Քեմալ Աթաթուրքի տունը

Հունաստանի Սալոնիկում գտնվող Աթաթուրքի տունն ուզում են վերածել ցեղասպանության թանգարանի

356
(Թարմացված է 16:24 09.07.2020)
Հունաստանը կարծում է, որ ցեղասպանության զոհ է դարձել ավելի քան 350 հազար պոնտացի հույն։ Անկարան իր հերթին մեղադրանքները «ֆանտաստիկ» է անվանում, իսկ Հունաստանին մեղադրում քաղաքական նպատակներով «պատմական իրադարձությունների խեղաթյուրման մեջ»։

ԵՐԵՎԱՆ, 9 հուլիսի –Sputnik. «Հունական որոշում» կուսակցությունն առաջարկել է Սալոնիկում գտնվող տունը, որտեղ ապրել է Թուրքիայի Հանրապետության առաջին նախագահ Մուստաֆա Քեմալ Աթաթուրքը, ցեղասպանության թանգարանի վերածել։ ՌԻԱ Նովոստիի փոխանցմամբ` նման հայտարարություն է արել «Հունական որոշում» խորհրդարանական կուսակցության ներկայացուցիչ Թանասիս Միլոնասը։

Միլոնասի խոսքով` Հունաստանը պետք է Թուրքիային կոշտ պատասխան տա Ստամբուլում գտնվող Սուրբ Սոֆիայի տաճարի շուրջ ստեղծված իրավիճակի համար։

«Պատասխան, որն Անկարայում կհասկանան», – հայտարարել է Միլոնասը։

Ըստ նրա` կուսակցության դիրքորոշումն այն է, որ Սալոնիկում գտնվող թուրքական պետության հիմնադիր Քեմալ Աթաթուրքի տուն–թանգարանը վերածվի պոնտացի հույների ցեղասպանության թանգարանի։

Թուրքիայի նախագահ Ռեջեփ Թայիփ Էրդողանը հայտարարել էր, որ սպասում է Սուրբ Սոֆիայի տաճարի կարգավիճակի փոփոխման և թանգարանից այն մզկիթի վերածելու հնարավորության վերաբերյալ Պետական խորհրդի որոշմանը և կգործի` ելնելով որոշումից։ Թուրքիայի բարձրագույն վարչական դատարանը` Պետխորհուրդը, հուլիսի 2-ին քննարկեց Սուրբ Սոֆիայի տաճարի կարգավիճակը փոխելու մասին հարցը։

Թրամփին վատություն անել և սուրբ Սոֆիան վերածել մզկիթի. Էրդողանն իր ամպլուայի մեջ է

Պետխորհուրդը կարծում է, որ տաճարի կարգավիճակը փոխելու համար բավարար է նախագահի հրամանը։ Ակնկալվում է, որ Պետխորհրդի որոշումը կհրապարակվի 15 օրվա ընթացքում։

«Կարծում ենք, որ պետք է ուժեղ արձագանք լինի։ Դա Սալոնիկում Քեմալ Աթաթուրքի տունը (այն, որը նրա տունն են համարում) պոնտական հելլենիզմի հուշարձանի, պոնտացիների ցեղասպանության հիշատակի թանգարանի վերածելն է», – ասել է կուսակցության ներկայացուցիչը։

Նա մեջբերել է կուսակցության պաշտոնական հայտարարությունը, որտեղ ասվում է, որ միայն այդպես «բարբարոսները կկարողանան հասկանալ», նաև նշել, որ Հունաստանի կառավարությունը  համապատասխան կոշտ պատասխան չի տալիս, որպեսզի Թուրքիային «տրավմայի չենթարկի»։

Памятник Мустафы Кемаля Ататюрка в отреставрированном музее в Салониках, Северная Греция
© AFP 2020 / SAKIS MITROLIDIS
Մուստաֆա Քեմալ Աթաթուրքի արձանը Սալոնիկում

Հունաստանը կարծում է, որ ցեղասպանության զոհ է դարձել ավելի քան 350 հազար պոնտացի հույն։ Անկարան իր հերթին մեղադրանքները «ֆանտաստիկ» է անվանում, իսկ Հունաստանին մեղադրում քաղաքական նպատակներով «պատմական իրադարձությունների խեղաթյուրման մեջ»։

