Թբիլիսի. արխիվային լուսանկար

Վրաստանում արտակարգ դրությունն ու պարետային ժամը չեն երկարաձգի

128
(Թարմացված է 17:38 21.05.2020)
Մայիսի 22-ից հետո արտակարգ դրություն և պարետային ժամ չի լինի, բայց որոշակի սահմանափակումներ երկրում կմնան: Այդպիսին է Վրաստանի կառավարության որոշումը։

ԵՐԵՎԱՆ, 21 մայիսի – Sputnik․ Վրաստանի վարչապետ Գեորգի Գախարիան որոշել է մայիսի 22-ից հետո չերկարաձգել արտակարգ դրությունը և  պարետային ժամը։ Տեղեկությունը հաղորդում է Sputnik Գրուզիան։

Վրաստանում արտակարգ դրություն էր հայտարարվել մարտի 21-ին՝ կորոնավիրուսի տարածումը կանխելու նպատակով։ Մարտի 31-ից երկրում սկսեց գործել պարետային ժամ։

«Մենք լավ ենք հասկանում, որ մեր պարտքն է խելամտորեն վերադառնալ նորմալ կյանքի ինչպես տնտեսության, այնպես էլ սոցիալական և առօրյա կյանքի տեսանկյունից։ Դա շատ կարևոր է։ Ուստի կառավարությունը որոշել է չերկարաձգել արտակարգ դրությունը և պարետային ժամը»,-ասել է Գախարիան։

Փաշինյանը Գախարիայի հետ քննարկել է Վրաստանի տարածքով հայկական բեռների փոխադրման հարցը

Ընդ որում` նա նշել է, որ անգամ արտակարգ դրության ավարտից հետո սահմանափակումները մնալու են։

Գախարիան նշել է, որ օրենսդրական շրջանակ է հարկավոր, որը թույլ կտա սահմանափակումները կիրառել առանց արտակարգ դրություն հայտարարելու։

Կորոնավիրուսի դեմ պայքարում Վրաստանը Եվրոպայում առաջին տեղերից մեկն է զբաղեցնում։ Փետրվարի 26-ից մինչև մայիսի 21-ը երկրում վարակման 721 դեպք է գրանցվել։ Այս պահի դրությամբ բուժվածների թիվը 485 է, 12 վարակված մահացել է։

Հայաստանից Վրաստան մեկնած վարորդը վարակվել է COVID-19–ով

128
թեգերը:
Գեորգի Գախարիա, Արտակարգ դրություն, կորոնավիրուս, Վրաստանի Հանրապետություն
թեմա:
Կորոնավիրուսը Չինաստանում և աշխարհում (703)
Ըստ թեմայի
Վրաստանն ուզում է լինել առաջին երկիրը, որը կբացի սահմանները զբոսաշրջիկների համար
Ինչպես և երբ կարող են ՀՀ քաղաքացիները Վրաստանից վերադառնալ Հայաստան. նոր հայտարարություն
Վրաստանում 2 ՀՀ քաղաքացի Covid-19-ով են վարակվել
Մանեկեններ

Վրաստանում գործող հագուստի խանութների հանդերձարանները կփակվեն

32
(Թարմացված է 00:16 27.05.2020)
Ընկերության ներկայացուցիչները քայլեր են ձեռնարկում, որպեսզի կանխեն կորոնավիրուսի տարածումը։

ԵՐԵՎԱՆ, 27 մայիսի – Sputnik. Վրաստանի մի շարք խանութների հաճախորդները չեն կարողանա գնումներ կատարելուց առաջ փորձել հագուստը։ Retail Group Georgia ընկերության տնօրեն Ռեզո Մագալաշվիլին «Բիզնեսպրեսնյուսի» հետ զրույցում ասել է, որ խանութների հանդերձարանները կփակվեն։

Խոսքը վերաբերում է Zara, Massimo Duti, Oisho, Bershka, Stradivarius և Վրաստանում ներկայացված մի շարք ապրանքանիշներին։ Որոշման պատճառը կորոնավիրուսի համավարակն է։ Արգելքն ուժի մեջ կմտնի, երբ սահմանափակումները կչեղարկվեն ու առևտրի կենտրոնները կբացվեն։

