Հաշվառման կետ. արխիվային լուսանկար

Ղազախստանում լուծում են գտել Հայաստանից տարած մեքենաների գրանցման համար

114
(Թարմացված է 14:22 22.05.2020)
Երկրի իշխանությունը մեքենաների սեփականատերերին ժամանակավոր հաշվառման հնարավորություն կտա, բայց առանց բոլոր հարկերը մուծելու նրանք չեն կարողանա վաճառել ավտոմեքենաները։

ԵՐԵՎԱՆ, 22 մայիսի - Sputnik. Ղազախստանի իշխանությունը հայկական պետհամարանիշներով մեքենաների գրանցման համար կոմպրոմիսային լուծում է գտել։ Տեղեկությունը Facebook-ի իր էջում հայտնել է նախագահի արտահաստիքային խորհրդական, տնտեսագետ Օլժաս Խուդայբերգենովը։

Ավելի վաղ Ղազախստանի ներքին գործերի նախարարությունը հայտարարություն էր տարածել, որում ասվում էր, որ հայկական և ղրղզական համարանիշերով այն ավտոմեքենաները, որոնք մեկ տարուց ավել գտնվում են երկրում և գրանցված չեն, դուրս են բերվելու հանրապետությունից։ Դա բողոքի ալիք բարձրացրեց։

Խորհրդականի խոսքով` կես տարվա աշխատանքը թույլ է տվել թեկուզ ոչ կատարյալ, բայց կիրառելի լուծում գտնել, որը համապատասխանում է մեքենաների 85%-ին։

«2020 թ.-ի փետրվարի 1-ից առաջ ներկրված բոլոր հայկական ձախ ղեկով մեքենաները կկարողանան ժամանակավոր հաշվառել մինչև 2020թ.-ի սեպտեմբերի 1-ը, վճարելով ընդամենը 11 հազար տենգե (26,5 դոլար) ժամանակավոր գրանցման և համարի պատրաստման տուրքի համար։

Ժամանակավոր հաշվառումը թույլ է տալիս չվճարել առաջնային գրանցման հարկը, տուրքը և օգտագործման հարկը, և օգտագործել մեքենան մինչև լրիվ մաշվելը»,-գրել է Խուդայբերգենովը։

Այդ ամենով հանդերձ, սակայն, սեփականատերերը օտարման իրավունք չունեն, բացի այն դեպքերից, երբ խոսքը Հայաստանում վաճառելու մասին է։ Մյուս կողմից նրանք կարող են վճարել բոլոր հարկերն ու մուծումները և մշտական հաշվառում ունենալ։ Հաշվառում ստանալիս բոլորը պետք է հայկական ավտոհամարանիշները հանձնեն պահպանման, բայց հետ կստանան դրանք, երբ ցանկանան մեքենան դուրս բերել երկրից։

Ժամանակավոր հաշվառման դեպքում կտրամադրվի դեղին համարանիշ, բայց հնարավոր կլինի առանց խոչընդոտների այդ մեքենայով մեկնել արտասահման, նաև լիազորագիր տրամադրել մեքենայի համար։

Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից

Խուդայբերգենովի խոսքով` հայկական պետհամարանիշներով մեքենաների վարորդների մեծ մասը գոհ են։ Այնուամենայնիվ, բնակչության մի մասը ձեռնարկված միջոցառումներին որոշակի թերահավատությամբ է նայում, վախենալով, որ ավելի ուշ իշխանությունը միևնույնն է` կստիպի անգամ ժամանակավոր հաշվառման դեպքում վճարել բոլոր հարկերը, կարգելեն վաճառել մեքենաները արտասահմանում, կամ հայկական համարները չեն վերադարձնի։

Ոմանք մտածում են, թե ստիպված կլինեն հարկ վճարել միաժամանակ երկու երկրում։ Սակայն Խուդայբերգենովը հավատացրել է, որ իրականում մեքենաների սեփականատերերը 2020թ.-ի տրանսպորտային հարկը կմուծեն Հայաստանում, իսկ հաջորդ տարի արդեն Ղազախստանում, քանի որ տարեվերջին համապատասխան որոշում է սպասվում։

Մնում է աջ ղեկով մեքենաների հարցը, և այստեղ երեք լուծում է հնարավոր. կա՛մ տեղափոխել ղեկը (Խուդայբերգենովը վստահ չէ, որ մեքենան այդպիսով ավելի անվտանգ կդառնա) և ժամանակավոր հաշվառման կանգնել, կա՛մ վաճառել արտասահմանում, կա՛մ քանդել և վաճառել որպես ավտոպահեստամաս։

«Բայց տեսնենք, գուցե 100%-ով անվտանգ տեղափոխություն անելու անհնարինությունը թույլ տա նրանց համար էլ լուծում գտնել։ Իսկ առայժմ ունենք այն, ինչ ունենք»,-գրել է խորհրդականը։

