Բագրատաշենի անցակետ. արխիվային լուսանկար

Վրաստանը պատրաստվում է բացել սահմանները, բայց ոչ բոլորի համար. Հայաստանից մարդ կընդունե՞ն

1128
Վրաստանի ֆինանսների նախարար Իվանե Մաչավարիանին հայտարարել է, որ Վրաստան կարող են գալ միայն սահմանափակ թվով զբոսաշրջիկներ, քանի որ կորոնավիրուսի տարածման վտանգը շատ մեծ է։

ԵՐԵՎԱՆ, 3 հուլիսի – Sputnik․ Վրաստանը սահմանների բացման ժամկետները տեղափոխել է օգոստոսի 1, սակայն երկրի իշխանությունը դեռ չի որոշել, թե որ երկրների քաղաքացիների առջև է բացելու դռները։

Ավելի վաղ Վրաստանի իշխանությունները հրաժարվել էին արտասահմանյան երկրների հետ ավիահաղորդակցությունը վերսկսելու մտադրությունից և որոշել էին հարևանների հետ էլ ցամաքային սահմանները չբացել մինչև հուլիսի 1-ը։ Այժմ նրանք որոշման ընդունումը հետաձգել են մինչև օգոստոսի 1-ը։

Վրաստանի վարչապետ Գեորգի Գախարիայի խոսքով՝ արգելքը պամանավորված է քաղաքացիների առողջության մասին հոգածությամբ։ Սակայն Թբիլիսին այնուամենայնիվ կբացի երկինքը որոշ ավիաընկերությունների համար։

Ճանապարհորդե՞լ Հայաստանում, թե՞ սպասել սահմանների բացմանը. հայկական զբոսաշրջության ներկան

Մինչ Վրաստանի իշխանությունն ընտրում է «կանաչ գոտու» երկրները, ուղևորափոխադրումներ իրականացնող ընկերություններում աշխատող վարորդները լուրեր են տարածում, թե օգոստոսի 1–ին կբացվի Հայաստան-Վրաստան սահմանը և իրենք կսկսեն աշխատել։

«Մենք չորս ամիս չենք աշխատել, պատրաստվում ենք օգոստոսի 1-ին սկսել»,- Sputnik Արմենիայի թղթակցի հետ զրույցում ասաց Վրաստանում գտնվող վարորդներից մեկը, ով չցանկացավ հրապարակել իր անունը։

Թե որտեղից իրեն նման տեղեկություն՝ վարորդը չպարզաբանեց։ Մենք համապատասխան հարցով դիմեցինք պարետատուն։ Sputnik Արմենիայի թղթակցի հետ զրույցում արտակարգ դրության պարետի մամուլի քարտուղար Վահան Հունանյանն ասաց՝ ներկա պահին սահմանների բացման կամ Հայաստանից Վրաստան և հակառակ ուղղությամբ ուղևորափոխադրման հարցում որևէ փոփոխություն չկա։

«Նախկինում ընդունված բոլոր նորմերը շարունակում են գործել առանց փոփոխությունների»,-նշեց նա։

Իսկ Վրաստանի ֆինանսների նախարար Իվանե Մաչավարիանին հայտարարել է, որ Վրաստան կարող են գալ միայն սահմանափակ թվով զբոսաշրջիկներ, քանի որ կորոնավիրուսի տարածման վտանգը շատ մեծ է։

Նա ընգծել է, որ այս տարի Վրաստանում 10 միլիոն զբոսաշրջիկի էին սպասում, սակայն համավարակի պատճառով մինչև տարեվերջ նախատեսվում է ընդունել ընդհանուր առմամբ 50 հազար արտասահմանցու։ Երկրում վախենում են, որ նրանց մեջ նույնպես կարող են COVID-19-ի վարակակիրներ լինել, ինչը բացասաբար կանդրադառնա երկրում համաճարակաբանական իրավիճակի վրա։

Էժան տուրերն անորակ են և հիասթափեցնո՞ւմ են զբոսաշրջիկներին. տուրիզմում գոյի խնդիր է

Այդ պատճառով էլ Թբիլիսին կփորձի ընտրել երկրները կամ տեղաշարժի կանոնները, ուշադրություն դարձնել թեստավորման և անվտանգության կանոնների վրա, որոնք թույլ կտան խուսափել բռնկումից։

Ավելի վաղ Տուրիզմի հայկական ֆեդերացիայի նախագահ Մեխակ Ապրեսյանը Sputnik Արմենիայի թղթակցի հետ զրույցում նշել էր, որ ՀՀ քաղաքացիների՝ Վրաստան մուտքի արգելքի հնարավոր երկարաձգումը բացասաբար կանդրադառնա երկրի զբոսաշրջության ոլորտի, հետևաբար` նաև տնտեսության վրա։ Ավելին՝ կտուժեն արտասահմանցիների համար նախատեսված տարածաշրջանային փաթեթները, որոնք մի քանի տարի շարունակ ստեղծել և գովազդել են Հայաստանի և Վրաստանի զբոսաշրջության ոլորտի ներկայացուցիչները։

