Նորաձևության ցուցադրություն. արխիվային լուսանկար

«Վախ, ցավդ տանեմ»․ Սիրադեկյանի դրոշներով կոշիկների հավաքածուն գերել է հետևորդներին

154
(Թարմացված է 23:50 22.06.2020)
Թե ինչ անակնկալ է պատրաստում Ալեքսանդր Սիրադեկյանը, դեռ հայտնի չէ, սակայն նրա նոր հավաքածուն իրարանցում է առաջացրել նորաձևության աշխարհում։

ԵՐԵՎԱՆ, 22 հունիսի – Sputnik. Ռուսաստանցի դիզայներ Ալեքսանդր Սիրադեկյանը «Աշխարհն առանց սահմանների» կոշիկների հավաքածու է ստեղծել․ կոշիկների վրա պատկերված են տարբեր երկրների, այդ թվում Հայաստանի դրոշները։ Նա իր աշխատանքի լուսանկարը հրապարակել է Instagram-ի իր էջում։

View this post on Instagram

World without borders 🌍 #aleksandersiradekian #new #armenia

A post shared by aleksandersiradekian (@aleksandersiradekian) on

«Աշխարհն առանց սահմանների», - գրել է դիզայներն ու լուսանկարն ուղեկցել է «Նոր, Հայաստան» հեշթեգներով։

Բաժանորդները հիացած են Սիրադեկյանի հավաքածուով, ինչը զարմանալի չէ։ 10+ բարձրություն ունեցող բարձրակրունկ կոշիկները միշտ էլ նորաձև են։

«Վախ, ցավդ տանեմ։ Այսպես կասեին բարեկամներս, այդ թվում՝ ես, եթե տեսնեին այս հրաշքը, Հզոր գաղափար է, հիանալի է։ Հայաստան», - գրում են երկրպագուները տարբեր երկրներից։

Սիադեկյանը նաև Վրաստանի դրոշով կոշիկների լուսանկար է հրապարակել։ Իսկ Ռուսաստանի օրվա կապակցությամբ՝ ՌԴ եռագույնով կոշիկ։

Հավաքածուում նաև կան կոշիկներ ԱՄՆ-ի, Մեծ Բրիտանիայի, Իսրայելի, Իտալիայի, ԵՄ և այլ դրոշներով։

View this post on Instagram

Happy Russia day 🇷🇺

A post shared by aleksandersiradekian (@aleksandersiradekian) on

Սիրադեկյանը ծնվել է Վրաստանի մայրաքաղաքում 1978 թվականին։ Այժմ նա Մոսկվայում է բնակվում։ Նրա աշխատանքները գրավել են Քսենյա Սոբչակի, Կետի Տոպուրիայի և այլ հայտնիների սրտերը։

154
թեգերը:
հայ, նորաձևություն, եռագույն դրոշ, դրոշ, Կին, կոշիկ
Ըստ թեմայի
Լերա Կուդրյավցևան հայ դիզայների կարած շքեղ զգեստով լուսանկարվել է նախկին սիրեցյալի հետ
«Ոչ, չեմ զղջում». ինչպես համշենահայը դարձավ դիզայներ ու հիմա ուզում է աշխատել Լոպեսի հետ
Հայ դիզայները ոճային դիմակներ է հորինել. որն է դրանց գաղտնիքը
Դոլար

Հեռուստամարաթոն 2020-ի արդյունքում 22 միլիոն դոլարից ավելի գումար է հանգանակվել

18
(Թարմացված է 11:38 27.11.2020)
Շուրջ 100 000 արցախցի աջակցություն կստանա` կապահովվեն բնակարաններով և 1 տարվա համար անհրաժեշտ կենցաղային պարագաներով։

ԵՐԵՎԱՆ, 27 նոյեմբերի – Sputnik. Նոյեմբերի 26-ին` Գոհաբանության օրը, Լոս Անջելեսում տեղի է ունեցել 23–րդ ամենամյա հեռուստամարաթոնը, որի կարգախոսն էր «Համախմբվածություն, ուժ, հավատ»: ԱՄՆ հայ համայնքի համախմբվածության շնորհիվ հանգանակվել է 22 990 898 դոլար։

«Արցախում և Հայաստանում տիրող իրավիճակով պայմանավորված՝ հանգանակություններն ուղղվելու են Արցախից տեղահանված և զինվորների ընտանիքների աջակցմանը։ Շուրջ 100 000 մարդ աջակցություն կստանան` կապահովվեն բնակարաններով և 1 տարվա համար անհրաժեշտ կենցաղային պարագաներով, ինչպես նաև կկազմակերպվի տեղահանված երեխաների պատշաճ կրթությունը»,– նշել է ԱՄՆ–ի «Հայաստան» հիմնադրամի ատենապետ Մարիա Մեհրանյանը:

Սեպտեմբերի 27–ից ԱՄՆ հայ համայնքն ամենաակտիվ մասնակցությունն է ունեցել հայրենիքի փրկության համար կազմակերպված դրամահավաքին և մինչև հեռուստամարաթոնն արդեն իսկ 80 մլն ԱՄՆ դոլարի նվիրաբերություն էր արել:

Հիշեցնենք, որ նոյեմբերի 22–ին սկսված Ֆրանսիական հեռախոսամարաթոնի շրջանակներում արդեն հանգանակվել էր շուրջ 3.132.000 դոլար:

«Ինձ պատերազմ չեն տանում, բայց ես ձեռքերս ծալած չեմ նստում». հանգանակություն բանակի համար