Նա հիշեցրել է, որ հայկական մեքենաներ սկսել են ներկրել դեռ 2015թ.-ի հունվարի 1-ից, երբ Հայաստանը ԵԱՏՄ անդամ դարձավ, բայց հիմնական հոսքը եղել է 2019 թ.-ին։ Հայաստանից ավտոմեքենա բերելու հանդեպ հետաքրքրությունը պայմանավորված էր ԵԱՏՄ-ի այլ երկրների համեմատ ավելի ցածր ներկրման հարկով, ինչի շնորհիվ դրանք ավելի հասանելի էին դառնում։

Սակայն Հայաստանին տրամադրված հետաձգման ժամկետը սպառվել է դեռևս անցած տարվա վերջին, և արդեն 2020թ.-ից մաքսատուրքը աճել է` 10%-ից դառնալով 30-50%։ Այդ հանգամանքը ԵԱՏՄ երկրների, մասնավորապես Ղազախստանի վարորդներին շահագրգռել է մեքենա գնել։

Ընդհանուր առմամբ` Հայաստանինց Ղազախստան ներկրվել է 22 հազար մեքենա (որոնց 15%-ը` աջ ղեկով):

Նշենք, որ մինչև 2020 թվականը Հայաստանն օգտվում էր ազգային մաքսատուրքերի ժամանակավոր պահպանումից (այդ տուրքերը եվրասիականից շատ ավելի փոքր էին):

Այդ փաստից որոշեցին օգտվել ոչ միայն Հայաստանում, այլև ԵԱՏՄ այլ երկրներում, քանի որ միության երկրներից որևէ մեկում մաքսազերծված ապրանքը կարող է առանց խոչընդոտների շրջանառվել մյուս երկրներում։ Այդ պատճառով Ղազախստանի դիլերները մեծ թվով մեքենաներ ներկրեցին Հայաստանից։

Ինչ է փոխվելու ավտոներկրողների կյանքում հունվարից. մանրամասներ` ՊԵԿ նախագահից

114
թեգերը:
ավտոմեքենա, Հայաստան, ավտոներկրողներ, Ղազախստան
Ըստ թեմայի
Ավտոմեքենա ներկրողների ու մաքսայինի մշտական վեճը. ասա՝ ինչ արժե մեքենադ, ասեմ` ով ես դու
Լավ լուր ներկրողների համար. հունվարին հնարավոր կլինի մեքենա ներկրել գործող դրույքաչափով
Բանկերն առայժմ չեն վաճառում մեքենա ներկրողների գրավադրած տները․ միության տնօրեն
Դիմակով տղա. արխիվային լուսանկար

Իսրայելում USB–ով լիցքավորվող բազմանգամյա օգտագործման դիմակ են ստեղծել. լուսանկար

0
(Թարմացված է 14:29 26.05.2020)
Դիմակը ստեղծողների խոսքով` այն այսօր արդիական է ինչպես երբևէ, քանի որ սովորական, մեկանգամյա օգտագործման դիմակներն անհրաժեշտ է փոխել օրը մի քանի անգամ։

ԵՐԵՎԱՆ, 26 մայիսի –Sputnik. Իսրայելի Հայֆա քաղաքում գործող «Տեխնիոն» ինստիտուտի մասնագետները դիմակ են ստեղծել, որը կարող է ինքնամաքրվել և վերալիցքավորվել USB–ի միջոցով, հայտնում է Life.ru–ն։

Պաշտպանիչ միջոցի ներսում ածխածնային մանրաթելի շերտ կա, որը հոսանքին միացնելու դեպքում տաքանում է և սպանում վիրուսները։ Որոշ ժամանակ անց դիմակը կարելի է կրկին օգտագործել։

Ինչպես անել, որ մեկանգամյա օգտագործման դիմակներն ու ձեռնոցները վնաս չտան

Դիմակը ստեղծողների խոսքով` այն այսօր արդիական է ինչպես երբևէ, քանի որ սովորական, մեկանգամյա օգտագործման դիմակներն անհրաժեշտ է փոխել օրը մի քանի անգամ։ Միևնույն ժամանակ վերալիցքավորման հնարավորություն ունեցող բազմանգամյա դիմակները թույլ կտան խուսափել դեֆիցիտից և պաշտպանել մարդուն վարակից։

Разработанная в ученными Израильского технологического института самоочищающаяся защитная маска
Իսրայելցի բժիշկների ստեղծած դիմակը

Իսրայելցի բժիշկների մշակումը հաջող թեստավորում է անցել և պատենտավորվել է ԱՄՆ–ում։ Ներկա պահին քննարկվում է ինքնամաքրվող դիմակների զանգվածային արտադրություն կարգավորելու հնարավորությունը։

