ՆԱՏՕ–ի զորավարժություններ

«Այնտեղ ամեն ինչ լուրջ է». ինչո՞ւ է ՆԱՏՕ-ն «պատերազմում» Ռուսաստանի սահմանների մոտ

85
(Թարմացված է 16:23 15.06.2020)
ԱՄՆ-ի և ՆԱՏՕ-ի զորավարժությունները վերջին տարիներին ավելի ու ավելի են մոտենում Ռուսաստանի սահմաններին, իսկ արևմտյան քաղաքական գործիչները դրանք օգտագործում են որպես Մոսկվայի հետ հարաբերությունների սրման առիթ:

ԵՐԵՎԱՆ, 15 հունիսի – Sputnik, Նիկոլայ Պրոտոպոպով․ Հազարավոր զինծառայողներ, հարյուրավոր տանկեր, մարտական ինքնաթիռներ ու հարձակման «սպառնալիք» Արևելքից. Defender Europe 2020 լայնածավալ զորավարժությունները թեժ ընթացքի մեջ են։ ԱՄՆ-ն պետք է հաստատի Եվրոպայի իր դաշնակիցներին աջակցելու պատրաստականությունը։ Զորաշարժի գլխավոր խնդիրը ջրային խոշոր արգելքների հաղթահարումն է։ ՌԻԱ Նովոստին գրում է` ինչու է Արևմուտքը նորից «պատերազմում» Ռուսաստանի սահմանների մոտ։

Ամենահավատարիմ դաշնակիցը

ՆԱՏՕ-ի զորավարժությունները, որոնք 25 տարվա մեջ ամենախոշորն են, նախատեսված էր անցկացնել գարնանը, բայց կորոնավիրուսի համավարակի պատճառով տեղափոխվեցին հունիսին։ Պաշտոնական հայտարարությունների համաձայն՝ զորավարժությունների ռազմավարական նպատակն է ցուցադրել ԱՄՆ-ի հավատարմությունը Հյուսիսատլանտյան դաշինքին ու «եվրոպական դաշնակիցներին աջակցելու աներեր վճռականությունը»։

Ենթադրվում էր, որ ԱՄՆ-ն Գերմանիայի միջով մոտ 20 հազար զինծառայող կուղարկի Եվրոպա՝ այնտեղ արդեն իսկ տեղակայված զորակազմն ուժեղացնելու համար։ Պենտագոնն ընդհանուր առմամբ զորավարժությունների համար 37 հազար զինվոր ու սպա էր տրամադրել։ Հիմա ծրագրերը մի քիչ փոխվել են։ Զորաշարժի գլխավոր մասնակիցն է դարձել Վաշինգտոնի ամենահավատարիմ դաշնակիցներից Լեհաստանը։

Օրեր առաջ հենց այնտեղ վայրէջք կատարեցին ամերիկացի զինվորականներով ու տեխնիկայով ինքնաթիռները։ Դրավսկի զորավարժարանում ռազմավարական պատրաստականությունը բարձրացնելու են վեց հազար զինծառայող, որոնցից երկու հազարը՝ լեհ։

«Իհարկե, համաճարակը փոփոխեց մեր ծրագրերը, բայց կարևորն այն է, որ մենք կայծակնային արագությամբ հարմարվեցինք հանգամանքներին, - նշել է Լեհաստանի ազգային պաշտպանության նախարար Մարիուշ Բլաշչակը։ - Լեհական զորքը ոչ մի րոպե չի կորցրել իր մարտական պատրաստականությունը»։

Հավաքել են ավելի քան հարյուր տանկ ու երկու հարյուր զրահամեքենա, հրետանի, ՀՕՊ միջոցներ, ինքնաթիռներ և ուղղաթիռներ․ ընդհանուր առմամբ մոտ երկու հազար միավոր տեխնիկա։ Լեհական ու ամերիկյան զորքերը համատեղ մի քանի մարտական գործողություն կանցկացնեն։