Միևնույն ժամանակ, Հայաստանը Վրաստանի երեք հիմնական շուկաներից մեկն է հատկապես ամառվա ընթացքում։ Գաղտնիք չէ, որ Սև ծովի հանգստավայրերում արձակուրդն անցկացնողների մեծ մասը հենց մեր հայրենակիցներն են։

2019 թ․-ի տվյալներով՝ Վրաստան այցելողների թվով Հայաստանը երրորդ տեղն է գրավել(1 365 048 քաղաքացի)՝ Ադրբեջանից (1 526 619) և Ռուսաստանից (1 471 558) հետո։

Հիշեցնենք, որ հայ-վրացական սահմանը փակ է մարտից՝ որպես կորոնավիրուսի վարակի տարածման կանխարգելիչ միջոց։

Հայաստանը պատրաստվում է զբոսաշրջիկներ ընդունել. ինչո՞վ է զբաղված ֆեդերացիան

1128
թեգերը:
զբոսաշրջություն, Զբոսաշրջիկ, Հայաստան, Վրաստանի Հանրապետություն, կորոնավիրուս
թեմա:
Կորոնավիրուսը Չինաստանում և աշխարհում (849)
Ըստ թեմայի
Զբոսաշրջային կազմակերպությունները կառավարությունից վարկային արձակուրդ են ակնկալում
Զբոսաշրջիկներին «գցած» 25-ամյա Աննա Սահակյանն ազատության մեջ է. տուժածները դժգոհ են
Չարդարացված հույսեր․ Վրաստանի սահմանները հուլիսի 1-ից չեն բացվի զբոսաշրջիկների համար
Լաբորատորիա, արխիվային լուսանկար

Ռուսաստանի ՊՆ-ում ներկայացրել են COVID-19-ի դեմ պատվաստանյութի փորձարկման արդյունքները

5
(Թարմացված է 18:41 03.08.2020)
Կամավորների շրջանում կատարված ուսումնասիրությունները վկայում են պատվաստանյութի անվտանգության ու առանց կողմնակի ազդեցության մասին։

ԵՐԵՎԱՆ, 3 օգոստոսի – Sputnik. Բուրդենկոյի հոսպիտալում կորոնավիրուսի դեմ պատվաստանյութի փորձարկմանը մասնակցող կամավորների զննման արդյունքում իմունային պատասխան է գրանցվել։ Տեղեկությունը հայտնում է Ռուսաստանի պաշտպանության նախարարության մամուլի ծառայությունը։

Կլինիկական փորձարկումների մասնակիցների ամփոփիչ զննումն իրականացվել է օգոստոսի 3-ին։

«Հետազոտության արդյունքը հստակ ցույց է տվել, որ կամավորների մոտ պատվաստումից հետո ակնհայտ իմունային պատասխան կա։ Որևէ կողմնակի ազդեցություն կամ շեղումներ նրանց օրգանիզմում չի բացահայտվել», - նշված է հաղորդագրության մեջ։

Ռուսաստանում զանգվածային պատվաստումը կմեկնարկի հոկտեմբերին. նախարարն ասել է` ումից կսկսեն

Հետազոտության տվյալները թույլ են տալիս ասել, որ պատվաստանյութն անվտանգ է, մարդիկ այն լավ են տանում։

Փորձն անցկացվել է հունիսի 3-ից հուլիսի 20-ն ընկած ժամանակահատվածում, կամավորները գտնվել են Բուրդենկոյի անվան հոսպիտալի բժիշկների մշտական հսկողության տակ։

Կորոնավիրուսի դեմ առաջին պատվաստանյութը պատրաստ է․ ՌԴ պաշտպանության փոխնախարար

5
թեգերը:
պատվաստանյութ, կամավոր, Ռուսաստան, կորոնավիրուս
թեմա:
Կորոնավիրուսը Չինաստանում և աշխարհում (849)
Ըստ թեմայի
Ռուսաստանում հայտնել են COVID-19-ի պատվաստանյութի փորձարկման 3–րդ փուլի կամավորների թիվը
ՌԴ–ում Covid-19-ի դեմ պատվաստանյութի փորձարկում անցած կամավորները տուն գնացին. տեսանյութ
Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը
Նուբար Աֆեյանի ընկերությունը սկսել է Covid-19-ի դեմ պատվաստանյութի փորձարկման 3-րդ փուլը
Ինքնաթիռ, արխիվային լուսանկար

Առաջիկա օրերին ՌԴ-ից միանգամից 3 չարտերային չվերթ կիրականացվի

26
(Թարմացված է 18:08 03.08.2020)
Չարտերային չվերթներից երկուսը նախատեսված է Մոսկվա-Երևան, մեկը՝ Կալուգա - Երևան ուղղություններով:

