Վլադիմիր Զելենսկի

Նորից կընտրվի՞. փորձագետներն ամփոփել են Զելենսկու նախագահության մեկ տարվա արդյունքները

84
Վլադիմիր Զելենսկին արդեն մեկ տարի է` ղեկավարում է Ուկրաինան։ Այս ընթացքում ի՞նչ է փոխվել երկրում։ Փորձագետները վերլուծել են Ուկրաինայի առաջնորդի ձեռքբերումներն ու բացթողումները։ Զելենսկու ղեկավարության արդյունքների մասին կարդացեք ՌԻԱ Նովոստիի նյութում։

Մեկ տարի առաջ տեղի ունեցավ Ուկրաինայի նախագահ Վլադիմիր Զելենսկու երդմնակալության արարողությունը։ Զելենսկին այս ընթացքում հասցրել է իրականացնել իր նախընտրական խոստումներից մի քանիսը, մասնավորապես, չեղարկել պատգամավորական անձեռնմխելիությունը։

Միևնույն ժամանակ, Դոնբասին խոստացած խաղաղությունը նա այդպես էլ չի բերել։ Նրան չի հաջողվել հասնել նաև երկրի բարեփոխման հարցում լուրջ առաջընթացի և «աղքատության դարաշրջանի» հաղթահարման, ինչպես նաև Ռուսաստանի հետ հարաբերությունների նորմալացման։

ՌԻԱ Նովոստիի կողմից հարցված փորձագետները կարծում են, որ Զելենսկին «այս ամբողջ ընթացքում սովորում էր նախագահ լինել, սակայն այդպես էլ չի հասկանում, թե ինչպես է պետք կառավարել այդ նավը»։

Զելենսկու կառավարման մեկ տարվա ընթացքում երկրի բոլոր փոփոխությունները տեղի էին ունենում «տուրբո ռեժիմում»։ Նրա առաջին որոշումը երդմնակալությունից հետո խորհրդարանի լուծարումն էր և արտահերթ ընտրությունների հայտարարումը, որոնք տեղի ունեցան անցած տարվա ամռանը։

«Նորմանդական» գագաթնաժողովը կայացավ. ի՞նչ կորոշի Զելենսկին

Արդյունքում նախագահամետ կուսակցությունը 246 մանդատ ստացավ (անհրաժեշտ 226-ի դեպքում) և ինքնուրույն կոալիցիա ձևավորեց։ Գերագույն ռադան մեկ տարուց պակաս աշխատանքի ընթացքում արդեն հասցրել է ավելի քան 180 օրենք ընդունել։

Զելենսկու կառավարման առանցքային խնդիրը կադրային քաղաքականությունն էր. իշխանության եկավ մարդ, որը երկիրը ղեկավարելու համար թիմ չուներ։

«Զելենսկին և ընտրողները կարծում էին, որ բավական է նոր մարդկանց բերել, և ամեն ինչ հնարավոր է արագ ապարագելափակել։ Պարզվեց, որ դա այդպես չէ։ Բարդ խնդիրները հնարավոր չէ արագ և հեշտ լուծել», – կարծում է ուկրաինացի քաղաքագետ Վլադիմիր Ֆեսենկոն։

«Ժողովրդի ծառայի» պատգամավորների շրջանում նոր դեմքերն արագ դարձան «հին» դեմքեր։ Փաստացի իշխանական կուսակցությունը բաժանվեց ազդեցության ոչ ֆորմալ խմբերի և արդեն վաղուց անկայուն է գործում։

Անարդյունավետ կադրային քաղաքականությունը խնդիրների հանգեցրեց նաև Ուկրաինայի տնտեսության մեջ։ Անկախ կոռուպցիայի նկատմամբ հանդուրժողականության զրոյական մակարդակի մասին բազմաթիվ հայտարարություններից, Զելենսկին արդեն ստացել է սեփական մեծ կոռուպցիոն սկանդալը։ Մարտի վերջին տեսաձայնագրություններ են հրապարակվել, որոնք վկայում են այն մասին, որ նախագահի գրասենյակի ղեկավար Երմակի եղբայրը հարցազրույցներ է անցկացրել պետական պաշտոններին հավակնող թեկնածուների հետ և, հավանաբար, դրա համար գումար վերցրել։