«Մեծ ռիսկ կա, որ վարակը կարող է տարածվել նաև հագուստի միջոցով, այդ պատճառով էլ կանխարգելիչ միջոցներ կկիրառվեն», - ասել է Մագալաշվիլին։

Նա նշել է նաև, որ հագուստը վերադարձնելու դեպքում այն անպայման կախտահանվի։

Հիշեցնենք` Վրաստանը մայիսի 23-ին որոշեց չերկարաձգել արտակարգ դրության ռեժիմը, սակայն մի շարք սահմանափակումներ կգործեն մինչև հուլիսի 15-ը։ Օրինակ` հագուստի և կոշիկի խանութներն այժմ կարող են միայն առցանց աշխատել։

Մայիսի 26-ի դրությամբ՝ Վրաստանում 732 մարդ է վարակվել կորոնավիրուսով։

Բարի գալուստ ապագա. նստել եմ թախտին, սպասում եմ առաքմանը, նրանք ինձ հաց ու ջուր են բերում

32
թեգերը:
կորոնավիրուս, խանութ, Վրաստանի Հանրապետություն
թեմա:
Կորոնավիրուսը Չինաստանում և աշխարհում (703)
Ըստ թեմայի
Բալիի փոխարեն «Զում», կամ հայաստանյան առցանց հարսանիքն արտակարգ դրության պայմաններում
Կորոնավիրուսը բոլորի տուն «կմտնի», կամ վարակը ստիպում է հիշել «տալոնով» հացը
Սերիալներ, շաուրմա, կարկանդակներ․ ինչ են որոնել և պատվիրել հայերը արտակարգ դրության օրերին
Առցանց առևտուր ու բժշկություն. ինչ է փոխել կորոնավիրուսը Հայաստանի աշխատաշուկայում
Բեթղեհեմում գտնվող տաճարը բացվել է Հայ առաքելական եկեղեցու հոգևորականների ներկայությամբ

Բեթղեհեմում գտնվող տաճարը բացվել է Հայ առաքելական եկեղեցու հոգևորականների ներկայությամբ

29
(Թարմացված է 23:52 26.05.2020)
Բացման արարողությանը ներկա են եղել տաճարի պատասխանատու երեք եկեղեցիների ղեկավարները։

ԵՐԵՎԱՆ, 26 մայիսի - Sputnik. Բեթղեհեմի Սուրբծննդյան տաճարը եռամսյա դադարից հետո բացվել է հավատացյալների համար։ Տեղեկությունը ՌԻԱ Նովոստիին է հայտնել Երուսաղեմի աջակցության մահմեդական–քրիստոնեական հիմնադրամի նախագահ Հաննա Իսսան։

Տաճարը փակ էր մարտի 5-ից։ Իսսան ասել է, որ մի քանի քրիստոնյա հոգևորականներ են հետևել եկեղեցու բացման արարողությանը։ Ներկա են եղել տաճարի պատասխանատու երեք եկեղեցիների ղեկավարները (Երուսաղեմի ուղղափառ եկեղեցի, Երուսաղեմի Հայոց պատրիարքություն, Երուսաղեմի լատինական պատրիարքարանի կաթոլիկ եկեղեցի – խմբ․)։

Տաճարը քրիստոնյա աշխարհի ամենանշանակալի սրբավայրերից է, ըստ ավանդության` կառուցված է Հիսուս Քրիստոսի ծննդյան վայրում։

Ավելի վաղ հայտնի էր դարձել, որ կորոնավիրուսի համավարակի պատճառով երկու ամիս փակ մնալուց հետո բացվել է նաև Երուսաղեմի Սուրբ Հարության տաճարը։

29
թեգերը:
տաճար, Բեթղեհեմ
Ըստ թեմայի
Միրանը համբուրում է Մայր տաճարի դուռը, բայց չի խաչակնքվում. ինչո՞ւ է նա պահպանում Անին
Հայկական եկեղեցին` ոչխարների փարախ. ինչպես Խարբերդի հայերը փրկեցին մշակութային կառույցը
Ստամբուլի հայկական եկեղեցին վառելու փորձի հարցը Թուրքիայի խորհրդարան է հասել