Հարցին` արդյո՞ք դա կկարողանա կանգնեցնել Թուրքիայի նախագահին, կուսակցության ներկայացուցիչը պատասխանել է. «Էրդողանն անկառավարելի քաղաքական գործիչ է»։

«Մեր կուսակցության դիրքորոշումն այն է, որ դա (Սուրբ Սոֆիայի տաճարի կարգավիճակը, – խմբ.) ոչ թե համաշխարհային, այլ զուտ երկկողմ հարաբերությունների խնդիր է, երկկողմանի թեմա։ Այն վերաբերում է ուղղափառությանը, հույներին։ Նախօրեին այդ մասին խորհրդարանում խոսել է  կուսակցության ներկայացուցիչ Կիրիակոս Վելոպուլոսը», – ասել է կուսակցության ներկայացուցիչը։

«Կարծում ենք, որ Էրդողանի արձագանքն այս ուղղությամբ է, այն սադրանք է Հունաստանի դեմ», – ասել է Միլոնասը։

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

Սուրբ Սոֆիայի Տաճարը կառուցվել է VI դարում Բյուզանդիայի կայսր Հուստինիանոսի օրոք։ 1453 թվականին թուրքերի կողմից Բյուզանդական կայսրության մայրաքաղաքի գրավումից հետո Սուրբ Սոֆիայի տաճարը վերածվեց մզկիթի և մնաց այդ կարգավիճակում մինչև 1934 թվականը։ Այնուհետև Քեմալ Աթաթուրքի որոշմամբ մզկիթը դարձավ թանգարան։ Տաճարը համարվում է համաշխարհային ճարտարապետության նշանավոր հուշարձաններից մեկը և անկախ թանգարանի կարգավիճակից, շարունակում ընկալվել որպես քրիստոնեության մեծագույն սրբություններից մեկը։ Այն ներառված է ՅՈՒՆԵՍԿՕ–ի Համաշխարհային ժառանգության ցանկում։

Թանգարանի կարգավիճակը փոխելու ծրագրերը բուռն արձագանք են ստացել աշխարհի բազմաթիվ երկրներում։

356
թեգերը:
Ռեջեփ Թայիփ Էրդողան, Թանգարան, Աթաթուրք (Մուստաֆա Քեմալ), Թուրքիա, Ցեղասպանություն, Սուրբ Սոֆիայի տաճար, մզկիթ, Հունաստան
Ըստ թեմայի
Հայաստանում եզդիական տաճար կկառուցվի. հիմնարկեքի արարողությունը կկայանա սեպտեմբերին
Ինչ է կատարվում Երևանի «Կապույտ մզկիթի» դռներից այն կողմ. լուսանկարներ
Երևանը պատասխանել է Շուշիում գտնվող մզկիթը «յուրացնելու»` Բաքվի մեղադրանքներին
Լարի Քինգ

Մահացել է աշխարհահռչակ հեռուստահաղորդավար Լարի Քինգը

3
(Թարմացված է 17:41 23.01.2021)
87–ամյա հեռուստահաղորդավար Լարի Քինգն ավելի քան 50 000 հարցազրույց է անցկացրել։

ԵՐԵՎԱՆ, 23 հունվարի – Sputnik. Աշխարհահռչակ ամերիկացի հեռուստահաղորդավար Լարի Քինգը մահացել է։ Այս մասին տեղեկանում են Twitter-ում լրագրողի պաշտոնական էջից։ 

Լարի Քինգը 87 տարեկան էր։ Նա մահացել է Լոս–Անջելեսի հիվանդանոցներից մեկում։

2012 թվականի հուլիսից նա վարում է Larry King Now ծրագիրը Hulu կայքում և RT America հեռուստաալիքով։

Լարի Քինգը հայտնի է CNN-ում 1985-2010թթ. իր աշխատանքով։ Նա հարցազրույցներ է անցկացրել հայտնի քաղաքական գործիչների, գործարարների և այլ հանրահայտ մարդկանց հետ Larry King Live թոք շոուում:

Դու երբեք մենակ չես լինի. մահացել է ֆուտբոլային աշխարհում հայտնի երգիչ Ջերի Մարսդենը