«Ես դիմակաֆոբ եմ»․ ինչպես են քաղաքացիներն ու մասնագետները վերաբերվում դիմակ կրելուն

0
թեգերը:
գիտնական, բժիշկ, Իսրայել, դիմակ
Սերգեյ Լավրով

ՀԱՊԿ ներուժը կարևոր է կորոնավիրուսի ստեղծած սպառնալիքներին արձագանքելու համար. Լավրով

21
(Թարմացված է 13:22 26.05.2020)
ՀԱՊԿ երկրների ԱԳ նախարարները, ի թիվս այլ հարցերի, քննարկում են նաև կենսաբանական անվտանգության ապահովման միջոցառումները։

ԵՐԵՎԱՆ, 26 մայիսի — Sputnik. Կորոնավիրուսային համավարակը լուրջ փորձություն է դարձել, այն ազդում է նաև Միջազգային հարաբերությունների, միջպետական կառույցների աշխատանքի վրա։ Այս մասին ասել է Ռուսաստանի ԱԳ նախարար Սերգեյ Լավրովը Հավաքական անվտանգության պայմանագրի կազմակերպության արտգործնախարարների խորհրդի առցանց նիստի ժամանակ։

ՌԴ ԱԳ նախարարը կարծում է, որ կորոնավիրուսի ստեղծած սպառնալիքներին արձագանքելու համար ՀԱՊԿ ներուժը բավական կարևոր է: Այն պետք է օգտագործվի ի շահ այդ կազմակերպության մեջ մտնող պետությունների քաղաքացիների առողջության և բարեկեցության։

«Այդ պատճառով մենք այսօր քննարկել ենք կենսաբանական անվտանգության ոլորտում համագործակցության առաջնահերթ միջոցառումները», - նշել է Լավրովը:

Նրա խոսքով` ՀԱՊԿ-ն անվտանգության ապահովման գործում առանցքային դեր է խաղում ոչ միայն իր պատասխանատվության գոտում, այլև ողջ եվրասիական տարածքում:

Հիշեցնենք, որ ՀԱՊԿ-ում ընդգրկված են Հայաստանը, Բելառուսը, Ղազախստանը, Ղրղզստանը, Ռուսաստանը եւ Տաջիկստանը:

ԱՀԿ-ն կանգնեցրել է COVID-19-ի դեմ երկու դեղամիջոցի մշակումը. մահացության ռիսկը մեծ է

21
թեգերը:
կորոնավիրուս, Հավաքական անվտանգության պայմանագիր կազմակերպություն (ՀԱՊԿ), Սերգեյ Լավրով
թեմա:
Կորոնավիրուսը Չինաստանում և աշխարհում
Ըստ թեմայի
Եթե պետք լինի, ՀԱՊԿ-ը լիովին կօգտագործի իր ռեսուրսները համավարակի դեմ պայքարում․ Զաս
ՀԱՊԿ-ը առայժմ չի չեղարկել սեպտեմբեր-հոկտեմբեր ամիսներին նախանշված զորավարժությունները
ՀԱՊԿ անդամ երկրների արտգործնախարարները առցանց հանդիպում կանցկացնեն
Пробирка с определяемым антигеном коронавируса в лаборатории

«Ձորակ» հոգեկան առողջության խնդիրներ ունեցողների կենտրոնում կորոնավիրուսի դեպք է հաստատվել

0
Այս պահին Ձորակ» հոգեկան առողջության խնդիրներ ունեցող անձանց խնամքի կենտրոն»-ից մեկուսացվածների թիվը 21 է։

ԵՐԵՎԱՆ, 26 մայիսի — Sputnik. «Ձորակ» հոգեկան առողջության խնդիրներ ունեցող անձանց խնամքի կենտրոնում կորոնավիրուսի առաջին դեպքն է հաստատվել։ Տեղեկությունը Sputnik Արմենիայի հետ զրույցում հաստատեց Աշխատանքի և սոցիալական հարցերի նախարարության մամուլի խոսնակ Սոնա Մարտիրոսյանը։

«Մայիսի 23–ին առողջության վատթարացում է նկատվել հաստատությունում գտնվող անձանցից մեկի` 23–ամյա աղջկա մոտ`կապված նրա խրոնիկ հիվանդության հետ։ Նրան տեղափոխել են բուժկենտրոն, թեստավորում են իրականացրել, և պատասխանը դրական է եկել»,–ասաց նա։

Մարտիրոսյանի խոսքով` այս պահին մեկուսացվածների թիվը 21 է։ Նրանց այսօր, հավանաբար, կթեստվորեն։ Մարտիրոսյանը խոստացավ արդյունքների հայտնի լինելու դեպքում հավելյալ տեղեկություն տրամադրել։

Նշենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 289-ով և դարձել 7402։

0
թեգերը:
Հայաստան, կորոնավիրուս