Շտապօգնության ավտոմեքենա

Դանակով զինված տղամարդը Չինաստանում հարձակվել է դպրոցի վրա, կան տուժածներ. տեսանյութ

22
(Թարմացված է 14:30 04.06.2020)
Երեք հոգի ծանր վիճակում են, նրանցից մեկն աշակերտ է։ Ոստիկանները չարագործին ձերբակալել են դեպքի վայրում:

ԵՐԵՎԱՆ, 4 հունիսի - Sputnik. Չինաստանում դանակով զինված տղամարդը հարձակվել է տարրական դպրոցի աշակերտների և աշխատակիցների վրա, կան տուժածներ։ Տեղեկությունը հայտնում է Global Times-ը ՝ հղում անելով Ցանյուի շրջանի վարչակազմին:

Դեպքը տեղի է ունեցել այսօր՝ տեղի ժամանակով 08։30-ին։

Չինացին հարձակվել է դպրոցականների վրա ու յոթ հոգու դանակահարել

Տուժածներից երեքը՝ տարրական դպրոցի տնօրենը, անվտանգության աշխատակիցն ու մեկ աշակերտ, ծանր վիճակում են։

​50-ամյա հարձակվողին ձերբակալել են։ Դեպքի հանգամանքները պարզվում են, տեղում աշխատում են փորձագետները։

Սարսափելի ողբերգություն Բելառուսում. դպրոցականը դանակով հարձակվել է դասարանի վրա, կան զոհեր

Հիշեցնենք` անցյալ տարվա սեպտեմբերին Հուբեյ նահանգի Էնշի քաղաքում 40-ամյա տղամարդն ուսումնական տարվա առաջին օրը սպանել էր տարրական դպրոցի ութ աշակերտի:

Ճապոնիայում տղամարդը հարձակվել է դպրոցական տարիքի երեխաների վրա. կան զոհեր. տեսանյութ

22
թեգերը:
դանակ, դպրոց, Չինաստան
Ըստ թեմայի
Արտակարգ պատահար Պերմում. անհայտ անձինք հարձակվել են դպրոցի վրա. աշակերտներ են վիրավորվել
Ջարդ է լինելու. նախազգուշացրել է Բուրյաթիայի դպրոցականների վրա հարձակված դեռահասը
Դպրոցականը հարձակվել է դանակով և փորձել է այրել դպրոցը. տեսանյութ դեպքի վայրից
Ալեքսանդր Լուկաշենկո

Լուկաշենկոն հայտարարել է, որ Բելառուսում Covid-19-ի դեմ պատվաստանյութ են ստեղծել

21
(Թարմացված է 14:15 07.05.2021)
Բելառուսի առաջնորդը կարգադրել էր կորոնավիրուսի դեմ լավագույն պատվաստանյութը ստեղծել։ Նրա կարգադրությունը կատարվել է։

ԵՐԵՎԱՆ, 7 մայիսի - Sputnik. Բելառուսի նախագահ Ալեքսանդր Լուկաշենկոն լրագրողների հետ զրույցում հայտարարել է, որ կորոնավիրուսի դեմ սեփական պատվաստանյութն են ստեղծել: Տեղեկությունը հայտնում է ԲԵԼՏԱ պետական գործակալությունը։

Փետրվարին Ռուսաստանը Բելառուսին տեխնոլոգիաներ էր փոխանցել Covid-19-ի դեմ պատվաստանյութ արտադրելու համար, Լուկաշենկոն հույս ուներ, որ մինչև աշուն բելառուսական դեղամիջոց կստեղծեն։ Մինչդեռ պատվաստանյութը ստեղծվել է մայիսի 6-ին։

«Մենք երեկ ստացել ենք մեր պատվաստանյութը», - ասել է Լուկաշենկոն:

«Moderna»-ն կորոնավիրուսի դեմ աշխարհի լավագույն պատվաստանյութ է ճանաչվել 

Հիշեցնենք` ապրիլին տեղեկություն տարածվեց, որ Բելառուսի նախագահը հանձնարարել է հնարավորինս արագ ստեղծել COVID-19-ի լավագույն պատվաստանյութը։

