ է տեղի ունեցել։

Համացանցում արդեն հայտնվել են բնական աղետի հետևանքների մասին վկայող տեսանյութեր ու լուսանկարներ։

Ինչպես հայտնում է ՌԻԱ Նովոստին, երկրաշարժի ուժգնությունը գնահատվել է 6,9 մագնիտուդ։

Նույն աղբյուրի տեղեկություններով` Իզմիրում քանդվել է առնվազն 6 շենք։

Թուրքական աղբյուրներում նշվում է, որ երկրաշարժը գրանցվել է տեղական ժամանակով 14։51–ին։ Էպիկենտրոնը գտնվել է Էգեյան ծովում`Իզմիրի ափամերձ հատվածում, 16,5 մետր խորության վրա։

Ցնցումները տևել են շուրջ 15 վայրկյան ու զգացվել Թուրքիայի արևմտյան շրջաններում։

Ի դեպ, երկրաշարժը զգացվել է նաև Հունաստանում։ ՌԻԱ Նովոստիի տվյալներով` ստորգետնյա ցնցումների հետևանքով ավերածություն է գրանցվել հունական Սամոս կղզու Սբ. Աստվածամայր եկեղեցում։

Երկրաշարժի հետևանքով զոհերի մասին տվյալներ դեռ չեն հաղորդվում։

Տեղեկություններ կան, որ երկրաշարժը նաև ցունամի է առաջացրել։ Իզմիրի փողոցները ողողված են ջրով։

 

320
թեգերը:
Զոհ, Ավերածություններ, Երկրաշարժ, Թուրքիա
Ըստ թեմայի
ԱՄՆ-ը Թուրքիայի համար արտադրված F-35 կործանիչները կտա Հունաստանին
Թուրքիան ԵՄ չհասավ, բայց ցանկանում է դառնալ աշխարհի հզորների ակումբի անդամ
Թուրքիայի սանձարձակ պահվածքը վկայում է, որ անհանգստացած են ՄԻԵԴ–ի որոշումներից
Աբբաս Արաղչի

Իրանը Ղարաբաղի վերաբերյալ իր ծրագիրն այնպես է նախագծել, որ ընդունելի լինի բոլորի համար

0
(Թարմացված է 17:15 30.10.2020)
Իրանական նախաձեռնության մանրամասները գործընկերներին ներկայացնելիս` Թեհրանը հաշվի է առել ինչպես Հայաստանի, այնպես էլ Ադրբեջանի նպատակները։

ԵՐԵՎԱՆ, 30 հոկտեմբերի – Sputnik. Իրանի նախագահի հատուկ բանագնաց, փոխարտգործնախարար Աբբաս Արաղչին ՌԻԱ Նովոստիին տված հարցազրույցում ասել է, որ Թեհրանը պատրաստ է միջնորդի դեր ստանձնել Ղարաբաղյան հակամարտության կարգավորման հարցում և հուսով է, որ իր ծրագիրը կօգնի կայուն խաղաղության հասնել։

Արաղչին նշել է, որ ԻԻՀ–ն մշտապես հայտարարել է հրադադարի հաստատմանն օժանդակելու, երկխոսություն սկսելու և խաղաղություն ու հանգստություն հաստատելու իր պատրաստակամության մասին։ Նա ընդգծել է, որ ԻԻՀ–ն լավ հարաբերություններ է պահպանում երկու երկրների հետ` Հայաստանի և Ադրբեջանի։

Արաղչին շեշտել է, որ իրանական նախաձեռնության մանրամասները գործընկերներին ներկայացնելիս` Թեհրանը մեծ ուշադրությամբ է վերաբերվել հակամարտության գործողությունների ուսումնասիրմանը, հաշվի է առել երկու երկրների` ինչպես Հայաստանի, այնպես էլ Ադրբեջանի նպատակները։

«Եվ այնպիսի առաջարկ ենք արել, որ այն ընդունելի լինի, տարածաշրջանի ազդեցիկ երկրները կարողանան մասնակցել, և հույս ունենք, որ այդ ծրագիրը ճանապարհ կհարթի Լեռնային Ղարաբաղում կայուն խաղաղություն հաստատելու համար», – ընդգծել է Արաղչին։

Ըստ նրա` դա հեշտ չէ, քանի որ բազմաթիվ խնդիրներ կան, այդ թվում «միջամտությունը տարածաշրջանից դուրս ու նրանց կողմից, ովքեր այս տարածաշրջանում խաղաղություն չեն ուզում»։ Արաղչին չի պարզաբանել, թե խոսքն ում մասին է, բայց ավելի վաղ նա ՌԻԱ Նովոստիին ասել էր, որ կարգավորմանը կարող են մասնակցել և՛ Ռուսաստանը, և՛ Թուրքիան։

«ԻԻՀ–ի ջանքերն ու նախաձեռնությունները չեն ժխտում այս հակամարտության կարգավորմանն ուղղված այլ նախաձեռնություններն ու ջանքերը, բայց մենք համոզված ենք, որ տարածաշրջանային ճգնաժամերը տարածաշրջանային լուծում ունեն», – եզրափակել է դիվանագետը։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

0
թեգերը:
Իրանի Իսլամական Հանրապետություն, Արցախ, Ադրբեջան, Հայաստան
թեմա:
Հրադադար Արցախում
Ըստ թեմայի
Իրանն ու Ռուսաստանը նմանատիպ մոտեցումներ ունեն Ղարաբաղյան հակամարտության հարցում. Արաղչի
Իրանի նախագահի բանագնացը Ղարաբաղի հարցով խորհրդակցություններ է անցկացրել Մոսկվայում
Իրանի փոխարտգործնախարարը Զոհրաբ Մնացականյանի հետ քննարկել է ԼՂ խնդիրը