Ինքնաթիռ

Ինչո՞ւ Թուրքիան թույլ չի տվել, որ բուժսարքավորումներ տեղափոխող ինքնաթիռը հասնի Կիպրոս

352
(Թարմացված է 00:40 15.05.2020)
Թուրքիայի ԱԳՆ-ն Կիպրոսի իշխանություններին մեղադրել է իրավիճակը քաղաքական նպատակներով օգտագործելու համար։

ԵՐԵՎԱՆ, 15 մայիսի – Sputnik․ Թուրքիան թույլ չի տվել, որ բժշկական սարքավորումներով բեռնված օդանավն անցնի իր օդային տարածքով և հասնի Կիպրոս` պատճառաբանելով, որ Անկարան նախապես համապատասխան հայտ չի ստացել։ ՌԻԱ Նովոստիի փոխանցմամբ՝ այդ մասին հայտարարել է Թուրքիայի արտգործնախարարության ներկայացուցիչ Համի Աքսոյը։

Նրա խոսքով՝ Անկարայի քաղաքականության համաձայն` դեպի Կիպրոս կամ Կիպրոսից բեռնափոխադրում իրականացնողներին չի թույլատրվում թռչել Թուրքիայի օդային տարածքով կամ միջանկյալ վայրէջք կատարել Թուրքիայում։

«Սակայն առանձին դեպքերում կարող է բացառություն արվել՝ հիվանդների տարհանման, բժշկական բեռով ինքնաթիռների, ինչպես նաև անհապաղ վայրէջք պահանջող ինքնաթիռների դեպքում»,- ասել է Աքսոյը։

Նա հայտնել է, որ Չինաստանից ուղևորված ինքնաթիռը թռիչքից առաջ Թուրքիայով թռչելու թույլտվության հայտ չի ներկայացրել և դիմել է միայն Թուրքիայի օդային տարածք մուտք գործելուց հետո՝ հայտնելով, որ թռչում է Լառնակա։

Պաշտոնյան վստահեցրել է, որ եթե այդ թռիչքի համար ժամանակին հայտ ներկայացվեր, հնարավոր կլիներ բացառություն անել մարդասիրական բեռի առկայության պատճառով:

Ավելին, նա Կիպրոսի իշխանություններին մեղադրել է տվյալ իրավիճակը քաղաքական նպատակներով օգտագործելու համար։

ՄԱԿ-ը աշխարհում «աստվածաշնչյան մասշտաբների սով» է կանխատեսում

Կիպրոսի տրանսպորտի, կապի և արդյունաբերության նախարար Յանիս Կարուսոսն ավելի վաղ հայտնել էր, որ Թուրքիան թույլ չի տվել` բժշկական սարքավորումները Չինաստանից Կիպրոս փոխադրող ինքնաթիռն անցնի իր օդային տարածքով: Ինքնաթիռում եղել է 36 տոննա բժշկական սարքավորում, այդ թվում` պաշտպանիչ հագուստ, բախիլներ, մեկանգամյա վիրաբուժական համազգեստ և պաշտպանիչ դիմակներ: Օդաչուն փոխել է ուղղությունը և վայրէջք կատարել Մոսկվայի «Վնուկովո» օդանավակայանում, որտեղ վերալիցքավորվելուց հետո մեկնել է Լառնակա ՝ շրջանցելով Թուրքիան։

Լիտվան Հայաստանին մարդասիրական օգնություն է ուղարկել կորոնավիրուսի դեմ պայքարի համար

352
թեգերը:
Կիպրոս, ինքնաթիռ, Թուրքիա
Ըստ թեմայի
Հայաստան-Ռուսաստան կանոնավոր չվերթերը կբացվեն. ինչ են պարտավոր անել Հայաստան եկածները
Ռուս զինվորականներն ու մասնագետները վերադառնում են Իտալիայից․ ինչ արվեց, և ինչ է սպասվում
«Հայերն այս դժվար պահին մեր կողքին են». ՀՀ հումանիտար խումբը օգնել է Հալեպի հոսպիտալին
Դոնալդ Թրամփի ձեռքերը. արխիվային լուսանկար

Ռուսների «թուղթուգիրն» ու աշխարհի վերջը. հողը փախչում է գերտերության ոտքերի տակից