Հայաստանում նախատեսվում է «Սպուտնիկ–V» պատվաստանյութի արտադրություն հիմնել

21
թեգերը:
պատվաստանյութ, կորոնավիրուս, Բելառուս
թեմա:
Կորոնավիրուսը աշխարհում
Արթուր Դավթյան

Ադրբեջանը ՀՀ քաղաքացիների նկատմամբ արդյունավետ հետախուզում չի կարող իրականացնել. Դավթյան

38
(Թարմացված է 12:58 07.05.2021)
ՀՀ գլխավոր դատախազ Արթուր Դավթյանը լրագրողների հետ զրույցում խոսել է Ադրբեջանի պաշտոնյաների նկատմամբ հետապնդումների ու ՀՀ քաղաքացիների նկատմամբ Ադրբեջանի հայտարարած հետախուզումների մասին։

ԵՐԵՎԱՆ, 7 մայիսի - Sputnik․ Արցախյան պատերազմին վերաբերող քրեական գործերով ադրբեջանցի պաշտոնյաների նկատմամբ հետապնդումների ու հետախուզման բազմաթիվ դեպքեր կան։ Տեղեկությունն այսօր ԱԺ–ում, լրագրողների հետ զրույցում հայտնեց ՀՀ գլխավոր դատախազ Արթուր Դավթյանը։

Նա չցանկացավ անուններ տալ` ասելով, որ դրանց մասին այս պահին հրապարակային խոսելն արդարացված չէ։

Լրագրողների դիտարկմանը, թե ադրբեջանական կողմը պարբերաբար հայ նախկին ու ներկա պաշտոնյաների նկատմամբ հետախուզման մասին հայտարարություններ է անում, Արթուր Դավթյանը պատասխանեց. «Եթե իրենք խոսում են, դա չի նշանակում, որ մենք էլ պիտի խոսենք։ Մենք խնդրին վերաբերվում ենք իրավական հարթության մեջ, և բնականաբար, մենք մեր աշխատանքի արդյունավետությունը գնահատելով, գալիս ենք այն հետևության, որ դրա մասին հրապարակային խոսելը չի օգնի, այլ հակառակը` կվնասի»։

Ինչ վերաբերում է ադրբեջանական կողմի հայտարարություններին, դատախազը նշեց, որ Հայաստանը դրանք անարձագանք չի թողնում և միշտ հակաքայլեր է ձեռնարկում։

«Եվ այդ հակաքայլերն արդյունք են տվել։ Եվ նրանք որևէ արդյունավետ հետախուզում մեր քաղաքացիների նկատմամբ չեն կարողանում իրականացնել», – ասաց Դավթյանը։

 Հիշեցնենք` 2020թ–ի նոյեմբերին Ադրբեջանը միջազգային հետախուզում էր հայտարարել Հայաստանի պաշտպանության նախկին նախարար Սեյրան Օհանյանի նկատմամբ։ Բաքվի ռազմական դատարանը Օհանյանին հեռակա կարգով կալանավորելու որոշում էր կայացրել։

38
թեգերը:
հետախուզում, Ադրբեջան, Հայաստան, դատախազ, Արթուր Դավթյան
Ըստ թեմայի
Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան
«Ես վստահ եմ՝ գերիների վերադարձի հարցն առաջիկայում կլուծվի»․ Սերգեյ Լավրով
ԵԱՀԿ նախագահը ողջունել է հայ գերիներին ազատ արձակելու որոշումը
Отгрузка цемента в машину на цементном заводе

Կառավարությունը փորձում է փրկել «Հրազդանցեմենտը», ԱԺ–ն առաջարկում է չխանգարել մյուսներին

0
Հայաստանում շինարարության ծավալները նվազել են, բայց ցեմենտի արտադրությունն աճել է։ Իշխանությունը չի հերքում` ոլորտում ստվեր եղել է ու կա։

ԵՐԵՎԱՆ, 7 մայիսի – Sputnik. Ցեմենտի արտադրության հումքի` կլինկերի ներկրումն առաջիկայում  մի փոքր կթանկանա։ «Պետական տուրքի մասին» օրենքում փոփոխությունների նախագիծն այսօր Ազգային ժողովում ներկայացնելիս` հայտարարեց ՀՀ էկոնոմիկայի նախարարի պաշտոնակատար Վահան Քերոբյանը։