Անհայտ անձինք Մարգարիտա Սիմոնյանի հեռախոսահամարից կասկածելի նամակներ են գրում

Իսկ հիմնական մարտավարական գործողությունը կլինի ջրային արգելքների հաղթահարումը` տանկային ու օդադեսանտային զորքերի մասնակցությամբ ու հակահարձակմամբ։ «Վալդայ» վերլուծաբանական ակումբի ռազմական փորձագետ Արտյոմ Կուրեևի կարծիքով՝ դա Defender Europe 2020 զորավարժանքի գլխավոր կետն է։

«Չեխ, լեհ ու լիտվացի զինվորականներին ևս մեկ անգամ կցուցադրեն, թե ինչպես է կիրառվում ամերիկյան այն զենքը, որը պետք է գնեն», - պարզաբանել է նա ՌԻԱ Նովոստիի հետ զրույցում։

Ի՞նչ է կատարվում բալթյան տարածքում

Գրեթե միաժամանակ Բալթյան ծովում մեկնարկել են Baltops 2020 լայնածավալ ռազմածովային զորավարժությունները, որին մասնակցում են 18 երկիր երեք տասնյակ ռազմանավեր ու նույնքան ինքնաթիռներ։ Արդեն 49 տարի շարունակ այնտեղ նման զորաշարժեր են անցկացվում։

«Baltops-ը բավականին պաշտպանողական լեգենդ ունի, դա հականավային ու հակաօդային պաշտպանության, հակաականային ու ծովային շրջափակման կազմակերպություն է, - ընդգծում է փորձագետը։- Հետաքրքիր է դիտել այդ զորավարժությունները, քանի որ զորաշարժերի տրամաբանության համաձայն՝ ՆԱՏՕ-ն պետք է Արևելյան Եվրոպայում նաև նավատորմի հակադեսանտային գործողություններ մշակի, որպեսզի Էստոնիայի, Լատվիայի ու Լիտվայի ընտրազանգվածին ցույց տա, որ դաշինքը թույլ չի տա ռուսական ծովային հետևակայիններին մոտենալ Սաարեմաայի, Յուրմալայի ու Պալանգայի լողափերին»։

Հանուն արդարության պետք է նշել, որ բոլոր սահմանամերձ երկրները տարածաշրջանում զորավարժություններ անցկացնելու իրավունք ունեն։ Սակայն վերջին տարիներին ԱՄՆ-ի ու ՆԱՏՕ-ի զորաշարժերն ավելի են մոտենում Ռուսաստանի սահմաններին, իսկ արևմտյան քաղաքական գործիչները դրանք օգտագործում են որպես Մոսկվայի հետ հարաբերություններ սրելու առիթ։

Երևանի հեռահար նշանակետը արտահանումն է․ ո՞ր երկրներում են Կալաշնիկովի ինքնաձիգ արտադրում

«Անկասկած, միջազգային խոշոր ռազմական դաշինքը պետք է մշակի փոխներգործությունը ազգային զինված ուժերի միջև, - ասում է Կուրեևը, - սակայն զորավարժությունների մեծ մասի լեգենդը, բնականաբար, ինչ–որ արևելաեվրոպական հարևանի հարձակումն է, որը ռազմական ներուժով համեմատելի է Ռուսաստանի հետ։ Դա իհարկե վկայում է, որ Ռուսաստանի ու ՆԱՏՕ-ի հարաբերություններն այնքան էլ կառուցողական չեն, միայն թե լեգենդը նախատեսված է ավելի շատ ոչ թե զինվորականների, այլ սովորական քաղաքացիների համար։ Մերձբալթյան երկրների, Լեհաստանի ու Չեխիայի պահպանողական, ազգայնական տրամադրվածություն ունեցող ընտրազանգվածը պետք է վստահ լինի, որ դաշնակիցները կպաշտպանեն իրենց ռուսական արջից, որը պոտենցիալ հակառակորդ է և որի վրա կարելի է հեշտությամբ բարդել ներքաղաքական ու տնտեսական բազում խնդիրների մեղքը։

Արևմտյան գործընկերների գործողություններին արձագանքել է ինչպես ՌԴ ԱԳՆ-ն, այնպես էլ պաշտպանության նախարարությունը` կոչ անելով նվազեցնել լարվածության աստիճանն ու հեռացնել զորքերը սահմաններից, գոնե ֆաշիստական Գերմանիային հաղթելու 75-այակը նշելու ընթացքում։

