Բեռնատար

Հայաստանից Վրաստան մեկնած վարորդը վարակվել է COVID-19–ով

413
(Թարմացված է 22:40 20.05.2020)
Վարակվածի շփման շրջանակն արդեն պարզել են, բոլոր նրանք, ում հետ վարորդը շփվել է Հայաստանից վերադառնալուց հետո, ինքնամեկուսացել են։

ԵՐԵՎԱՆ, 20 մայիսի – Sputnik․ Հայաստանից Վրաստան մեկնած բեռնատարի 29-ամյա վարորդի մոտ կորոնավիրուս է ախտորոշվել։ Ըստ Sputnik Գրուզիայի` այս տեղեկությունը լրագրողներին է հայտնել Իմերեթիի մարզպետ Զվիադ Շալամբերիձեն։

Երիտասարդը երեկ գիշեր Քութայիսիի հիվանդանոց է տեղափոխվել Զեստափոնիից։ Բժիշկները նրա վիճակը գնահատում են կայուն։ Վարորդը եղել է Հայաստանում և Վրաստան վերադառնալուց հետո ինքնամեկուսացած է եղել։

«Մոնիթորինգ է իրականացվում երկիր մտնող և մեկնող բոլոր վարորդների համար, բոլորը հաշվառված են, ուստի մենք վերահսկում ենք նրանք ինքնամեկուսացման պայմանները։ Այդ մարդը նույնպես ինքնամեկուսացած է եղել։ Հետո ինքնազգացողությունը վատացել է, և նա դիմել է բուժկենտրոն»,-ասել է Շալամբերիձեն։

Մարզպետի խոսքով՝ բեռնափոխադրող վարորդի շփման շրջանակը պարզել են, և այդ մարդիկ նույնպես ինքնամեկուսացել են։

«Ընտանիքի հետ շփում չի ունեցել, մի քանի մարդ է նրա հետ շփվել է։ Այնպես որ տարածման վտանգ չկա»,-ասել է նա։

Վրաստանում կորոնավիրուսով վարակվելու դեպքերի թիվը հասել է 713-ի։ Այս պահի դրությամբ բուժվել է 475 մարդ, մահվան 12 դեպք է գրանցվել։

Վրաստանում կորոնավիրուսով վարակվելու առաջին դեպքը գրանցվել էր փետրվարի 26-ին։ Արդեն մարտի վերջին երկրի կառավարությունը վարակի տարածման սպառնալիքի պատճառով արտակարգ դրություն էր հայտարարել, որը երկարաձգվել է մինչև մայիսի 22-ը։ Երկրում մի շարք սահմանափակումներ են գործում, 21։00-06։00-ն պարետային ժամ է։

413
թեգերը:
վարորդ, կորոնավիրուս, Վրաստանի Հանրապետություն, Հայաստան
Ըստ թեմայի
Եթե ոչինչ չփոխենք, մայիսի վերջին կունենանք 10, հունիսի կեսին` 20 հազար հիվանդ. Փաշինյան
Հայաստանում պլանավորում են կորոնավիրուսի ախտորոշման մինչև 3000 թեստ արտադրել օրական
Դիմակով մինչև Տաթև, կամ ՀՀ քաղաքացին պատրա՞ստ է օտար երկրում 14 օր մնալ կարանտինում
Манекены в женском отделе магазина

Վրաստանում գործող հագուստի խանութների հանդերձարանները կփակվեն

2
Ընկերության ներկայացուցիչները քայլեր են ձեռնարկում, որպեսզի կանխեն կորոնավիրուսի տարածումը։

ԵՐԵՎԱՆ, 27 մայիսի – Sputnik. Վրաստանի մի շարք խանութների հաճախորդները չեն կարողանա գնումներ կատարելուց առաջ փորձել հագուստը։ Retail Group Georgia ընկերության տնօրեն Ռեզո Մագալաշվիլին «Բիզնեսպրեսնյուսի» հետ զրույցում ասել է, որ խանութների հանդերձարանները կփակվեն։

Խոսքը վերաբերում է Zara, Massimo Duti, Oisho, Bershka, Stradivarius և Վրաստանում ներկայացված մի շարք ապրանքանիշներին։ Որոշման պատճառը կորոնավիրուսի համավարակն է։ Արգելքն ուժի մեջ կմտնի, երբ սահմանափակումները կչեղարկվեն ու առևտրի կենտրոնները կբացվեն։

«Մեծ ռիսկ կա, որ վարակը կարող է տարածվել նաև հագուստի միջոցով, այդ պատճառով էլ կանխարգելիչ միջոցներ կկիրառվեն», - ասել է Մագալաշվիլին։

Նա նշել է նաև, որ հագուստը վերադարձնելու դեպքում այն անպայման կախտահանվի։

Հիշեցնենք` մայիսի 23-ից Վրաստանում արտակարգ դրության ռեժիմը չեղարկվել է, սակայն մի շարք սահմանափակումներ գործելու են մինչև հուլիսի 15-ը։ Օրինակ` հագուստի և կոշիկի խանութներն այժմ կարող են միայն առցանց աշխատել։

Մայիսի 26-ի դրությամբ՝ Վրաստանում 732 մարդ է վարակվել կորոնավիրուսով։

 

2
Բեթղեհեմում գտնվող տաճարը բացվել է Հայ առաքելական եկեղեցու հոգևորականների ներկայությամբ

Բեթղեհեմում գտնվող տաճարը բացվել է Հայ առաքելական եկեղեցու հոգևորականների ներկայությամբ

3
(Թարմացված է 23:52 26.05.2020)
Բացման արարողությանը ներկա են եղել տաճարի պատասխանատու երեք եկեղեցիների ղեկավարները։

ԵՐԵՎԱՆ, 26 մայիսի - Sputnik. Բեթղեհեմի Սուրբծննդյան տաճարը եռամսյա դադարից հետո բացվել է հավատացյալների համար։ Տեղեկությունը ՌԻԱ Նովոստիին է հայտնել Երուսաղեմի աջակցության մահմեդական–քրիստոնեական հիմնադրամի նախագահ Հաննա Իսսան։

Տաճարը փակ էր մարտի 5-ից։ Իսսան ասել է, որ մի քանի քրիստոնյա հոգևորականներ են հետևել եկեղեցու բացման արարողությանը։ Ներկա են եղել տաճարի պատասխանատու երեք եկեղեցիների ղեկավարները (Երուսաղեմի ուղղափառ եկեղեցի, Երուսաղեմի Հայոց պատրիարքություն, Երուսաղեմի լատինական պատրիարքարանի կաթոլիկ եկեղեցի – խմբ․)։

Տաճարը քրիստոնյա աշխարհի ամենանշանակալի սրբավայրերից է, ըստ ավանդության` կառուցված է Հիսուս Քրիստոսի ծննդյան վայրում։

Ավելի վաղ հայտնի էր դարձել, որ կորոնավիրուսի համավարակի պատճառով երկու ամիս փակ մնալուց հետո բացվել է նաև Երուսաղեմի Սուրբ Հարության տաճարը։

3
թեգերը:
տաճար, Բեթղեհեմ
Ըստ թեմայի
Միրանը համբուրում է Մայր տաճարի դուռը, բայց չի խաչակնքվում. ինչո՞ւ է նա պահպանում Անին
Հայկական եկեղեցին` ոչխարների փարախ. ինչպես Խարբերդի հայերը փրկեցին մշակութային կառույցը
Ստամբուլի հայկական եկեղեցին վառելու փորձի հարցը Թուրքիայի խորհրդարան է հասել