ԵՐԵՎԱՆ, 11 մայիսի – Sputnik. Facebook ընկերությունն օգտատերերից ներողություն է խնդրել Ռեյխսթագի վրա խորհրդային դրոշով լուսանկարները հեռացնելու համար։ Տեղեկությունը հայտնում է ՌԻԱ Նովոստին։
Մայիսի 9-ին սոցցանցի օգտատերերը զայրացել էին, քանի որ Facebook–ը ջնջել էր այդ լուսանկարներով գրառումները։ Նրանց խոսքով` հրապարակումներն արգելափակվել էին, որովհետև «խախտել էին ընկերության` վտանգավոր մարդկանց և կազմակերպությունների հետ կապված նորմերը»։
Յուրահատուկ լուսավորություն. Հայաստանում ՌԴ դեսպանատունը «75»–ի էր նմանվել
«Այդ կոնտենտը սխալմամբ հեռացրել էին խախտումների բացահայտման մեր ավտոմատացված գործիքները, այն արդեն վերականգնվել է։ Օգտատերերից ներողություն ենք հայցում դրա հետևանքով առաջացած անհարմարության համար», – ասել են Facebook–ում։
Ընկերությունից հայտնել են նաև, որ ղեկավարությունը հեռահար աշխատանքի է ուղարկում կոնտենտը ստուգող աշխատակիցներին. «Մենք ուզում ենք, որ ստեղծված իրավիճակում մարդկանց` միմյանց հետ կապ պահպանելու համար մեր հարթակը շարունակի անվտանգ վայր մնալ, այդ պատճառով ներկա պահին մենք ավելի շատ հույս ենք դնում ընկերության նորմերը խախտող կոնտենտի բացահայտման և հեռացման մեր ավտոմատացված համակարգերի վրա»։
Կորոնավիրուսը չի մթագնել տոնը. ինչպես են Հաղթանակի 75–ամյակը նշել ԱՊՀ երկրներում
«Որքան ավելի քիչ մարդ է կարողանում տեսնել այն հրապարակումները, պատկերներն ու մեկնաբանությունները, որոնք խախտում են մեր նորմերը, այնքան մեծ է որոշակի սխալներ թույլ տալու հավանականությունը», – ասել են ընկերությունում։
Facebook–ի ներկայացուցիչը նշել է, որ ընկերության աշխատակիցները աշխատում են հնարավորինս արագ լուծել նման խնդիրները։
Հացի իրական գինը, կամ ինչպես էին հայերը շփվում գերի ընկած գերմանացիների հետ
