ԵՐԵՎԱՆ, 11 հունիսի –Sputnik. Քրիստափոր Կոլումբոսի արձանը, որին երեքշաբթի լույս չորեքշաբի գիշերը «գլխատեցին» Բոստոնի ցուցարարները, ապամոնտաժում են։ Նման հայտարարությամբ է հանդես եկել Բոստոնի քաղաքապետ Մարթի Ուոլշը։ Նրա խոսքերն է մեջբերում The New York Times–ը։
«Այդ արձանը բազմիցս վանդալիզմի է ենթարկվել։ Մենք մտադիր ենք որոշ ժամանակ հատկացնել դրա պատմական նշանակությունը գնահատելու վրա», – ընդգծել է քաղաքապետը։
Նա նշել է, որ համենայնդեպս որոշ ժամանակ արձանը կպահվի պահեստատանը։
Անհրաժեշտ է նշել, որ ԱՄՆ–ում հարգում են Կոլուբմոսի հիշատակը։ Բայց միևնույն ժամանակ շատերը նրան գաղութարար և մարդասպան են համարում։
Երեքշաբթի լույս չորեքշաբի գիշերը Ռիչմոնդում (Վիրջինիա) ցուցարարներն ավերեցին Կոլումբոսի արձանն ու լիճը նետեցին։
Պատվանդանին «Կոլումբոսը ցեղասպանության խորհրդանիշն է» գրությամբ ցուցատաղտակ էր տեղադրվել։
Անկարգություններ ԱՄՆ-ում․ Սպիտակ տունը պարսպապատվել է
Հիշեցնենք, նաև, որ հունիսի սկզբին Վիրջինիայի մարզպետ Ռալֆ Նորթեմը կարգադրել էր հանել ԱՄՆ–ում քաղաքացիական պատերազմի տարիներին հարավային նահանգների գլխավոր հրամանատար գեներալ Ռոբերտ Լիի արձանը։ Դրանից առաջ նահանգում քանդվել էր Կոնֆեդերացիայի զոհված զինվորներին նվիրված արձանը։