54
(Թարմացված է 21:07 01.06.2020)
ԱՄՆ-ում վերջին զարգացումները վկայում են մեկ բանի մասին․ ամերիկացիները կորցրել են քաղաքական, տնտեսական ու, հավանաբար, նաև ուժային համաշխարհային առաջատարի դիրքերը։

Ամերիկյան CNN հեռուստաալիքն արդեն ենթադրել է, որ «Ռուսաստանի գործակալների մասնակցությունն ընթացող համաամերիկյան ավերածություններին լրիվ հավանական է»։ ՌԻԱ Նովոստին հրապարակել է վերլուծաբան Վիկտոր Մարախովսկու հոդվածը։

Նախօրեին նույն CNN–ի եթերում մի փորձագետ ենթադրել էր, որ անկարգություններին «ռուս գործակալներ» են մասնակցում, ու անձամբ Դոնալդ Թրամփը ծաղրել էր նրան Twitter-ի իր էջում։

Հիշեցնենք, որ ԱՄՆ նախագահի ու ամերիկյան ամենաազդեցիկ հեռուստաալիքների հարաբերությունները մի փոքր ավելի վատն են, քան Իրանի ու Իսրայելի հարաբերությունները։ Դեռ 2016 թվականին CNN-ն արեց ամեն բան, որ Թրամփը նախագահ չդառնա, իսկ հետո ջանք չխնայեց «ռաշագեյթը» լարելու համար։ Թրամփն իր հերթին CNN-ն անվանում է բացառապես «ֆեյք նյուզ CNN», ակնհայտորեն ատում է այն և ուրախանում է, երբ հեռուստաալիքի վարկանիշն ընկնում է։

Այդ պատճառով էլ, ի դեպ, ԱՄՆ նախագահն առանձնահատուկ հաճույք էր ստացել այն նորությունից, որ Ատլանտայում անկարգությունների մասնակիցները ձեռքի հետ հարձակվել էին CNN-ի շտաբ բնակարանի վրա, կոտրել ապակիներն ու ինչ կարողացել` ավիրել էին։ Թրամփը ռեթվիթ էր արել հրապարակումն այն մասին, որ դրա մեջ «իրոնիա» կա․ ցուցարարները քարուքանդ են արել այն հեռուստաալիքը, որը սատարում է իրենց ու արդարացնում իրենց գործողությունները։

Իսկ այժմ ամենահետաքրքիրը։ Բանն այն է, որ այսօր CNN-ի ծննդյան օրն է։ Այն քառասուն տարեկան է դառնում։ Այդ հեռուստաալիքի պատմությունը՝ ինչից ինչ դարձավ, ակնառու կերպով ցույց է տալիս ընդհանրապես ամերիկյան համաշխարհային առաջատարության պատմությունը։

Ինչու են Ռուսաստանին մեղադրում ԱՄՆ անկարգությունների մեջ. պարզաբանում է Կուբիշկինը

Քառասուն տարի առաջ երիտասարդ ու համարձակ մեդիամագնատ Թեդ Թըրները հիմնեց պատմության մեջ առաջին ցանցը, որը կաբելային ալիքով անդադար նորություններ էր առաքում ուղիղ դեպի մարդկանց ուղեղներ։ Դա առաջընթաց էր ու հեղափոխություն տեղեկատվական բիզնեսում։

Այն ժամանակ՝ 1980-ականներին, այդ առաջընթացը նկատեցին, բայց դրան առանձնապես նշանակություն չտվեցին, և դա միայն այն պատճառով, որ ընդհանրապես արևմտյան ու մասնավորապես՝ ամերիկյան հեղափոխությունները գիտության ու բիզնեսի, քաղաքականության ու սոցիալական տեխնոլոգիաների ոլորտում միմյանց հերթ չտալով առաջ էին ընթանում։ Թըրները շուրջօրյա լրատվություն էր տալիս, նույն թվականին NASA-ն ութ մարդու համար նախատեսված բազմակի օգտագործման ղեկավարվող տիեզերանավ էր գործարկում, նույն ժամանակ IBM-ը սկսեց վաճառել սերիական առաջին տնային համակարգիչը, արդեն հերթի մեջ էին զանգվածային օգտագործվող բջջային հեռախոսներն ու հեռու չէր նաև համացանցի հայտնագործումը։

