Օլգա Բուզովա

«Ձեզ դուր չի գալիս, մի նայեք»․ Դավիթ Մանուկյանը քննադատություններից պաշտպանել է Բուզովային

151
(Թարմացված է 18:26 22.05.2020)
Ճանաչված բլոգերն արձագանքել է իր և Բուզովայի հասցեին հնչող քննադատություններին, որոնց առիթը դարձել է Հայրենական մեծ պատերազմում տարած հաղթանակի 75-ամյակին նվիրված «Կռունկներ» երգի տեսահոլովակը։

ԵՐԵՎԱՆ, 22 մայիսի– Sputnik. Ճանաչված հայ բլոգեր և պարող Դավիթ Մանուկյանը քննադատություններից պաշտպանել է իր սիրելիին՝ հայտնի հաղորդավարուհի, երգչուհի Օլգա Բուզովային։

Մայիսի 9-ին՝ Հաղթանակի օրվան նվիրված, Օլգան և Դավիթը իրենց հանդիսատեսին ներկայացրել են նոր տեսահոլովակ, որը նկարահանվել էր ճանաչված «Կռունկներ» երգի հիման վրա։

Սակայն սոցցանցային օգտատերերի մոտ զույգի աշխատանքը տարաբնույթ ընկալում ունեցավ։ Հատկապես լայն քննարկման առարկա դարձան Բուզովայի զարդերն ու վառ դիմահարդարումը։

«Ես ասում էի Օլգային, որ հանի ձեռքի զարդերը, բայց դա էական չէ։ Հա, հենց այնպես` այդ զարդերը նրա ձեռքից դուրս չեն գալիս, այդ պատճառով համաձայնեցինք այդ տարբերակին։ Բացի այդ, ժամանակակից ու մադոյիկ մարդիկ, դուք որտեղի՞ց գիտեք, թե իրականում ինչ պատկեր էր պատերազմում։ Ինչու որոշեցիք, որ երիտադսարդ բուժքույրները չէին շպարվում։ Հնարավոր է` ոչ վառ դիմահարդարմամբ, բայց հաստատ շպարվել են»,-Instagram-ի իր էջում գրել է Դավիթը։

Բլոգերի խոսքով ՝ տեսահոլովակ նկարահանելու գաղափարը նրա մոտ միանգամից է առաջացել, դրա նախապատրաստական փուլը տևել է մի քանի ժամ: Բացի այդ, նա չի ձգտել հետևել պատմական փաստերին:

«Մենք ի սկզբանե չէինք պատրաստվում մեծ գումարներ ներդնել այս  տեսահոլովակի վրա և ստեղծելով բարձր գեղարվեստական ստեղծագործություն, մենք նկարահանել ենք այս տեսահոլովակը` մեր հաճույքի համար », - գրել է Մանուկյանը:

Նա նշել է, որ տեսահոլովակի վրա ծախսել է 50 հազար ռուբլի և նկարահանել է իրենց տան մոտակայքում գտնվող այգում:

«Եթե մենք մեծ գումարներ ծախսած լինեինք, դա այլ թեմա կլիներ, բայց սա նկարահանել ենք ինքներս մեզ համար է ... Եթե ձեզ դուր չի գալիս, մի նայեք», - եզրափակել է  բլոգերը:

Նշենք, որ ոմանց շատ է դուր եկել Մանուկյանի դերասանական խաղը։ Դավիթը խոստովանել է, որ իր տաղանդը գնահատել է դերասան Ալեքսեյ Պանինը, ինչը նրա համար բարձր ցուցանիշ է:

«Չէ՞ որ նա հայ է». Բուզովայի սիրեցյալի քույրը գաղտնիքներ է հայտնել

Հավելենք, որ Դավիթն ու Օլգան հանդիպում են արդեն մեկ տարուց ավելի։ Ամեն ինչ սկսվեց այն ժամանակ, երբ Դավիթն առաջարկ ստացավ նկարահանվել Բուզովայի տեսահոլովակում։ Ասում են, որ նրանք պատրաստվում են ամուսնանալ։ Նրանք հասցրել են ծանոթանալ միմյանց ծնողների հետ։ Այժմ զույգը միասին է ապրում։