Զելենսկին այս մեկ տարվա ընթացքում ամենաշատն ուշադրություն էր դարձնում Դոնբասում ռազմական հակամարտության դադարեցման վրա։ Անցած տարվա վերջին Ֆրանսիայի, Գերմանիայի, Ուկրաինայի և Ռուսաստանի առաջնորդները երեք տարվա դադարից հետո բանակցությունների սեղանի շուջ նստեցին «նորմանդական ձևաչափում»։ Ուկրաինայի արևելքում հանդիպման արդյունքում մի շարք կետերում ուժերի հետ քաշում տեղի ունեցավ, ինչպես նաև հաջողվեց «պահվող» անձանց նշանակալի փոխանակումներ կատարել ՌԴ–ի և ինքնահռչակ ԴԺՀ–ի և ԼԺՀ–ի հետ։

Զելենսկին երդվել է չսափրվել մինչև ձերբակալված նավերն Ուկրաինա չվերադառնան

Մինսկում Դոնբասի կոնտակտային խումբը համաձայնեցրել էր «Շտայնմայերի բանաձևը», որը սահմանում է տարածաշրջանի հատուկ կարգավիճակի մասին օրենքն ուժի մեջ մտնելու կարգը։ Կիևի այս որոշման հակառակորդները բանաձևի համաձայնեցումից հետո Ուկրաինայի մայրաքաղաքում, ինչպես նաև երկրի մի շարք այլ քաղաքներում հանրահավաքներ անցկացրին։ Դոնբասի կարգավիճակի մասին օրենքը մինչ օրս չհայտնվեց Ռադայի պատերի ներսում։

«Բանակցային գործընթացի սառույցը հալվեց, և դա, անկասկած, Զելենսկու հաջողություններից է։ Բայց, ցավոք, «նորմանդական քառյակի» երկրորդ հանդիպումը տեղի չունեցավ։ Եվ պատճառը կորոնավիրուսը չէր, պատճառն այն է, որ դեռ չեն իրականացվել առաջին հանդիպման արդյունքները։ Անկախ դրական մեկնարկից, Զելենսկին այսօր մոտեցել է որոշակի ռուբիկոնի, երբ Դոնբասի վերաբերյալ բարդ որոշումներ է պետք կայացնել», – ասել է Ուկրաինայի վերլուծության և քաղաքականության կառավարման ինստիտուտի տնօրեն Ռուսլան Բորտնիկ։

Արտաքին քաղաքականության մեջ Զելենսկին պահպանել է Կիևի եվրաինտեգրման վեկտորը և շարունակում է համագործակցել ՆԱՏՕ–ի հետ։ Միևնույն ժամանակ, նախագահի գրասենյակում հստակ ռազմավարություն չկա։

«Թիմում ռազմավարական պլանավորում չի զգացվում, իսկ դա, նախևառաջ, առաջնահերթությունների ընտրությունն է», – կարծում է հեռանկարային հետազոտությունների միջազգային կենտրոնի փորձագետ Նիկոլայ Կապիտոնենկոն:

Ռուսաստանի հետ հարաբերություններում ուկրաինական կողմը նկատելիորեն հեռացրել է ագրեսիվ հռետորաբանությունը, սակայն հարաբերությունները չի կարելի կարգավորված համարել։

«Ռուսաստանի հետ հարաբերությունները մեզ մոտ վրացական սցենարով են ընթանում, որի դեպքում մի կողմից գազի տարանցման կարևոր պայմանագիր է կնքվել, ավելի քիչ խոչընդոտներ են մնացել առևտրի համար, մյուս կողմից` քաղաքական որոշակի կարգավորման մասին խոսել չենք կարող։ Ուկրաինայում ՌԴ դեսպան չկա, և քաղաքական հարաբերությունները շատ ցածր կետում են», –կարծում է Բորտնիկը։

Անկախ սխալներից և հասարակության համար ոչ միշտ հասկանալի որոշումներից, Զելենկին կրկին կհաղթեր ընտրություններում, եթե դրանք տեղի ունենային առաջիկայում։ Սոցհարցման վերջին տվյալների համաձայն` նրան պատրաստ է ձայն տալ պոտենցիալ ընտրողների ավելի քան 40%–ը։

Անցած տարվա ընտրությունների առաջին փուլի արդյունքներով նա հավաքեց ընտրողների ձայների առավելագույն քանակը (30,24%)` գործող նախագահ Պորոշենկոյից կրկնակի ավել։ Ընտրությունների երկրորդ փուլում Զելենսկին հաղթեց` հավաքելով 73,22% քվե։

Երբ տղաները գալիս են հասարակաց տուն, տղամարդիկ հեռանում են. Զելենսկին պատասխանել է կատակին

84
թեգերը:
փորձագետ, Նախագահ, Ուկրաինա, Վլադիմիր Զելենսկի
Ըստ թեմայի
Ուկրաինան ուզում է ստեղծել սեփական առասպելը. ինչ է ակնարկել Զելենսկին Լեհաստանում
Զելենսկին առանց խոսափողի է մնացել Մյունխենի համաժողովում ու կատակել ականջների թեմայով
Զելենսկին Սաակաշվիլուն փոխվարչապետի պաշտոն է առաջարկել
Բեռնատար, արխիվային լուսանկար

ՌԴ-ից ՀՀ պայթուցիկ նյութեր տեղափոխող բեռնատարները մնացել են Վրաստանում․ ո՞րն է պատճառը

87
(Թարմացված է 01:07 05.08.2020)
Հանքարդյունահանման ոլորտում հայկական ձեռնարկությունների կողմից օգտագործվող պայթուցիկ նյութով բեռնված յոթ ֆուռերն արդեն երկու շաբաթ է ՝ գտնվում է Վերին Լարսի չեզոք գոտում ։

ԵՐԵՎԱՆ, 5 օգոստոսի – Sputnik․ Հանքարդյունահանման ոլորտում հայկական ձեռնարկությունների կողմից օգտագործվող նյութով բեռնված յոթ բեռնատարներն արդեն երկու շաբաթ է՝ գտնվում են «Վերին Լարսի» սահմանային անցակետի չեզոք գոտում։ Բեռնատարները հատել են ռուսական կողմի սահմանը, սակայն վրացական սահմանապահ ծառայությունը չի թույլատրում դրանց տեղաշարժը Վրաստանի տարածքով։ Այս մասին Sputnik Արմենիայի թղթակցի հետ զրույցում հայտնեց Հայաստանում Geo Pro Mining ընկերության պաշտոնական ներկայացուցիչ Ռուզաննա Գրիգորյանը։

Նա նշեց, որ սահմանապահները չեն մեկնաբանում, թե ինչու  բեռնատարների մուտքը Վրաստան չեն թույլատրում։ ՀՀ ԱԳՆ-ն, և Վրաստանում Հայաստանի դեսպանատունն  արդեն զբաղվում են խնդրով։

Ինչի՞ համար են պայթուցիկ նյութերը

Հանքարդյունահանող GPM Gold ընկերության, ինչպես նաև Ագարակի կոմբինատի համար նախատեսված բեռնատարները բեռնված են ԱՍ-25 Պէմուլսիոն բաղադրանյութով․ պայթուցիկ նյութը նախատեսված է լեռնային աշխատանքների համար: Այն արդեն մի քանի տարի է՝Ռուսաստանից Հայաստան է ներկրվում Վրաստանի տարածքով։

Այս ապրանքի մատակարարման մասին GPM Gold-ը ռուսական «Պրոմսինթեզ» ընկերության հետ պայմանագիր է կնքել դեռևս 2018 թվականին։ Այդ ժամանակից ի վեր,միայն իր ներքին սպառման համար,ընկերությունը մատակարարում է 160 տոննա նշված նյութից՝ 12-13 տրանսպորտային միջոցներով. Գրիգորյանը նշեց, որ 2 տարվա ընթացքում որևէ խնդիր չի առաջացել։

«Ապրանքը չեն ընդունել և անցումը չեն թույլատրել վրացի սահմանապահները, չնայած որ մատակարարը՝ ռուսական «Պրոմսինթեզ» ընկերությունը, ունեցել է անհրաժեշտ բոլոր փաստաթղթերն ու ներկրման իրավունքը»,- պարզաբանեց նա։

«Ֆուդ սիթիի» խնդիրը չի լուծվել, բայց մթերքով բեռնված և արգելափակված բեռնատար չկա. Տողանյան

Գրիգորյանը նշեց, որ այդ ապրանքը պարբերաբար օգտագործվում է ընկերության ակտիվների ներկարտադրական ցիկլում և վերահսկվում է ՀՀ իրավասու մարմինների կողմից: Հետևաբար, բեռը երրորդ կողմին հանձնելու հնարավոր սպառնալիքների մասին խոսք լինել չի կարող։

Նշված նյութը հատուկ տեսակի ապրանքների կատեգորիայի մեջ է։ Ոչ մի ընկերություն չի կարող հենց այնպես, ինքնուրույն մատակարարել այն, դրա համար հատուկ ծառայություններից ստացած թույլտվություն, ինչպես նաև երկրի կառավարությունների երաշխավորական պարտավորագրեր են հարկավոր։ Բացի առևտրային համաձայնագրի կնքումից, Էկոնոմիկայի նախարարությունը հատուկ հավաստագիր է տրամադրում, համաձայն որի՝ ապրանքը հասնում է վերջնական օգտագործողին՝ պատվիրատուին, տվյալ դեպքում՝ GPM Gold-ին։

Ընկերությունում հույս ունեն, որ Հայաստանի Հանրապետության իրավասու մարմինների և Վրաստանի համապատասխան կառույցների միջև բանակցությունները կավարտվեն կառուցողական եզրակացությամբ, և կարճ ժամանակում ապրանքը տեղ կհասնի։

Խնդիրը տեխնիկակա՞ն է

Վրաստանի միջազգային բեռնափոխադրողների ասոցիացիայի գլխավոր քարտուղար Գիա Ցիպուրիան կարծում է, որ խնդիրը զուտ տեխնիկական տիրույթում է։

«Սա սովորական ապրանք չէ և սովորական բեռնափոխադրումների ու բարդ տրանզիտի մեջ չի տեղավորվում»,-շեշտեց նա։

Ցիպուրիան վերհիշեց, որ մեկ անգամ բեռը հետ են ուղարկել պարզապես այն պատճառով, քանի որ հնարավոր չի եղել այն թունելով անցկացնել։ Մեկ անգամ էլ պատճառ է դարձել նախապես նշված չափերի ու ծավալի գերազանցումը։ Մեկ այլ դեպքում՝ բեռը կանգնեցրել են, քանի որ վարորդի որակավորման ժամկետը լրացած է եղել։ Իսկ թե ինչ է տեղի ունեցել այս անգամ՝ նա որևէ մեկնաբանություն չի տվել։

Ինչ կտա «կանաչ միջանցքը» հայկական բեռնատարներին. «Վերին Լարսի» հերթերը կմնա՞ն անցյալում

Վրաստանի նախագահի աշխատակազմի նախկին ղեկավար Պետրե Մամրաձեն քաղաքական ենթատեքստը բացառեց․ «Ես լավ գիտեմ նման իրավիճակները։ Բացառված է, որ որևէ մեկը հենց այնպես վերցնի ու որոշի բեռնատարները ներս չթողնել»։

Մամրաձեն ևս կոչ արեց սպասել պաշտոնական հայտարարությունների։

87
թեգերը:
դեսպանատուն, Արտաքին գործերի նախարարություն (ԱԳՆ), բեռնափոխադրում, բեռնատար, Վրաստանի Հանրապետություն, Հայաստան, Ռուսաստան
Ըստ թեմայի
ՀՀ քաղաքացիների հետ միջադեպ Վերին Լարսում․ դեսպանությունը բացատրեց` ինչ է տեղի ունեցել
«Մենք ամեն ինչի պատրաստ ենք, միայն թե Վերին Լարսում ֆիզիկական զննում չլինի». Փաշայան
Ինքնագործունեությունը բարդացնում է իրավիճակը Լարսում` ստեղծելով լարումներ. Թանանյան
Տևական ժամանակ Վերին Լարսում գտնվող քաղաքացիները տեղափոխվել են Հայաստան

Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին

187
(Թարմացված է 00:30 05.08.2020)
Լիբանանում կարծել են, թե տեղի ունեցած պայթյունն ահաբեկչություն է, քանի որ օգոստոսի 6-ին միջազգային դատարանը պետք է հրապարակի նախկին վարչապետ Ռաֆիկ Հարիրիի սպանության գործով որոշումը:

Երևան, 4 օգոստոսի - Sputnik. Լիբանանի նավահանգստում այսօր երեկոյան որոտացած հզոր պայթյունի մասին Sputnik Արմենիայի հետ զրույցում մանրամասներ է հաղորդել Լիբանանի «O TV» հեռուստաընկերության և «Վանա ձայն» ռադիոյի հաղորդավար Լորիկ Սապունջյանը:

Նրա խոսքով՝ պայթյունն այնքան ուժգին է եղել, որ ցնցումը զգացվել է ավելի քան 10 կիլոմետր շառավղով: Սապունջյանը նշեց, որ մարդիկ, որոնք հիշում են 15 տարի առաջ տեղի ունեցած պայթյունը, ինչի հետևանքով զոհվեց Լիբանանի վարչապետ Ռաֆիկ Հարիրին, փաստում են, որ այսօր տեղի ունեցածն ավելի ուժգին էր:

«Առաջին րոպեներին բոլորս կարծեցինք, թե տեղի ունեցածն ահաբեկչություն է, քանի որ օգոստոսի 6-ին միջազգային դատարանը պետք է հրապարակի նախկին վարչապետ Ռաֆիկ Հարիրիի սպանության հարցով որոշումը, և շատերը կարծում էին, որ պայթյունը ահաբեկչական գործողություն է՝ վճռի հրապարակումից առաջ, սակայն ավելի ուշ լրատվամիջոցները հաղորդեցին, որ տեղի ունեցածը պարզապես դժբախտ պատահար է»,- պատմեց Սապուջյանը:

«Ցնցված եմ». Փաշինյանը ցավակցություն է հայտնել Բեյրութում զոհվածների հարազատներին

Ըստ լրագրողի՝ նախնական տեղեկություններով, Բեյրութի նավահանգստի թիվ 12 պահեստում եղած պայթուցիկ ու դյուրավառ նյութերն են պայթել: Անվտանգության մարմինների նախնական վարկածով՝ պայթուցիկներն անցյալ տարի Լիբանան են ներկրվել ապօրինի և առգրավվել էին նավերից մեկից ու մինչ օրս պահվում էին պահեստում:

«Պայթյունն այնքան հզոր էր, որ մեծ թվով, այդ թվում՝ հայահոծ շրջաններ են տուժել: Կոտրվել են բնակարանների և տների ապակիներ, քանդվել են մեծ թվով շինություններ: Հայերով բնակեցված շրջաններում կան վիրավորներ, որոնց մի մասը վիրահատվել են: Զոհերի թվի մասին հստակ տեղեկություններ չկան, բայց նյութական վնասն ահռելի է»,-փաստեց մեր զրուցակիցը:

Սապունջյանը հայտնեց, որ պայթյունից տուժել են նաև հայկական Բուրջ Համուդ թաղամասում գտնվող «Վանա ձայն» ռադիոկայանը, «Ազդակ» օրաթերթի խմբագրատունը, «Համազգային հայ կրթական և մշակութային միության» հրատարակչատունը:

Լիբանանի նախագահ Միշել Աունը երկրում համազգային սուգ է հայտարարել:

Հիշեցնենք` Լիբանանի մայրաքաղաք Բեյրութում` նավահանգստի շրջանում, այսօր երեկոյան ուժգին պայթյուն է որոտացել։ Ինչպես պարզվեց՝ պայթյունը որոտացել է Բեյրութի Բուրջ Համուդ հայկական թաղամասի մոտ. վնասները շատ մեծ են։

Սկզբում կրակոց է լսվել, որից հինգ րոպե անց սև ու սպիտակ ծուխ է տարածվել։ Այնուհետև հզոր պայթյուն է որոտացել, և կարմիր ծուխ է բարձրացել։ Բազմաթիվ օգտատերեր պայթյունի կադրերն սկսել են հրապարակել համացանցում։

187
թեգերը:
Վիրավոր, Տուժածներ, պայթյուն, Ահաբեկչություն, Բեյրութ, Լիբանան
Ըստ թեմայի
Ուժգին պայթյունի հետևանքով Բեյրութում մեծ վնասներ է կրել հայկական Սուրբ Գևորգ եկեղեցին
Լիբանանում ՀՀ դեսպանությունը փորձում է պարզել՝ Բեյրութի պայթյունից հայեր տուժել են, թե ոչ
Պայթյունը որոտացել է Բեյրութի հայկական թաղամասի հարևանությամբ. Վարդինե Օհանյան