Հիշեցնենք, որ հունվարի 3-ին հայտնի էր դարձել, որ Քինգը հոսպիտալացվել է, նրա մոտ կորոնավիրուս էր ախտորոշվել։ Նա շաքարային դիաբետ ուներ, ինչպես նաև սրտի խնդիրներ։

3
թեգերը:
կորոնավիրուս, հաղորդավար, Մահ, Լարի Քինգ
թեմա:
Կորոնավիրուսը աշխարհում
Ըստ թեմայի
Կորոնավիրուսից մահացել է սոցիոլոգ Ահարոն Ադիբեկյանը
Մահացել է Ազիզ Թամոյանը
Մահացել է ՀՀ գյուղատնտեսության նախկին փոխնախարարը
Ռեջեփ Թայիփ Էրդողան

«Թուրքական բանակը կարող է մի գիշեր գնալ այնտեղ». Էրդողանը սպառնացել է Սինջար մտնել

1064
(Թարմացված է 15:03 23.01.2021)
Էրդողանն օգտագործել է նույն արտահայտությունը, որն արել էր 2019 թվականի հոկտեմբերին Սիրիայի հյուսիսում քրդական ձևավորումների դեմ Թուրքիայի ԶՈւ-ի «Խաղաղության աղբյուր» գործողությունից առաջ։

ԵՐԵՎԱՆ, 23 հունվարի – Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ Անկարան պատրաստ է իրաքյան բանակի հետ Քուրդիստանի աշխատանքային կուսակցության (ՔԱԿ) անդամների դեմ համատեղ գործողություն անցկացնել Իրաքի հյուսիսում գտնվող Սինջար շրջանում։

Ավելի վաղ Թուրքիայի արտգործնախարար Խուլուսի Աքարն Իրաք կատարած այցի ժամանակ կողմ էր արտահայտվել Բաղդադի ու Էրբիլի համատեղ պայքարին Թուրքիայում արգելված ՔԱԿ-ի դեմ։

«Մենք պատրաստ ենք համատեղ (Իրաքի հետ) գործողություն իրականացնել Սինջարում։ Ինչ վերաբերում է ժամկետներին, ապա նման բաների մասին նախապես չեն խոսում», - ասել է Էրդողանը լրագրողների հետ զրույցում։

Նա ավելացրել է, որ թուրքական բանակը «կարող է մի գիշեր գնալ այնտեղ»։ Նա օգտագործել է նույն արտահայտությունը, որն արել էր 2019 թվականի հոկտեմբերին Սիրիայի հյուսիսում քրդական ձևավորումների դեմ Թուրքիայի ԶՈւ-ի «Խաղաղության աղբյուր» գործողությունից առաջ։

«Փոխել Թուրքիայի պահվածքը»․ ինչի՞ համար է Արևմուտքը պատժում Էրդողանին

Թուրքական կողմի տվյալներով՝ 2015 թվականի հուլիսին Թուրքիայի ու ՔԱԿ-ի զինված հակամարտության վերսկսելուց հետո քուրդ ապստամբների հարձակումների հետևանքով մոտ հազար զինվորական ու ոստիկան է մահացել, նաև մոտ 500 քաղաքացիական անձ։ Իրաքի հյուսիսում գտնվում են ՔԱԿ-ի բազաները, որոնց դեմ Թուրքիայի ԶՈւ-ն օդային ու ցամաքային գործողություններ է անցկացնում՝ հինգ տարվա ընթացքում չեզոքացնելով ավելի քան 10 հազար ՔԱԿ անդամ։

Մեծ խաղը շարունակվում է, կամ ի՞նչ է նշանակում Էրդողանի մասնակցությունը Բաքվի շքերթին

1064
թեգերը:
Իրաք, Թուրքիա, Ռեջեփ Թայիփ Էրդողան
Ըստ թեմայի
Եվրախորհրդարանը բանաձևով քննադատել է Թուրքիայի ապակայունացնող դերը ԼՂ–ում
Թուրքիան թուլացրել է իր դերակատարումը, բայց չպետք է մոռանալ Էրդողանի քայլերը. Պետրոսյան
Ադրբեջանն ու Թուրքիան կրկին համատեղ զորավարժություններ կանցկացնեն. տեսանյութ