Այն ժամանակ բուն Ամերիկան XX դարի ոգու բացարձակ արտահայտողն էր։ Այն երիտասարդ էր, բայց արդեն մեծահասակ (1980 թվականին ամերիկացու միջին տարիքը 30 տարեկան էր), այն լի էր ոչ միայն դրսից եկած, այլև սեփական հանճարներով, այն տեխնոլոգիապես զարգացած էր, միաժամանակ խոր կրոնական ավանդույթներով, գյուտարար էր ու գիշատիչ։

CNN-ն իրականության վրա այդ գիշատիչ Ամերիկայի ազդեցության հզորագույն գործիքն էր, ու իր գոյության տասնմեկերորդ տարում այն ամբողջ հզորությամբ ցույց տվեց իր ուժը, երբ ամբողջ մոլորակը էկրանին գամված դիտում էր «Իրաք-քուվեյթյան պատերազմ» անունով մեծագույն շոուն։ Մեր զարմացած աչքերի առաջ ամերիկյան գերտեխնոլոգիական ինքնաթիռները ճզմեցին Եվրասիայի հզորագույն բանակներից մեկն այնպես, ասես այն թղթից լիներ։

Սոցիալական կայքերը հեղեղված են ԱՄՆ-ում տեղի ունեցող բողոքի ակցիաների տեսանյութերով

Շոուն, որն այն ժամանակ տեսավ ամբողջ աշխարհը, մոլորակի բնակիչների մի ամբողջ սերնդի վստահեցրեց, որ ԱՄՆ-ն անհաղթ ուժ է, որակապես առաջ է անցել մարդկության մնացած հատվածից, և որ աշխարհի մնացած մասը հավերժ դատապարտված է ԱՄՆ-ի հետևից քարշ գալու։ Բացի դրանից, պետք չէ զայրացնել ԱՄՆ-ին, պետք է հնազանդվել նրան ու հույս փայփայել, որ ներողամիտ կլինի իրենց հանդեպ։

Երբ Իրաքի ռազմական հզորությունից հետո մոլորակի քարտեզից վերացավ Խորհրդային Միությունը, իսկ դրա բեկորներն այս կամ այն կերպ հավատարմության երդում տվեցին ԱՄՆ-ին, դա ինչ-որ իմաստով հեփի էնդ էր ամերիկյան XX դարի համար։

․․․Բայց խնդիրն այն է, որ իրականում ոչ մի հեփի էնդ էլ չի լինում։ Իրական կյանքի վերջում տիտրեր չեն լինում ու իրականում ցանկացած հաղթանակ ժամանակավոր է, ու դրանից հետո նոր գլուխ է սկսվում։

Հնարավոր է` XX դարում հաղթած Ամերիկայի մոտ հենց «հեփի էնդի ախտանիշ» եղավ։ Այսինքն՝ այն իսկապես հավատաց, որ մարդկության պատմության վրայով տիտրեր գնացին ու ոչ մի շարունակություն չի ակնկալվում։

Հատկանշական է, որ ԽՍՀՄ փլուզումից հետո ամերիկյան պետական կազմակերպությունները միանգամից դադարեցրին պատրաստել «Ռուսաստանի մասնագետներ»․ ո՞ւմ էր պետք մի բանի մասնագետներ պատրաստելը, որը չկար ու այլևս երբեք չէր լինելու։

Թեև վետերանների խոսքով՝ ամերիկյան դիվանագիտական դպրոցն էլ փոխզիջումներ փնտրողների ու մանիպուլյացիա անողների փոխարեն սկսեց «թողարկել» մարդկանց, որոնք քննարկման ոչ ենթակա հրամաններ էին տարածում ու կարծում էին՝ եթե որևէ մեկը չի ենթարկվում ամերիկյան ճնշմանը, պետք է պարզապես ուժեղացնել ճնշումը։

Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով

Այդ ախտանիշի զոհ դարձավ ամերիկյան «իրականության հեռակառավարման վահանակը», որի մասնիկներն էին և՛ CNN-ը, և՛ Հոլիվուդը, և՛ «գունավոր տեխնոլոգիաները» ու արդեն նոր դարում`նաև  Facebook-ն ու Twitter-ը։ Ի սկզբանե կեղծ մեղադրանքներով մի քանի երկրի մահապատժի ենթարկելուց ու իրականության կառավարման ամերիկյան կենտրոնների մեդիաքողարկման ներքո արված մի շարք հաջողված թվիթեր հեղափոխություններից հետո շատերը կարծես համոզվեցին, որ չկա այլ իրականություն բացի այն իրականությունից, որը հատուկ սովորեցրած մարդիկ զանգվածային կերպով տեղադրում են լսարանի ուղեղի մեջ։