Նա հիշեցրեց, որ օրենքի փոփոխությունն ուղղված է տեղական ցեմենտի արտադրությունը խթանելուն ու մասնավորապես հայաստանյան արտադրողներից մեկին սնանկացումից փրկելուն։

«Անցած տարի արված փոփոխությունների արդյունքում «Հրազդանցեմենտը» արտադրության ծավալները 3 անգամ ավելացրել է, բայց վնասներն էլ է 3 անգամ ավելացրել։ Իրենց հարկային վնասը 900 մլն դրամից 2.2 մլրդ դրամի է հասել։ Եվ, ըստ էության, այն այսօր գտնվում է սնանկացման եզրին։ Այն առաջարկը, որին մենք համաձայնել ենք, չի փրկելու ընկերությանը»,– ասաց Քերոբյանը`  նշելով, որ հարկավոր է այլ միջոց գտնել  ընկերությունը փրկելու համար։

Հիշեցնենք` կառավարության ներկայացրած նախագծով առաջարկվում էր ցեմենտի տուրքը նախկինում գործող 14 000 դրամից հասցնել 25 000–ի, իսկ ցեմենտի հումքինը՝ կլինկերինը, որն առ այսօր անվճար էր, սահմանել 9 000 դրամ` 1 տոննայի դիմաց:

ԱԺ տնտեսական հարցերի հանձնաժողովում, սակայն, կառավարության առաջարկը չեն ընդունել` մտավախությամբ, որ դա կարող է վնասել տեղական արտադրողներին։

Փոխարենը պատգամավորներն առաջարկում են տուրքերը թողնել նախկին չափերով ու երկարաձգել օրենքի գործողության ժամկետը, քանի որ այն արդեն ավարտվել է 2020թ–ի դեկտեմբերին ու հունվարի 1-ից թե՛ ցեմենտը, թե՛ կլինկերը դարձյալ ներկրվում են անվճար։

«Մենք համոզված ենք, որ ցեմենտի 25000 տուրքը փակելու է իրանական ցեմենտի մուտքը։ Իսկ կլինկերի 9000 տուրքի դեպքում «Շինցեմենտ» ընկերությունն ուղղակի դուրս է մղվելու շուկայից»,– ԱԺ նիստում կարծիք հայտնեց տնտեսական հարցերի հանձնաժողովի նախագահ Բաբկեն Թունյանը։

Ի դեպ, պաշտոնական թվերով` 2020 թվականին Հայաստանում ցեմենտի արտադրության պատկերը հետևյալն է. 500 000 տոննա` «Արարատցեմենտ», 100 000 տոննա՝ «Շինցեմենտ», 100 000 տոննա՝ «Հրազդանցեմենտ», 200 000 տոննա՝ Իրանից ներմուծված ցեմենտ։

«Եթե ուզում ենք «Հրազդանցեմենտը» փրկենք, էկոնոմիկայի նախարարությունն ազատ է փրկության տարբեր ծրագրեր մշակել, բայց դա չպիտի խանգարի մյուս ընկերություններին ու շուկայից դուրս թողնի ավելի փոքրերին»,– ասաց Թունյանը։

Պաշտոնական վիճակագրությունը հետաքրքական է նաև այն տեսակետից, որ շինարարության ծավալները Հայաստանում  նվազել են, բայց ցեմենտի արտադրությունն աճել է։ Այս առիթով Թունյանը համոզմունք հայտնեց, որ նախկինում այս ոլորտում շատ մեծ ստվեր է եղել, որը կրճատվել է։

Այս դիտարկման հետ համաձայն է նաև Վահան Քերոբյանը։ Բայց նա չի բացառում, որ ոլորտում այսօր էլ ստվեր կա։

Այսպես, Հայաստանում ցեմենտի սպառման ծավալները 2018 թվականին կազմել են 727 300 տոննա, որից 546 300 տոննան արտադրվել է Հայաստանում, 181 000 տոննան` ներմուծվել: 2019 թվականին պետտուրքի բարձրացման արդյունքում Հայաստանում արտադրվել  է 582 100 տ` աճելով 11.2%-ով, իսկ 2020-ին՝ 21%-ով։

0