Ryanair

Ryanair պատրաստվում է հուլիսի 1-ից վերականգնել իր չվերթերի 40%-ը

1221
(Թարմացված է 23:30 12.05.2020)
Թռիչքների ընթացքում ինքնաթիռներում բաժանելու են միայն ըմպելիքներ ու նախապես փաթեթավորված խորտիկներ։ Ուղևորները կկարողանան օգտվել զուգարաններից, բայց ընկերության աշխատակիցները միջոցներ կձեռնարկեն, որ մարդիկ հերթ չկանգնեն։

ԵՐԵՎԱՆ, 12 մայիսի – Sputnik. Ryanair իռլանդական լոուքոսթեր ավիաընկերությունը պատրաստվում է հուլիս 1-ից վերականգնել չվերթերի 40%-ը։ Անձնակազմի բոլոր անդամներն ու ուղևորները պարտավոր կլինեն բժշկական դիմակներ կրել ու ջերմաչափում անցնել։ Տեղեկությունը Sky News հեռուստաընկերությանը հայտնել է ընկերության գործադիր տնօրեն Մայքլ Օ՝Լիրին։

Ավիափոխադրողը նախատեսում է օրական մոտ հազար չվերթ իրականացնել։ Կորոնավիրուսի կանխարգելման նպատակով սոցիալական հեռավորություն է  պահպանվելու ու անվտանգության լրացուցիչ միջոցներ են ձեռնարկվելու։

Թռիչքի ընթացքում ինքնաթիռներում բաժանելու են միայն ըմպելիքներ ու նախապես փաթեթավորված խորտիկներ։ Ուղևորները կկարողանան օգտվել զուգարաններից, բայց ընկերության աշխատակիցները միջոցներ կձեռնարկեն, որ մարդիկ հերթ չկանգնեն։

Ryanair-ը նշել է, որ կորոնավիրուսի պայմաններում անվտանգությունն  ապահովելու համար օդանավակայանում չափելու են մարդկանց ջերմությունը։

Հուլիս և օգոստոս ամիսների չվերթերի համար գրանցվելիս լոուքոսթերի հաճախորդները պետք է մանրամասն տեղեկություն հայտնեն իրենց ուղևորության մասին, այդ թվում նշեն ուղևորության տևողությունն ու վերջնական կետի հասցեն։ Ryanair-ը այդ տվյալները փոխանցելու է ԵՄ երկրներ՝ կորոնավիրուսի տարածման դեմ պայքարում օգնելու համար։

Ի՞նչ է պետք իմանալ Ryanair-ով ճամփորդելիս

Մայիսի մեկի Ryanair-ը հայտնել էր կորոնավիրուսի պատճառով ավիացիայում «աննախադեպ ճգնաժամի» մասին։ Ընկերությունն ասել էր, որ առնվազն մինչ 2020 թվականի հունիսը չի վերականգնի չվերթերի նորմալ ռեժիմը։ Լոուքոսթերի գնահատմամբ՝ 2019 թվականի գների ու պահանջարկի մակարդակը վերականգնելն առնվազն երկու տարի կպահանջի։

1221
թեգերը:
կարանտին, աշխարհ, չվերթ, թռիչք, Ryanair ավիաընկերություն
Սպիտակ տուն

Արտառոց դեպք Սպիտակ տան մոտ․ գաղտնի ծառայությունը կրակ է բացել

34
(Թարմացված է 09:58 11.08.2020)
Ավելի վաղ անվտանգության աշխատակիցները մամուլի ասուլիսից հեռացրել էին ԱՄՆ նախագահ Դոնալդ Թրամփին։ Մի քանի րոպե անց, վերադառնալով ասուլիսի սրահ, Թրամփը հայտնել է Սպիտակ տան մոտ տեղի ունեցած կրակոցների մասին։