Սակայն իրականությունն ապացուցեց, որ այն գոյություն ունի, ու ինչքան էլ ուզենաս դրա վրա ճնշում գործադրել, միևնույնն է, կգտնի վրեժ լուծելու ճանապարհը։

«CNN-ի աշխարհի» համար ապոկալիպսիսը 2016 թվականին եղավ, երբ ի հեճուկս ամերիկյան մեդիաոլորտում տոտալ գերիշխանության` ընտրություններում հաղթեց Թրամփը (մոտ 15%-ը 85%-ի դեմ՝ հօգուտ Քլինթոնի)։

Դա հարված էր «հեփի էնդի» դարաշրջանի գաղափարական հիմքերին, CNN-ի ու The New York Times-ի անհաղթելիության դոգմայով կառավարվող իրականության գաղափարին։

Ի դեպ, հնարավոր է` հենց այն պատճառով, որ պետությունը չկարողացավ հրաժարվել իրականությունը հեռակառավարման վահանակի միջոցով կառավարելու մտքից, կառչեց այն գաղափարից, որ ռուսները «թուղթուգիր» են արել ամերիկյան իրականության վրա. նրանք հաքերային հարձակում են գործել ամերիկյան վահանակի վրա, դրա համար էլ ամերիկացիները պարտվեցին։

Կորոնավիրուսն ու միջուկային մրցավազքը. ինչի՞ մեջ է ԱՄՆ–ն փորձում ներքաշել Չինաստանին

Հանգամանքների բերումով՝ հենց CNN-ն էր այդ մոգական վարկածի գլխավոր մեդիաքարոզիչը։

Այն ակտիվորեն մասնակցում էր «ԱՄՆ-ի սառը քաղաքացիական պատերազմին», թեև հիմա նույնիսկ չգիտենք՝ կարելի՞ է այն սառը անվանել։

Մենք կարող ենք փորձել երևակայել՝ ինչպես են «մեդիա» և իրական փոխհարաբերությունները զարգանալու նախկին համաշխարհային հսկայի տարածքում։

Վարկած կա, որ ամեն ինչ այդպես էլ շարունակվելու է։ Հարցն այն է, որ իրականում «աշխարհի վերջ» ինչպես և «հեփի էնդ» չի լինում։ Ապոկալիպսիսը պարտադիր չէ` մահացու լինի։ Դա կարող է լինել ընդամենը համաշխարհային քաղաքական, տնտեսական ու հավանաբար ուժային առաջատարության կորուստը։ Կարող են երկրի ոչ բարեկեցիկ հատվածները «երրորդ աշխարհ» դառնալ (ԱՄՆ-ում հիմա 40 000 000 միլիոն գործազուրկ է թափառում և ասում են՝ սա դեռ վերջը չէ)՝ սոցիալական բոլոր հետևանքներով։ Դա կարող է լինել հասարակության պառակտումը աղքատ հետապոկալիպտիկ տարածքների ու հարուստ մեկուսացված կղզյակների։ Ինչ-որ տեղ ամբողջ քաղաքներ կանցնեն սոյայի ճաշի, իսկ մեկ այլ վայրում հսկայական բյուջեներով կատարյալ բլոքբասթերներ կնկարահանեն։

Պարզապես չի լինի այն Ամերիկան, որը գործարկել է «Սփեյս Շաթլը» ու որը հնարավոր է` դեռ հիշում է CNN-ի հիմնադիր, 81-ամյա Թըրները։

Թեև հաստատ չէ, որ հիշում է․ նա դեռ մի երկու տարի առաջ խոստովանել է, որ դեմենցիա ունի։

ԱՄՆ-ում վրեժի այնպիսի տարբերակներ են մտածում, որ Չինաստանը նախանձի Ռուսաստանին

54
թեգերը:
cnn, Ռուսաստան, ԱՄՆ
Ըստ թեմայի
Պուտինն ասել է, որ նավթի հարցով պատրաստ են պայմանավորվել ԱՄՆ–ի և Սաուդյան Արաբիայի հետ
Դոնալդ Թրամփն ԱՄՆ–ի փրկությունը տիեզերքո՞ւմ է փնտրում
ԱՄՆ–ն ձգտում է Ռուսաստանին և ՉԺՀ–ին դուրս գցել միջուկային տեխնոլոգիաների ոլորտից. Կոշկին
Վլադիմիր Պուտին