«Ոչ ոքի համար գաղտնիք չէ որ ՆԱՏՕ-ի զորավարժությունները, օրինակ՝ «Եվրոպայի պաշտպանը», այնպես են ծրագրվել, որ դրանց ակտիվության գագաթնակետը՝ տեխնիկայի ու զորակազմի առավելագույն ներգրավվածությամբ, եղել է հենց մայիսի 9-ին մոտ ընկած ժամանակահատվածում։ Դա փաստ է», - ասել է ՌԴ ԱԳՆ փոխնախարար Ալեքսանդր Գրուշկոն։

Դիվանագետը նշել է, որ ՆԱՏՕ-ն մեկը մյուսի հետևից զորավարժություններ է անցկացնում։ Գնալով ավելի հաճախ են հետախուզող ինքնաթիռները թռչում համարյա Ռուսաստանի սահմանի մոտակայքում, հատկապես՝ Բալթյան ու Սև ծովի տարածքում։ Նա հիշեցրել է նաև, որ վերջերս ամերիկյան նավատորմը Բարենցի ծով է ներխուժել (1980 թվականի կեսերից նման բան չէր եղել)։

Շրջանցելով պայմանագրերը

Ռուս դիվանագետներն ու զինվորականներн առաջարկում են հրաժարվել սահմանների մոտ անցկացվող խոշոր զորավարժություններից, ինքնաթիռների ու նավերի համար մոտենալու նվազագույն հեռավորություն սահմանել։ Սակայն նրանց չեն լսում։

Ավելին՝ Ռուսաստանի արտգործնախարարությունում վստահ են, որ համավարակից դուրս գալուն համընթաց ՆԱՏՕ-ի ռազմական ակտիվությունն ուժեղանալու է։

Այնուամենայնիվ, Baltops 2020-ն ու Defender Europe 2020-ն իրենց ծավալով անհամադրելի են սառը պատերազմի ժամանակների զորավարժությունների հետ։

«Այն ժամանակ պետք էր հակառակորդին ցուցադրել սեփական ռազմական ներուժն ու հարձակման արդյունավետ կերպով հակազդելու ունակությունը», - հիշեցնում է Կուրեևը։

Եվ նորից «ռուսական խաղաքարտը». հանրապետականներն արյուն են տենչում

Ծրագրելով զորավարժությունները՝ ՆԱՏՕ-ն հաճախ է խախտում միջազգային համաձայնագրերը։ Օրինակ՝ 2011 թվականին կնքված «Վստահության ու անվտանգության միջոցների ամրապնդման մասին» փաստաթղթի 8-րդ հոդվածը նախատեսում է լայնածավալ մանևրների բազմաթիվ սահմանափակումներ ՝ կապված նախնական ծանուցումների հետ։ Սակայն ՆԱՏՕ-ն սիրում է իր զորավարժությունները որպես տարբեր երկրներում իրականացվող անկախ զորավարժությունների շարք մատուցել։

Արևմուտքը պարզապես անտեսում է պայմանավորվածությունները, մինչդեռ Ռուսաստանը կա՛մ ծանուցում է զորավարժությունների մասին, կա՛մ սահմաններից հեռու է անցկացնում դրանք։ Օրինակ` այս տարի նախատեսած «Կովկաս 2020» զորավարժությունները կանցկացվեն Պովոլժիեում ու Հյուսիսային Կովկասում։

85
թեգերը:
Զորավարժություններ, ՆԱՏՕ, Ռուսաստան
Ըստ թեմայի
Ռուսաստանի պլանային վարժանքներն ու «մկների վազվզոցը». ի՞նչ է կատարվում բալթյան տարածքում
Ռուս զինվորականներն ու մասնագետները վերադառնում են Իտալիայից․ ինչ արվեց, և ինչ է սպասվում
Արևմուտքն արգելել է օգնության խնդրանքով դիմել Ռուսաստանին. Լավրով
Սևմաշը պատրաստվում է հանձնել ատոմային սուզանավերը.ինչպես կփոխվի ՌԴ ռազմածովային նավատորմը
Արխիվային լուսանկար

Իտալական ընկերությունը հերքել է Բաքվում «Հաղթանակի թանգարանի» կառուցմանը մասնակցելու լուրը