ԵՐԵՎԱՆ, 11 օգոստոսի – Sputnik. ԱՄՆ Գաղտնի ծառայությունը մանրամասներ է ներկայացրել Սպիտակ տան մոտ տեղի ունեցած միջադեպի մասին։ Տեղեկությունը հրապարակվել է Գաղտնի ծառայության Twitter-յան էջում:

«51-ամյա տղամարդը մոտեցել Է Սպիտակ տան մոտ կանգնած գաղտնի ծառայության սպային և հայտարարել, որ իր մոտ զենք կա: Այնուհետև շրջվել է, հագուստի տակից ինչ-որ առարկա դուրս բերել ու շարժում է արել։

Ապա տղամարդը պատրաստվել է կրակել։ Սակայն գաղտնի ծառայության սպան կրակել է տղամարդու ուղղությամբ»,- նշված է հաղորդագրության մեջ։

Թրամփը զորքը դուրս է բերում Գերմանիայից` ի բարօրություն ԱՄՆ–ի ու ամբողջ աշխարհի

«Հրաձիգին» առաջին օգնություն է ցուցաբերվել, ինչից հետո նրան տեղափոխել են հիվանդանոց։

Ավելի վաղ անվտանգության աշխատակիցները մամուլի ասուլիսից հեռացրել էին ԱՄՆ նախագահ Դոնալդ Թրամփին։ Մի քանի րոպե անց, վերադառնալով ասուլիսի սրահ, Թրամփը հայտնել էր Սպիտակ տան մոտ տեղի ունեցած կրակոցների մասին։

Դեպքի առթիվ ընթանում է հետաքննություն։

Ամերիկացի գեներալները Բեյրութի պայթյունը հարձակում են որակել. Թրամփ

34
թեգերը:
Վաշինգտոն, Սպիտակ տուն, հրաձգություն, գնդակահարություն, կրակոց, Դոնալդ Թրամփ, ԱՄՆ
Ըստ թեմայի
Թրամփն առաջարկում է հետաձգել նախագահական ընտրությունները
Թրամփը մտադիր է ԱՄՆ–ում արգելել TikTok–ը
Ինչպես Թրամփը պատժեց Մերկելին
Դոնալդ Թրամփը հիմա էլ հայտարարել է, որ չի ուզում հետաձգել ընտրությունները
Բելառուս, արխիվային լուսանկար

Մինսկում ձերբակալվել է նաև RT-ի թղթակիցը

45
(Թարմացված է 21:42 10.08.2020)
ՕՄՕՆ-ի աշխատակիցները շարունակում են մարդկանց ձերբակալել, ստուգում են բոլոր անցորդների փաստաթղթերն ու ուսապարկները։

ԵՐԵՎԱՆ, 10 օգոստոսի – Sputnik. Բելառուսում իրավապահները սկսել են ձերբակալել «Մինսկ՝ հերոս քաղաք» կոթողի մոտ տեղի ունեցած ակցիայի ենթադրյալ մասնակիցներին։ ՌԻԱ Նովոստիի փոխանցմամբ՝ ձերբակալվել է նաև RT-ի թղթակից Կոնստանտին Պրիդիբայլոն։

Դեռ օգոստոսի 9-ին բողոքի ակցիաներից հետո Բելառուսի քրեական օրենսգրքի 293 հոդվածով քրեական գործեր էին հարուցվել զանգվածային անկարգություններ կազմակերպելու ու դրանց մասնակցելու փաստերով։

Այսօր ՕՄՕՆ-ի աշխատակիցները շարունակում են մարդկանց ձերբակալել, ստուգում են բոլոր անցորդների փաստաթղթերն ու ուսապարկները։ Քաղաքի այդ շրջանում հավաքվել են ոստիկանության ուժերը, երկու հրշեջ մեքենա է հերթապահում։