Պուտինը նշանակել է սահմանադրական փոփոխությունների հանրաքվեի օրը

78
(Թարմացված է 19:07 01.06.2020)
Քվեարկության օրը որոշվել է երկրում համաճարակաբանական իրավիճակի վերլուծության հիման վրա։ Ընտրությունների օրը կլինի ոչ աշխատանքային։

ԵՐԵՎԱՆ, 1 հունիսի –Sputnik. ՌԴ նախագահ Վլադիմիր Պուտինը հայտարարել է, որ ՌԴ սահմանադրական փոփոխությունների հանրաքվեի քվեարկությունը կանցկացվի հուլիսի 1-ին։

«Եվ այսպես, հարգելի գործընկերներ, ելնելով այսօրվա քննարկումից, ձեր ասածներից և առաջարկություններից, ՌԴ սահմանադրության մեջ փոփոխություններ կատարելու վերաբերյալ համառուսաստանյան քվեարկությունը կանցկացնենք 2020 թվականի հուլիսի 1-ին», – ասել է նա սահմանադրական փոփոխությունների աշխատանքային խմբի նիստի ժամանակ, որն անցկացվել է տեսակապով։

Միևնույն ժամանակ նա ակնարկել է` եթե այդ որոշումը չի խանգարի դպրոցականներին քննություն հանձնել, քանի որ հուլիսի 1-ին միասնական քննություն է նշանակված։

Քվեարկությունը հենց այդ օրն անցկացնելու առաջարկով խորհրդակցության ժամանակ հանդես էր եկել ԿԸՀ ղեկավար Էլլա Պամֆիլովան։ Ընտրական հանձնաժողովի բոլոր անդամները քվեարկությունից առաջ պարտադիր կորոնավիրուսի թեստ կհանձնեն, իսկ ընտրողները կապահովվեն անհատական պաշտպանիչ միջոցներով։

Սահմանադրական փոփոխությունների նախապատրաստման աշխատանքային խմբի համանախագահ Պավել Կրաշենիննիկովը նշել է, որ ռուսաստանցիները կկարողանան քվեարկել սահմանադրական փոփոխությունների համար ոչ միայն հուլիսի 1-ին, այլ հունիսի 25-ից հուլիսի 1-ն ընկած ժամանակահատվածում։

Հիշեցնենք, որ Ռուսաստանում սահմանադրական փոփոխությունների հանրաքվեն նախատեսվում էր անցկացնել ապրիլի 22-ին, սակայն կորոնավիրուսի համավարակի պատճառով այն հետաձգվել էր։ Այն ժամանակ խոսում էին, որ նոր օրը կորոշեն բժիշկների հետ միասին։

Պուտինը համաձայն է, որ սահմանադրական փոփոխությունների հանրաքվեն կայանա ապրիլի 22-ին

78
թեգերը:
Վլադիմիր Պուտին, հանրաքվե, Ռուսաստան, Սահմանադրական փոփոխությունների նախագիծ
Ըստ թեմայի
Հանրաքվեն ելք չէ. Պուերտո Ռիկոն` վառ օրինակ
Արտակարգ դրության պայմաններում հանրաքվե չի կարող լինել. Փաշինյան
Սահմանադրության փոփոխությունների հանրաքվեի հետ կապված աշխատանքները դադարեցվում են. ԿԸՀ
Փայլակ Թադևոսյան

Թադևոսյան. «Հարկային սահմանափակումները խոչընդոտում են ձեռնարկատերերին»

0
«Հարկ վճարողների պաշտպանություն» ՀԿ ղեկավար Փայլակ Թադևոսյանը Sputnik Արմենիայի եթերում անդրադարձել է ԱԺ–ի կողմից երկրորդ ընթերցմամբ և ամբողջությամբ ընդունված Հարկային օրենսգրքում լրացում կատարելու մասին նախագծին։ 
Թադևոսյան. Հարկային սահմանափակումները գործող օրենսգրքով խոչընդոտում են ձեռնարկատերերին։

