ԵՐԵՎԱՆ, 16 հունիսի – Sputnik. Ռուսաստանցի դերասանուհի Ռավշանա Կուրկովան Instagram-ի իր էջում պարզաբանել է համացանցում տարածվող սկանդալային լուսանկարը, որտեղ նա կապտած աչքով է ու վնասված շուրթով։ Դերասանուհին հերքել է լրատվամիջոցների տարածած լուրերը ծանր հիվանդության մասին։
«Ընկերներ, սա ֆեյք է։ Մի խաբվեք, խնդրում եմ, սրանք խաբեբաներ են, ինձ հետ ամեն ինչ կարգին է, ոչ մի ծանր հիվանդություն էլ չկա, ես առողջ եմ։ Լուսանկարը The Brave, ֆիլմի նկարահանումներից է, դա շպար է», - պարզաբանել է դերասանուհին։
Մեկնաբանություններում դերասանուհու ու նրա հայ ընկերոջ՝ Սերգեյ Ամարյանի ծանոթը կատակել է․
«Սերգեյը ծեծու՞մ է քեզ։ Ասա, մեջդ մի պահի»։
Դերասանուհին մեկնաբանել է այդ վարկածը։ Նա «սմայլիկներ» է դրել ու գրել․ «Դժվար։ Սերգեյը հենց հիմա Ալեքսանդրին է ծեծում։ Իսկ դու գլուխ ես պահում մարզումից, Տիգրան», - գրել է նա։
Դերասանուհին 2019 թվականի հոկտեմբերից հանդիպում է Սերգեյ Ամարյանի հետ։ Ամարյանը բիզնեսմեն է, մոսկովյան բռնցքամարտի ակումբներից մեկի համասեփականատերը։ Հունվարին զույգն առաջին անգամ համատեղ լուսանկար է հրապարակել։ Համացանցում ակտիվորեն քննարկում էին սև ու սպիտակ լուսանկարը, որտեղ Ռավշանա Կուրկովան ժպտում է՝ գլուխը ընկերոջ ուսին դրած։
Ռավշանան փոքրուց է սեր ունեցել դերասանական արվեստի նկատմամբ։ Նա թատրոն էր այցելում հոր հետ, հետևում նրա փորձերին, իսկ մայրիկի հետ էլ գնում էր նկարահանումների։ Ծնողները դեմ էին, որ դուստրն իրենց ճանապարհն ընտրի, և նրանք Ռավշանային նախապատրաստում էին «լուրջ» բուհ ընդունվելու։ Բայց դուստրը, միևնույնն է, ընտրեց դերասանական կարիերան և չսխալվեց։ Նա մեծ ճանաչման հասավ «Барвиха», «Нереальная любовь», «Что творят мужчины», «Детки напрокат» ֆիլմերում նկարահանվելուց հետո։ Ռավշանա Կուրկովան համարվում է ռուսական կինեմատոգրաֆիայի ամենագեղեցիկ դերասանուհիներից մեկը։
