Yerevan Food Fest

Որ մթերքներն են «օգնում» մարդուն արագ ծերանալ

513
(Թարմացված է 20:48 28.06.2020)
Սպիտակուցի պակասի դեպքում նկատվում է մկանային զանգվածի նվազում, իսկ անբավարարության դեպքում` իմունիտետի անկում։

ԵՐԵՎԱՆ, 28 հունիսի –Sputnik. «Առողջ և սպորտային սնունդ» կենտրոնի սննդաբան Թամարա Պրունցևան ասել է, թե որ մթերքներն կարող են վաղաժամ ծերության հանգեցնել։ Տեղեկությունը հայտնում է «Արգումենտի ի ֆակտին»։

Սննդաբանի խոսքով` վնասակար են համարվում չափից ավելի վերամշակված մթերքները, որոնք առնվազն հինգ հավելում են պարունակում` գունանյութեր, կոնսերվանտներ, սննդային բուրավետիչներ, խտացուցիչներ և այլն։ Այս կատեգորիային են դասվում քաղցր գազավորված ըմպելիքները, նրբերշիկները, երշիկները, կոտլետները, թխվածքեղենը, քաղցր չոր նախաճաշերն ու կաթնային աղանդերը։

«Սովրաբար սպիտակուցի պակաս է առաջանում այն մարդկանց մոտ, որոնք հաճախ են վերամշակված մթերք օգտագործում։ Համբուրգերի կոտլետը, հում ապխտած երշիկը կամ նրբերշիկը շատ քիչ սպիտակուց, սակայն շատ ճարպ և տարատեսակ հավելումներ են պարունակում, որոնք սրում են համը», – նշեց Պրունցևան։

Կզովացնի ամռանը, կջերմացնի ցրտին. գիտնականները «խելացի» գործվածք են ստեղծել

Սպիտակուցի պակասի դեպքում նկատվում է մկանային զանգվածի նվազում, իսկ անբավարարության դեպքում` սպիտակուցազուրկ այտուցների զարգացում և իմունիտետի անկում։

513
թեգերը:
գիտնական, Կաթնամթերք, Սննդամթերք, մթերք, ծեր
Ըստ թեմայի
Կորոնավիրուսի կարող է վտանգավոր լինել սրտի համար. ռուս գիտնական
Գիտնականները զգուշացրել են` ապաքինվելուց հետո կորոնավիրուսի հակամարմիններն անհետանում են
Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները
Գամալեայի անվան համաճարակաբանության և միկրոկենսաբանության ազգային հետազոտական կենտրոն

ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա

6
(Թարմացված է 13:32 04.08.2020)
Գամալեայի անվան համաճարակաբանության և միկրոկենսաբանության ազգային հետազոտական կենտրոնն արդեն փաստաթղթեր է պատրաստում թեստավորում անցկացնելու համար։

ԵՐԵՎԱՆ, 4 օգոստոսի — Sputnik. 2021 թվականի հունվար-փետրվարին Գամալեայի անվան համաճարակաբանության և միկրոկենսաբանության ազգային հետազոտական կենտրոնը սկսելու է կորոնավիրուսի դեմ պատվաստանյութը փորձարկել երեխաների վրա։ ՌԻԱ Նովոստիի փոխանցմամբ՝ տեղեկությունը հայտնել է կենտրոնի տնօրեն Ալեքսանդր Գինցբուրգը։

Նրա խոսքով՝ այժմ անհրաժեշտ փաստաթղթեր են պատրաստվում, քանի որ նախկինում կենտրոնը երբեք երեխաների վրա փորձարկումներ չի անցկացրել։

«Մանկաբույժները գիտեն այդ նրբությունները, նրանց հետ հիմա փաստաթղթերի փաթեթ ենք կազմում, որը կներկայացնենք առողջապահության նախարարությանը՝ երեխաների վրա փորձարկումներ անցկացնելու համար», - ասել է Գինցբուրգը։

Ընդ որում՝ նա ընդգծել է, որ փորձարկումները կսկսվեն միայն մեծահասակների վրա փորձարկումների ավարտից հետո։