151
թեգերը:
Հայրենական մեծ պատերազմ, ամուսին, հայ, երգ, տեսահոլովակ, Օլգա Բուզովա
Ըստ թեմայի
«Իսկ կարո՞ղ է արդեն ամուսնացել ենք»․ Բուզովան՝ հայ ընկերոջ հետ հարաբերությունների մասին
«Այժմ դու պարտավոր ես ամուսնանալ ինձ հետ». Օլգա Բուզովան դիմել է հայ ընկերոջը
«Գժվե՞լ ես, ինչ է». Բորոդինան Բուզովային խորհուրդ է տվել զգուշանալ հայ տղաներից
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

59
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

59
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները

Մենք բոլորս Ջորջ Ֆլոյդ ենք․ԱՄՆ-ի բողոքի ակցիաները տարածվել են աշխարհով մեկ

37
Աշխարհը դեռ չէր լուծել կորոնավիրուսի խնդիրը, երբ նոր «համավարակ» եկավ՝ բողոքի համավարակը։ Ռասիզմի և ոստիկանական կամայականությունների դեմ բողոքի ակցիաներ են տեղի ունենում բազմաթիվ երկրներում։

Աֆրոամերիկացի Ջորջ Ֆլոյդի՝ ձերբակալության ժամանակ գրանցված մահվան պատճառով սկզբում բողոքի ցույցեր ծավալվեցին Մինեապոլիսում, որտեղ էլ տեղի էր ունեցել միջադեպը։ Շատ արագ դրանք տարածվեցին ամբողջ ԱՄՆ—ում և դուրս եկան երկրի սահմաններից։

Հարյուրավոր մարդիկ «Չեմ կարողանում շնչել» և «Չկա արդարություն՝ չկա խաղաղություն» պաստառներով փողոց են դուրս եկել Նիդեռլանդներում, Իսպանիայում, Արգենտինայում, Մեծ Բրիտանիայում և Գերմանիայում։ Հունաստանում ցուցարարները ԱՄՆ հյուպատոսարանի առջև այրել են Ամերիկայի դրոշը։ Անկարգություններով են ավարտվել բողոքի ցույցերը Կանադայում և Ֆրանսիայում, որտեղ ոստիկանությունը ցուցարարներին ցրելու համար ստիպված է եղել արցունքաբեր գազ կիրառել։ Դեպքի վայրի կադրերը՝ մեր տեսանյութում։

Բուն ԱՄՆ-ում ևս բողոքի ակցիաները չեն դադարում։ Զինվորականները սկսել են պարեկային ծառայություն իրականացնել Վաշինգտոնի փողոցներում, իսկ ոստիկանությունը սկսել է կոշտ միջոցներ կիրառել։ Բայց անկարգությունների մասնակիցներին դա չի կանգնեցնում։

«Հազիվ թե դատարանն իրեն լավ դրսևորի»․ Սիմոնյանը՝ ԱՄՆ-ում լրագրողների վրա հարձակման մասին

Հրկիզումները, կողոպուտն ու ոստիկանության հետ բախումները ԱՄՆ-ի շատ քաղաքներում արդեն սովորական բան են դարձել։

37
թեգերը:
Ոստիկանություն, Սպանություն, սևամորթ, Բողոքի ակցիա, աշխարհ, ԱՄՆ
Ըստ թեմայի
Կորոնավիրուսն ու ռուսական հետքը. ո՞ւմ են ձեռնտու ամերիկյան խռովությունները
Մխիթարյանը միացել է Ջորջ Ֆլոյդին նվիրված նախաձեռնությանը. լուսանկար
Ամերիկան պետք է ընտրություն անի ռասիզմի և անարխիայի միջև