Փիղ

Աֆրիկայում 350 փիղ է սատկել. պատճառներից մեկը կարող է կորոնավիրուսը լինել

75
(Թարմացված է 17:39 02.07.2020)
Մասնագետները տարօրինակ են համարում այն, որ գիշատիչ թռչունները չեն մոտենում փղերի դիերին։

ԵՐԵՎԱՆ, 2 հուլիսի - Sputnik. Աֆրիկայի հարավում գտնվող Բոտսվանա երկրում դեռևս չպարզված հանգամանքներում 350 փիղ է սատկել։ Այս մասին հայտնում է բրիտանական The Guardian թերթը։

Թերթը գրում է, որ Բոտսվանայում փղերի անկման դեպքերը սկսել են գրանցվել մարտից։ Մայիսին բնապահպանական կազմակերպությունների ներկայացուցիչները հաշվել են փղերի 169 դիակ, իսկ հունիսի վերջին՝ արդեն 350: Վայրի բնության պահպանման մասնագետներն այս զանգվածային ոչնչացումը աղետ են որակում:

Նրանք սիրել գիտեն. փղերը խեղդվել են հանուն փոքրիկ փղիկի փրկության. լուսանկար

«Սա աննախադեպ երևույթ է։ Մահանում են թե՛ երիտասարդ, թե՛ ծեր փղերը, թե՛ արուները, և թե՛ էգերը։ Կենդանիների մեծ մասը նվաղ տեսք ունեն, ինչը նշանակում է, որ մահը վրա է հասել օրգանիզմի աստիճանական թուլացմամբ», - թերթին հայտնել է բրիտանացի բնապահպան Նեյլ Մըք Քանը:

Թե ինչից են մահանում փղերը, դեռ անհայտ է: Բնապահպանները մահվան մի քանի պատճառ է նշվում։ Ենթադրվում է, որ փղերին ցիանիդով թունավորել են որսագողերը։ Սակայն այս տարբերակը քիչ հավանական է, քանի որ փղերի ժանիքները, որոնք շուկայում թանկ արժեն, տեղում են։ Տարբերակներից մյուսը փղերի՝ սիբիրախտով վարակվելն է, մեկ այլ վարկածով փղերի անկման պատճառը կարող է լինել կորոնավիրուսը։

«Մեզ տեղի բնակիչները հայտնեցին, որ փղերը իրար հետևից շրջաններ գծելով են քայլել։ Դա խոսում է նյարդային խնդիրների մասին։ Բացի այդ, տարօրինակ է, որ փղերի դիակներին չեն մոտենում գիշատիչ թռչունները։ Հավանաբար, կենդանիների օրգանիզմներում տոքսիններ կան, ինչն էլ վանում է թռչուններին», - The Guardian-ին հայտնել է բրիտանացի բնապահպանը։

Նա չի բացառել նաև, որ փղերը կարող են նոր, դեռևս մարդկությանը անհայտ ախտով վարակված լինել, ինչը մարդկանց համար ևս կարող է վտանգավոր լինել։

Վարկածներից որևէ մեկը ո՛չ հաստատվել է, ո՛չ էլ՝ հերքվել: Լաբորատոր փորձաքննությունները սկսվել են, որոնց արդյունքները դեռ հայտնի չեն: Դրանք ձգձգվում են կորոնավիրուսի համավարակի և երկրի առողջապահական համակարգի ծանրաբեռնվածության պատճառով։

Բոտսվանայում ապրում են աշխարհում ամենաշատ թվով փղերը՝ շուրջ 130 հազար: 2014-ին երկրում արգելվեց փղերի որսը, սակայն 2019-ին կրկին թույլատրվեց, քանի որ կենդանիները զանգվածաբար սկսել էին հարձակվել մարդկանց վրա։ 2020-ին, սակայն, փղերի պաշտոնական որսաշրջանը չի բացվել կորոնավիրուսի պատճառով։

Թե ինչպես գերմանացին «հայկական փղին» «սառցային» դարձրեց

75
թեգերը:
կորոնավիրուս, Աֆրիկա, փիղ
Ըստ թեմայի
Փիղը կոտրել է ավտոմեքենայի ապակին և կաթվածահար արել ուղևորներին. տեսանյութ
ԶԼՄ. զբոսաշրջիկին սպանել է փիղը
Թբիլիսիում «բնակվող» Գրանդ փիղը ВВС–ի ֆիլմի հերոս կդառնա. Տեսանյութ
Արգելոցից փախած փիղը 15 մեքենա է վնասել
Գամալեայի անվան համաճարակաբանության և միկրոկենսաբանության ազգային հետազոտական կենտրոն

ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա

10
(Թարմացված է 13:32 04.08.2020)
Գամալեայի անվան համաճարակաբանության և միկրոկենսաբանության ազգային հետազոտական կենտրոնն արդեն փաստաթղթեր է պատրաստում թեստավորում անցկացնելու համար։

ԵՐԵՎԱՆ, 4 օգոստոսի — Sputnik. 2021 թվականի հունվար-փետրվարին Գամալեայի անվան համաճարակաբանության և միկրոկենսաբանության ազգային հետազոտական կենտրոնը սկսելու է կորոնավիրուսի դեմ պատվաստանյութը փորձարկել երեխաների վրա։ ՌԻԱ Նովոստիի փոխանցմամբ՝ տեղեկությունը հայտնել է կենտրոնի տնօրեն Ալեքսանդր Գինցբուրգը։

Նրա խոսքով՝ այժմ անհրաժեշտ փաստաթղթեր են պատրաստվում, քանի որ նախկինում կենտրոնը երբեք երեխաների վրա փորձարկումներ չի անցկացրել։

«Մանկաբույժները գիտեն այդ նրբությունները, նրանց հետ հիմա փաստաթղթերի փաթեթ ենք կազմում, որը կներկայացնենք առողջապահության նախարարությանը՝ երեխաների վրա փորձարկումներ անցկացնելու համար», - ասել է Գինցբուրգը։

Ընդ որում՝ նա ընդգծել է, որ փորձարկումները կսկսվեն միայն մեծահասակների վրա փորձարկումների ավարտից հետո։

Գինցբուրգն ավելացրել է, որ թեստավորումը կսկսեն միայն ձմռանը, քանի որ մեծահասակների վրա COVID-19-ի դեմ պատվաստանյութի երրորդ փուլը մոտ հինգ ամիս կտևի։ Դրան մոտ երկու հազար պացիենտ է մասնակցելու։

Ավելի վաղ Ռուսաստանի առողջապահության նախարար Միխայիլ Մուրաշկոն հայտնել էր, որ Գամալեայի անվան համաճարակաբանության և միկրոկենսաբանության ազգային հետազոտական կենտրոնի մշակած պատվաստանյութի կլինիկական փորձարկումներն ավարտվել են։

«Պատվաստանյութերի մրցավազք»․ ինչու՞ է Արևմուտքը մեղադրում Ռուսաստանին

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
Համաշխարհային վիճակագրության Worldometer կայքի տվյալներով՝ այսօրվա դրությամբ աշխարհում կորոնավիրուսի հայտնաբերված դեպքերի թիվը հասել է 18,4 միլիոնի: Մահացել է ավելի քան 697 հազար մարդ։
Օպերատիվ շտաբի պաշտոնական տվյալներով՝ Ռուսաստանում COVID-19-ի հաստատված դեպքերի քանակը հասել է 891 423–ի, 14 351 մարդ կորոնավիրուսի զոհ է դարձել։

Ռուսաստանի ՊՆ-ում ներկայացրել են COVID-19-ի դեմ պատվաստանյութի փորձարկման արդյունքները

10
թեգերը:
երեխա, կորոնավիրուս, Ռուսաստան
թեմա:
Կորոնավիրուսը աշխարհում
Ըստ թեմայի
Ռուսաստանում հաջողությամբ փորձարկել են կորոնավիրուսի դեմ պատվաստանյութը
Ռուսաստանի հիվանդանոցները ստացել են կորոնավիրուսի դեմ դեղամիջոցի առաջին խմբաքանակը
Կորոնավիրուսի դեմ պայքարում Ռուսաստանն առաջընթաց է գրանցում. Պուտին
Մարինա Կոխալ

Մասնատված ռեփերի կնոջ մասնակցությամբ քննչական փորձ է արվել. տեսանյութ

25
(Թարմացված է 12:16 04.08.2020)
Տեսանյութում երևում է՝ ինչպես են ամուսնու սպանության մեջ մեղադրվող Կոխալին բերում բնակարան, որտեղ հայտնաբերվել էր Էնդի Կարտրայտի մասնատված մարմինը։

ԵՐԵՎԱՆ, 4 օգոստոսի — Sputnik. Ռուսաստանի քննչական կոմիտեն տեսանյութ է հրապարակել, որը նկարահանվել է մահացած ռեփեր Էնդի Կարտրայտի (Ալեքսանդր Յուշկո) կնոջ՝ Մարինա Կոխալի մասնակցությամբ քննչական փորձի ժամանակ։

Տեսանյութում երևում է՝ ինչպես են կնոջը ձեռնաշղթաներով բերում բնակարան, որտեղ հայտնաբերվել է ռեփերի մասնատված դին։ Մասնավորապես, Կոխալը ցույց է տվել քննիչներին այն բազմոցը, որի վրա իբր թե ամուսնուն մահացած է հայտնաբերել։