182
(Թարմացված է 21:54 18.04.2021)
Իտալական ճարտարապետական ընկերությունը հատուկ նամակ է հղել Վենետիկում Հայաստանի հյուպատոսությանը։

ԵՐԵՎԱՆ, 18 ապրիլի – Sputnik. Իտալիայի ճարտարապետական «120 grammi» ընկերությունը հերքել է իր մասնակցությունը Ադրբեջանում «Հաղթանակի թանգարանի» կառուցմանը, որտեղ ներկայացված են հայ զինվորները՝ նվաստացուցիչ կերպարներով: Facebook-ի իր էջում այս մասին տեղեկացրել է Վենետիկում ՀՀ պատվո հյուպատոսությունը։

Հատուկ հայտարարություն կլինի. Թաթոյանը` Ադրբեջանում բացված «պուրակի» մասին

«Անդրադառնալով Ադրբեջանում «Հաղթանակի թանգարանի» կառուցմանը «120 grammi» ճարտարապետական ընկերության 
ներգրավման մասին շրջանառվող լուրերին՝ հաստատում ենք, որ ստացել ենք այդ լուրի պաշտոնական հերքումը վերոհիշյալ ընկերության  կողմից: Հյուպատոսությանն ուղարկված հաղորդագրությունում «120 grammi» ճարտարապետական ընկերությունը վերահաստատում է, որ իրենք ոչ մի կերպ մասնակցություն չեն ունեցել այս նախագծին, որը հարուցել է Հայ համայնքի վրդովմունքը և ոչ միայն»,-նշված է հաղորդագրության մեջ:

Ավելի վաղ Ադրբեջանի նախագահը «Նոր հայացք դեպի Հարավային Կովկաս. զարգացում և համագործակցություն հետկոնֆլիկտային շրջանում» համաժողովին ունեցած իր ելույթում նշել էր, որ իտալական ընկերություններին արդեն հրավիրվել են մասնակցելու թանգարանների և ռազմական հուշահամալիրների կառուցման նախագծին:

Ադրբեջանում բացված «պուրակ-թանգարանը» նախատեսված է նաև երեխաների համար. ՀՀ ՄԻՊ-ի արձագանքը

182
թեգերը:
Իլհամ Ալիև, Պատերազմ, Թանգարան, Բաքու, Իտալիա
Ըստ թեմայի
Միջնորդները դռնից դուրս չեկան, կամ Ալիևը փոխե՞լ է վերաբերմունքը բանակցությունների հարցում
«Նրանք ունեն 10 000 դասալիք». Ալիևի հայտարարություններին արձագանքել է ՀՀ օմբուդսմանը
Ալիևը Լուկաշենկոյի միջոցով Երևանին առաջարկում էր փողով լուծել ղարաբաղյան հակամարտությունը
ԱԳՆ խոսնակ Աննա Նաղդալյանը պատասխանել է Ալիևի հայտարարություններին
Ալեքսանդր Լուկաշենկո. արխիվային լուսանկար

ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը

101
(Թարմացված է 20:50 18.04.2021)
Ընդվզման արդյունքում ձերբակալվածները ցանկացել են փոխել Բելառուսի սահմանադրական կարգը, լուծարել նախագահի պաշտոնը և երկրի ղեկավարումը հանձնել Ազգային հաշտեցման կոմիտեին։

ԵՐԵՎԱՆ, 18 ապրիլի – Sputnik. ԱՄՆ-ն հերքում է Բելառուսի նախագահ Ալեքսանդր Լուկաշենկոյի մահափորձին առնչություն ունենալը։ ՌԻԱ Նովոստիին այս մասին ասել է պետդեպարտամենտի ներկայացուցիչը։

«Մենք տեսել ենք ռուսական պետական ԶԼՄ-ների հաղորդագրությունները Ալեքսանդր Լուկաշենկոյի դեմ ենթադրյալ դավադրության մասին, ինչպես նաև հենց նրա հայտարարությունները։ Ցանկացած ենթադրություն, որ ԱՄՆ իշխանությունները կանգնած են եղել Լուկաշենկոյի մահափորձի հետևում կամ մասնակցել են դրան, բացարձակ սուտ է», - ասել է պետդեպարտամենտի ներկայացուցիչը։