«Հարկ վճարողների պաշտպանություն» ՀԿ ղեկավար Փայլակ Թադևոսյանի դիտարկմամբ` բոլոր հարկ վճարողներին հնարավորություն է տրվում ըստ հայեցողության ընտրել ամորտիզացիոն ժամկետները: Թեև դժվար է ասել՝ կավելանան արդյոք ներդրումները կորոնավիրուսի հետ կապված պայմաններում, սակայն, ըստ մեր զրուցակցի, ամորտիզացիոն մասհանումների ժամկետներն ու կարգն ամբողջությամբ վերանայելու անհրաժեշտություն կա, որովհետև նույն ամորտիզացիոն մասհանումների մասով սահմանափակումները գործող օրենսգրքով ոչ միայն չեն խրախուսում, այլ խոչընդոտում են ձեռնարկատերերին։ 

«Հարցին պետք է տալ ընդհանրական լուծում և ամբողջությամբ վերանայել ամորտիզացիոն մասհանումների ներկայիս կարգավորումները, և դա պետք է արվի բոլորի համար։ Հիմնական որոշակի միջոցների համար պետք է սահմանվի կոնկրետ ժամկետ, այլ ոչ թե այն միջոցների, որոնք ընտրված են ըստ ցուցակի։ Ըստ այդմ` տեղին չէ, որ, օրինակ, շենք–շինությունների և տրանսպորտային միջոցների համար սահմանվում է ժամկետ, իսկ մյուս միջոցների պարագայում հարցը թողնվում է հարկ վճարողների հայեցողությանը։ Գործող հաշվապահական ստանդարտներին համահունչ` ձեռներեցը պետք է որոշի, թե բիզնես գործունեությունից ելնելով` որ հիմնական միջոցն ինչ ժամկետում ամորտիզացիա անի»,– Sputnik Արմենիայի հետ զրույցում ասաց նա։ 

Թադևոսյանի խոսքով` շատ խնդիրներ կան նաև կապիտալ ընթացիկ ծախսերի դասակարգման հետ կապված։ Ըստ նրա` եթե ինչ–որ բան արվում է, ապա պետք է արվի ամբողջական, և ոչ թե մասնակի։ 

Կորոնավիրուսի պատճառով հարկերը չվճարած գործարարների տույժ-տուգանքները կնվազեցվեն

«Օրինակ՝ կան սարքավորումներ, որոնց համար թեև նվազագույն ամորտիզացիոն ժամկետն ութ տարի է, բայց այս կարգավորումը հնարավորություն է տալիս այդ հիմնական միջոցները շահագործող հարկ վճարողներին մինչև տարեվերջ ներդրում անելու դեպքում ժամկետն ընտրել ըստ հայեցողության, այսինքն` ավելի կարճ ժամկետում»,– նշեց Թադևոսյանը։ 

Թադևոսյանի գնահատմամբ` շատ գործոններ կարող են ազդել ներդրումների աճի վրա` սկսած կորոնավիրուսից, վերջացրած տնտեսական ճգնաժամով, հետևաբար նոր ներդրումներ անելու առումով գործարարների մոտ դեռ սպասողական վիճակ է։

Նշենք, որ Հարկային օրենսգրքում լրացում կատարելու մասին նախագծի հեղինակը ԱԺ տնտեսական հարցերի մշտական հանձնաժողովի նախագահ Բաբկեն Թունյանն է: Փոփոխություններով  մինչև այս տարվա վերջ կատարվող ներդրումների դեպքում տնտեսվարողները կարող են օգտվել արագացված ամորտիզացիայի հնարավորությունից։

Պետությունը հարկ վճարողներին նոր գործիք է առաջարկում. ի՞նչ կտա օրենքի փոփոխությունը

0
թեգերը:
տնտեսություն, ԱԺ, Ներդրում, հարկային օրենսգիրք, Հայաստան
Ըստ թեմայի
Հայաստանը պետք է լինի պատրաստի արտադրանքի երկիր. կորոնավիրուսը կանցնի, տնտեսությունը կմնա
Հարկային օրենսգրքում դեռևս շատ խնդրահարույց դրույթներ կան. Սամսոն Գրիգորյան
Կորոնավիրուսի համավարակն ու Հայաստանի տնտեսությունը. կկարողանա՞նք ոտքի վրա մնալ
«Մեր տնտեսությունը և բնակչությունը պետք է պատրաստվեն տնտեսական մեծ անկման». Պարսյան