ԵՐԵՎԱՆ, 3 օգոստոսի - Sputnik. Ռուսաստանում ՀՀ դեսպանատնից հայտնում են, որ «Aircompany Armenia» ավիաընկերությունն առաջիկա օրերին կիրականացնի 3 չարտերային չվերթ՝ Մոսկվա-Երևան և Կալուգա - Երևան ուղղություններով:

Հայաստանից հայրենիք է վերադարձել ևս 158 ռուսաստանցի

«Տոմսերն ազատ վաճառքի սկզբունքով կարելի է ձեռք բերել ընկերության կայքից (armeniafly.com), կամ ընկերության երևանյան գրասենյակից (հասցե՝ Վ․Սարգսյանի 10)։ Մոսկվա-Երևան չվերթների տոմսերի արժեքը՝ սկսած 14 հազ․ 500 ռուբլի, իսկ Կալուգա-Երևան չվերթի տոմսի արժեքը՝ սկսած 10 հազ․ 700 ռուբլի»,- նշված է հաղորդագրության մեջ։

Մոսկվա-Երևան առաջին չվերթը նախատեսված է օգոստոսի 7-ին՝ ժամը 12։30-ին՝ «Վնուկովո» օդանավակայանից, Կալուգա - Երևան չվերթը՝ օգոստոսի 10-ին՝ ժամը 10։30-ին՝ «Կալուգա» միջազգային օդանավակայանից: Մոսկվայից դեպի Երևան ևս մեկ չվերթ նախատեսված է օգոստոսի 11-ին՝ ժամը 12։30-ին՝ դարձյալ «Վնուկովո» օդանավակայանից:

4 չվերթ՝ 2 օրում. օդային փոխադրումներն աստիճանաբար աշխուժանում են

26
թեգերը:
ուղևոր, տոմս, չվերթ, Կալուգա, Մոսկվա, Երևան, Հայաստան
Ըստ թեմայի
Մոսկվայից դեպի Երևան ու Գյումրի չարտերային չվերթեր կլինեն
Երևան–Մոսկվա չվերթ. Հայաստանից Ռուսաստան են վերադարձել ևս 112 քաղաքացի
Երևան-Մոսկվա երկու չվերթ․ Հայաստանում Ռուսաստանի դեսպանատունը մանրամասներ է ներկայացրել
Մինսկ-Երևան չվերթի ուղևորի ուղեբեռում թմրանյութեր են հայտնաբերվել
Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

12
(Թարմացված է 18:42 03.08.2020)
Գեներալ-լեյտենանտը համապատասխան հանձնարարականներ է տվել ստորաբաժանումների հրամանատարներին։

ԵՐԵՎԱՆ, 3 հուլիսի – Sputnik. ՀՀ զինված ուժերի գլխավոր շտաբի պետ, գեներալ-լեյտենանտ Օնիկ Գասպարյանն օգոստոսի 1-ին շրջայց է կատարել 4-րդ և 5-րդ զորամիավորումներ: Տեղեկությունը հայտնում է ՀՀ պաշտպանության նախարարության մամուլի ծառայությունը։

Շրջայցի ընթացքում ստուգվել են զորամիավորումների զորամասերի պատրաստության և պատրաստականության աստիճանը, իրականացված միջոցառումները, տարբեր իրադրություններում հրամանատարների գործելու և ստորաբաժանումների գործողությունները ղեկավարելու կարողությունները։

ՀՀ պաշտպանության նախարարությունը հերքում է թուրքական կործանիչների մասին լուրերը

Զորամիավորումների հրամանատարները ԶՈւ գլխավոր շտաբի պետին զեկուցել են սահմանագոտում տիրող իրավիճակի, անձնակազմի ֆիզիկական, մարտական ու բարոյահոգեբանական պատրաստության մակարդակի և ստորաբաժանումներին առաջադրված խնդիրների մասին: Այցի ավարտին գեներալ-լեյտենանտ Օնիկ Գասպարյանը համապատասխան հանձնարարականներ է տվել ստորաբաժանումների հրամանատարներին:

Ինչպես է անցել գիշերը Տավուշի սահմանին. ՀՀ ՊՆ խոսնակը տեղեկություններ է հայտնել

12
թեգերը:
Օնիկ Գասպարյան, Հայաստան
Ըստ թեմայի
Խոցված դրոնների ուժեղ և թույլ կողմերը. արժե՞ վախենալ թուրքական ԱԹՍ-ներից
ՀՀ զինված ուժերում հանկարծակի ստուգումներ են անցկացվել. ՊՆ
«Քանի դեռ ուշ չէ»–ն ե՞րբ է. Տոնոյանը պատասխանել է Ալիևին. տեսանյութ