Երեկ` ապրիլի 17–ին, Լուկաշենկոն հայտարարել է մի խումբ մարդկանց ձերբակալության մասին, որոնք մահափորձ են պատրաստել իր և իր երեխաների դեմ։ Բելառուսի Հանրապետության նախագահի տվյալներով՝ դրանում ներգրավված են ԱՄՆ-ի հատուկ ծառայությունները։ Ինչպես հաղորդել է Անվտանգության դաշնային բյուրոյի հանրային կապերի կենտրոնը, Մոսկվայում ձերբակալվել են ԱՄՆ-ի և Բելառուսի երկքաղաքացիություն ունեցող իրավաբան Յուրի Զենկովիչը և բելառուս քաղաքագետ Ալեքսանդր Ֆեդուտան, որոնք ռազմական հեղաշրջում են նախապատրաստել մայիսի 9-ին Մինսկում։

Բելառուսի Անվտանգության պետական կոմիտեի տվյալներով՝ այդ խմբի մեջ է մտել նաև ընդդիմության առաջնորդ Գրիգորի Կոստուսևը։ Նա ձերբակալվել է հանրապետության տարածքում։

Նշվել է, որ երկու ձերբակալվածները ծրագրել են ռազմական հեղաշրջում այդ երկրում գունավոր հեղափոխությունների մշակված սցենարով, ինչպես նաև նախագահ Ալեքսանդր Լուկաշենկոյին հեռացնելը։ Հատուկ ծառայությունների տվյալներով՝ նրանք ցանկացել են սպանել կամ համակենտրոնացման ճամբար ուղարկել բարձրաստիճան բելառուս պաշտոնյաներին։

ԱԴԲ-ում նշել են, որ նախազգուշացնող տեղեկությունները ստացել են բելառուս գործընկերներից։ Զենկովիչը և Ֆեդուտան մեսենջերով քննարկել են ընդվզումը, բայց ամեն դեպքում որոշել են Մոսկվայում հանդիպում կազմակերպել հանրապետության ընդդիմադիր գեներալների հետ։ Մայրաքաղաքի ռեստորաններից մեկում հայտարարել են, որ անհրաժեշտ է հեռացնել Բելառուսի բարձրագույն ղեկավարությանը, գրավել ռադիոն և հեռուստակենտրոնները, արգելափակել երկրի էներգահամակարգերը։ Զինված խռովության մեջ հատուկ դեր է հատկացվել պարտիզաններին, որոնք գտնվել են գաղտնի բազաներում։

Ո՞ր հետախուզության համար են աշխատում նրանք, ովքեր չեն համալրել ԱՄՆ–ի «սև ցուցակը»

Ընդվզման արդյունքում ձերբակալվածները ցանկացել են փոխել Բելառուսի սահմանադրական կարգը, լուծարել նախագահի պաշտոնը և երկրի ղեկավարումը հանձնել Ազգային հաշտեցման կոմիտեին։ ԱԴԲ-ին հայտնի է դարձել, որ նոր ռեժիմի օրոք Զենկովիչը պետք է համակարգեր խորհրդարանը, իսկ Ֆեդուտան՝ գաղափարախոսությունը։

Խռովությունը նախատեսվել էր մայիսի 9-ին։

Ավելի վաղ Լուկաշենկոն պատմել է իր և իր երեխաների դեմ մահափորձը կանխելու մասին, որում, նրա կարծիքով, ներգրավված են ամերիկյան իշխանությունները։ Նա շնորհակալություն է հայտնել ՌԴ նախագահ Վլադիմիր Պուտինին այդ նենգ պլանները ձախողելու հարցում օգնության համար։

Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

101
թեգերը:
Ռուսաստան, մահափորձ, Ալեքսանդր Լուկաշենկո, ԱՄՆ
Ըստ թեմայի
Սերժ Սարգսյանը պատասխանել է Ալեքսանդր Լուկաշենկոյի հայտարարությանը
C-400–ներն ու մեծ քաղաքականությունը. կշահի՞ արդյոք Հայաստանը ԱՄՆ–Թուրքիա հակամարտությունից
ԱՄՆ-ն Աֆղանստանում ա՞յլ նպատակներ ունի
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը