Բրիթնի Սփիրս

«Ես անճոռնի ճուտիկ էի»․ Բրիթնի Սփիրսն անկեղծացել է

43
(Թարմացված է 17:34 19.05.2020)
Բրիթնի Սփիրսը մի անգամ հավաքել է մազերը, ինչն իրեն գրավիչ է թվացել, սակայն երգչուհին խոստովանել է, որ իրականում ամեն ինչ սարսափելի է եղել։

ԵՐԵՎԱՆ, 19 մայիսի - Sputnik. Ամերիկյան փոփ-երգչուհի Բրիթնի Սփիրսը երիտասարդ տարիքում վատ ատամնաշարի պատճառով իրեն անճոռնի ճուտիկ է զգացել։ Հայտնի երգչուհին այս մասին խոստովանել է Instagram-ի իր էջում։

Посмотреть эту публикацию в Instagram

Публикация от Britney Spears (@britneyspears)

Սփիրսը նկար է հրապարակել, որտեղ նա պատկերված է խոշոր պլանով՝ մազերը «պոչիկ արած» ու ճակատին թափված մազափունջով, ինչը, նրա խոսքով, երիտասարդացնում է կնոջը. այդպիսի «պոչիկ» երգչուհին վերջին անգամ երրորդ դասարանում է ունեցել։

Բրիթնի Սփիրսը կրքոտ պարի ժամանակ կոտրել է ոտքը. տեսանյութ

«Ճակատը ցուցադրելը պատասխանատու որոշում է։ Հարավում միայն հմայիչ մարդիկ էին այդպես վարվում, իսկ ես ինձ այդպիսին չէի համարում։ Գեղեցկության մրցույթների մասնակիցները բաց ճակատով էին, բայց ինձ իրենց շարքում չէի տեսնում։ Ես վատ ատամնաշար ունեի ու ինձ անճոռնի ճուտիկ էի զգում»,- ասել է շոու բիզնեսի աստղը։

Բրիթնի Սփիրսը խոստովանել է, որ մի անգամ համարձակվել է հավաքել մազերը, ինչն իրեն գրավիչ է թվացել, մինչդեռ իրականում ամեն ինչ սարսափելի էր։

«Դա սարսափելի էր». Բրիթնի Սփիրսի մորը մեղադրել են երեխայի մահվան մեջ

43
թեգերը:
Գեղեցկության մրցույթ, երգչուհի, Բրիթնի Սփիրս
Ըստ թեմայի
Բրիթնի Սփիրսին հոգեբուժարան են տեղափոխել
Բրիթնի Սփիրսն ամենահաջողակ պարֆյումերն է
Ադելի անձնական մարզիչը բացահայտել է, թե հանուն ում է երգչուհին 45 կգ քաշ կորցրել
Կարանտին «հայկական ձևով». ռուսաստանցի օպերային երգչուհին չի հասցնում ձանձրանալ
Երգչուհի Լիլուն երեխայի է սպասում․ լուսանկար
Ուլան Բատոր. արխիվային լուսանկար

Մոնղոլիան դրական է վերաբերվում ՀԱՊԿ-ին միանալու հրավերին․ Զինովև

17
(Թարմացված է 14:44 06.07.2020)
Մոնղոլիան ՀԱՊԿ-ի աշխատանքին միանալու հրավեր է ստացել, ու Ռուսաստանի շահերի տեսակետից դա մեծ նշանակություն ունի։

ԵՐԵՎԱՆ, 6 հուլիսի — Sputnik. Մոնղոլիան դրական է արձագանքել Հավաքական անվտանգության մասին պայմանագրի կազմակերպությանը (ՀԱՊԿ) միանալու հրավերին։ ՌԻԱ Նովոստիի փոխանցմամբ՝ ՌԴ ԱԳՆ Ասիայի առաջին դեպարտամենտի տնօրեն Գեորգի Զինովևը նման հայտարարություն է արել Դաշնության խորհրդում։

Նրա խոսքով՝ Մոնղոլիան ՀԱՊԿ-ի աշխատանքին միանալու հրավեր է ստացել, ու Ռուսաստանի շահերի տեսակետից դա մեծ նշանակություն ունի։

«Մոնղոլիան դրական է դիտում այդ հրավերը։ Այն արձագանք է գտնում երկրի ղեկավարության շրջանում», - ասել է ռուս դիվանագետը։

Մոնղոլիան նաև հետաքրքրություն է ցուցաբերում նաև Շանհայի համագործակցության կազմակերպության հանդեպ այն բանից հետո, երբ Հնդկաստանն ու Պակիստանն այդ կազմակերպություն են մտել։

Ավելին՝ Մոնղոլիայի ու Եվրասիական տնտեսական հանձնաժողովի միջև բանակցային գործընթաց է սկսվում։

Ավելի վաղ ՌԴ արտգործնախարար Սերգեյ Լավրովն ասել էր, որ Շանհայի համագործակցության կազմակերպությունն ու ԱՊՀ-ն ապագայում կարող են ՀԱՊԿ գործընկերների կարգավիճակ ստանալ։ Նա հիշեցրել էր, որ ՀԱՊԿ գործընկերների ու դիտորդների կարգավիճակի հաստատման մասին որոշումը կազմակերպության մասնակից պետությունների ղեկավարները կայացրել են Ղազախստանում երկու տարի առաջ։

Ադրբեջանը հանուն ՀԱՊԿ–ի քաղաքական առևտուր կսկսի՞ Ռուսաստանի ու Արևմուտքի հետ

ՀԱՊԿ անդամ երկրներն են Հայաստանը, Ռուսաստանը, Բելառուսը, Տաջիկստանը, Ղրղզստանն ու Ղազախստանը։

17
թեգերը:
Ռուսաստան, Մոնղոլիա, Հավաքական անվտանգության պայմանագիր կազմակերպություն (ՀԱՊԿ)
թեմա:
Հայաստան և ՀԱՊԿ
Ըստ թեմայի
ՀԱՊԿ-ը առայժմ չի չեղարկել սեպտեմբեր-հոկտեմբեր ամիսներին նախանշված զորավարժությունները
ՀԱՊԿ ներուժը կարևոր է կորոնավիրուսի ստեղծած սպառնալիքներին արձագանքելու համար. Լավրով
Լավրովն ասաց` ով կարող է ՀԱՊԿ դիտորդ դառնալ ապագայում
Лаборатория для тестирования на коронавирус

Ռուսական պատվաստանյութը հետաքրքրել է ԱՀԿ-ին

34
(Թարմացված է 14:09 06.07.2020)
Առողջապահության համաշխարհային կազմակերպության ավագ գիտաշխատողը հույս է հայտնել, որ ռուս գիտնականները կհամաձայնեն համագործակցել։

ԵՐԵՎԱՆ, 6 հուլիսի – Sputnik. Առողջապահության համաշխարհային կազմակերպության (ԱՀԿ) ավագ գիտաշխատող Սումիա Սվամինատանը ՌԻԱ Նովոստիի հետ զրույցում ասել է, որ կազմակերպությունը հետաքրքրված է կորոնավիրուսի դեմ ռուսական պատվաստանյութով։

Ռուսաստանի առողջապահության նախարարությունը COVID-19-ի բուժման երկու դեղամիջոց է հավանության արժանացրել՝ «Ավիֆավիրը» ու «Արեպլիվիրը»։

«Մենք գիտենք, որ ավիֆավիրի փորձարկումներ են անցկացվում։ Դեղամիջոցները երկու կամ երեք թեստ են անցնում, այնպես որ սպասում ենք արդյունքների», - ասել է Սվամինատանը։

Նա հիշեցրել է, որ ԱՀԿ-ն «Համերաշխության թեստեր» ծրագիր ունի, որն ուղղված է կորոնավիրուսի դեմ դեղերի ու պատվաստանյութերի մասին տեղեկատվության փոխանակմանը։ ԱՀԿ ավագ գիտաշխատողը հույս է հայտնել, որ ռուսաստանցի գիտնականները կհամաձայնեն համագործակցել։

Նշենք, որ այժմ Ն․Ֆ․ Գամալեայի անվան միկրոկենսաբանության և համաճարակաբանության ազգային հետազոտական կենտրոնի ստեղծած պատվաստանյութը փորձարկումների փուլում է։ Թեստավորումն իրականացվում է պաշտպանության նախարարության հետ համագործակցությամբ։

Ռուսական պատվաստանյութը կորոնավիրուսից կպաշտպանի երկու տարի անընդմեջ

Բացի այդ, թեստավորումներ են անցկացվում Սեչենովի անվան համալսարանում։

Առողջապահության համաշխարհային կազմակերպությունը (ԱՀԿ) մարտի 11-ին նոր COVID-19-ի բռնկումը հայտարարել է համավարակ։ Կազմակերպությունը բոլոր երկրներին կոչ է արել միանալ վարակի դեմ ակտիվ պայքարին։

Worldometer կայքի տվյալների համաձայն՝ աշխարհում կորոնավիրուսով վարակվածների թիվն արդեն հատել է 11,5 մլն-ի սահմանը: Ավելի քան 537 հազար մարդ համավարակի զոհ է դարձել։

Կորոնավիրուսի դեմ պատվաստանյութ լինելու է, բայց Հայաստանին կարող է չհասնել. Թորոսյան

34
թեգերը:
կորոնավիրուս, պատվաստանյութ, Ռուսաստան, Առողջապահության համաշխարհային կազմակերպություն (ԱՀԿ)
թեմա:
Կորոնավիրուսը Չինաստանում և աշխարհում
Ըստ թեմայի
Ռուսաստանում COVID-19–ի դեմ սկսել են «յոգուրտանման» պատվաստանյութ մշակել
Դեռ պետք չէ թուլանալ․ Ռոսպոտրեբնադզորի պարզաբանումները պատվաստանյութերի վերաբերյալ
COVID-19–ի պատվաստանյութի ռուսական երեք փորձանմուշ արդյունավետ են եղել
Արթուր Վանեցյան

Արթուր Վանեցյանն ու նրա ծնողները դիմել են դատարան

0
(Թարմացված է 15:40 06.07.2020)
Վանեցյանները դատարանից պահանջում են լրատվամիջոցին պարտավորեցնել հրապարակել հերքման տեքստը և փոխհատուցել իրենց պատվին և արժանապատվությանը պատճառված վնասը:

ԵՐԵՎԱՆ, 6 հուլիսի — Sputnik. ՀՀ ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանն ու նրա ծնողները՝ Գագիկ Վանեցյանն ու Մարգարիտ Ազարյանը, դիմել են դատարան՝ ընդդեմ «Սկիզբ Մեդիա Կենտրոն» ՍՊԸ-ի:

Տեղեկատվությունն այս մասին հրապարկվել է Դատական տեղեկատվական Datalex.am համակարգում:

Դատական գործը մակագրվել է Երևան քաղաքի ընդհանուր իրավասության դատարանի դատավոր Նաիրա Հովսեփյանին:

Դատական հայցի համաձայն`հայցվոր կողմը վիճարկում է «Սկիզբ Մեդիա Կենտրոն» ՍՊԸ-ին պատկանող 1in.am կայքում հրապարակված տեղեկությունների իսկությունը՝ դրանք որակելով որպես «զրպարտություն» և հրապարակային հերքում պահանջելով:

Վանեցյանները դատարանից պահանջում են լրատվամիջոցին պարտավորեցնել հրապարակել հերքման տեքստը և փոխհատուցել  իրենց պատվին և արժանապատվությանը պատճառված վնասը:

ՀՅԴ ներկայացուցիչը հանդիպել է Վանեցյանի ու Ծառուկյանի հետ

Նշենք, որ Վանեցյանները դատարան են դիմել 2020թ. հունիսի 04-ին: Հայցադիմումը Երևան քաղաքի ընդհանուր իրավասության դատարանի դատավոր Ն.Հովսեփյանին է հանձնվել 2020թ. հունիսի 05-ին և ընդունվել է վարույթ:

Դատական նիստի օրն այս պահին դեռ նշանակված չէ:

0
թեգերը:
ԶԼՄ, դատ, Դատարան, ծնող, Արթուր Վանեցյան
Ըստ թեմայի
Դատարանն ընդունել է Վանեցյանի հայցադիմումն ընդդեմ Փաշինյանի և նրա մամուլի խոսնակի
Ծառուկյանն ու Վանեցյանը մի քանի անգամ հանդիպել են նույն այգում. ԱԺ փոխխոսնակ
Դատարանի բակում լարված իրավիճակ է. Վանեցյանը եկել է աջակցելու Ծառուկյանին