Գինցբուրգն ավելացրել է, որ թեստավորումը կսկսեն միայն ձմռանը, քանի որ մեծահասակների վրա COVID-19-ի դեմ պատվաստանյութի երրորդ փուլը մոտ հինգ ամիս կտևի։ Դրան մոտ երկու հազար պացիենտ է մասնակցելու։

Ավելի վաղ Ռուսաստանի առողջապահության նախարար Միխայիլ Մուրաշկոն հայտնել էր, որ Գամալեայի անվան համաճարակաբանության և միկրոկենսաբանության ազգային հետազոտական կենտրոնի մշակած պատվաստանյութի կլինիկական փորձարկումներն ավարտվել են։

«Պատվաստանյութերի մրցավազք»․ ինչու՞ է Արևմուտքը մեղադրում Ռուսաստանին

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
Համաշխարհային վիճակագրության Worldometer կայքի տվյալներով՝ այսօրվա դրությամբ աշխարհում կորոնավիրուսի հայտնաբերված դեպքերի թիվը հասել է 18,4 միլիոնի: Մահացել է ավելի քան 697 հազար մարդ։
Օպերատիվ շտաբի պաշտոնական տվյալներով՝ Ռուսաստանում COVID-19-ի հաստատված դեպքերի քանակը հասել է 891 423–ի, 14 351 մարդ կորոնավիրուսի զոհ է դարձել։

Ռուսաստանի ՊՆ-ում ներկայացրել են COVID-19-ի դեմ պատվաստանյութի փորձարկման արդյունքները

6
թեգերը:
երեխա, կորոնավիրուս, Ռուսաստան
թեմա:
Կորոնավիրուսը աշխարհում
Ըստ թեմայի
Ռուսաստանում հաջողությամբ փորձարկել են կորոնավիրուսի դեմ պատվաստանյութը
Ռուսաստանի հիվանդանոցները ստացել են կորոնավիրուսի դեմ դեղամիջոցի առաջին խմբաքանակը
Կորոնավիրուսի դեմ պայքարում Ռուսաստանն առաջընթաց է գրանցում. Պուտին
Մարինա Կոխալ

Մասնատված ռեփերի կնոջ մասնակցությամբ քննչական փորձ է արվել. տեսանյութ

24
(Թարմացված է 12:16 04.08.2020)
Տեսանյութում երևում է՝ ինչպես են ամուսնու սպանության մեջ մեղադրվող Կոխալին բերում բնակարան, որտեղ հայտնաբերվել էր Էնդի Կարտրայտի մասնատված մարմինը։

ԵՐԵՎԱՆ, 4 օգոստոսի — Sputnik. Ռուսաստանի քննչական կոմիտեն տեսանյութ է հրապարակել, որը նկարահանվել է մահացած ռեփեր Էնդի Կարտրայտի (Ալեքսանդր Յուշկո) կնոջ՝ Մարինա Կոխալի մասնակցությամբ քննչական փորձի ժամանակ։

Տեսանյութում երևում է՝ ինչպես են կնոջը ձեռնաշղթաներով բերում բնակարան, որտեղ հայտնաբերվել է ռեփերի մասնատված դին։ Մասնավորապես, Կոխալը ցույց է տվել քննիչներին այն բազմոցը, որի վրա իբր թե ամուսնուն մահացած է հայտնաբերել։

Ռեփ կատարող Էնդի Կարտրայտի դին մասնատված վիճակում հայտնաբերվել էր Սանկտ Պետերբուրգի կենտրոնում գտնվող բնակարանում հուլիսի 29-ին։

Մարինա Կոխալը կալանավորված է մինչ սեպտեմբերի 30-ը։ Քննիչները պնդում են, որ նա դեռևս չպարզված եղանակով սպանել է Յուշկոյին Նևսկի պողատայում գտնվող բնակարանում, հետո մասնատել դին՝ հանցագործության հետքերը թաքցնելու նպատակով։

Թեև Կարտրայտի մահվան մասին հայտի է դարձել հուլիսի 30-ին, Կոխալն ասել է, որ ամուսինը չորս օր առաջ է մահացել թմրանյութերի չարաշահումից, որից հետո իքը մասնատել է ամուսնուն՝ նրա «խայտառակ մահը» թաքցնելու համար։

Հայտնի ռեփերի սպանությանը միայն կինը չէ, որ մասնակից է եղել. մանրամասներ են հայտնի դարձել

Հարուցված է քրեական գործ ՌԴ Քրեական օրենսգրքի 105 հոդվածի 1–ին մասին հատկանիշներով՝ «սպանություն»։

Վարկածներից մեկի համաձայն՝ Կոխալը սպանել է ամուսնուն խանդի հողի վրա, երբ իմացել է, որ նա սիրուհի ունի։

Ուրիշ կին․ մասնատված ռեփերը պատրաստվում էր բաժանվել կնոջից և ապրել սիրուհու հետ

24
թեգերը:
Կին, Էնդի Կարտրայտ, Սպանություն
Ըստ թեմայի
Եղբայրը նախ խեղդել, ապա գլխատել է քրոջը․ Երևանում կատարված սարսափելի սպանության հետքերով
Սահմռկեցուցիչ սպանություն Երևանում. եղբայրը գլխատել է քրոջը
Զարհուրելի սպանություն Վանաձորում. որդին սպանել է մորը, մասնատել նրա մարմինը և այրել
Գորդոնը կնոջ հետ

Հանրահայտ հաղորդավար Ալեքսանդր Գորդոնը բաժանվել է երիտասարդ կնոջից

0
(Թարմացված է 14:22 04.08.2020)
Չորրորդ ամուսնությունը նույնպես երջանկություն չբերեց հայտնի հեռուստահաղորդավարին: Հայտնի է, որ ամուսնալուծության դիմումը ներկայացրել է կինը։

ԵՐԵՎԱՆ, 4 օգոստոսի - Sputnik. Ռուսական Առաջին ալիքի հաղորդավար Ալեքսանդր Գորդոնը և նրա երիտասարդ կինը՝ Նոզանին Աբդուլվասիևան, գաղտնի խզել են ամուսնությունը։ Տեղեկությունը հայտնում է Starhit–ը։

Ըստ կայքի` Աբդուլվասիևան ամուսնալուծության դիմում է ներկայացրել հունիսին, դատարանը մեկ ամիս անց պաշտոնապես խզել է նրանց ամուսնությունը:

«Ամուսինների միջև ոչ մի վեճ չի եղել, ալիմենտի և գույքի վերաբերյալ բոլոր հարցերը լուծվել են մինչդատական կարգով», — հայտնել են դատարանի մամուլի ծառայությունից։

Հիշեցնենք` նրանք ամուսնացել էին 2014-ին, երբ Աբդուլվասիևան 20 տարեկան էր, Գորդոնը` 50։ Սա հայտնի հաղորդավարի չորրորդ ամուսնությունն էր, որի արդյունքում լույս աշխարհ եկան Ալեքսանդրն ու Ֆյոդորը ( մեկը 6 տարեկան է, մյուսը` երեք)։

Երբ կորոնավիրուսի տարածման պատճառով ինքնամեկուսացման ռեժիմ էր հայտարարվել, Աբդուլվասիևան գրել էր, որ հոգնել է երեխաների հետ ինտենսիվ ժամանակ անցկացնելուց: Նա նաև նշել էր, որ պարբերաբար խտրականության է ենթարկվում ազգային պատկանելության պատճառով (Աբդուլվասիևան տաջիկ է, բայց ծնվել է Մոսկվայում)։

Հաղորդավար, լրագրող և դերասան Ալեքսանդր Գորդոնը հիմա 56 տարեկան է։ Աշխատել է NTV–ում: 1989-ին կնոջ և դստեր հետ արտագաղթել էր ԱՄՆ, 1997-ին` վերադարձել Ռուսաստան։

Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար

0
թեգերը:
Ալեքսանդր Գորդոն, ամուսնալուծություն
Ըստ թեմայի
«Տիեզերքի լավագույն տղամարդը». Աննա Սեդոկովան 3-րդ անգամ է ամուսնանում
Վալերիայի կրտսեր որդին ամուսնանում է Լիանա Վոլկովայի հետ. կրեատիվ առաջարկության տեսանյութը
«Եթե ամուսնության առաջարկ անի, կհամաձայնեմ». Լոլիտան պատմել է նոր հարաբերությունների մասին