Ռեփ կատարող Էնդի Կարտրայտի դին մասնատված վիճակում հայտնաբերվել էր Սանկտ Պետերբուրգի կենտրոնում գտնվող բնակարանում հուլիսի 29-ին։

Մարինա Կոխալը կալանավորված է մինչ սեպտեմբերի 30-ը։ Քննիչները պնդում են, որ նա դեռևս չպարզված եղանակով սպանել է Յուշկոյին Նևսկի պողատայում գտնվող բնակարանում, հետո մասնատել դին՝ հանցագործության հետքերը թաքցնելու նպատակով։

Թեև Կարտրայտի մահվան մասին հայտի է դարձել հուլիսի 30-ին, Կոխալն ասել է, որ ամուսինը չորս օր առաջ է մահացել թմրանյութերի չարաշահումից, որից հետո իքը մասնատել է ամուսնուն՝ նրա «խայտառակ մահը» թաքցնելու համար։

Հայտնի ռեփերի սպանությանը միայն կինը չէ, որ մասնակից է եղել. մանրամասներ են հայտնի դարձել

Հարուցված է քրեական գործ ՌԴ Քրեական օրենսգրքի 105 հոդվածի 1–ին մասին հատկանիշներով՝ «սպանություն»։

Վարկածներից մեկի համաձայն՝ Կոխալը սպանել է ամուսնուն խանդի հողի վրա, երբ իմացել է, որ նա սիրուհի ունի։

Ուրիշ կին․ մասնատված ռեփերը պատրաստվում էր բաժանվել կնոջից և ապրել սիրուհու հետ

25
թեգերը:
Կին, Էնդի Կարտրայտ, Սպանություն
Ըստ թեմայի
Եղբայրը նախ խեղդել, ապա գլխատել է քրոջը․ Երևանում կատարված սարսափելի սպանության հետքերով
Սահմռկեցուցիչ սպանություն Երևանում. եղբայրը գլխատել է քրոջը
Զարհուրելի սպանություն Վանաձորում. որդին սպանել է մորը, մասնատել նրա մարմինը և այրել
«Հայփոստ»

Ավազակային հարձակում «Հայփոստում». տղամարդը սպառնացել է զենքով ու գումար պահանջել

40
(Թարմացված է 14:47 04.08.2020)
Զինված ավազակային հարձակում իրագործած տղամարդը, ըստ տեղեկությունների, Երևանի բնակիչ է, 33 տարեկան։

ԵՐԵՎԱՆ, 4 օգոստոսի – Sputnik. Քիչ առաջ զինված ավազակային հարձակում է տեղի ունեցել Երևանում։ Մի տղամարդ՝ ատրճանակով զինված, մտել է Մալաթիա-Սեբաստիա վարչական շրջանի Րաֆֆու փողոցի 83 շենքում գործող «Հայփոստի» գրասենյակ և զենքի սպառնալիքի տակ գումար պահանջել աշխատակիցներից։ Տեղեկությունը հայտնում է shamshyan.com–ը։

Ըստ կայքի` այդ պահին նշված վայրում են եղել ոստիկանության Մալաթիայի բաժնի համայնքային ոստիկանության և «Զվարթնոց» օդանավակայանի ոստիկանության գծային բաժնի ծառայողները, որոնք կարողացել են հետապնդել ու վնասազերծել զինված քաղաքացուն։ Վերջինս բերման է ենթարկվել ոստիկանության Մալաթիայի բաժին։

Դեպքի վայրում հայտնաբերվել է հանցագործության գործիք ատրճանակը։

Ավազակային հարձակում Սյունիքում. դանակի սպառնալիքով կնոջից զարդեր ու հեռախոս են գողացել

Փաստի առթիվ քրեական գործ է հարուցվել ավազակային հարձակում կատարելու հատկանշներով։

Կայքի տեղեկություններով՝ վնասազերծված քաղաքացին Երևանի բնակիչ 33-ամյա Հովհաննես Կարապետյանն է։

Ավազակային հարձակում է կատարվել Երևանի հանրախանութներից մեկում. տեսանյութ

40
թեգերը:
ավազակային հարձակում, ՀայՓոստ, Երևան, Հայաստան
թեմա:
Վթար, պատահար, սպանություն, գողություն
Ըստ թեմայի
Ավազակային հարձակում Գավառում. 25-ամյա աղջիկը խլել է ատրճանակն ու դիմել ինքնապաշտպանության
Ավազակային հարձակում Արմավիրի մարզում. դիմակավորված անձինք ներխուժել են մթերային խանութ
Ավազակային հարձակում Գյումրիում. դիմակավորված անձինք ծեծել են թոշակառու կնոջը