Նշենք, որ նախորդ տարի հեռուստամարաթոնի շրջանակներում ավելի քան 2.5 անգամ ավելի քիչ գումար էր հավաքվել` շուրջ 9 մլն դոլար։

18
թեգերը:
Արցախյան պատերազմ, Արցախ, ԱՄՆ, Հայաստան, դոլար, Հեռուստամարաթոն
Ըստ թեմայի
Որքան գումար է «Հայաստան» հիմնադրամից ուղղվել «նոր ի հայտ եկած ծախսերի» ֆինանսավորմանը
Արմավիրցի փոքրիկն ավելի քան 4 մլն դրամ է փոխանցել «Հայաստան» հիմնադրամ՝ ընկույզ վաճառելով
Ստեփանակերտում էլեկտրամատակարարումը 95-97 տոկոսով վերականգնվել է
ՄիԳ-29

Հնդկաստանում ՄիԳ-29 ինքնաթիռ է կործանվել

40
(Թարմացված է 09:44 27.11.2020)
Օդաչուներից մեկը հայտնաբերվել և տեղափոխվել է հիվանդանոց, երկրորդի որոնումները շարունակվում են:

ԵՐԵՎԱՆ, 27 նոյեմբերի -Sputnik. Հնդկաստանի ռազմածովային ուժերի ՄիԳ-29Կ ուսումնավարժական ինքնաթիռը կործանվել է Արաբական ծովի վրա։ Օդաչուներից մեկն անհայտ կորել է, հայտնում է Times of India-ն ՝ վկայակոչելով ՌԾՈՒ ներկայացուցչին:

Ավիավթարը տեղի է ունեցել նոյեմբերի 26-ին տեղական ժամանակով ժամը 17: 00-ին (Երևանի ժամանակով ժամը 14: 30-ին):

Ինքնաթիռը թռիչքի դուրս եկել «Վիկրամադիտիա» օդանավակայանից։ Օդաչուներից մեկին հայտնաբերել և տեղափոխել են հիվանդանոց։  Երկրորդի որոնումները շարունակվում են։

Հնդկաստանի ՌԾՈՒ-ն հետաքննություն է սկսել։

Ղարաբաղի համար ռազմական բժիշկներ են ուղարկում. Ռուսաստանից երկու Իլ-76 ինքնաթիռ է թռել

Նշենք, որ հնդկական սպառազինության մաս են կազմում ռուսական արտադրության 36 ՄիԳ-29Կ կործանիչները, որոնք շահագործվում են «Վիկրամադիտյա» ավիակրի վրա (նախկին Խորհրդային «Ադմիրալ Գորշկով» հածանավը): Եվս 65 ՄիԳ-29-ը գտնվում են Հնդկաստանի ռազմաօդային ուժերի սպառազինության մեջ։

40
թեգերը:
Օդաչու, Զոհ, Հնդկաստան, ինքնաթիռ, ՄիԳ
թեմա:
Վթար, պատահար, սպանություն, գողություն
Ըստ թեմայի
Պակիստանում կործանված ինքնաթիռի անձնակազմի զրույցն ու կադրերը հայտնվել են համացանցում
Շվեյցարիայի լեռներում ինքնաթիռ է կործանվել, կա չորս զոհ
Հարավային Սուդանում բեռնատար ինքնաթիռ է կործանվել. տեսանյութ
Здание Министерства иностранных дел Армении

Ժամանակավոր մարտական հենակետերի տեղակայման հստակեցում է իրականացվում. ԱԳՆ

0
Պետական սահմանի սահմանագծումը և սահմանազատումն ընթանում է միջպետական բանակցությունների ճանապարհով։

 

ԵՐԵՎԱՆ, 27 նոյեմբերի – Sputnik. ՀՀ արտաքին գործերի նախարարությունը տեղեկացնում է, որ մարտական հերթապահության իրականացման նպատակով նոյեմբերի 27-ին Հայաստանի և Ադրբեջանի զինված ուժերի միջև տեղի է ունեցել ժամանակավոր մարտական հենակետերի փաստացի տեղակայման կետերի հստակեցում:

«Պետական սահմանի սահմանագծումը և սահմանազատումը տևական, համալիր գործընթացներն են, որոնք իրականացվում են պետությունների միջև ձևավորվող համատեղ միջգերատեսչական հանձնաժողովների և աշխատանքային խմբերի կողմից»,–նշված է հաղորդագրության մեջ։

Պետական սահմանի սահմանագծումը և սահմանազատումն ընթանում է միջպետական բանակցությունների ճանապարհով, որի արդյունքում կնքվում է համապատասխան միջազգային փաստաթուղթ:

Հիշեցնենք, որ մամուլում լուրեր էին շրջանառվում, որ ադրբեջանական զինվորները մտել են Սոթքի հանքավայր և աշխատակիցներին ժամանակ տվել դուրս գալու համար: ՀՀ պաշտպանության նախարարությունը հերքել էր այդ լուրը։ Գեղամասար խոշորացված համայնքի (որտեղ ներառված է նաև Սոթքը) ղեկավար Հակոբ Ավետյանը Sputnik Արմենիայի հետ զրույցում հայտնել էր, որ ադրբեջանցիները Սոթքի հանքի տարածքում են` բանակցություններ են վարում։

 

0
թեգերը:
Ադրբեջան, Լեռնային Ղարաբաղ, Արցախ, Հայաստան, Սահման, սահմանապահ, ՀՀ Արտաքին գործերի նախարարություն. ԱԳՆ