ԵՐԵՎԱՆ, 7 հունիսի - Sputnik. Աշխարհում կորոնավիրուսով վարակվածների հաստատված թիվը մոտեցել է 7 միլիոնին. այս պահին վարակվածների թիվը 6 998 191 է։ Վարակման դեպքեր են գրանցվել երկու հարյուրից ավելի երկրներում։ Տեղեկությունը հայտնում է Worldometers համաշխարհային վիճակագրության կայքը։ Մինչ այժմ առողջացել է 3 421 318 մարդ, գրանցվել են 402 561 մահվան դեպքեր։
Ներկայում վարակակիրների ամենամեծ թիվն ԱՄՆ-ում է։ Այնտեղ 1 988 545 մարդ վարակվել է կորոնավիրուսով, նրանցից 112 096-ը մահացել են։ Եռյակում են Բրազիլիան և Ռուսաստանը։ Բրազիլիայում հայտնաբերվել է 676 494 վարակակիր, գրանցվել են 36 044 մահվան դեպքեր, Ռուսաստանում՝467 673 վարակակրից 5859-ը մահացել են։
Կորոնավիրուսով հիվանդների ամենամեծ թիվ ունեցող երկրների տասնյակում են Իսպանիան (288 390 հիվանդ), Միացյալ Թագավորությունը (284 868 հիվանդ), Հնդկաստանը (247 195 հիվանդ), Իտալիան (234 801 հիվանդ), Պերուն (191 758 հիվանդ), Գերմանիան (185 696 հիվանդ) և Իրանը (169 425 հիվանդ)։
Չինաստանը, որտեղ դեռ նախորդ տարվա դեկտեմբերին գրանցվել էր կորոնավիրուսի առաջին դեպքը, հիմա 18-րդ տեղում է։ Մինչ այժմ Չինաստանում գրանցվել է կորոնավիրուսով վարակման 83 036 դեպք, որոնցից 4634 -ը՝ մահվան ելքով։ Վերջին մեկ օրում Չինաստանում գրանցվել է կորոնավիրուսով վարակման վեց դեպք։
Հայաստանը 50-րդ տեղում է։ Մեր երկրում կորոնավիրուսով վարակվածների թիվը 13 130 է։ Այս պահին փաստացի բուժում է ստանում 8844 մարդ, կատարվել է 69171 թեստավորում, առողջացել են վարակվածներից 4014–ը։ Ընդհանուր առմամբ գրանցվել է 200 մահվան դեպք։
Կորոնավիրուսի նոր հայտնաբերված դեպքերն ավելի քիչ կլինեն. ԱՆ խոսնակ
Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19 կորոնավիրուսի բռնկումը հայտարարել է համավարակ: Կազմակերպությունը բոլոր պետություններին կոչ է արել միավորվել վարակի դեմ պայքարում։