Ավելի վաղ Sputnik Բելառուսը հայտնել էր, որ Մինսկում գիշերային անկարգություններից հետո ձերբակալել են թղթակից Եվգենի Օլեյնիկին։ Բացի այդ, RT-ն տեղեկացնում էր, որ ձերբակալվել է «Ruptly Ruptly»–ի հետ համագործակցող թղթակիցը։ Նա մեկուսարանում է։ Մինչ այդ ընտրատարածքների բացման նկարահանման ժամանակ ձերբակալվել էին «Ruptly»-ի ևս երկու սթրինգերներ։

RT-ի ու «Ռոսիա սեգոդնյա» ՄՏԳ-ի գլխավոր խմբագիր Մարգարիտա Սիմոնյանը Բելառուսի իշխանությանը կոչ է արել ազատել ռուսաստանցի լրագրող Սեմյոն Պեգովին։

Ալեքսանդր Լուկաշենկոն նախագահական ընտրություններից հետո առաջին հայտարարությունն է արել

Պաշտոնական տվյալների համաձայն՝ Բելառուսի նախագահի ընտրություններում հաղթել է գործող նախագահ Ալեքսանդր Լուկաշենկոն, նրա օգտին է քվեարկել ընտրողների 80,23 տոկոսը:

Նախագահի թեկնածու Սվետլանա Տիխանովսկայայի շտաբը չի ընդունել ընտրությունների արդյունքները:

Մինսկում և Բելառուսի այլ քաղաքներում զանգվածային ցույցեր են սկսվել, ցուցարարների և ոստիկանության միջև բախումներ են եղել։ Իրավապաշտպանները հայտնում են, որ դրանց հետևանքով մեկ մարդ է մահացել։

«Ես նրան բաց եմ թողել»․ Մինսկի իրադարձությունների խոսուն լուսանկարն ամեն ինչ ասում է

45
թեգերը:
Ձերբակալում, Լրագրող, Մինսկ, Բելառուս
Ըստ թեմայի
Նիկոլ Փաշինյանն Ալեքսանդր Լուկաշենկոյին շնորհավորել է վերընտրվելու կապակցությամբ
Մինսկում բողոքի ակցիան վերածվել է ՕՄՕՆ –ի հետ բախումների․ կան տուժածներ
«Վահանները ցա՛ծ դրեք». ինչ էր կատարվում գիշերը Մինսկում. տեսանյութ

Հիմնանորոգվում է Վարդաղբյուր-Տաշիր ճանապարհը. վերջին անգամ այն նորոգվել է 40 տարի առաջ

0
(Թարմացված է 10:35 11.08.2020)
ՀՀ վարչապետ Նիկոլ Փաշինյանը հերթական տեսանյութն է հրապարակել Հայաստանում կատարվող ճանապարհաշինական լայնածավալ ծրագրերի մասին։

Հիմնանորոգվում է Լոռու մարզի Վարդաղբյուր-Տաշիր հանրապետական նշանակության ավտոճանապարհը։

10 կմ երկարությամբ ճանապարհի  հիմնանորոգման համար հատկացվել է 1 մլրդ 6 մլն 800 հազար դրամ։

Կատարվում են հողային աշխատանքներ,  պատվածքի վերաօգտագործում սառը եղանակով, կամուրջների նորոգում, ասֆալտբետոնե ծածկի տեղադրում:

Շինարարությունը նախատեսվում է ավարտել մինչև տարեվերջ։

Այս ճանապարհը վերջին անգամ  նորոգվել է խորհրդային կարգերի օրոք` ավելի քան 40 տարի առաջ։

0
թեգերը:
ասֆալտ, Ճանապարհ, Նիկոլ Փաշինյան, Հայաստան
Ըստ թեմայի
Ավտովթար Քաջարան-Մեղրի ճանապարհին․ վարորդը տեղում մահացել է, տուժածներ կան
Ատոմակայանի հիմնանորոգումը ձգձգվում է. Հայաստանն ու Ռուսաստանը կհետաձգեն վարկի մարումը
Երկիր, որ յուրահատուկ օրինակ է ցույց տալիս աշխարհին.Սարգսյան-Փաշինյան հանդիպման տեսանյութը